ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 7.
சகட பஞ்சனம் மற்றும் த்ருணாவர்த்த உத்தாரணம்
அத2 ஸப்தமோऽத்2யாய:
ஶ்ரீராஜோவாச
யேன யேநாவதாரேண ப4க3வான் ஹரிரீஶ்வர:|
கரோதி கர்ணரம்யாணி மநோஜ்ஞானி ச ந: ப்ரபோ4|| 1
யச் ச்2ருண்வதோऽபைத்யரதிர் வித்ருஷ்ணா
ஸத்வம் ச ஶுத்3த்4யத்யசிரேண பும்ஸ:|
ப4க்திர் ஹரௌ தத்புருஷே ச ஸக்2யம்
ததே3வ ஹாரம் வத3 மன்யஸே சேத்|| 2
அதா2ன்யத3பி க்ருஷ்ணஸ்ய தோகாசரிதமத்3பு4தம்|
மாநுஷம் லோகமாஸாத்3ய தஜ்ஜாதிமநுருந்த4த:|| 3
ஶ்ரீஶுக உவாச
கதா3சித் ஔத்தா2னிக கௌதுகாப்லவே
ஜன்மர்க்ஷயோகே3 ஸமவேதயோஷிதாம்|
வாதி3த்ர கீ3த த்3விஜமந்த்ரவாசகை:
சகார ஸூநோரபி4ஷேசனம் ஸதீ|| 4
நந்த3ஸ்ய பத்நீ க்ருதமஜ்ஜநாதி3கம்
விப்ரை: க்ருதஸ்வஸ்த்யயனம் ஸுபூஜிதை:|
அந்நாத்3யவாஸ: ஸ்ரக3பீ4ஷ்ட தே4நுபி4:
ஸஞ்ஜாத நித்3ராக்ஷ மஶீஶயச்ச2னை:|| 5
ஔத்தா2னிகௌத்ஸுக்யமநா மநஸ்விநீ
ஸமாக3தான் பூஜயதீ வ்ரஜௌகஸ:|
நைவாஶ்ருணோத்3 வை ருதி3தம் ஸுதஸ்ய ஸா
ருத3ன் ஸ்தநார்தீ2 சரணாவுத3க்ஷிபத்|| 6
அத4: ஶயானஸ்ய ஶிஶோரநோऽல்பக-
ப்ரவால ம்ருத்3வங்க்4ரிஹதம் வ்யவர்தத|
வித்4வஸ்த நாநாரஸகுப்யபா4ஜனம்
வ்யத்யஸ்த சக்ராக்ஷவிபி4ன்னகூப3ரம்|| 7
த்3ருஷ்ட்வா யஶோதா3ப்ரமுகா2 வ்ரஜஸ்த்ரிய
ஔத்தா2னிகே கர்மணி யா: ஸமாக3தா:|
நந்தா3த3யஶ்சாத்3பு4த த3ர்ஶநாகுலா:
கத2ம் ஸ்வயம் வை ஶகடம் விபர்யகா3த்|| 8
ஊசுரவ்யவஸிதமதீன் கோ3பான் கோ3பீஶ்ச பா3லகா:|
ருத3தானேன பாதே3ன க்ஷிப்தமேதன்ன ஸம்ஶய:|| 9
ந தே ஶ்ரத்3த3தி4ரே கோ3பா பா3லபா4ஷிதமித்யுத|
அப்ரமேயம் ப3லம் தஸ்ய பா3லகஸ்ய ந தே விது3:|| 10
ருத3ந்தம் ஸுதமாதா3ய யஶோதா3 க்3ரஹஶங்கிதா|
க்ருதஸ்வஸ்த்யயனம் விப்ரை: ஸூக்தை: ஸ்தனமபாயயத்|| 11
பூர்வவத் ஸ்தா2பிதம் கோ3பைர் ப3லிபி4: ஸபரிச்ச2த3ம்|
விப்ரா ஹுத்வார்சயாஞ்சக்ருர் த3த்4யக்ஷத குஶாம்பு3பி4:|| 12
யேऽஸூயாந்ருத த3ம்பே4ர்ஷ்யா ஹிம்ஸாமான விவர்ஜிதா:|
ந தேஷாம் ஸத்யஶீலாநாம் ஆஶிஷோ விப2லா: க்ருதா:|| 13
இதி பா3லகமாதா3ய ஸாமர்க்3யஜுருபாக்ருதை:|
ஜலை: பவித்ரௌஷதி4பி4 ரபி4ஷிச்ய த்3விஜோத்தமை:|| 14
வாசயித்வா ஸ்வஸ்த்யயனம் நந்த3கோ3ப: ஸமாஹித:|
ஹுத்வா சாக்3நிம் த்3விஜாதிப்4ய: ப்ராதா3த3ன்னம் மஹாகு3ணம்|| 15
கா3வ: ஸர்வகு3ணோபேதா வாஸ: ஸ்ரக்3ருக்மமாலிநீ:|
ஆத்மஜாப்4யுத3யார்தா2ய ப்ராதா3த் தே சான்வயுஞ்ஜத|| 16
விப்ரா மந்த்ரவிதோ3 யுக்தாஸ்தைர்யா: ப்ரோக்தாஸ்ததா2 ऽऽஶிஷ:|
தா நிஷ்ப2லா ப4விஷ்யந்தி ந கதா3சித3பி ஸ்பு2டம்|| 17
ஏகதா3 ऽऽரோஹமாரூட4ம் லாலயந்தீ ஸுதம் ஸதீ|
க3ரிமாணம் ஶிஶோர் வோடு4ம் ந ஸேஹே கி3ரிகூடவத்|| 18
பூ4மௌ நிதா4ய தம் கோ3பீ விஸ்மிதா பா4ரபீடி3தா|
மஹாபுருஷ மாத3த்4யௌ ஜக3தாமாஸ கர்மஸு|| 19
தை3த்யோ நாம்நா த்ருணாவர்த: கம்ஸப்4ருத்ய: ப்ரணோதி3த:|
சக்ரவாதஸ்வரூபேண ஜஹாராஸீநமர்ப4கம்|| 20
கோ3குலம் ஸர்வமாவ்ருண்வன் முஷ்ணம்ஶ்சக்ஷூம்ஷி ரேணுபி4:|
ஈரயன் ஸுமஹாகோ4ர ஶப்3தே3ன ப்ரதி3ஶோ தி3ஶ:|| 21
முஹூர்த மப4வத்3 கோ3ஷ்ட2ம் ரஜஸா தமஸா ऽऽவ்ருதம்|
ஸுதம் யஶோதா3 நாபஶ்யத் தஸ்மின் ந்யஸ்தவதீ யத:|| 22
நாபஶ்யத் கஶ்சநாத்மானம் பரம் சாபி விமோஹித:|
த்ருணாவர்த நிஸ்ருஷ்டாபி4: ஶர்கராபி4ருபத்3ருத:|| 23
இதி க2ரபவன சக்ர பாம்ஶுவர்ஷே
ஸுதபத3வீமப3லாவிலக்ஷ்ய மாதா|
அதிகருண மநுஸ்மரந்த்யஶோசத்3
பு4வி பதிதா ம்ருதவத்ஸகா யதா2 கௌ3:|| 24
ருதி3த மநுநிஶம்ய தத்ர கோ3ப்யோ
ப்4ருஶமநுதப்த தி4யோऽஶ்ருபூர்ண முக்2ய:|
ருருது3ரநுபலப்4ய நந்த3ஸூநும்
பவன உபாரதபாம்ஶுவர்ஷவேகே3|| 25
த்ருணாவர்த: ஶாந்தரயோ வாத்யாரூபத4ரோ ஹரன்|
க்ருஷ்ணம் நபோ4க3தோ க3ந்தும் நாஶக்நோத்3 பூ4ரிபா4ரப்4ருத்|| 26
தமஶ்மானம் மன்யமான ஆத்மநோ கு3ருமத்தயா|
க3லே க்3ருஹீத உத்ஸ்ரஷ்டும் நாஶக்நோத3த்3பு4தார்ப4கம்|| 27
க3லக்3ரஹண நிஶ்சேஷ்டோ தை3த்யோ நிர்க3தலோசன:|
அவ்யக்தராவோ ந்யபதத் ஸஹபா3லோ வ்யஸுர் வ்ரஜே|| 28
தமந்தரிக்ஷாத் பதிதம் ஶிலாயாம்
விஶீர்ண ஸர்வாவயவம் கராளம்|
புரம் யதா2 ருத்3ரஶரேண வித்3த4ம் ஸ்த்ரியோ
ருத3த்யோ த3த்3ருஶு: ஸமேதா:|| 29
ப்ராதா3ய மாத்ரே ப்ரதிஹ்ருத்ய விஸ்மிதா:
க்ருஷ்ணம் ச தஸ்யோரஸி லம்ப3மானம்|
தம் ஸ்வஸ்திமந்தம் புருஷாத3 நீதம்
விஹாயஸா ம்ருத்யுமுகா2த் ப்ரமுக்தம்|
கோ3ப்யஶ்ச கோ3பா: கில நந்த3முக்2யா
லப்3த்4வா புன: ப்ராபுரதீவ மோத3ம்|| 30
அஹோ ப3தாத்யத்3பு4த மேஷ ரக்ஷஸா
பா3லோ நிவ்ருத்திம் க3மிதோऽப்4யகா3த் புன:|
ஹிம்ஸ்ர: ஸ்வபாபேன விஹிம்ஸித: க2ல:
ஸாது4: ஸமத்வேன ப4யாத்3 விமுச்யதே|| 31
கிம் நஸ்தபஶ்சீர்ண மதோ4க்ஷஜார்சனம்
பூர்தேஷ்டத3த்தமுத பூ4தஸௌஹ்ருத3ம்|
யத்ஸம்பரேத: புனரேவ பா3லகோ
தி3ஷ்ட்யா ஸ்வப3ந்தூ4ன் ப்ரணயந் நுபஸ்தி2த:|| 32
த்3ருஷ்ட்வாத்3பு4தானி ப3ஹுஶோ நந்த3கோ3போ ப்3ருஹத்3வனே|
வஸுதே3வவசோ பூ4யோ மானயாமாஸ விஸ்மித:|| 33
ஏகதா3ர்ப4க மாதா3ய ஸ்வாங்க மாரோப்ய பா4மிநீ|
ப்ரஸ்நுதம் பாயயாமாஸ ஸ்தனம் ஸ்நேஹபரிப்லுதா|| 34
பீதப்ராயஸ்ய ஜனனீ ஸா தஸ்ய ருசிரஸ்மிதம்|
முக2ம் லாலயதீ ராஜன்ஜ்ரும்ப4தோ த3த்3ருஶே இத3ம்|| 35
க2ம் ரோத3ஸீ ஜ்யோதிரநீகமாஶா:
ஸூர்யேந்து3வஹ்நி ஶ்வஸநாம்பு3தீ4ம்ஶ்ச|
த்3வீபான் நகா3ம்ஸ்தத்3து3ஹித்ரூர் வநானி
பூ4தானி யானி ஸ்தி2ரஜங்க3மானி|| 36
ஸா வீக்ஷ்ய விஶ்வம் ஸஹஸா ராஜன் ஸஞ்ஜாதவேபது2:|
ஸம்மீல்ய ம்ருக3ஶாவாக்ஷீ நேத்ரே ஆஸீத் ஸுவிஸ்மிதா|| 37
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 த்ருணாவர்தமோக்ஷோ நாம ஸப்தமோऽத்4யாய: || 7
பத்தாம் ஸ்கந்தம் - ஏழாம் அத்யாயம் முற்றும்.