ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 75.
ராஜசூய யக்ஞத்தின் பூர்த்தியும், துர்யோதனனுடைய அவமானமும்
அத2 பஞ்சஸப்ததிதமோऽத்4யாய:
ஶ்ரீராஜோவாச -
அஜாத ஶத்ரோஸ்தம் த்3ருஷ்ட்வா ராஜஸூய மஹோத3யம்|
ஸர்வே முமுதி3ரே ப்3ரஹ்மன் ந்ருதே3வா யே ஸமாக3தா:|| 1
து3ர்யோத4னம் வர்ஜயித்வா ராஜான: ஸர்ஷய: ஸுரா:|
இதி ஶ்ருதம் நோ ப4க3வன் தத்ர காரண முச்யதாம்|| 2
ருஷிருவாச -
பிதாமஹஸ்ய தே யஜ்ஞே ராஜஸூயே மஹாத்மன:|
பா3ந்த4வா: பரிசர்யாயாம் தஸ்யாஸன் ப்ரேம ப3ந்த4நா:|| 3
பீ4மோ மஹானஸாத்4யக்ஷோ த4நாத்4யக்ஷ: ஸுயோத4ன:|
ஸஹதே3வஸ்து பூஜாயாம் நகுலோ த்3ரவ்யஸாத4னே|| 4
கு3ரு ஶுஶ்ரூஷணே ஜிஷ்ணு: க்ருஷ்ண: பாதா3வனேஜனே|
பரிவேஷணே த்3ருபத3ஜா கர்ணோ தா3னே மஹாமநா:|| 5
யுயுதா4நோ விகர்ணஶ்ச ஹார்தி3க்யோ விது3ராத3ய:|
பா3ஹ்லீக புத்ரா பூ4ர்யாத்3யா யே ச ஸந்தர்த3நாத3ய:|| 6
நிரூபிதா மஹாயஜ்ஞே நாநாகர்மஸு தே ததா3|
ப்ரவர்தந்தே ஸ்ம ராஜேந்த்3ர ராஜ்ஞ: ப்ரியசிகீர்ஷவ:|| 7
ருத்விக்ஸத3ஸ்ய ப3ஹுவித்ஸு ஸுஹ்ருத்தமேஷு
ஸ்விஷ்டே ஷு ஸூந்ருத ஸமர்ஹண த3க்ஷிணாபி4:|
சைத்3யே ச ஸாத்வத பதேஶ்சரணம் ப்ரவிஷ்டே
சக்ருஸ்ததஸ்த்வவப்4ருத2 ஸ்நபனம் த்3யுநத்3யாம்|| 8
ம்ருத3ங்க3 ஶங்க2 பணவ து4ந்து4ர்யானக கோ3முகா2:|
வாதி3த்ராணி விசித்ராணி நேது3ராவப்4ருதோ2த்ஸவே|| 9
நர்தக்யோ நந்ருதுர் ஹ்ருஷ்டா கா3யகா யூத2ஶோ ஜகு3:|
வீணா வேணுதலோந்நாத3ஸ் தேஷாம் ஸ தி3வ மஸ்ப்ருஶத்|| 10
சித்ரத்4வஜ பதாகாக்3ரைரிபே4ந்த்3ரஸ்யந்த3நார்வபி4:|
ஸ்வலங்க்ருதைர் ப4டைர் பூ4பா நிர்யயூ ருக்மமாலின:|| 11
யது3 ஸ்ருஞ்ஜய காம்போ3ஜ குரு கேகய கோஶலா:|
கம்பயந்தோ பு4வம் ஸைன்யைர் யஜமானபுர:ஸரா:|| 12
ஸத3ஸ்யர்த்விக்3 த்3விஜ ஶ்ரேஷ்டா2 ப்3ரஹ்ம கோ4ஷேண பூ4யஸா|
தே3வர்ஷிபித்ரு க3ந்த4ர்வாஸ்துஷ்டுவு: புஷ்ப வர்ஷிண:|| 13
ஸ்வலங்க்ருதா நரா நார்யோ க3ந்த4ஸ்ரக்3 பூ4ஷணாம்ப3ரை:|
விலிம்பந்த்யோऽபி4ஷிஞ்சந்த்யோ விஜஹ்ருர் விவிதை4 ரஸை:|| 14
தைல கோ3ரஸ க3ந்தோ4த3 ஹரித்3ராஸாந்த்3ர குங்குமை:|
பும்பி4ர்லிப்தா: ப்ரலிம்பந்த்யோ விஜஹ்ருர் வாரயோஷித:|| 15
கு3ப்தா ந்ருபி4ர் நிரக3மந்நுபலப்3து4 மேதத்3
தே3வ்யோ யதா2 தி3வி விமானவரைர் ந்ருதே3வ்ய:|
தா மாதுலேயஸகி2பி4: பரிஷிச்யமாநா:
ஸவ்ரீட3 ஹாஸ விகஸத்3வத3நா விரேஜு:|| 16
தா தே3வராநுத ஸகீ2ன் ஸிஷிசுர் த்3ருதீபி4:
க்லிந்நாம்ப3ரா விவ்ருதகா3த்ர குசோருமத்4யா:|
ஔத்ஸுக்ய முக்த கப3ராச் ச்யவமான மால்யா:
க்ஷோப4ம் த3து4ர் மலதி4யாம் ருசிரைர் விஹாரை:|| 17
ஸ ஸம்ராட்3 ரத2 மாரூட4: ஸத3ஶ்வம் ருக்மமாலினம்|
வ்யரோசத ஸ்வபத்நீபி4: க்ரியாபி4: க்ரதுராடி3வ|| 18
பத்நீஸம்யாஜாவப்4ருத்2யைஶ் சரித்வா தே தம்ருத்விஜ:|
ஆசாந்தம் ஸ்நாபயாஞ்சக்ருர் க3ங்கா3யாம் ஸஹ க்ருஷ்ணயா|| 19
தே3வது3ந்து3ப4யோ நேது3ர் நர து3ம்து3பி4பி4: ஸமம்|
முமுசு: புஷ்பவர்ஷாணி தே3வர்ஷி பித்ருமானவா:|| 20
ஸஸ்நுஸ்தத்ர தத: ஸர்வே வர்ணாஶ்ரமயுதா நரா:|
மஹாபாதக்யபி யத: ஸத்3யோ முச்யேத கில்பி3ஷாத்|| 21
அத2 ராஜாஹதே க்ஷௌமே பரிதா4ய ஸ்வலங்க்ருத:|
ருத்விக் ஸத3ஸ்ய விப்ராதீ3ந் ஆநர்சாப4ரணாம்ப3ரை:|| 22
ப3ந்து4 ஜ்ஞாதிந்ருபான் மித்ர ஸுஹ்ருதோ3ऽன்யாம்ஶ்ச ஸர்வஶ:|
அபீ4க்ஷ்ணம் பூஜயாமாஸ நாராயணபரோ ந்ருப:|| 23
ஸர்வே ஜனா: ஸுரருசோ மணிகுண்ட3லஸ்ரக்3
உஷ்ணீஷ கஞ்சுக து3கூல மஹார்க்4யஹாரா:|
நார்யஶ்ச குண்ட3ல யுகா3லகவ்ருந்த3 ஜுஷ்ட
வக்த்ர ஶ்ரிய: கனகமேக2லயா விரேஜு:|| 24
அத2ர்த்விஜோ மஹாஶீலா: ஸத3ஸ்யா ப்3ரஹ்மவாதி3ன:|
ப்3ரஹ்ம க்ஷத்ரிய விட்ஶுத்3ரா ராஜாநோ யே ஸமாக3தா:|| 25
தே3வர்ஷி பித்ரு பூ4தாநி லோகபாலா: ஸஹாநுகா3:|
பூஜிதாஸ்தமநுஜ்ஞாப்ய ஸ்வதா4மாநி யயுர் ந்ருப|| 26
ஹரிதா3ஸஸ்ய ராஜர்ஷே ராஜஸூய மஹோத3யம்|
நைவாத்ருப்யன் ப்ரஶம்ஸந்த: பிப3ன் மர்த்யோऽம்ருதம் யதா2|| 27
ததோ யுதி4ஷ்டி2ரோ ராஜா ஸுஹ்ருத் ஸம்ப3ந்தி4 பா3ந்த4வான்|
ப்ரேம்ணா நிவாரயாமாஸ க்ருஷ்ணம் ச த்யாக3காதர:|| 28
ப4க3வாநபி தத்ராங்க3 ந்யவாத்ஸீத் தத்ப்ரியங்கர:|
ப்ரஸ்தா2ப்ய யது3வீராம்ஶ்ச ஸாம்பா3தீ3ம்ஶ்ச குஶஸ்த2லீம்|| 29
இத்த2ம் ராஜா த4ர்மஸுதோ மநோரத2மஹார்ணவம்|
ஸுது3ஸ்தரம் ஸமுத்தீர்ய க்ருஷ்ணேநாஸீத்3 க3தஜ்வர:|| 30
ஏகதா3ந்த:புரே தஸ்ய வீக்ஷ்ய து3ர்யோத4ன: ஶ்ரியம்|
அதப்யத்3 ராஜஸூயஸ்ய மஹித்வம் சாச்யுதாத்மன:|| 31
யஸ்மின் நரேந்த்3ரதி3திஜேந்த்3ர ஸுரேந்த்3ர லக்ஷ்மீ:
நாநா விபா4ந்தி கில விஶ்வஸ்ருஜோபக்ல்ருப்தா:|
தாபி4: பதீன் த்3ருபத3ராஜஸுதோபதஸ்தே2
யஸ்யாம் விஷக்த ஹ்ருத3ய: குருராட3தப்யத்|| 32
யஸ்மின் ததா3 மது4பதேர் மஹிஷீ ஸஹஸ்ரம்
ஶ்ரோணீப4ரேண ஶனகை: க்வணத3ங்க்4ரி ஶோப4ம்|
மத்4யே ஸுசாரு குசகுங்கும ஶோணஹாரம்
ஶ்ரீமன்முக2ம் ப்ரசல குண்ட3ல குந்தலாட்4யம்|| 33
ஸபா4யாம் மயக்ல்ருப்தாயாம் க்வாபி த4ர்மஸுதோऽதி4ராட்|
வ்ருதோऽநுஜைர் ப3ந்து4பி4ஶ்ச க்ருஷ்ணேநாபி ஸ்வசக்ஷுஷா|| 34
ஆஸீந: காஞ்சனே ஸாக்ஷாதா3ஸநே மக4வாநிவ|
பாரமேஷ்ட்2ய ஶ்ரியா ஜுஷ்ட: ஸ்தூயமானஶ்ச வந்தி3பி4:|| 35
தத்ர து3ர்யோத4நோ மாநீ பரீதோ ப்4ராத்ருபி4ர் ந்ருப|
கிரீடமாலீ ந்யவிஶத3ஸிஹஸ்த: க்ஷிபன் ருஷா|| 36
ஸ்த2லேऽப்4யக்3ருஹ்ணாத்3 வஸ்த்ராந்தம் ஜலம் மத்வா ஸ்த2லேऽபதத்|
ஜலே ச ஸ்த2லவத்3 ப்4ராந்த்யா மய மாயாவிமோஹித:|| 37
ஜஹாஸ பீ4மஸ்தம் த்3ருஷ்ட்வா ஸ்த்ரியோ ந்ருபதயோऽபரே|
நிவார்யமாணா அப்யங்க3 ராஜ்ஞா க்ருஷ்ணாநுமோதி3தா:|| 38
ஸ வ்ரீடி3தோऽவாக்3வத3நோ ருஷா ஜ்வலன்
நிஷ்க்ரம்ய தூஷ்ணீம் ப்ரயயௌ க3ஜாஹ்வயம்|
ஹாஹேதி ஶப்3த3: ஸுமஹானபூ4த் ஸதாம்
அஜாத ஶத்ருர் விமநா இவாப4வத்|
ப3பூ4வ தூஷ்ணீம் ப4க3வான் பி4வோ ப4ரம்
ஸமுஜ்ஜிஹீர்ஷுர் ப்4ரமதி ஸ்ம யத்3 த்3ருஶா|| 39
ஏதத்தேऽபி4ஹிதம் ராஜன் யத் ப்ருஷ்டோऽஹமிஹ த்வயா|
ஸுயோத4னஸ்ய தௌ3ராத்ம்யம் ராஜஸூயே மஹாக்ரதௌ|| 40
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தரார்தே4 து3ர்யோத4ன மானப4ங்கோ3 நாம பஞ்ச ஸப்ததிதமோऽத்4யாய:|| 75
பத்தாம் ஸ்கந்தம் - எழுபத்து ஐந்தாம் அத்யாயம் முற்றும்.