ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 74.
பகவானுக்கு அக்ர பூஜை நடத்தலும், மற்றும் சிசுபாலனுடைய வதமும்
அத2 சது:ஸப்ததிதமோऽத்4யாய:
ஶ்ரீஶுக உவாச -
ஏவம் யுதி4ஷ்டி2ரோ ராஜா ஜராஸந்த4 வத4ம் விபோ4:|
க்ருஷ்ணஸ்ய சாநுபா4வம் தம் ஶ்ருத்வா ப்ரீதஸ்தமப்3ரவீத்|| 1
யுதி4ஷ்டி2ர உவாச -
யே ஸ்யுஸ்த்ரைலோக்ய கு3ரவ: ஸர்வே லோக மஹேஶ்வரா:|
வஹந்தி து3ர்லப4ம் லப்3த்4வா ஶிரஸைவாநு ஶாஸநம்|| 2
ஸ ப4வாநரவிந்தா3க்ஷோ தீ3நாநாமீஶமாநிநாம்|
த4த்தேऽநுஶாஸனம் பூ4மம்ஸ்தத3த்யந்த விட3ம்ப3னம்|| 3
ந ஹ்யேகஸ்யாத்3விதீயஸ்ய ப்3ரஹ்மண: பரமாத்மன:|
கர்மபி4ர் வர்த4தே தேஜோ ஹ்ரஸதே ச யதா2 ரவே:|| 4
ந வை தேऽஜித ப4க்தாநாம் மமாஹமிதி மாத4வ|
த்வம் தவேதி ச நாநாதீ4: பஶூநாமிவ வைக்ருதா|| 5
ஶ்ரீஶுக உவாச -
இத்யுக்த்வா யஜ்ஞியே காலே வவ்ரே யுக்தான் ஸ ருத்விஜ:|
க்ருஷ்ணாநுமோதி3த: பார்தோ2 ப்3ராஹ்மணான் ப்3ரஹ்மவாதி3ன:|| 6
த்3வைபாயநோ ப4ரத்3வாஜ: ஸுமந்துர் கௌ3தமோऽஸித:|
வஸிஷ்ட2ஶ்ச்யவன: கண்வோ மைத்ரேய: கவஷஸ்த்ரித:|| 7
விஶ்வாமித்ரோ வாமதே3வ: ஸுமதிர் ஜைமிநி: க்ரது:|
பைல: பராஶரோ க3ர்கோ3 வைஶம்பாயன ஏவ ச|| 8
அத2ர்வா கஶ்யபோ தௌ4ம்யோ ராமோ பா4ர்க3வ ஆஸுரி:|
வீதிஹோத்ரோ மது4ச்ச2ந்தா3 வீரஸேநோऽக்ருதவ்ரண:|| 9
உபஹூதாஸ்ததா2 சான்யே த்3ரோண பீ4ஷ்ம க்ருபாத3ய:|
த்4ருதராஷ்ட்ர: ஸஹஸுதோ விது3ரஶ்ச மஹாமதி:|| 10
ப்3ராஹ்மணா: க்ஷத்ரியா வைஶ்யா: ஶூத்3ரா யஜ்ஞதி3த்3ருக்ஷவ:|
தத்ரேயு: ஸர்வராஜாநோ ராஜ்ஞாம் ப்ரக்ருதயோ ந்ருப|| 11
ததஸ்தே தே3வயஜனம் ப்3ராஹ்மணா: ஸ்வர்ணலாங்க3லை:|
க்ருஷ்ட்வா தத்ர யதா2ம்நாயம் தீ3க்ஷயாஞ்சக்ரிரே ந்ருபம்|| 12
ஹைமா: கிலோபகரணா வருணஸ்ய யதா2 புரா|
இந்த்3ராத3யோ லோகபாலா விரிஞ்ச ப4வஸம்யுதா:|| 13
ஸக3ணா: ஸித்3த4க3ந்த4ர்வா வித்3யாத4ர மஹோரகா3:|
முனயோ யக்ஷரக்ஷாம்ஸி க2க3கின்னர சாரணா:|| 14
ராஜா நஶ்ச ஸமாஹூதா ராஜபத்ன்யஶ்ச ஸர்வஶ:|
ராஜஸூயம் ஸமீயு: ஸ்ம ராஜ்ஞ: பாண்டு3ஸுதஸ்ய வை|| 15
மேநிரே க்ருஷ்ண ப4க்தஸ்ய ஸூபபந்நமவிஸ்மிதா:|
அயாஜயன் மஹாராஜம் யாஜகா தே3வவர்சஸ:|
ராஜஸூயேன விதி4வத் ப்ரசேதஸமிவாமரா:|| 16
ஸௌத்யேऽஹன்யவநீபாலோ யாஜகான் ஸத3ஸஸ்பதீன்|
அபூஜயன் மஹாபா4கா3ன் யதா2வத் ஸுஸமாஹித:|| 17
ஸத3ஸ்ய அக்3ர்யார்ஹணார்ஹம் வை விம்ருஶந்த: ஸபா4ஸத3:|
நாத்4யக3ச்ச2ந்நனைகாந்த்யாத் ஸஹதே3வஸ்ததா3ப்3ரவீத்|| 18
அர்ஹதி ஹ்யச்யுத: ஶ்ரைஷ்ட்2யம் ப4க3வான் ஸாத்வதாம் பதி:|
ஏஷ வை தே3வதா: ஸர்வா தே3ஶ காலத4நாத3ய:|| 19
யதா3த்மகமித3ம் விஶ்வம் க்ரதவஶ்ச யதா3த்மகா:|
அக்3நிராஹுதயோ மந்த்ரா: ஸாங்க்2யம் யோக3ஶ்ச யத்பர:|| 20
ஏக ஏவாத்3விதீயோऽஸாவைததா3த்ம்யமித3ம் ஜக3த்|
ஆத்மநாऽऽத்மாஶ்ரய: ஸப்4யா: ஸ்ருஜத்யவதி ஹந்த்யஜ:|| 21
விவிதா4நீஹ கர்மாணி ஜனயன் யத3வேக்ஷயா|
ஈஹதே யத3யம் ஸர்வ: ஶ்ரேயோ த4ர்மாதி3லக்ஷணம்|| 22
தஸ்மாத் க்ருஷ்ணாய மஹதே தீ3யதாம் பரமார்ஹணம்|
ஏவம் சேத் ஸர்வபூ4தாநாமாத்மனஶ்சார்ஹணம் ப4வேத்|| 23
ஸர்வபூ4தாத்மபூ4தாய க்ருஷ்ணாயாநன்யத3ர்ஶினே|
தே3யம் ஶாந்தாய பூர்ணாய த3த்தஸ்யாநந்த்ய மிச்ச2தா|| 24
இத்யுக்த்வா ஸஹதே3வோऽபூ4த் தூஷ்ணீம் க்ருஷ்ணாநுபா4வவித்|
தச்ச்2ருத்வா துஷ்டுவு: ஸர்வே ஸாது4 ஸாத்4விதி ஸத்தமா:|| 25
ஶ்ருத்வா த்3விஜேரிதம் ராஜா ஜ்ஞாத்வா ஹார்த3ம் ஸபா4ஸதா3ம்|
ஸமர்ஹயத்3 ஹ்ருஷீகேஶம் ப்ரீத: ப்ரணய விஹ்வல:|| 26
தத்பாதா3வவநிஜ்யாப: ஶிரஸா லோகபாவநீ:|
ஸபா4ர்ய: ஸாநுஜாமாத்ய: ஸகுடும்போ3ऽவஹன் முதா3|| 27
வாஸோபி4: பீதகௌஷேயைர் பூ4ஷணைஶ்ச மஹாத4னை:|
அர்ஹயித்வாஶ்ருபூர்ணாக்ஷோ நாஶகத் ஸமவேக்ஷிதும்|| 28
இத்த2ம் ஸபா4ஜிதம் வீக்ஷ்ய ஸர்வே ப்ராஞ்ஜலயோ ஜநா:|
நமோ ஜயேதி நேமுஸ்தம் நிபேது: புஷ்ப வ்ருஷ்டய:|| 29
இத்த2ம் நிஶம்ய த3மகோ4ஷஸுத: ஸ்வபீடா2த்3
உத்தா2ய க்ருஷ்ண கு3ண வர்ணன ஜாதமன்யு:|
உத்க்ஷிப்ய பா3ஹுமித3மாஹ ஸத3ஸ்யமர்ஷீ
ஸம்ஶ்ராவயன் ப4க3வதே பருஷாண்யபீ4த:|| 30
ஈஶோ து3ரத்யய: கால இதி ஸத்யவதீ ஸ்ருதி:|
வ்ருத்3தா4நாமபி யத்3 பு3த்3தி4ர் பா3லவாக்யைர் விபி4த்3யதே|| 31
யூயம் பாத்ரவிதா3ம் ஶ்ரேஷ்டா2 மா மந்த்4வம் பா3லபா4ஷீதம்|
ஸத3ஸஸ்பதய: ஸர்வே க்ருஷ்ணோ யத் ஸம்மதோऽர்ஹணே|| 32
தபோ வித்3யா வ்ரத த4ரான் ஜ்ஞான வித்4வஸ்த கல்மஷான்|
பரமருஷீன் ப்3ரஹ்ம நிஷ்டா2ன் லோகபாலைஶ்ச பூஜிதான்|| 33
ஸத3ஸ்பதீநதிக்ரம்ய கோ3பால: குலபாம்ஸன:|
யதா2 காக: புரோடா3ஶம் ஸபர்யாம் கத2மர்ஹதி|| 34
வர்ணாஶ்ரம குலா பேத: ஸர்வத4ர்மப3ஹிஷ்க்ருத:|
ஸ்வைரவர்தீ கு3ணைர்ஹீன: ஸபர்யாம் கத2மர்ஹதி|| 35
யயாதினைஷாம் ஹி குலம் ஶப்தம் ஸத்3பி4ர் ப3ஹிஷ்க்ருதம்|
வ்ருதா2பாநரதம் ஶஶ்வத் ஸபர்யாம் கத2மர்ஹதி|| 36
ப்3ரஹ்மர்ஷி ஸேவிதான் தே3ஶான் ஹித்வைதேऽப்3ரஹ்மவர்சஸம்|
ஸமுத்3ரம் து3ர்க3மாஶ்ரித்ய பா3த4ந்தே த3ஸ்யவ: ப்ரஜா:|| 37
ஏவமாதீ3ன்யப4த்3ராணி ப3பா4ஷே நஷ்டமங்க3ள:|
நோவாச கிஞ்சித்3 ப4க3வான் யதா2 ஸிம்ஹ: ஶிவாருதம்|| 38
ப4க3வந்நிந்த3னம் ஶ்ருத்வா து3:ஸஹம் தத் ஸபா4ஸத3:|
கர்ணௌ பிதா4ய நிர்ஜக்3மு: ஶபந்தஶ் சேதி3பம் ருஷா|| 39
நிந்தா3ம் ப4க3வத: ஶ்ருண்வம்ஸ்தத் பரஸ்ய ஜனஸ்ய வா|
ததோ நாபைதி ய: ஸோऽபி யாத்யத4: ஸுக்ருதாத்ச்யுத:|| 40
தத: பாண்டு3ஸுதா: க்ருத்3தா4 மத்ஸ்ய கைகய ஸ்ருஞ்ஜயா:|
உதா3யுதா4: ஸமுத்தஸ்து2: ஶிஶுபாலஜிகா4ம்ஸவ:|| 41
ததஶ்சைத்3யஸ்த்வஸம்ப்4ராந்தோ ஜக்3ருஹே க2ட்3க3 சர்மணீ|
ப4ர்த்ஸயன் க்ருஷ்ண பக்ஷீயான் ராஜ்ஞ: ஸத3ஸி பா4ரத|| 42
தாவது3த்தா2ய ப4க3வான் ஸ்வான் நிவார்ய ஸ்வயம் ருஷா|
ஶிர: க்ஷுராந்த சக்ரேண ஜஹாராபததோ ரிபோ:|| 43
ஶப்3த3: கோலாஹலோऽப்யாஸீத் ஶிஶுபாலே ஹதே மஹான்|
தஸ்யாநுயாயிநோ பூ4பா து3த்3ருவுர் ஜீவிதைஷிண:|| 44
சைத்3ய தே3ஹோத்தி2தம் ஜ்யோதிர் வாஸுதே3வமுபாவிஶத்|
பஶ்யதாம் ஸர்வபூ4தாநாமுல்கேவ பு4வி கா2ச்ச்யுதா|| 45
ஜன்ம த்ரயாநுகு3ணித வைர ஸம்ரப்3த4யா தி4யா|
த்4யாயம்ஸ்தன்மயதாம் யாதோ பா4வோ ஹி ப4வகாரணம்|| 46
ருத்விக்3ப்4ய: ஸஸத3ஸ்யேப்4யோ த3க்ஷிணாம் விபுலாமதா3த்|
ஸர்வான் ஸம்பூஜ்ய விதி4வத் சக்ரேऽவப்4ருத2 மேகராட்|| 47
ஸாத4யித்வா க்ரது: ராஜ்ஞ: க்ருஷ்ணோ யோகே3ஶ்வரேஶ்வர:|
உவாஸ கதிசின் மாஸான் ஸுஹ்ருத்3பி4ரபி4யாசித:|| 48
ததோऽநுஜ்ஞாப்ய ராஜாநமநிச்ச2ந்தமபீஶ்வர:|
யயௌ ஸபா4ர்ய: ஸாமாத்ய: ஸ்வபுரம் தே3வகீஸுத:|| 49
வர்ணிதம் தது3பாக்2யானம் மயா தே ப3ஹுவிஸ்தரம்|
வைகுண்ட2வாஸிநோர் ஜன்ம விப்ரஶாபாத் புன: புன:|| 50
ராஜஸூயாவப்4ருத்2யேன ஸ்நாதோ ராஜா யுதி4ஷ்டி2ர:|
ப்3ரஹ்ம க்ஷத்ர ஸபா4மத்4யே ஶுஶுபே4 ஸுரராடி3வ|| 51
ராஜ்ஞா ஸபா4ஜிதா: ஸர்வே ஸுரமானவ கே2சரா:|
க்ருஷ்ணம் க்ரதும் ச ஶம்ஸந்த: ஸ்வதா4மாநி யயுர் முதா3|| 52
து3ர்யோத4னம் ருதே பாபம் கலிம் குருகுலாமயம்|
யோ ந ஸேஹே ஶ்ரியம் ஸ்பீ2தாம் த்3ருஷ்ட்வா பாண்டு3ஸுதஸ்ய தாம்|| 53
ய இத3ம் கீர்தயேத்3 விஷ்ணோ: கர்ம சைத்3ய வதா4தி3கம்|
ராஜமோக்ஷம் விதாநம் ச ஸர்வபாபை: ப்ரமுச்யதே|| 54
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தரார்தே4 ஶிஶுபாலவதோ4 நாம சது: ஸப்ததிதமோऽத்4யாய:|| 74
பத்தாம் ஸ்கந்தம் - எழுபத்து நான்காம் அத்யாயம் முற்றும்.