ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 12.
அகாசுரனின் உத்தாரணம்
அத2 த்3வாத3ஶோऽத்4யாய:
ஶ்ரீஶுக உவாச |
க்வசித்3 வநாஶாய மநோ த3த4த்3 வ்ரஜாத்
ப்ராத: ஸமுத்தா2ய வயஸ்ய வத்ஸபான் |
ப்ரபோ3த4யன் ஶ்ரும்க3ரவேண சாருணா
விநிர்க3தோ வத்ஸபுர:ஸரோ ஹரி: || 1
தேனைவ ஸாகம் ப்ருது2கா: ஸஹஸ்ரஶ:
ஸ்நிக்3தா4: ஸுஶிக்3வேத்ர விஷாணவேணவ: |
ஸ்வான் ஸ்வான் ஸஹஸ்ரோபரி ஸங்க்2யயான்விதான்
வத்ஸான் புரஸ்க்ருத்ய விநிர்யயுர் முதா3 || 2
க்ருஷ்ண வத்ஸைரஸங்க்2யாதைர் யூதீ2க்ருத்ய ஸ்வவத்ஸகான் |
சாரயன்தோऽர்ப4லீலாபி4: விஜஹ்ருஸ் தத்ர தத்ர ஹ || 3
ப2லப்ரபா3லஸ்தப3க ஸுமந: பிச்ச2தா4துபி4: |
காச கு3ஞ்ஜாமணி ஸ்வர்ண-பூ4ஷிதா அப்யபூ4ஷயன் || 4
முஷ்ணன்தோऽன்யோன்யஶிக்யாதீ3ன் ஜ்ஞாதாநாராச்ச சிக்ஷிபு: |
தத்ரத்யாஶ்ச புநர்தூ3ராத்3 ஹஸன்தஶ்ச புனர்த3து3: || 5
யதி3 தூ3ரம் க3த: க்ருஷ்ணோ வநஶோபே4க்ஷணாய தம் |
அஹம் பூர்வமஹம் பூர்வமிதி ஸம்ஸ்ப்ருஶ்ய ரேமிரே || 6
கேசித்3 வேணூன் வாத3யன்தோ த்4மாந்த: ஶ்ருங்கா3ணி கேசன |
கேசித்3 ப்4ருங்கை3: ப்ரகா3யன்த: கூஜன்த: கோகிலை: பரே || 7
விச்சா2யாபி4: ப்ரதா4வன்தோ க3ச்ச2ந்த: ஸாது4 ஹம்ஸகை: |
ப3கைருபவிஶந்தஶ்ச ந்ருத்யன்தஶ்ச கலாபிபி4: || 8
விகர்ஷந்த: கீஶபா3லா நாரோஹன்தஶ்ச தைர்த்3ருமான் |
விகுர்வந்தஶ்ச தை: ஸாகம் ப்லவந்தஶ்ச பலாஶிஷு || 9
ஸாகம் பே4கைர் விலங்க4ந்த: ஸரித்ப்ரஸ்ரவஸம்ப்லுதா: |
விஹஸந்த: ப்ரதிச்சா2யா: ஶபந்தஶ்ச ப்ரதிஸ்வநான் || 10
இத்த2ம் ஸதாம் ப்3ரஹ்மஸுகா2நுபூ4த்யா
தா3ஸ்யம் க3தாநாம் பரதை3வதேன |
மாயாஶ்ரிதாநாம் நரதா3ரகேண
ஸாகம் விஜஹ்ரு: க்ருதபுண்ய புஞ்ஜா: || 11
யத் பாத3பாம்ஸுர் ப3ஹுஜன்ம க்ருச்ச்2ரதோ
த்4ருதாத்மபி4ர் யோகி3பி4ரப்யலப்4ய: |
ஸ ஏவ யத்3 த்3ருக்3விஷய: ஸ்வயம் ஸ்தி2த:
கிம் வர்ண்யதே தி3ஷ்டமதோ வ்ரஜௌகஸாம் || 12
அதா2க4நாமாப்4யபதன் மஹாஸுர:
தேஷாம் ஸுக2 க்ரீட3ந வீக்ஷணாக்ஷம: |
நித்யம் யத3ந்தர்நிஜ ஜீவிதேப்ஸுபி4:
பீதாம்ருதை ரப்யமரை: ப்ரதீக்ஷ்யதே || 13
த்3ருஷ்ட்வார்ப4கான் க்ருஷ்ணமுகா2ன் அகா4ஸுர: |
கம்ஸாநுஶிஷ்ட: ஸ ப3கீப3காநுஜ: |
அயம் து மே ஸோத3ரநாஶக்ருத் தயோர்-
த்3வயோர் மமைனம் ஸப3லம் ஹநிஷ்யே || 14
ஏதே யதா3 மத்ஸுஹ்ருதோ3ஸ் திலாப:
க்ருதாஸ்ததா3 நஷ்டஸமா வ்ரஜௌகஸ: |
ப்ராணே க3தே வர்ஷ்மஸு கா நு சிந்தா
ப்ரஜாஸவ: ப்ராணப்4ருதோ ஹி யே தே || 15
இதி வ்யவஸ்யாஜக3ரம் ப்3ருஹத்3 வபு:
ஸ யோஜநாயாம மஹாத்3ரிபீவரம் |
த்4ருத்வாத்3பு4தம் வ்யாத்தகு3ஹானனம் ததா3
பதி2 வ்யஶேத க்3ரஸநாஶயா க2ல: || 16
த4ராத4ரோஷ்டோ2 ஜலதோ3த்தரோஷ்டோ2
த3ர்யாநநாந்தோ கி3ரிஶ்ருங்க3த3ம்ஷ்ட்ர: |
த்4வான்தான்தராஸ்யோ விததாத்4வஜிஹ்வ:
பருஷாநிலஶ்வாஸத3வேக்ஷணோஷ்ண: || 17
த்3ருஷ்ட்வா தம் தாத்3ருஶம் ஸர்வே மத்வா ப்3ருந்தா3வனஶ்ரியம் |
வ்யாத்தாஜக3ர துண்டே3ன ஹ்யுத்ப்ரேக்ஷந்தே ஸ்ம லீலயா || 18
அஹோ மித்ராணி க3த3த ஸத்த்வ கூடம் புர: ஸ்தி2தம் |
அஸ்மத் ஸங்க்3ரஸந வ்யாத்த வ்யாலதுண்டா3யதே ந வா || 19
ஸத்ய மர்ககராரக்தம் உத்தராஹநுவத்3 த4னம் |
அத4ராஹநுவத்3 ரோத4ஸ் தத் ப்ரதிச்சா2யயாருணம் || 20
ப்ரதிஸ்பர்தே4தே ஸ்ருக்கிப்4யாம் ஸவ்யாஸவ்யே நகோ3த3ரே |
துங்க3 ஶ்ரும்கா3லயோऽப்யேதாஸ்தத்3 த3ம்ஷ்ட்ராபி4ஶ்ச பஶ்யத || 21
ஆஸ்த்ருதாயாம மார்கோ3ऽயம் ரஸநாம் ப்ரதிக3ர்ஜதி |
ஏஷாமன்தர்க3தம் த்4வாந்த மேதத3ப்யன்த: ஆநநம் || 22
தா3வோஷ்ணக2ரவாதோऽயம் ஶ்வாஸவத்3 பா4தி பஶ்யத |
தத்3த3க்3த4 ஸத்வ து3ர்க3ந்தோ4ऽப்யன்தராமிஷ க3ந்த4வத் || 23
அஸ்மான் கிமத்ர க்3ரஸிதா நிவிஷ்டா-
நயம் ததா2 சேத்3 ப3கவத்3 வினங்க்ஷ்யதி |
க்ஷணாத3நேநேதி ப3கார்யுஶன்முக2ம்
வீக்ஷ்யோத்3த4ஸந்த: கரதாட3னைர் யயு: || 24
இத்த2ம் மிதோ2ऽதத்2ய மதஜ்ஜ்ஞபா4ஷிதம்
ஶ்ருத்வா விசிந்த்யேத்யம்ருஷா ம்ருஷாயதே |
ரக்ஷோ விதி3த்வாகி2ல-பூ4த ஹ்ருத்ஸ்தி2த:
ஸ்வாநாம் நிரோத்3து4ம் ப4க3வான் மநோ த3தே4 || 25
தாவத் ப்ரவிஷ்டாஸ்த்வஸுரோத3ராந்தரம்
பரம் ந கீ3ர்ணா: ஶிஶவ: ஸவத்ஸா: |
ப்ரதீக்ஷமாணேன ப3காரிவேஶனம்
ஹதஸ்வகான்தஸ்மரணேன ரக்ஷஸா || 26
தான் வீக்ஷ்ய க்ருஷ்ண: ஸகலாப4யப்ரதோ3
ஹ்யநன்யநாதா2ன் ஸ்வகராத3வச்யுதான் |
தீ3நாம்ஶ்ச ம்ருத்யோர் ஜட2ராக்3நிகா4ஸான்
க்4ருணார்தி3தோ தி3ஷ்டக்ருதேன விஸ்மித: || 27
க்ருத்யம் கிமத்ராஸ்ய க2லஸ்ய ஜீவநம்
ந வா அமீஷாம் ச ஸதாம் விஹிம்ஸநம் |
த்3வயம் கத2ம் ஸ்யாதி3தி ஸம்விசிந்த்ய தத்
ஜ்ஞாத்வாவிஶத் துண்ட3 மஶேஷத்3ருக்3 ஹரி: || 28
ததா3 க4நச்ச2தா3 தே3வா ப4யாத்3 ஹா ஹேதி சுக்ருஶு: |
ஜஹ்ருஷுர்யே ச கம்ஸாத்3யா: கௌணபாஸ்த்வக4 பா3ந்த4வா: || 29
தச் ச்2ருத்வா ப4க3வான் க்ருஷ்ணஸ்த்வவ்யய: ஸார்ப4வத்ஸகம் |
சூர்ணீ சிகீர்ஷோ ராத்மாநம் தரஸா வவ்ருதே4 க3லே || 30
ததோऽதிகாயஸ்ய நிருத்3த4 மார்கி3ணோ
ஹ்யுத்3கீ3ர்ண த்3ருஷ்டே: ப்4ரமதஸ்த்விதஸ்தத: |
பூர்ணோऽன்தரம்கே3 பவநோ நிருத்3தோ4
மூர்த4ன் விநிஷ்பாட்ய விநிர்க3தோ ப3ஹி: || 31
தேனைவ ஸர்வேஷு ப3ஹிர்க3தேஷு
ப்ராணேஷு வத்ஸான் ஸுஹ்ருத3: பரேதான் |
த்3ருஷ்ட்யா ஸ்வயோத்தா2ப்ய தத3ன்வித: புன:
வக்த்ரான் முகுந்தோ3 ப4க3வான் விநிர்யயௌ || 32
பீநாஹி போ4கோ3த்தி2த மத்3பு4தம் மஹத்
ஜ்யோதி: ஸ்வதா4ம்நா ஜ்வலயத்3 தி3ஶோ த3ஶ |
ப்ரதீக்ஷ்ய கே2ऽவஸ்தி2த மீஶ நிர்க3மம்
விவேஶ தஸ்மின் மிஷதாம் தி3வௌகஸாம் || 33
ததோऽதிஹ்ருஷ்டா: ஸ்வக்ருதோऽக்ருதார்ஹணம்
புஷ்பை: ஸுரா அப்ஸரஸஶ்ச நர்தனை: |
கீ3தை: ஸுகா3 வாத்3யத4ராஶ்ச வாத்3யகை:
ஸ்தவைஶ்ச விப்ரா ஜயநி:ஸ்வனைர்க3ணா: || 34
தத3த்3பு4தஸ் தோத்ர ஸுவாத்3ய கீ3திகா
ஜயாதி3னைகோத்ஸவ மங்க3ளஸ்வநான் |
ஶ்ருத்வா ஸ்வதா4ம்நோऽந்த்யஜ ஆக3தோऽசிராத்3
த்3ருஷ்ட்வா மஹீஶஸ்ய ஜகா3ம விஸ்மயம் || 35
ராஜன்நாஜக3ரம் சர்ம ஶுஷ்கம் ப்3ருந்தா3வனே ऽத்3பு4தம் |
வ்ரஜௌகஸாம் ப3ஹுதித2ம் ப3பூ4வாக்ரீட3 க3ஹ்வரம் || 36
ஏதத் கௌமாரஜம் கர்ம ஹரேராத்மாஹிமோக்ஷணம் |
ம்ருத்யோ: பௌக3ண்ட3கே பா3லா த்3ருஷ்ட்வோசுர்விஸ்மிதா வ்ரஜே || 37
நைதத்3 விசித்ரம் மநுஜார்ப4மாயின:
பராவராணாம் பரமஸ்ய வேத4ஸ: |
அகோ4ऽபி யத் ஸ்பர்ஶன தௌ4த பாதக:
ப்ராபாத்மஸாம்யம் த்வஸதாம் ஸுது3ர்லப4ம் || 38
ஸக்ருத்3 யத3ங்க3ப்ரதிமாந்தராஹிதா
மநோமயீ பா4க3வதீம் த3தௌ3 க3திம் |
ஸ ஏவ நித்யாத்மஸுகா2நுபூ4த்யபி4
வ்யுத3ஸ்தமாயோऽந்தர்க3தோ ஹி கிம் புன: || 39
ஶ்ரீஸூத உவாச |
இத்த2ம் த்3விஜா யாத3வ தே3வத3த்த:
ஶ்ருத்வா ஸ்வராதுஶ்சரிதம் விசித்ரம் |
பப்ரச்ச2 பூ4யோऽபி ததே3வ புண்யம்
வையாஸகிம் யந்நிக்3ருஹீத சேதா: || 40
ஶ்ரீராஜோவாச |
ப்3ரஹ்மன் காலாந்தரக்ருதம் தத்காலீநம் கத2ம் ப4வேத் |
யத் கௌமாரே ஹரிக்ருதம் ஜகு3: பௌக3ண்ட3கே ऽர்ப4கா: || 41
தத்3 ப்3ரூஹி மே மஹாயோகி3ன் பரம் கௌதூஹலம் கு3ரோ |
நூநமேதத்3 ஹரேரேவ மாயா ப4வதி நான்யதா2 || 42
வயம் த4ன்யதமா லோகே கு3ரோऽபி க்ஷத்ரப3ந்த4வ: |
யத் பிபா3மோ முஹுஸ்த்வத்த: புண்யம் க்ருஷ்ண கதா2ம்ருதம் || 43
ஶ்ரீஸூத உவாச |
இத்த2ம் ஸ்ம ப்ருஷ்ட: ஸ து பா3த3ராயணி:
தத்ஸ்மாரிதாநந்தஹ்ருதாகி2லேந்த்3ரிய: |
க்ருச்ச்2ராத் புனர்லப்3த4 ப3ஹிர் த்3ருஶி: ஶனை:
ப்ரத்யாஹ தம் பா4க3வதோத்தமோத்தம || 44
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கன்தே4 பூர்வார்தே4 த்3வாத3ஶோऽத்4யாய: || 12 ||
பத்தாம் ஸ்கந்தம் - பன்னிரண்டாம் அத்யாயம் முற்றும்.