ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 11.
கோகுலத்திலிருந்து பிருந்தாவனத்திற்குப் போதலும் மற்றும் வத்ஸாஸுரன், பகாசுரர்களின் உத்தாரணமும்
அதை2காத3ஶோऽத்4யாய:
ஶ்ரீஶுக உவாச |
கோ3பா நந்தா3த3ய: ஶ்ருத்வா த்3ருமயோ: பததோ ரவம் |
தத்ராஜக்3மு: குருஶ்ரேஷ்ட2 நிர்கா4தப4யஶங்கிதா: || 1 ||
பூ4ம்யாம் நிபதிதௌ தத்ர த3த்3ருஶுர் யமளார்ஜுநௌ |
ப3ப்4ரமுஸ்தத3விஜ்ஞாய லக்ஷ்யம் பதநகாரணம் || 2 ||
உலூக2லம் விகர்ஷந்தம் தா3ம்நா ப3த்3த4ம் ச பா3லகம் |
கஸ்யேத3ம் குத ஆஶ்சர்யம் உத்பாத இதி காதரா: || 3 ||
பா3லா ஊசுரநேநேதி திர்யக்3க3தம் உலூக2லம் |
விகர்ஷதா மத்4யகே3ன புருஷாவப்யசக்ஷ்மஹி || 4 ||
ந தே தது3க்தம் ஜக்3ருஹுர் ந க4டேதேதி தஸ்ய தத் |
பா3லஸ்யோத்பாடனம் தர்வோ: கேசித் ஸந்தி3க்3த4 சேதஸ: || 5 ||
உலூக2லம் விகர்ஷந்தம் தா3ம்நா ப3த்3த4ம் ஸ்வமாத்மஜம் |
விலோக்ய நந்த3: ப்ரஹஸத்3வத3நோ விமுமோச ஹ || 6 ||
கோ3பீபி4: ஸ்தோபி4தோऽந்ருத்யத்3 ப4க3வான் பா3லவத் க்வசித் |
உத்3கா3யதி க்வசின் முக்3த4ஸ் தத்3வஶோ தா3ருயந்த்ரவத் || 7 ||
பி3ப4ர்தி க்வசிதா3ஜ்ஞப்த: பீட2கோன்மானபாது3கம் |
பா3ஹு க்ஷேபம் ச குருதே ஸ்வாநாம் ச ப்ரீதிமாவஹன் || 8 ||
த3ர்ஶயம்ஸ்தத்3விதா3ம் லோக ஆத்மநோ ப்4ருத்யவஶ்யதாம் |
வ்ரஜஸ்யோவாஹ வை ஹர்ஷம் ப4க3வான் பா3லசேஷ்டிதை: || 9 ||
க்ரீணீஹி போ4: ப2லாநீதி ஶ்ருத்வா ஸத்வரமச்யுத: |
ப2லார்தீ2 தா4ன்யமாதா3ய யயௌ ஸர்வப2லப்ரத3: || 10 ||
ப2ல விக்ரயிணீ தஸ்ய ச்யுததா4ன்யம் கரத்3வயம் |
ப2லைரபூரயத்3 ரத்னை: ப2லபா4ண்ட3மபூரி ச || ||
ஸரித்தீரக3தம் க்ருஷ்ணம் ப4க்3நார்ஜுன மதா2ஹ்வயத் |
ராமம் ச ரோஹிணீ தே3வீ க்ரீட3ந்தம் பா3லகைர் ப்4ருஶம் || 12 ||
நோபேயாதாம் யதா3ऽऽஹூதௌ க்ரீடா3ஸங்கே3ன புத்ரகௌ |
யஶோதா3ம் ப்ரேஷயாமாஸ ரோஹிணீ புத்ரவத்ஸலாம் || 13 ||
க்ரீட3ந்தம் ஸா ஸுதம் பா3லைரதிவேலம் ஸஹாக்3ரஜம் |
யஶோதா3ஜோஹவீத் க்ருஷ்ணம் புத்ரஸ்நேஹஸ்நுத ஸ்தநீ || 14 ||
க்ருஷ்ண க்ருஷ்ணாரவிந்தா3க்ஷ தாத ஏஹி ஸ்தனம் பிப3 |
அலம் விஹாரை: க்ஷுத்க்ஷாந்த: க்ரீடா3ஶ்ராந்தோऽஸி புத்ரக || 15 ||
ஹே ராமாக3ச்ச2 தாதாஶு ஸாநுஜ: குலநந்த3ன |
ப்ராதரேவ க்ருதாஹாரஸ்தத்3 ப4வான் போ4க்துமர்ஹதி || 16 ||
ப்ரதீக்ஷதே த்வாம் தா3ஶார்ஹ போ4க்ஷ்யமாணோ வ்ரஜாதி4ப: |
ஏஹ்யாவயோ: ப்ரியம் தே4ஹி ஸ்வக்3ருஹான் யாத பா3லகா: || 17 ||
தூ4லிதூ4ஸரிதாங்க3ஸ்த்வம் புத்ர மஜ்ஜனமாவஹ |
ஜன்மர்க்ஷமத்3ய ப4வதோ விப்ரேப்4யோ தே3ஹி கா3: ஶுசி: || 18 ||
பஶ்ய பஶ்ய வயஸ்யாம்ஸ்தே மாத்ரும்ருஷ்டான் ஸ்வலங்க்ருதான் |
த்வம் ச ஸ்நாத: க்ருதாஹாரோ விஹரஸ்வ ஸ்வலங்க்ருத: || 19 ||
இத்த2ம் யஶோதா3 தமஶேஷஶேக2ரம்
மத்வா ஸுதம் ஸ்நேஹநிப3த்3த4 தீ4ர் ந்ருப |
ஹஸ்தே க்3ருஹீத்வா ஸஹராம மச்யுதம்
நீத்வா ஸ்வவாடம் க்ருதவத்யதோ2த3யம் || 20 ||
கோ3பவ்ருத்3தா4 மஹோத்பாதாநநுபூ4ய ப்3ருஹத்3வநே |
நந்தா3த3ய: ஸமாக3ம்ய வ்ரஜ கார்யம மந்த்ரயன் || 21 ||
தத்ரோபநந்த3நாமாऽऽஹ கோ3போ ஜ்ஞாநவயோऽதி4க: |
தே3ஶகாலார்த்த2 தத்வஜ்ஞ: ப்ரியக்ருத்3 ராமக்ருஷ்ணயோ: || 22 ||
உத்தா2தவ்ய மிதோऽஸ்மாபி4: கோ3குலஸ்ய ஹிதைஷிபி4: |
ஆயாந்த்யத்ர மஹோத்பாதா பா3லாநாம் நாஶஹேதவ: || 23 ||
முக்த: கத2ஞ்சித்3 ராக்ஷஸ்யா பா3லக்4ந்யா பா3லகோ ஹ்யஸௌ |
ஹரே ரநுக்3ரஹாந்நூந மனஶ்சோபரி நாபதத் || 24 ||
சக்ரவாதேன நீதோऽயம் தை3த்யேன விபத3ம் வியத் |
ஶிலாயாம் பதிதஸ்தத்ர பரித்ராத: ஸுரேஶ்வரை: || 25 ||
யன்ன ம்ரியேத த்3ருமயோரந்தரம் ப்ராப்ய பா3லக: |
அஸாவன்யதமோ வாபி தத3ப்யச்யுத ரக்ஷணம் || 26 ||
யாவதௌ3த்பாதிகோऽரிஷ்டோ வ்ரஜம் நாபி4ப4வேதி3த: |
தாவத்3 பா3லாநுபாதா3ய யாஸ்யாமோऽன்யத்ர ஸாநுகா3: || 27 ||
வனம் ப்3ருந்தா3வனம் நாம பஶவ்யம் நவகானனம் |
கோ3ப கோ3பீ க3வாம் ஸேவ்யம் புண்யாத்3ரி த்ருணவீருத4ம் || 28 ||
தத் தத்ராத்3யைவ யாஸ்யாம: ஶகடான் யுங்க்த மா சிரம் |
கோ3த4நான்யக்3ரதோ யாந்து ப4வதாம் யதி3 ரோசதே || 29 ||
தச் ச்2ருத்வைகதி4யோ கோ3பா: ஸாது4 ஸாத்4விதி வாதி3ன: |
வ்ரஜான் ஸ்வான் ஸ்வான் ஸமாயுஜ்ய யயூ ரூட4 பரிச்ச2தா3: || 30 ||
வ்ருத்3தா4ன் பா3லான் ஸ்த்ரியோ ராஜன் ஸர்வோபகரணாநி ச |
அன:ஸ்வாரோப்ய கோ3பாலா யத்தா ஆத்த-ஶராஸநா: || 31 ||
கோ3த4நாநி புரஸ்க்ருத்ய ஶ்ருங்கா3ண்யாபூர்ய ஸர்வத: |
தூர்யகோ4ஷேண மஹதா யயு: ஸஹ புரோஹிதா: || 32 ||
கோ3ப்யோ ரூட4ரதா2 நூத்ன குசகும்கும காந்தய: |
க்ருஷ்ணலீலா ஜகு3: ப்ரீத்யா நிஷ்ககண்ட்2ய: ஸுவாஸஸ: || 33 ||
ததா2 யஶோதா3ரோஹிண்யாவேகம் ஶகடமாஸ்தி2தே |
ரேஜது: க்ருஷ்ணராமாப்4யாம் தத்கதா2ஶ்ரவணோத்ஸுகே || 34 ||
ப்3ருந்தா3வனம் ஸம்ப்ரவிஶ்ய ஸர்வகால ஸுகா2வஹம் |
தத்ர சக்ருர் வ்ரஜாவாஸம் ஶகடை ரர்த4சந்த்3ரவத் || 35 ||
ப்3ருந்தா3வனம் கோ3வர்த4னம் யமுனா புளிநாநி ச |
வீக்ஷ்யாஸீத் உத்தமா ப்ரீதீ ராமமாத4வயோர் ந்ருப || 36 ||
ஏவம் வ்ரஜௌகஸாம் ப்ரீதிம் யச்ச2ந்தௌ பா3லசேஷ்டிதை: |
கலவாக்யை: ஸ்வகாலேன வத்ஸபாலௌ ப3பூ4வது: || 37 ||
அவிதூ3ரே வ்ரஜபு4வ: ஸஹ கோ3பால தா3ரகை: |
சாரயாமாஸதுர் வத்ஸான் நாநாக்ரீடா3 பரிச்ச2தௌ3 || 38 ||
க்வசித்3 வாத3யதோ வேணும் க்ஷேபணை: க்ஷிபத: க்வசித் |
க்வசித் பாதை3: கிங்கிணீபி4: க்வசித் க்ருத்ரிம கோ3வ்ருஷை: || 39 ||
வ்ருஷாயமாணௌ நர்த3ந்தௌ யுயுதா4தே பரஸ்பரம் |
அநுக்ருத்ய ருதைர் ஜந்தூம்ஶ்சேரது: ப்ராக்ருதௌ யதா2 || 40 ||
கதா3சித்3 யமுநாதீரே வத்ஸாம்ஶ்சாரயதோ: ஸ்வகை: |
வயஸ்யை: க்ருஷ்ணப3லயோர் ஜிகா4ம்ஸுர் தை3த்ய ஆக3மத் || 41 ||
தம் வத்ஸரூபிணம் வீக்ஷ்ய வத்ஸயூத2க3தம் ஹரி: |
த3ர்ஶயன் ப3லதே3வாய ஶனைர் முக்3த4 இவாஸத3த் || 42 ||
க்3ருஹீத்வாபர பாதா3ப்4யாம் ஸஹ லாங்கூ3லமச்யுத: |
ப்4ராமயித்வா கபித்தா2க்3ரே ப்ராஹிணோத்3 க3த ஜீவிதம் |
ஸ கபித்தை2ர் மஹாகாய: பாத்யமானை: பபாத ஹ || 43 ||
தம் வீக்ஷ்ய விஸ்மிதா பா3லா: ஶஶம்ஸு: ஸாது4 ஸாத்4விதி |
தே3வாஶ்ச பரிஸந்துஷ்டா ப3பூ4வு: புஷ்பவர்ஷிண: || 44 ||
தௌ வத்ஸபாலகௌ பூ4த்வா ஸர்வலோகைக பாலகௌ |
ஸப்ராதராஶௌ கோ3வத்ஸாம்ஶ்சாரயந்தௌ விசேரது: || 45 ||
ஸ்வம் ஸ்வம் வத்ஸகுலம் ஸர்வே பாயயிஷ்யந்த ஏகதா3 |
க3த்வா ஜலாஶயாப்4யாஶம் பாயயித்வா பபுர் ஜலம் || 46 ||
தே தத்ர த3த்3ருஶுர் பா3லா மஹாஸத்வமவஸ்தி2தம் |
தத்ரஸுர் வஜ்ர நிர்பி4ன்னம் கி3ரே: ஶ்ருங்க3மிவ ச்யுதம் || 47 ||
ஸ வை ப3கோ நாம மஹாநஸுரோ ப3கரூபத்4ருக் |
ஆக3த்ய ஸஹஸா க்ருஷ்ணம் தீக்ஷ்ணதுண்டோ3ऽக்3ரஸத்3 ப3லீ || 48 ||
க்ருஷ்ணம் மஹாப3கக்3ரஸ்தம் த்3ருஷ்ட்வா ராமாத3யோऽர்ப4கா: |
ப3பூ4வுரிந்த்3ரியாணீவ விநா ப்ராணம் விசேதஸ: || 49 ||
தம் தாலுமூலம் ப்ரத3ஹந்த மக்3நிவத்3
கோ3பால ஸூநும் பிதரம் ஜக3த்3கு3ரோ: |
சச்ச2ர்த3 ஸத்3யோऽதிருஷாக்ஷதம் ப3க:
துண்டே3ன ஹந்தும் புநரப்4யபத்3யத || 50 ||
தமாபதந்தம் ஸ நிக்3ருஹ்ய துண்ட3யோ:
தோ3ர்ப்4யாம் ப3கம் கம்ஸஸக2ம் ஸதாம் பதி: |
பஶ்யத்ஸு பா3லேஷு த3தா3ர லீலயா
முதா3வஹோ வீரணவத்3 தி3வௌகஸாம் || 51 ||
ததா3 ப3காரிம் ஸுரலோகவாஸின:
ஸமாகிரன் நந்த3நமல்லிகாதி3பி4: |
ஸமீடி3ரே ச ஆனக ஶங்க2 ஸம்ஸ்தவைஸ்தத்3
வீக்ஷ்ய கோ3பாலஸுதா விஸிஸ்மிரே || 52 ||
முக்தம் ப3காஸ்யாது3பலப்4ய பா3லகா
ராமாத3ய: ப்ராண மிவேந்த்3ரியோ க3ண: |
ஸ்தா2நாக3தம் தம் பரிரப்4ய நிர்வ்ருதா:
ப்ரணீய வத்ஸான் வ்ரஜமேத்ய தஜ்ஜகு3: || 53 ||
ஶ்ருத்வா தத்3 விஸ்மிதா கோ3பா கோ3ப்யஶ்சாதிப்ரியாத்3ருதா: |
ப்ரேத்யாக3த மிவோத்ஸுக்யாத்3 ஐக்ஷந்த த்ருஷிதேக்ஷணா: || 54 ||
அஹோ ப3தாஸ்ய பா3லஸ்ய ப3ஹவோ ம்ருத்யவோऽப4வன் |
அப்யாஸீத்3 விப்ரியம் தேஷாம் க்ருதம் பூர்வம் யதோ ப4யம் || 55 ||
அதா2ப்யபி4ப4வந்த்யேனம் நைவ தே கோ4ரத3ர்ஶநா: |
ஜிகா4ம்ஸயைநமாஸாத்3ய நஶ்யந்த்யக்3நௌ பதங்க3வத் || 56 ||
அஹோ ப்3ரஹ்மவிதா3ம் வாசோ நாஸத்யா: ஸந்தி கர்ஹிசித் |
க3ர்கோ3 யதா3ஹ ப4க3வான் அன்வபா4வி ததை2வ தத் || 57 ||
இதி நந்தா3த3யோ கோ3பா: க்ருஷ்ணராமகதா2ம் முதா3 |
குர்வந்தோ ரமமாணாஶ்ச நாவிந்த3ன் ப4வவேத3நாம் || 58 ||
ஏவம் விஹாரை: கௌமாரை: கௌமாரம் ஜஹதுர் வ்ரஜே |
நிலாயனை: ஸேதுப3ந்தை4ர் மர்கடோத்ப்லவநாதி3பி4: || 59 ||
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 வத்ஸசகவதோ4 நாம ஏகாத3ஶோऽத்4யாய: || 11 ||
பத்தாம் ஸ்கந்தம் - பதினொன்றாம் அத்யாயம் முற்றும்.