ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 10.
யமலார்ஜுனர்களின் உத்தாரணம்
அத2 த3ஶமோऽத்2யாய:
ஶ்ரீராஜோவாச |
கத்2யதாம் ப4க3வன் ஏதத் தயோ: ஶாபஸ்ய காரணம் |
யத்தத்3 விக3ர்ஹிதம் கர்ம யேன வா தே3வர்ஷேஸ்தம: || 1
ஶ்ரீஶுக உவாச |
ருத்3ரஸ்யாநுசரௌ பூ4த்வா ஸுத்3ருப்தௌ த4னதா3த்மஜௌ |
கைலாஸோபவநே ரம்யே மந்தா3கின்யாம் மதோ3த்கடௌ || 2
வாருணீம் மதி3ராம் பீத்வா மதா3கூ4ர்ணிதலோசநௌ |
ஸ்த்ரீஜனைரநுகா3யத்3பி4: சேரது: புஷ்பிதே வனே || 3
அந்த: ப்ரவிஶ்ய க3ங்கா3யாம்போ4ஜ வனராஜினி |
சிக்ரீட3துர் யுவதிபி4ர் க3ஜாவிவ கரேணுபி4: || 4
யத்3ருச்ச2யா ச தே3வர்ஷிர் ப4க3வாம்ஸ்தத்ர கௌரவ |
அபஶ்யந் நாரதோ3 தே3வௌ க்ஷீபா3ணௌ ஸமபு3த்4யத || 5
தம் த்3ருஷ்ட்வா வ்ரீடி3தா தே3வ்யோ விவஸ்த்ரா: ஶாபஶங்கிதா: |
வாஸாம்ஸி பர்யது4: ஶீக்4ரம் விவஸ்த்ரௌ நைவ கு3ஹ்யகௌ || 6
தௌ த்3ருஷ்ட்வா மதி3ராமத்தௌ ஶ்ரீமதா3ந்தௌ4 ஸுராத்மஜௌ |
தயோரநுக்3ரஹார்தா2ய ஶாபம் தா3ஸ்யந்நித3ம் ஜகௌ3 || 7
ஶ்ரீநாரத3 உவாச |
ந ஹ்யன்யோ ஜுஷதோ ஜோஷ்யான் பு3த்3தி4ப்4ரம்ஶோ ரஜோகு3ண: |
ஶ்ரீமதா3தா3பி4ஜாத்யாதி3ர் யத்ர ஸ்த்ரீ த்3யூதமாஸவ: || 8
ஹன்யந்தே பஶவோ யத்ர நிர்த3யைரஜிதாத்மபி4: |
மன்யமானைரிமம் தே3ஹமஜராம்ருத்யு நஶ்வரம் || 9
தே3வஸம்ஜ்ஞிதமப்யந்தே க்ருமிவிட்3ப4ஸ்மஸம்ஜ்ஞிதம் |
பூ4தத்4ருக் தத்க்ருதே ஸ்வார்த2ம் கிம் வேத3 நிரயோ யத: || 10
தே3ஹ: கிமன்னதா3து: ஸ்வம் நிஷேக்துர் மாதுரேவ ச |
மாது: பிதுர்வா ப3லின: க்ரேதுரக்3னே: ஶுநோऽபி வா || 11
ஏவம் ஸாதா4ரணம் தே3ஹமவ்யக்த ப்ரப4வாப்யயம் |
கோ வித்3வாநாத்மஸாத் க்ருத்வா ஹந்தி ஜந்தூந் ருதேऽஸத: || 12
அஸத: ஶ்ரீமதா3ந்த4ஸ்ய தா3ரித்3ர்யம் பரமஞ்ஜனம் |
ஆத்மௌபம்யேன பூ4தாநி த3ரித்3ர: பரமீக்ஷதே || 13
யதா2 கண்டகவித்3தா4ங்கோ3 ஜந்தோர் நேச்ச2தி தாம் வ்யதா2ம் |
ஜீவஸாம்யம் க3தோ லிங்கை3: ந ததா2வித்3த4 கண்டக: || 14
த3ரித்3ரோ நிரஹம்ஸ்தம்போ4 முக்த: ஸர்வமதை3ரிஹ |
க்ருச்ச்2ரம் யத்3ருச்ச2யாऽऽப்நோதி தத்3தி4 தஸ்ய பரம் தப: || 15
நித்யம் க்ஷுத்க்ஷாமதே3ஹஸ்ய த3ரித்3ரஸ்யாந்நகாங்க்ஷிண: |
இந்த்3ரியாண்யநுஶுஷ்யந்தி ஹிம்ஸாபி விநிவர்ததே || 16
த3ரித்3ரஸ்யைவ யுஜ்யந்தே ஸாத4வ: ஸமத3ர்ஶின: |
ஸத்3பி4: க்ஷிணோதி தம் தர்ஷம் தத ஆராத்3 விஶுத்3த்4யதி || 17
ஸாதூ4நாம் ஸமசித்தாநாம் முகுந்த3 சரணைஷிணாம் |
உபேக்ஷ்யை: கிம் த4னஸ்தம்பை4ரஸத்3பி4ரஸதா3ஶ்ரயை: || 18
தத3ஹம் மத்தயோர் மாத்4வ்யா வாருண்யா ஶ்ரீமதா3ந்த4யோ: |
தமோமத3ம் ஹரிஷ்யாமி ஸ்த்ரைணயோ ரஜிதாத்மநோ: || 19
யதி3மௌ லோகபாலஸ்ய புத்ரௌ பூ4த்வா தம:ப்லுதௌ |
ந விவாஸஸமாத்மானம் விஜாநீத: ஸுது3ர்மதௌ3 || 20
அதோऽர்ஹத: ஸ்தா2வரதாம் ஸ்யாதாம் நைவம் யதா2 புன: |
ஸ்ம்ருதி: ஸ்யான் மத்ப்ரஸாதே3ன தத்ராபி மத3நுக்3ரஹாத் || 21
வாஸுதே3வஸ்ய ஸாந்நித்4யம் லப்3த்4வா தி3வ்யஶரச்ச2தே |
வ்ருத்தே ஸ்வர்லோகதாம் பூ4யோ லப்3த4ப4க்தீ ப4விஷ்யத: || 22
ஶ்ரீஶுக உவாச |
ஏவமுக்த்வா ஸ தே3வர்ஷி: க3தோ நாராயணாஶ்ரமம் |
நளகூப3ரமணிக்3ரீவௌ ஆஸது: யமळाர்ஜுநௌ || 23
ருஷேர் பா4க3வதமுக்2யஸ்ய ஸத்யம் கர்தும் வசோ ஹரி: |
ஜகா3ம ஶனகைஸ்தத்ர யத்ராஸ்தாம் யமளார்ஜுநௌ || 24
தே3வர்ஷிர் மே ப்ரியதமோ யதி3மௌ த4னதா3த்மஜௌ |
தத் ததா2 ஸாத4யிஷ்யாமி யத்3 கீ3தம் தன்மஹாத்மநா || 25
இத்யந்தரேணார்ஜுனயோ: க்ருஷ்ணஸ்து யமயோர் யயௌ |
ஆத்மநிர்வேஶமாத்ரேண திர்யக்3 க3தமுலூக2லம் || 26
பா3லேன நிஷ்கர்ஷயதான்வகு3லூக2லம் தத்3
தா3மோத3ரேண தரஸோத்கலிதாங்க்4ரிப3ந்தௌ4 |
நிஷ்பேதது: பரமவிக்ரமிதாதிவேப
ஸ்கந்த4 ப்ரவாலவிடபௌ க்ருத சண்ட3ஶப்3தௌ3 || 27
தத்ர ஶ்ரியா பரமயா ககுப4: ஸ்பு2ரந்தௌ
ஸித்3தா4வுபேத்ய குஜயோரிவ ஜாதவேதா3: |
க்ருஷ்ணம் ப்ரணம்ய ஶிரஸாகி2ல லோகநாத2ம்
ப3த்3தா4ஞ்ஜலீ விரஜஸாவித3மூசது: ஸ்ம || 28
க்ருஷ்ண க்ருஷ்ண மஹாயோகி3ம்ஸ்த்வமாத்3ய: புருஷ: பர: |
வ்யக்தாவ்யக்தமித3ம் விஶ்வம் ரூபம் தே ப்3ராஹ்மணா விது3: || 29
த்வமேக: ஸர்வபூ4தாநாம் தே3ஹாஸ்வாத்மேந்த்3ரியேஶ்வர: |
த்வமேவ காலோ ப4க3வான் விஷ்ணுரவ்யய ஈஶ்வர: || 30
த்வம் மஹான் ப்ரக்ருதி: ஸூக்ஷ்மா ரஜ:ஸத்வ தமோமயீ |
த்வமேவ புருஷோऽத்4யக்ஷ: ஸர்வக்ஷேத்ர விகாரவித் || 31
க்3ருஹ்யமாணைஸ்த்வமக்3ராஹ்யோ விகாரை: ப்ராக்ருதைர் கு3ணை: |
கோந்விஹார்ஹதி விஜ்ஞாதும் ப்ராக்ஸித்3த4ம் கு3ணஸம்வ்ருத: || 32
தஸ்மை துப்4யம் ப4க3வதே வாஸுதே3வாய வேத4ஸே |
ஆத்மத்3யோதகு3ணைஶ் ச2ன்ன மஹிம்னே ப்3ரஹ்மணே நம: || 33
யஸ்யாவதாரா ஜ்ஞாயந்தே ஶரீரேஷ்வஶரீரிண: |
தைஸ்தைரதுல்யாதிஶயை: வீர்யைர் தே3ஹிஷ்வஸங்க3தை: || 34
ஸ ப4வான் ஸர்வலோகஸ்ய ப4வாய விப4வாய ச |
அவதீர்ணோம்ऽஶபா4கே3ன ஸாம்ப்ரதம் பதிராஶிஷாம் || 35
நம: பரமகல்யாண நம: பரம மங்க3ள |
வாஸுதே3வாய ஶாந்தாய யதூ3நாம் பதயே நம: || 36
அநுஜாநீஹி நௌ பூ4மம்ஸ்தவாநுசர கிங்கரௌ |
த3ர்ஶனம் நௌ ப4க3வத ருஷேராஸீத3நுக்3ரஹாத் || 37
வாணீ கு3ணாநுகத2னே ஶ்ரவணௌ கதா2யாம்
ஹஸ்தௌ ச கர்மஸு மனஸ்தவ பாத3யோர் ந: |
ஸ்ம்ருத்யாம் ஶிரஸ்தவ நிவாஸஜக3த்ப்ரணாமே
த்3ருஷ்டி: ஸதாம் த3ர்ஶநேऽஸ்து ப4வத்தநூநாம் || 38
ஶ்ரீஶுக உவாச |
இத்த2ம் ஸங்கீர்திதஸ்தாப்4யாம் ப4க3வான் கோ3குலேஶ்வர: |
தா3ம்நா ச உலூக2லே ப3த்3த4: ப்ரஹஸந்நாஹ கு3ஹ்யகௌ || 39
ஶ்ரீப4க3வாநுவாச |
ஜ்ஞாதம் மம புரைவைதத்3 ருஷிணா கருணாத்மநா |
யச் ச்2ரீமதா3ந்த4யோர் வாக்3பி4: விப்4ரம்ஶோऽநுக்3ரஹ: க்ருத: || 40
ஸாதூ4நாம் ஸமசித்தாநாம் ஸுதராம் மத்க்ருதாத்மநாம் |
த3ர்ஶநாந் நோ ப4வேத்3 ப3ந்த4: பும்ஸோऽக்ஷ்ணோ: ஸவிதுர் யதா2 || 41
தத்3 க3ச்ச2தம் மத்பரமௌ நளகூப3ர ஸாத3னம் |
ஸஞ்ஜாதோ மயி பா4வோ வாமீப்ஸித: பரமோऽப4வ: || 42
ஶ்ரீஶுக உவாச |
இத்யுக்தௌ தௌ பரிக்ரம்ய ப்ரணம்ய ச புன: புன: |
ப3த்3தோ4லூக2லமாமந்த்ர்ய ஜக்3மதுர் தி3ஶமுத்தராம் || 43
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 நாரத3ஶாபோ நாம த3ஶமோऽத்4யாய: || 10 ||
பத்தாம் ஸ்கந்தம் - பத்தாம் அத்யாயம் முற்றும்.