Pirrî car mirovên hişmend neçar dibin şopa xirab ya mirovên qenc sererast bikin.
Viscount Halifax
Du mirovên qenc hene: yek miriye û yê din hê nebûye.
pendek çînî
Nikarî demek dirêj qenc bî ger sedema qenciya xwe nizanî.
Richard Carew
Mirovê qenc cûnek heywanên kêmheyî ne.
Giovan Battista Spagnoli
Divê pirr bigerrî ta mirovek qenc bibînî.
Pubilius Syrus
Mirovê bi rastî qenc mîna teyrê fenîks diwelide, belkî carekê di pêncsed salan de.
Lucius Annaeus Seneca
Mirovên qenc bi rastî pirr kêm in; bi zor hindî deriyên Thebayê yan deravên Nîlê bibereket bin.
Decimus Junius Juvénalis
Qencî dijwar e.
Pittakos
Tevî ku ew raman ya Pittakosê hişmend e jî, nikarim hevbendê wê bim. Her kes baş e dema bextê wî baş be û xirab e dema bextê wî lê xirab bûye.
Simonides
Herdem hin sedem hene ku mirovan neçar dikin ku xirabiyê bikin.
Ljuben Karavelov
Rêbazek mezin e bersivdana xirabiyê bi qenciyê.
ji tekstek sanskrîtî
Bersiva xirabiyê bi qenciyê bide û bi camêriyê bikare kerb û kînan.
Qur'an
Wa dixwiye ku hûn hûn xirabiyê bi qenciyê û qencyê bi xirabiyê xelat dikin.
Titus Maccius Plautus
Lê Îsa got: yezdan, li wan negire. Ew nizanin ka çi dikin.
Mizgîn (Incîl)
Lêborîna li her tiştî jî bi qasî hindê zilm e ku li ti tiştî neborî.
Lucius Annaues Seneca
Her xirabî digihe heqê xwe.
Seneca
Di her qenciyê de hin xirabî heye.
Alkaios
Qencî û xirabî nikarin ji hev cuda bên ragirtin; herdem ew bi awayekî li hev rapêçayî ne.
Eripides
Me tek xweşî yan qencî jî nîne ku pilek xirabiyê têkil nebûbe.
Michel de Montaigne
Qencî û xirabî bi awayek hema qet ji hev venebin li vê dinyayê bi hev re şên dibin û digihin.
John Milton
Her tişt tevlihev e: bikêrî û bêwecî, qencî û xirabî, cewerî û bênirxî.
Francis Quarles
Cudatiya di navbera qencî û xirabiyê de herî zêde berhema xeyalên me ye.
Thomas Fuller
Her tişt wa ye wek ku em dipûnijin. Wê ramanê ya ku dibêje tu xeyidî yî, ji dilê xwe biavêje, û tu dê bibînî ku êdî aşt î.
Marcus Aurelius
Ti tişt ne qenc e û ne jî xirab e ta ku ew bi ramanan wa neyên sinifandin.
William Shakespeare
Tişta kesek giring bihesibîne giring e.
William James
Tişta ji hinan re xirab e, herdem ji hinan re baş e.
Jane Austen
Ti tişt ne wa xirab e ku ne ji kesekî re bikêr be.
Midrash
Ta xirabiya bêhed jî, ger tenê ew cokekê bibîne ku tê re biherrike, ji bilî qenciyê ti tiştî nake armanca xwe.
Sofokles
Sirişt ji xirabiyê qenciyê.
Menandros
Ji xirabiyek pirrî biçûk qenciyek mezin.
Diogenianus
Yekem waneya dîrokê: qencî çawan dikare ji xirabiyê çêbibe.
Ralph Waldo Emerson
Ti kes ji me ne bêguneh e.
Lucius Annaeus Seneca
Jixwe nîne mirov yê gunehan neke.
Peymana Kevn (Tewrat)
Bi vê kembaxiyê razî ne daku nekevî kembaxiyek xirabtir.
Phaedrus
Dest bernede ji ya te heyî: xirabiya nas ya herî baş e.
Titus Maccius Plautus
Herî baş tehemila xirabiya nas tê kirin.
Titus Livius
Li şûna xwe li yên nenas bicerribînî, tê bikoşe tehemila wî xirabî bike yê dinasî.
Plutarkhos
Herdem tehemila xirabiya nas û kevn baştir ji ya nû û nedîtî tê kirin.
Michel de Montaigne
Li şûna em ji du qenciyan yekê bibijêrin, pirrî caran em neçar in ji du xirabiyan yekê bibijêrin.
Charles Caleb Colton
Xirabî bêdengkirina qenciyê ye.
Lauri Viita
Qencî wek hilketina bi çiyayan ve ye, pêdivî bi têkoşînê heye.
Kaibara Ekiken
Bila hejar ji bîra me neçin - ti pare lê naçin.
Mark Twain
Jixwe armanca hemiyan qencî ye.
George Bernard Shaw
Ti kesê qedrê xwe li cem xwe hebe, hind xwe rezîl û riswa nake ku wî tiştî daxwaz bike yê ne wek diyarî para wî be.
Publius Terentius Afer
Ti car daxwaz neke wî tiştî yê bikarî bi zorê bistînî.
Miguel de Cervantes
Qencî ji xêran ya yekem e.
Luc de Clapiers Vauvenargues
Em nikarin bidin ti tiştî ji bilî yê ku ji me re hatibe dan. Em nikarin bidin ti tiştî ji bilî wî yê ku yê xelkê ye.
Jorge Luis Borges
Qencî ji mirovan re tiştek siriştî ye, tiştek di reftar û tevgera mirovan de rehgirtî ye.
Meng-zu
Qenciya li dema ne dirist xirabî ye.
Quintus Ennius
Ya ji hemiyan dijwartir ew e ku mirov neçar bibe tiştekî ji kesekî bixwaze.
Salomo ibn Gabirol
Nabe merdiya me ti car ji sinorên kirinên me derbikeve.
Marcus Tullius Cicero
Ger bixwazî ku kesek hest bi hejarî û nedariyê bike, hezar dolaran bidiyê. Êdî ew sed dolar, yên ku ew piştî wê xêra te bidest bixe, ji wî re ta ne bi nirxê deh dolarên berî danê werdigirtin jî ne. Dilê xwe pê bişewitîne. Xêrê lê neke.
Henry David Thoreau
Li xwe hişyar be ka qenciyê li kê dikî.
Marcus Porcius Cato
Tişta wî hebe, dide. Tişta dipûnije, dibêje. Lê merdiya xwe bi sexbêrî bi kar tîne.
William Shakespeare
Bêlê, merdiyê herdem sedemek heye ka çima tê dan; û ger nebe jî, ew dê sedemek baş bibîne.
Publius Syrus
Peyv siya kirinê ye.
Demokritos
Peyv tenê peqlîşk in, kirin dilopên zêrrîn in.
pendek çînî
Ger bidî, ne nîvî bide!
Philip Massinger
Ti kes nikare zikbirsî ji cîranê xwe hez bike.
Woodrow Wilson
Minetdarî barek e ku ti kes naxwaze demek dirêj li ser milên xwe hilgire.
Denis Diderot
Ne merd î lê merdî nesaxiya te ye.
Epikharmos
Barê minetkariyê giran neke yan dê zîtikan li te bide.
Benjamin Franklin
Yê carekê alîkariya te kiribe, dê car din jî baştir alîkariya te bike ji yê ku minetdarî te ye.
Benjamin Franklin
Ew, yên min herî zêde destek dayê, herî zêde ziyanê digihînin min.
Sapfo
Dema êdî ew ne hewceyî te bin, dê te wek pêlavên şekalbûyî biavêjin.
Anthony Trollope
Xulamî karê xwe kiriye, dikare biçe.
pendek ewropî
Peyv spasiyek vala ne.
nenas
Bêwec e li bendê bî ku dostaniya te carekê bi minetdariyê bêt xelatkirin.
Homeros
Minetdarî di cih de piştî welidînê mir.
Zenobios
Çi bi lez pîr dibe? Minetdarî.
Aristoteles
Seyê spasdar ji mirovê bêminet çêtir e.
Se'diyê Şîrazî
Ger seyekî ji mirina ji ber birsê xilas bikî û wî halxweş bikî, ew te naxwe. Aha ew e cudatiya bingehîn di navbera seyan û mirovan de.
Mark Twain
De bila lê dî, sirr û seqema zivistanê. Her ne xirabtir î ji bêminetiya mirovan.
William Shakespeare
Di pratîkê de ne gengaz e mirov qenc be lê dîsan jî dikare qenciyan bike.
Benjamin Franklin
Mirovê qenc dikare ducarî bijî ji ber ku jiyan hindî du jiyanan e bo wî yê bikare zewq û lezetê ji bibîranîna rojên xwe yên borî wergire.
Martialis
Bijartin û wergerandin: Husein Muhammed: [email protected]
