Li van kûçeyan
Di zikê tevliheviya bê war
Geremolî
Rastî û çewtiyên çerixî
Li ber dengên ku min dikşandin xwe
Min fam li xwe gerand
Li qalên rondikên peyvan
Di wateya di wê de ji bîr bûyî
Çawa ku mar û dûpiçik pevbiçin
Di min de ew rast di wê de ez çewt
Min xwe lê îmze kir
Min ew li asîman fikirî
Stêr diavêt min
Min ji dîroka wê hilbijart
Hîm anî dayê
Pesnên wê bû nexşeya welatê wê
Pesnên wê bû nexşeya welatê wê
Mirisîna wê bû hilgirtina dilê xwe belkirî
Di deqên nivîsandî de
Nedikarî nîn bimaya di kêlikê de
Di dest dîliya xwedî bîrakirî de
Dilbera asoyên di xwe de barkirî
Nepengeha di reşahiya rûyê xwe de veşartî
Di mizgefta lomên min de
Helbestên ku fam nedikir dida nivîsandin
Porkura teniya xwe guvişî
