Hêdî-hêdî navdar, giregir û pelewanên kurd ên sax û mirî jî dibin xwedî malper û ew bi rêya teknolojiya nû bi kurdan û cîhanê tên nasîn.
Yek ji van xebatên hêja amadekirina malperekê ye bo zimannasê bêpayan û siwarê çeleng ê zimanê kurdî û ronakbîriya kurdî Celadet Alî Bedirxan.
Tevî ku malper hê di qonaxa xwe ya destpêkê de ye û kêmasiyên malperê pirr in jî, hê ji niha mirov dikare hêviyek xurt bispêre vê malperê ku ji alî birêz Zekî Özmen de tê amadekirin.
Di malperê de çendîn nivîsar li ser jiyana Celadet Bedirxan hene ku malperê - bi gotina xwe - bi destûra nivîskarên wan nivîsaran ew belav kirine. Herwiha hejmarek ji nivîsar û helbestên Bedirxan bi xwe jî di bin "Nivîsar" û "Helbest" de cî girtine. Ji bilî van, gotinin medya û çapemeniyê yên li ser Bedirxan jî di malperê de hatine bicîkirin.
Avakerê vê malperê bi xebatekê rabûye ku nirx û bihayê wê gewherên giyanî û durrên derûnî ne! Hêviya me ji wî ew e ku bikare malperê bi pergalek hê bedewtir û maqûltir rabixe.
