Para quen non quixo saber
e non se quixo enterar
aquí están estas coplas
¡Ai!, para ler sen olvidar.

Estas crónicas piratas
pretenden ¡Ai!, aclarar
as cousas que pasaron
alá na beira do mar.

Esta é unha historia
que de moito carallo
tendo nosas vidas nas mans
dunha xente sen Estado.

Non é estética, esto
que che é a vida real
esperta pois do teu sono
¡Ai!, e bota unha man.

Sabede, non é de coña
dígovos de verdade que non
aproveitade a pensar
nesta exemplar ocasión

Non é cuestión de poetas
o que vos paso a contar
xa que algúns políticos
o cárcere débeos tragar.

Xa sei, non gusta a ninguén
o escoitar as verdades
pois din que dicíndoas
pérdense as amizades.

Din: non hai peor cego
¡Ai!, que o que non quere ver
o din as mentes sabias
¡Ai!, precisas en conta ter.

Non hai que ser ovelliñas
hai que pararse a pensar
que si estes están aquí
e porque os foron votar.

E dinnos estes señores
que non se debe opinar
o de facer política
o ven eles sempre moi mal.

1

Eso está claro paisanos
só nos queren para votar,
todo é propaganda
non vos deixedes enganar.

Eles fan que a política
nos dé a nos moito noxo
pa así facela eles
¡Ai!, con moitísimo gozo

Do Prestige farán olvidar
si non queren saber de nos
os que están a mandar nos
medios de comunicación

Pero algúns non calan non,
e din as cousas como son
¡menos mal!, a democracia
¡Ai!, pode servir un montón

Xa sei que moitos non pensan
¡Ai!, Como o que aquí se di
Pero os que así non pensan
¡Ai!, e que non queren oír.

¡Ai!, moitos non pensaredes
como estas coplas igual
¡Ai!, non pechedelos ollos
leédeas ata o final.

Depóis de léelas todas
cambiaredes de opinión,
sobre aqueles que nos gobernan
nesta exemplar ocasión.

Estas coplas polo mundo
facede polas repartir
non as quededes nas mans
pois hai que facelas vivir.

Quédanos toda a vida
¡Ai!, para estar a mudar
na busca de tempos novos
onde vai Galicia andar.

¡Ai!, ¡Ai!, Galegos loitade
por tempos novos que virán
¡Ai!, xa que dende aquí se fan
e o alcance da man están.