Aurora State College of Technology
  PICTURES   HISTORY    LINKS   GUEST              
MAINPAGE
ENROLLMENT
GASS
FACULTY
COURSES
SCHOOLS
STUDENT AFFAIRS
SCHOLARSHIPS
ORGANIZATIONS
LIBRARY
Research and Extension
Research and Extension

Production Production

Aurora.ph
Link to the Aurora Province Website AURORA.PH

The College Seal The College Seal

cabanilla.jpg (2824 bytes)
The College President

The College President Dr. Benny A. Palma, College President, 1994-2001

Staff Profiles
Staff Profiles
Groundbreaking Ceremonies
Groundbreaking Ceremonies (1994)
International Volunteers
International Volunteers
International Scholars
International Scholars
ASCOT GROUNDBREAKING CEREMONIES
MAY 21, 1994
SITIO DICALOYUNGAN, BRGY. ZABALI,
BALER, AURORA

Symbolic Ritual: Building the House of the Intellect in the Service of Aurora and the Nation

Concept and Script by:

DR. DIONISIA A. ROLA
Professor Emeritus
University of the Philippines System

GEB_More Dramatic.jpg (58566 bytes)

Ang Araw na ito, ika dalawampu at isa ng Mayo
Isang libo, siyam na raan at siyamnapu't apat - ay makahulugan
sa kasaysayan ng ating mahal na lalawigan,
Aurora ang pangalan.
Isang kasaysayang ang simula'y
maririnig sa bagsak ng alon na mararahas sa bayan ng Casiguran at sa
hanging humahagibis sa kabundukan at
kagubatan sa nayan ng Baler.
 
Alon na walang sawa at mga bulubundukin na di-matahak
Ang animo'y sagabal sa pag-unlad ng naunang dalawang bayang ito,
Sampu na rin ng anim pang bayan, Maria Aurora, Dipaculao at Dingalan,
San Luis, Dilasag at Dinalungan.
 
Gayunpaman, hindi maparam-param ang pag-asa ng mga tao sa Aurora,
na ito ay may magandang kinabukasan.
Hindi mapatpat ang pagsusumikap ng mga liderato nito
na makamtan ang layuning dakila na mabigyan ang mga mamamayan
lalo na ang kabataan, ng masagana at mapayapang kinabukasan.
 
Groundbreaking_Choir.jpg (49697 bytes)
 
Kaya nga't ang araw na ito ay lubhang
makahulugan umagang glorioso sa ating kasaysayan
Isang institusyon sa wakas ay maitatatag sa sinapupunan ng dagat,
sa lilim ng gubat.
Ang bukod-tanging Kolehiyong ating pinakamimithi,
Korona ng Bayan:
Aurora State College of Technology
ang kanyang pangalan.
 
Kaya tayo ngayon ay nagtipon-tipon, mga lider ng Kongreso, lalawigan at
Ng walong bayan - mga embajadores at buong sambayanan,
Ay upang bigyang-galang ang Poong Maykapal, na siyang simula
At wakas ng katotohanan, kabutihan at kariktan.
Sa kanya nanggagaling ang lahat ng mga biyaya,
Kaya sumasamo tayong lahat
Nawa ay kasihan ng walang hanggan ang bagong biyayang sa atin ay ibinigay.
 
Groundbreaking_Fr. Agapay.jpg (177373 bytes)
 
Bilang halimbawa ng gawaing banal at nagbibigay-diin sa tungkuling dapat
Ang una pagtatanim ng mga punong kahoy na nagbibigay ng pagkain,
silungan, silid-tubig at alindog sa kapaligiran,
Ito'y isang aksiyong dapat isagawa ng isa't isa.
Hindi lamang ang pagtanim, kundi pag-aruga at pagkalinga
Sa yama ng Aurora.
 
Ngayon naman ay isasagawa ng mga iginagalang nating liderato
Ng lalawigan ng aurora at ng mga pinuno ng kanyang walong bayan
Sampu ng mga mahal nating panauhin at embajadores ng
European Economic Community, ng Espanya, Italia, at ng Britania.
At ng ating mahal na Representante
na si Ginoong BENEDICTO MIRAN
At ng ating pinakamamahal na pangulo ng Senado,
si Senador EDGARDO J. ANGARA.
 
Ngayong nabasbasan na ng banal na bendisyon
Ang kaisa-isa nating kolehiyo,
Pagtanim ng punong-kahoy na magbibigay lilim,
Masasaksihan naman natin
Ang isang katutubong simbulo
Uklat sa imahinasyon ng lahing Pilipino.
 
Ang Aurora State College of Technology
Ay kakambal ng isang bahay, sampu ng lupang kinatatayuan -
Isang tirahan, bantayog ng karunungan.
Masidhi ang paniniwala ng ating mga pinuno
na sa unang pagtuntong at paglipat
Sa bahay-bakuran, ay kailangang may dala -
Mga importanteng bagay.
 
Ang una ay ilaw na pinang-galingan ng init at liwanag.
Pang-sabog ng karimlan na ginagalawan, pang-tanglaw sa landas
na patutunguhan.
Init na sagisag ng adhikaing sisimulan.
Liwanag na hihikayat at gagabay
Sa isipan at pagkatao ng sinumang tatapak at papasok sa pintuan
Ang liwanag ay tanda ng mulat na kamalayan.

GBKNG01.jpg (29988 bytes)

Kasama sa pagpasok ang bigas at palay,
Animo nagsasabing kolehiyo'y palabigasan -
Walang pinipili, sa lahat, inilalaan.
Mga perlas at gintong butil ng kasaysayan ng tao at sambayanan.
O sagot sa talinhaga ng siyensiya't matematika
Bumubusog sa isipan - umuusbong
MAalindog na karunungan.
 
Pagmasdan ang palay
Kapag meron nang uhay.
Yumuyuko, di ba't halimbawa
Na kapag marunong na'y nagpapakumbaba
Lalo na kung hitik at hinog ang dala niyang bunga
Lalong bumababa, para bang iniaalay
Ang buong sarili sa kapakanan ng bayan.
 
Groundbreaking_Dr. Palma Planting Salt.jpg (76848 bytes)
 
Kaugnay sa pasimula ang tubig.
Daloy, tuloy-tuloy, pilit hinahanap ang dagat
Upang muling pumaitaas sa anyo ng ulan at pumatak
sa anumang uri ng kapaligiran.
Sa ating bagong kolehiyo, pilit hahanapin ang katotohanan at
Kahulugan ng buhay. Hamog na humahaplos sa bagong kamalayan,
At pamatid-uhaw sa tuyot na isipan.
Iyan ang tubig na nagbibigay-buhay, tubig sa ilalim ng lupa,
Tubig sa gubat, tubig sa langit, tubig sa dagat -
tubig ng karunungan para sa ating lahat.
 
Groundbreaking_Tossinjg Rice.jpg (75661 bytes)
 
Ngayong nandiyan na lahat ng pangangailangan,
Mayroon pang isa, di dapat kalimutan.
Bagama't may apoy at ilaw, mga sangkap at tubig,
Ano pa ba ang kailangan upang ang mga ito'y ating mabibili?
Di ba suporta ng madla at saka salapi?
Nararapat din kung gayon na ito'y ipasok,
tugon sa pangangailangan ng Kolehiyo
Sa patuloy niyang paglaki at pag-usbong.
 
Kaya, mga Kasamahan, mahal na panauhin, mga bisig at lakas
Gaby at tanglaw, buong lalawigan
Ngayong ang simbulong ritwal ng pagtatatag ng Aurora State College
of Technology ay natapos na rin:
Pakinggan natin ang mga sumusunod bilang pagpapatibay ng kanilang
Pagtulong sa Aurora State College of Technology.
Karamiha'y tubong Aurora at piling-pili
Ilaw at gabay ng mga estudyante;
Pinangungunahan sila ng pinakaunang
Presidente na sumagot sa panawagan
Ng pangangailangan;
Nilisan niya ang kanyang lalawigan at
brilyanteng kinabukasan, bilang Director
of Research and Development sa Aklan State College of Agriculture.
Dala-dala niya ang buong pamilya, at niyakap ng buong
loob ang katungkulang inilatay sa kanyang
balikat - Dr. BENNY A. PALMA
 
(In unison President Palma, faculty and
staff pledge their commitment.)

Groundbreaking_Dr. Palma.jpg (75729 bytes)

Kasunod naman ay ang lideratong lokal, na
Magkakasunod na magsasalita:
Ang ating iginagalang na Gobernador, si Ginoong EDGARDO ONG,
at ang minamahal nating Mayor na si Ginoong ARTURO J. ANGARA.
 
Hindi pa man, ay lubhang napakalaki na ang naitulong sa Aurora State.
Sila at ang kanilang staff ang naghalili sa pag-aasikaso sa lahat
ng pangangailangan ng Task Force tuwing
nagbibiyahe dito mula sa Maynila - pasakay, pakain, patulog,
at walang hupang pagtulong.
 
Ang lideratong nasyonal ang siya namang susunod
Ang kagalang-galang na representante natin sa Kongreso, si Ginoong
BENEDICTO MIRAN, at ang pinakamamahal nating Presidente ng Senado
na si Senador EDGARDO J. ANGARA.
 
Walang tigil nilang iginiit na mapasa ang Republic Act. No. 7664
na siyang pinagbatayan ng ating kolehiyo.
 
(Congressman Miran makes his pledge)
 
Si Senador Angara, higit sa lahat, ang nagpasulong
sa pagdating ng araw na ito.
Siya ang nag-kusang magkaroon kaagad ng tatlumpung milyong piso
ang Aurora State College upang makapagsimula na nga dito
ang serbisyo akademiko.
 
(Senate President Angara makes his pledge)

Groundbreaking_EDJA.jpg (63634 bytes)

 
Nagpapasalamat kami sa inyong kalahatan, lalo na sa tumulong
sa mga preparasyon para sa umagang ito!

Groundbreaking_Dr. Rola, etc.jpg (137354 bytes)

Return to Top
Return to Mainpage

Hosted by www.Geocities.ws

1