ஶ்ரீமத்பாகவதமஹாபுராணம் :: ஒன்பதாம் ஸ்கந்தம் :: அத்யாயம் 2.
ப்ருஷத்ரர் முதலிய மனுக்களின் ஐந்து புத்ரர்களின் வம்ச வர்ணனை
அத2 த்விதீயோऽத்2யாய:
ஶ்ரீஶுக உவாச
ஏவம் க3தேऽத2 ஸுத்3யும்னே மநுர் வைவஸ்வத: ஸுதே|
புத்ரகாமஸ்தபஸ்தேபே யமுநாயாம் ஶதம் ஸமா:|| 1
ததோऽயஜன் மநுர் தே3வமபத்யார்த2ம் ஹரிம் ப்ரபு4ம்|
இக்ஷ்வாகு பூர்வஜான் புத்ரான் லேபே4 ஸ்வஸத்3ருஶான் த3ஶ|| 2
ப்ருஷத்4ரஸ்து மநோ: புத்ரோ கோ3பாலோ கு3ருணா க்ருத:|
பாலயாமாஸ கா3 யத்தோ ராத்ர்யாம் வீராஸனவ்ரத:|| 3
ஏகதா3 ப்ராவிஶத்3 கோ3ஷ்ட2ம் ஶார்தூ3லோ நிஶி வர்ஷதி|
ஶயாநா கா3வ உத்தா2ய பீ4தாஸ்தா ப3ப்4ரமுர் வ்ரஜே|| 4
ஏகாம் ஜக்3ராஹ ப3லவான் ஸா சுக்ரோஶ ப4யாதுரா|
தஸ்யாஸ்தத் க்ரந்தி3தம் ஶ்ருத்வா ப்ருஷத்4ரோऽபி4ஸஸார ஹ|| 5
க2ட்3க3மாதா3ய தரஸா ப்ரலீநோடு3க3ணே நிஶி|
அஜாநந் நஹனத்3 ப3ப்4ரோ: ஶிர: ஶார்தூ3ல ஶங்கயா|| 6
வ்யாக்4ரோऽபி வ்ருக்ணஶ்ரவணோ நிஸ்த்ரிம்ஶாக்3ராஹதஸ்தத:|
நிஶ்சக்ராம ப்4ருஶம் பீ4தோ ரக்தம் பதி2 ஸமுத்ஸ்ருஜன்|| 7
மன்யமாநோ ஹதம் வ்யாக்4ரம் ப்ருஷத்4ர: பரவீரஹா|
அத்3ராக்ஷீத் ஸ்வஹதாம் ப3ப்4ரும் வ்யுஷ்டாயாம் நிஶி து3:கி2த:|| 8
தம் ஶஶாப குலாசார்ய: க்ருதாக3ஸமகாமத:|
ந க்ஷத்ரப3ந்து4: ஶூத்3ரஸ்த்வம் கர்மணா ப4விதாமுநா|| 9
ஏவம் ஶப்தஸ்து கு3ருணா ப்ரத்யக்3ருஹ்ணாத் க்ருதாஞ்ஜலி:|
அதா4ரயத்3 வ்ரதம் வீர ஊர்த்4வரேதா முனிப்ரியம்|| 10
வாஸுதே3வே ப4க3வதி ஸர்வாத்மநி பரேऽமலே|
ஏகாந்தித்வம் க3தோ ப4க்த்யா ஸர்வபூ4த ஸுஹ்ருத் ஸம:|| 11
விமுக்த ஸங்க3: ஶாந்தாத்மா ஸம்யதாக்ஷோऽபரிக்3ரஹ:|
யத்3ருச்ச2யோபபன்னேன கல்பயன் வ்ருத்திமாத்மன:|| 12
ஆத்மன்யாத்மான மாதா4ய ஜ்ஞானத்ருப்த: ஸமாஹித:|
விசசார மஹீமேதாம் ஜடா3ந்த4 ப3தி4ராக்ருதி:|| 13
ஏவம்வ்ருத்தோ வனம் க3த்வா த்3ருஷ்ட்வா தா3வாக்3நி முத்தி2தம்|
தேநோபயுக்த கரணோ ப்3ரஹ்ம ப்ராப பரம் முனி:|| 14
கவி: கநீயான் விஷயேஷு நி:ஸ்ப்ருஹோ
விஸ்ருஜ்ய ராஜ்யம் ஸஹ ப3ந்து4பி4ர் வனம்|
நிவேஶ்ய சித்தே புருஷம் ஸ்வரோசிஷம்
விவேஶ கைஶோரவயா: பரம் க3த:|| 15
கரூஷான் மானவாதா3ஸன் காரூஷா: க்ஷத்ரஜாதய:|
உத்தராபத2 கோ3ப்தாரோ ப்3ரஹ்மண்யா த4ர்மவத்ஸலா:|| 16
த்4ருஷ்டாத்3 தா4ர்ஷ்டமபூ4த் க்ஷத்ரம் ப்3ரஹ்மபூ4யம் க3தம் க்ஷிதௌ|
ந்ருக3ஸ்ய வம்ஶ: ஸுமதிர் பூ4தஜ்யோதிஸ் ததோ வஸு:|| 17
வஸோ: ப்ரதீகஸ்தத்புத்ர ஓக4வாநோக4வத்பிதா|
கன்யா சௌக4வதீ நாம ஸுத3ர்ஶன உவாஹ தாம்|| 18
சித்ரஸேநோ நரிஷ்யந்தாத்3 ருக்ஷஸ்தஸ்ய ஸுதோऽப4வத்|
தஸ்ய மீட்4வாம்ஸ்தத: கூர்ச இந்த்3ரஸேநஸ்து தத்ஸுத:|| 19
வீதிஹோத்ரஸ்த்வந்த்3ரஸேநாத் தஸ்ய ஸத்யஶ்ரவா அபூ4த்|
உருஶ்ரவா: ஸுதஸ்தஸ்ய தே3வத3த்தஸ்ததோऽப4வத்|| 20
ததோऽக்3நிவேஶ்யோ ப4க3வாநக்3நி: ஸ்வயமபூ4த் ஸுத:|
கானீன இதி விக்2யாதோ ஜாதூகர்ண்யோ மஹான் ருஷி:|| 21
ததோ ப்3ரஹ்ம குலம் ஜாதமாக்3நிவேஶ்யாயனம் ந்ருப|
நரிஷ்யந்தான்வய: ப்ரோக்தோ தி3ஷ்டவம்ஶமத: ஶ்ருணு|| 22
நாபா4கோ3 தி3ஷ்ட புத்ரோऽன்ய: கர்மணா வைஶ்யதாம் க3த:|
ப4லந்த3ன: ஸுதஸ்தஸ்ய வத்ஸப்ரீதிர் ப4லந்த3நாத்|| 23
வத்ஸப்ரீதே: ஸுத: ப்ராம்ஶுஸ் தத்ஸுதம் ப்ரமதிம் விது3:|
க2நித்ர: ப்ரமதேஸ் தஸ்மாச்சாக்ஷுஷோऽத2 விவிம்ஶதி:|| 24
விவிம்ஶதிஸுதோ ரம்ப4: க2நிநேத்ரோऽஸ்ய தா4ர்மிக:|
கரந்த4மோ மஹாராஜ தஸ்யாஸீத் ஆத்மஜோ ந்ருப|| 25
தஸ்யாவீக்ஷித் ஸுதோ யஸ்ய மருத்தஶ்சக்ரவர்திஅபூ4த்|
ஸம்வர்தோऽயாஜயத்3 யம் வை மஹாயோக்3யங்கி3ர:ஸுத:|| 26
மருத்தஸ்ய யதா2 யஜ்ஞோ ந ததா2ன்யஸ்ய கஶ்சன|
ஸர்வம் ஹிரண்மயம் த்வாஸீத்3 யத் கிஞ்சிச்சாஸ்ய ஶோப4னம்|| 27
அமாத்3யதி3ந்த்3ர: ஸோமேன த3க்ஷிணாபி4ர் த்3விஜாதய:|
மருத: பரிவேஷ்டாரோ விஶ்வேதே3வா: ஸபா4ஸத3:|| 28
மருத்தஸ்ய த3ம: புத்ரஸ்தஸ்யாஸீத்3 ராஜ்யவர்த4ன:|
ஸுத்4ருதிஸ் தத்ஸுதோ ஜஜ்ஞே ஸௌத்4ருதேயோ நர: ஸுத:|| 29
தத்ஸுத: கேவலஸ்தஸ்மாத்3 ப3ந்து4மான் வேக3வாம்ஸ்தத:|
ப3ந்து4ஸ்தஸ்யாப4வத்3 யஸ்ய த்ருணபி3ந்து3ர் மஹீபதி:|| 30
தம் பே4ஜேऽலம்பு3ஷா தே3வீ ப4ஜநீய கு3ணாலயம்|
வராப்ஸரா யத: புத்ரா: கன்யா சேட3விடா3ப4வத்|| 31
தஸ்யா முத்பாத3யாமாஸ விஶ்ரவா த4னத3ம் ஸுதம்|
ப்ராதா3ய வித்3யாம் பரமாம் ருஷிர் யோகே3ஶ்வராத் பிது:|| 32
விஶால: ஶூன்யப3ந்து4ஶ்ச தூ4ம்ரகேதுஶ்ச தத்ஸுதா:|
விஶாலோ வம்ஶக்ருத்3 ராஜா வைஶாலீம் நிர்மமே புரீம்|| 33
ஹேமசந்த்3ர: ஸுதஸ்தஸ்ய தூ4ம்ராக்ஷஸ்தஸ்ய ச ஆத்மஜ:|
தத்புத்ராத் ஸம்யமாதா3ஸீத் க்ருஶாஶ்வ: ஸஹதே3வஜ:|| 34
க்ருஶாஶ்வாத் ஸோமத3த்தோऽபூ4த்3 யோऽஶ்வமேதை4 ரிட3ஸ்பதிம்|
இஷ்ட்வா புருஷமாபாக்3ர்யாம் க3திம் யோகே3ஶ்வராஶ்ரித:|| 35
ஸௌமத3த்திஸ்து ஸுமதிஸ் தத்ஸுதோ ஜனமேஜய:|
ஏதே வைஶாலபூ4பாலா ஸ்த்ருணபி3ந்தோ3ர் யஶோத4ரா:|| 36
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் நவமஸ்கந்தே4 த்3விதீயோऽத்4யாய: || 2 ||
ஒன்பதாம் ஸ்கந்தம் - இரண்டாம் அத்யாயம் முற்றும்.