ஶ்ரீமத்பாகவதமஹாபுராணம் :: ஒன்பதாம் ஸ்கந்தம் :: அத்யாயம் 1.
ராஜா சுத்யும்னனின் சரித்திரம்
அத2 ப்ரதமோऽத்2யாய:
ஶ்ரீராஜோவாச|
மன்வந்தராணி ஸர்வாணி த்வயோக்தாநி ஶ்ருதானி மே|
வீர்யாண்யநந்தவீர்யஸ்ய ஹரேஸ்தத்ர க்ருதானி ச|| 1
யோऽஸௌ ஸத்யவ்ரதோ நாம ராஜர்ஷிர் த்3ரவிடே3ஶ்வர:|
ஜ்ஞானம் யோऽதீதகல்பாந்தே லேபே4 புருஷஸேவயா|| 2
ஸ வை விவஸ்வத: புத்ரோ மநுராஸீதி3தி ஶ்ருதம்|
த்வத்தஸ்தஸ்ய ஸுதாஶ்சோக்தா இக்ஷ்வாகுப்ரமுகா2 ந்ருபா:|| 3
தேஷாம் வம்ஶம் ப்ருத2க்3 ப்3ரஹ்மன் வம்ஶ்யாநுசரிதாநி ச|
கீர்தயஸ்வ மஹாபா4க3 நித்யம் ஶுஶ்ரூஷதாம் ஹி ந:|| 4
யே பூ4தா யே ப4விஷ்யாஶ்ச ப4வந்த்யத்3யதநாஶ்ச யே|
தேஷாம் ந: புண்யகீர்தீநாம் ஸர்வேஷாம் வத3 விக்ரமான்|| 5
ஶ்ரீஸூத உவாச|
ஏவம் பரீக்ஷிதா ராஜ்ஞா ஸத3ஸி ப்3ரஹ்மவாதி3நாம்|
ப்ருஷ்ட: ப்ரோவாச ப4க3வான் ஶுக: பரமத4ர்மவித்|| 6
ஶ்ரீஶுக உவாச|
ஶ்ரூயதாம் மானவோ வம்ஶ: ப்ராசுர்யேண பரந்தப|
ந ஶக்யதே விஸ்தரதோ வக்தும் வர்ஷஶதைரபி|| 7
பராவரேஷாம் பூ4தாநாமாத்மா ய: புருஷ: பர:|
ஸ ஏவாஸீதி3த3ம் விஶ்வம் கல்பாந்தேऽன்யன்ன கிஞ்சன|| 8
தஸ்ய நாபே4: ஸமப4வத் பத்3மகோஶோ ஹிரண்மய:|
தஸ்மின்ஜஜ்ஞே மஹாராஜ ஸ்வயம்பூ4ஶ்சதுரானன:|| 9
மரீசிர் மனஸஸ்தஸ்ய ஜஜ்ஞே தஸ்யாபி கஶ்யப:|
தா3க்ஷாயண்யாம் ததோऽதி3த்யாம் விவஸ்வானப4வத் ஸுத:|| 10
ததோ மனு: ஶ்ராத்3த4தே3வ: ஸம்ஜ்ஞாயாமாஸ பா4ரத|
ஶ்ரத்3தா4யாம் ஜனயாமாஸ த3ஶ புத்ரான் ஸ ஆத்மவான்|| 11
இக்ஷ்வாகுந்ருக3 ஶர்யாதி தி3ஷ்ட த்4ருஷ்ட கரூஷகான்|
நரிஷ்யந்தம் ப்ருஷத்4ரம் ச நப4க3ம் ச கவிம் விபு4:|| 12
அப்ரஜஸ்ய மநோ: பூர்வம் வஸிஷ்டோ2 ப4க3வான் கில|
மித்ராவருணயோரிஷ்டிம் ப்ரஜார்த2 மகரோத்3 ப்ரபு4:|| 13
தத்ர ஶ்ரத்3தா4 மநோ: பத்நீ ஹோதாரம் ஸமயாசத|
து3ஹித்ரர்த2 முபாக3ம்ய ப்ரணிபத்ய பயோவ்ரதா|| 14
ப்ரேஷிதோऽத்4வர்யுணா ஹோதா த்4யாயம்ஸ்தத் ஸுஸமாஹித:|
ஹவிஷி வ்யசரத் தேன வஷட்காரம் க்3ருணன் த்3விஜ:|| 15
ஹோதுஸ் தத்3வ்யபி4சாரேண கன்யேலா நாம ஸாப4வத்|
தாம் விலோக்ய மநு: ப்ராஹ நாதிஹ்ருஷ்டமநா கு3ரும்|| 16
ப4க3வன் கிமித3ம் ஜாதம் கர்ம வோ ப்3ரஹ்மவாதி3நாம்|
விபர்யயமஹோ கஷ்டம் மைவம் ஸ்யாத்3 ப்3ரஹ்ம விக்ரியா|| 17
யூயம் மம்த்ரவிதோ3 யுக்தாஸ்தபஸா த3க்3த4கில்பி3ஷா:|
குத: ஸம்கல்பவைஷம்யம் அந்ருதம் விபு3தே4ஷ்விவ|| 18
தன்னிஶம்ய வசஸ்தஸ்ய ப4க3வான் ப்ரபிதாமஹ:|
ஹோதுர் வ்யதிக்ரமம் ஜ்ஞாத்வா ப3பா4ஷே ரவிநந்த3னம்|| 19
ஏதத் ஸங்கல்ப வைஷம்யம் ஹோதுஸ்தே வ்யபி4சாரத:|
ததா2பி ஸாத4யிஷ்யே தே ஸுப்ரஜாஸ்த்வம் ஸ்வதேஜஸா|| 20
ஏவம் வ்யவஸிதோ ராஜன் ப4க3வான் ஸ மஹாயஶா:|
அஸ்தௌஷீதா3தி3புருஷமிலாயா: பும்ஸ்த்வகாம்யயா|| 21
தஸ்மை காமவரம் துஷ்டோ ப4க3வான் ஹரிரீஶ்வர:|
த3தா3விலாப4வத் தேன ஸுத்3யும்ந: புருஷர்ஷப4:|| 22
ஸ ஏகதா3 மஹாராஜ விசரன் ம்ருக3யாம் வனே|
வ்ருத: கதிபயாமாத்யை ரஶ்வமாருஹ்ய ஸைந்த4வம்|| 23
ப்ரக்3ருஹ்ய ருசிரம் சாபம் ஶராம்ஶ்ச பரமாத்3பு4தான்|
த3ம்ஶிதோऽநும்ருக3ம் வீரோ ஜகா3ம தி3ஶமுத்தராம்|| 24
ஸ குமாரோ வனம் மேரோரத4ஸ்தாத் ப்ரவிவேஶ ஹ|
யத்ராஸ்தே ப4க3வான் ச2ர்வோ ரமமாண: ஸஹோமயா|| 25
தஸ்மின் ப்ரவிஷ்ட ஏவாஸௌ ஸுத்3யும்ந: பரவீரஹா|
அபஶ்யத் ஸ்த்ரிய மாத்மானமஶ்வம் ச வட3வாம் ந்ருப|| 26
ததா2 தத3நுகா3: ஸர்வே ஆத்மலிங்க3 விபர்யயம்|
த்3ருஷ்ட்வா விமனஸோऽபூ4வன் விக்ஷமாணா: பரஸ்பரம்|| 27
ஶ்ரீராஜோவாச|
கத2மேவம் கு3ணோ தே3ஶ: கேன வா ப4க3வன் க்ருத:|
ப்ரஶ்ன மேனம் ஸமாசக்ஷ்வ பரம் கௌதூஹலம் ஹி ந:|| 28
ஶ்ரீஶுக உவாச|
ஏகதா3 கி3ரிஶம் த்3ரஷ்டும் ருஷயஸ்தத்ர ஸுவ்ரதா:|
தி3ஶோ விதிமிராபா4ஸா: குர்வந்த: ஸமுபாக3மன்|| 29
தான் விலோக்யாம்பி3கா தே3வீ விவாஸா வ்ரீடி3தா ப்4ருஶம்|
ப4ர்துரங்காத் ஸமுத்தா2ய நீவீமாஶ்வத2 பர்யதா4த்|| 30
ருஷயோऽபி தயோர் வீக்ஷ்ய ப்ரஸங்க3ம் ரமமாணயோ:|
நிவ்ருத்தா: ப்ரயயுஸ் தஸ்மாத் நரநாராயணாஶ்ரமம்|| 31
ததி3த3ம் ப4க3வாநாஹ ப்ரியாயா: ப்ரியகாம்யயா|
ஸ்தா2னம் ய: ப்ரவிஶேதே3தத் ஸ வை யோஷித்3 ப4வேதி3தி|| 32
தத ஊர்த்4வம் வனம் தத்3 வை புருஷா வர்ஜயந்தி ஹி|
ஸா ச அநுசரஸம்யுக்தா விசசார வநாத்3 வனம்|| 33
அத2 தாம் ஆஶ்ரமாப்4யாஶே சரந்தீம் ப்ரமதோ3த்தமாம்|
ஸ்த்ரீபி4: பரிவ்ருதாம் வீக்ஷ்ய சகமே ப4க3வான் பு3த4:|| 34
ஸாபி தம் சகமே ஸுப்4ரூ: ஸோமராஜஸுதம் பதிம்|
ஸ தஸ்யாம் ஜனயாமாஸ புரூரவஸமாத்மஜம்|| 35
ஏவம் ஸ்த்ரீத்வ மநுப்ராப்த: ஸுத்3யும்நோ மானவோ ந்ருப:|
ஸஸ்மார ஸ்வகுலாசார்யம் வஸிஷ்ட2மிதி ஶுஶ்ரும|| 36
ஸ தஸ்ய தாம் த3ஶாம் த்3ருஷ்ட்வா க்ருபயா ப்4ருஶபீடி3த:|
ஸுத்3யும்நஸ்யாஶயன் பும்ஸ்த்வமுபாதா4வத ஶங்கரம்|| 37
துஷ்டஸ் தஸ்மை ஸ ப4க3வாந் ருஷயே ப்ரியமாவஹன்|
ஸ்வாம் ச வாசம் ருதாம் குர்வந் நித3மாஹ விஶாம்பதே|| 38
மாஸம் புமான் ஸ ப4விதா மாஸம் ஸ்த்ரீ தவ கோ3த்ரஜ:|
இத்த2ம் வ்யவஸ்த2யா காமம் ஸுத்3யும்நோऽவது மேதி3நீம்|| 39
ஆசார்ய அநுக்3ரஹாத் காமம் லப்3த்4வா பும்ஸ்த்வம் வ்யவஸ்த2யா|
பாலயாமாஸ ஜக3தீம் நாப்4யநந்த3ன் ஸ்ம தம் ப்ரஜா:|| 40
தஸ்ய உத்கலோ க3யோ ராஜன் விமலஶ்ச ஸுதாஸ்த்ரய:|
த3க்ஷிணாபத2ராஜாநோ ப3பூ4வு: த4ர்மவத்ஸலா:|| 41
தத: பரிணதே காலே ப்ரதிஷ்டா2னபதி: ப்ரபு4:|
புரூரவஸ உத்ஸ்ருஜ்ய கா3ம் புத்ராய க3தோ வனம்|| 42
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் நவமஸ்கந்தே4 இலோபாக்2யானே ப்ரத2மோத்4யாऽய: || 1 ||
ஒன்பதாம் ஸ்கந்தம் - முதல் அத்யாயம் முற்றும்.