ஶ்ரீமத்பாகவதமஹாபுராணம் :: எட்டாம் ஸ்கந்தம் :: அத்யாயம் 18.
வாமன பகவான் பிரகடனமாகி ராஜா பலியின் யக்ஞசாலைக்குச் செல்லுதல்
அதா2ஷ்டாத3ஶோऽத்2யாய:
ஶ்ரீஶுக உவாச -
இத்த2ம் விரிஞ்ச ஸ்துத கர்மவீர்ய:
ப்ராது3ர்ப3பூ4வாம்ருதபூ4ரதி3த்யாம்|
சதுர்பு4ஜ: ஶங்க2 க3தா3ப்3ஜ சக்ர:
பிஶங்க3வாஸா நளிநாயதேக்ஷண:|| 1
ஶ்யாமாவதா3தோ ஜ2ஷராஜகுண்ட3ல-
த்விஷோல்லஸச் ச்2ரீவத3நாம்பு3ஜ: புமான்|
ஶ்ரீவத்ஸவக்ஷா வலயாங்க3தோ3ல்லஸத்
கிரீட காஞ்சீகு3ண சாருநூபுர:|| 2
மது4வ்ராத வ்ரத விகு4ஷ்டயா ஸ்வயா
விராஜித: ஶ்ரீவனமாலயா ஹரி:|
ப்ரஜாபதேர் வேஶ்மதம: ஸ்வரோசிஷா
விநாஶயன் கண்ட2 நிவிஷ்ட கௌஸ்துப4:|| 3
தி3ஶ: ப்ரஸேது3: ஸலிலாஶயாஸ்ததா3
ப்ரஜா: ப்ரஹ்ருஷ்டா ருதவோ கு3ணான்விதா:|
த்3யௌரந்தரீக்ஷம் க்ஷிதிரக்3நிஜிஹ்வா
கா3வோ த்3விஜா: ஸஞ்ஜஹ்ருஷுர் நகா3ஶ்ச|| 4
ஶ்ரோணாயாம் ஶ்ரவணத்3வாத3ஶ்யாம் முஹூர்தே ऽபி4ஜிதி ப்ரபு4:|
ஸர்வே நக்ஷத்ர தாராத்3யாஶ் சக்ருஸ்தஜ்ஜன்ம த3க்ஷிணம்|| 5
த்3வத3ஶ்யாம் ஸவிதாதிஷ்ட2ன் மத்4யம்தி3நக3தோ ந்ருப|
விஜயா நாம ஸா ப்ரோக்தா யஸ்யாம் ஜன்ம விது3ர்ஹரே:|| 6
ஶங்க2து3ந்து3ப4யோ நேது3ர் ம்ருத3ங்க3 பணவானகா:|
சித்ரவாதி3த்ர தூர்யாணாம் நிர்கோ4ஷஸ் துமுலோऽப4வத்|| 7
ப்ரீதாஶ்சாப்ஸரஸோऽந்ருத்யன் க3ந்த4ர்வ ப்ரவரா ஜகு3:|
துஷ்டுவுர் முனயோ தே3வா மனவ: பிதரோऽக்3னய:|| 8
ஸித்3த4வித்3யாத4ரக3ணா: ஸகிம்புருஷ கின்னரா:|
சாரணா யக்ஷரக்ஷாம்ஸி ஸுபர்ணா பு4ஜகோ3த்தமா:|| 9
கா3யந்தோऽதிப்ரஶம்ஸந்தோ ந்ருத்யந்தோ விபு3தா4நுகா3:|
அதி3த்யா ஆஶ்ரமபத3ம் குஸுமை: ஸமவாகிரன்|| 10
த்3ருஷ்ட்வாதி3திஸ்தம் நிஜக3ர்ப4ஸம்ப4வம்
பரம் புமாம்ஸம் முத3மாப விஸ்மிதா|
க்3ருஹீததே3ஹம் நிஜயோக3மாயயா
ப்ரஜாபதிஶ்சாஹ ஜயேதி விஸ்மித:|| 11
யத் தத்3 வபுர்பா4தி விபூ4ஷணாயுதை4:
அவ்யக்தசித்3 வ்யக்த மதா4ரயத்3 ஹரி:|
ப3பூ4வ தேனைவ ஸ வாமநோ வடு:
ஸம்பஶ்யதோர் தி3வ்யக3திர் யதா2 நட:|| 12
தம் வடும் வாமனம் த்3ருஷ்ட்வா மோத3மாநா மஹர்ஷய:|
கர்மாணி காரயாமாஸு: புரஸ்க்ருத்ய ப்ரஜாபதிம்|| 13
தஸ்ய உபநீயமானஸ்ய ஸாவித்ரீம் ஸவிதாப்3ரவீத்|
ப்3ருஹஸ்பதிர் ப்3ரஹ்மஸூத்ரம் மேக2லாம் கஶ்யபோऽத3தா3த்|| 14
த3தௌ3 க்ருஷ்ணாஜினம் பூ4மிர் த3ண்ட3ம் ஸோமோ வனஸ்பதி:|
கௌபீநாச்சா2த3னம் மாதா த்3யௌஶ்ச2த்ரம் ஜக3த: பதே:|| 15
கமண்ட3லும் வேத3க3ர்ப4: குஶான் ஸப்தர்ஷயோ த3து3:|
அக்ஷமாலாம் மஹாராஜ ஸரஸ்வத்யவ்யயாத்மன:|| 16
தஸ்மா இத்யுபநீதாய யக்ஷராட் பாத்ரிகாமதா3த்|
பி4க்ஷாம் ப4க3வதீ ஸாக்ஷாது3மாதா3த் அம்பி3கா ஸதீ|| 17
ஸ ப்3ரஹ்மவர்சஸேனைவம் ஸபா4ம் ஸம்பா4விதோ வடு:|
ப்3ரஹ்மர்ஷிக3ண ஸஞ்ஜுஷ்டாம் அத்யரோசத மாரிஷ:|| 18
ஸமித்3த4 மாஹிதம் வஹ்நிம் க்ருத்வா பரிஸமூஹனம்|
பரிஸ்தீர்ய ஸமப்4யர்ச்ய ஸமித்3பி4ரஜுஹோத்3 த்3விஜ:|| 19
ஶ்ருத்வாஶ்வமேதை4ர் யஜமான மூர்ஜிதம்
ப3லிம் ப்4ருகூ3ணாமுபகல்பிதைஸ்தத:|
ஜகா3ம தத்ராகி2ல ஸாரஸம்ப்4ருதோ
பா4ரேண கா3ம் ஸந்நமயன் பதே3 பதே3|| 20
தம் நர்மதா3யாஸ்தட உத்தரே ப3லேர்
ய ருத்விஜஸ்தே ப்4ருகு3கச்ச2 ஸம்ஜ்ஞகே|
ப்ரவர்தயந்தோ ப்4ருக3வ: க்ரதூத்தமம்
வ்யசக்ஷதாராது3தி3தம் யதா2 ரவிம்|| 21
தே ருத்விஜோ யஜமான: ஸத3ஸ்யா
ஹதத்விஷோ வாமனதேஜஸா ந்ருப|
ஸூர்ய: கிலாயாத்யுத வா விபா4வஸு:
ஸநத்குமாரோऽத2 தி3த்3ருக்ஷயா க்ரதோ:|| 22
இத்த2ம் ஸஶிஷ்யேஷு ப்4ருகு3ஷ்வனேகதா4
விதர்க்யமாணோ ப4க3வான் ஸ வாமன:|
ச2த்ரம் ஸத3ண்ட3ம் ஸஜலம் கமண்ட3லும்
விவேஶ பி3ப்4ரத்3 ஹயமேத4வாடம்|| 23
மௌஞ்ஜ்யா மேக2லயா வீத முபவீதாஜிநோத்தரம்|
ஜடிலம் வாமனம் விப்ரம் மாயாமாணவகம் ஹரிம்|| 24
ப்ரவிஷ்டம் வீக்ஷ்ய ப்4ருக3வ: ஸஶிஷ்யாஸ்தே ஸஹாக்3நிபி4:|
ப்ரத்யக்3ருஹ்ணன் ஸமுத்தா2ய ஸம்க்ஷிப்தாஸ்தஸ்ய தேஜஸா|| 25
யஜமான: ப்ரமுதி3தோ த3ர்ஶநீயம் மநோரமம்|
ரூபாநுரூபாவயவம் தஸ்மா ஆஸனமாஹரத்|| 26
ஸ்வாக3தேநாபி4நந்த்3யாத2 பாதௌ3 ப4க3வதோ ப3லி:|
அவநிஜ்யார்சயாமாஸ முக்தஸங்க3மனோரமம்|| 27
தத்பாத3ஶௌசம் ஜனகல்மஷாபஹம்
ஸ த4ர்மவித் மூர்த்4ந்யத3தா4த் ஸுமங்க3லம்|
யத்3 தே3வதே3வோ கி3ரிஶஶ்சந்த்3ரமௌளிர்
த3தா4ர மூர்த்4நா பரயா ச ப4க்த்யா|| 28
ஶ்ரீப3லிருவாச|
ஸ்வாக3தம் தே நமஸ்துப்4யம் ப்3ரஹ்மன் கிம் கரவாம தே|
ப்3ரஹ்மர்ஷீணாம் தப: ஸாக்ஷான் மன்யே த்வாऽऽர்ய வபுர்த4ரம்|| 29
அத்3ய ந: பிதரஸ்த்ருப்தா அத்3ய ந: பாவிதம் குலம்|
அத்3ய ஸ்விஷ்ட: க்ரதுரயம் யத்3 ப4வாநாக3தோ க்3ருஹான்|| 30
அத்3யாக்3நயோ மே ஸுஹுதா யதா2விதி4
த்3விஜாத்மஜ த்வச்சரணாவநேஜனை:|
ஹதாம்ஹஸோ வார்பி4ரியம் ச பூ4ரஹோ
ததா2 புநீதா தநுபி4: பதை3ஸ்தவ|| 31
யத்3 யத்3 வடோ வாஞ்ச2ஸி தத் ப்ரதீச்ச2 மே
த்வாமர்தி2னம் விப்ரஸுதாநுதர்கயே|
கா3ம் காஞ்சனம் கு3ணவத்3 தா4ம ம்ருஷ்டம்
ததா2ன்னபேய முத வா விப்ர கன்யாம்|
க்3ராமான் ஸம்ருத்3தா4ம்ஸ்துரகா3ன் க3ஜான் வா
ரதா2ம்ஸ்ததா2ர்ஹத்தம ஸம்ப்ரதீச்ச2|| 32
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாமஷ்டமஸ்கந்தே4 வாமன ப்ராது3ர்பா4வே ப3லிவாமன ஸம்வாதோ3ऽஷ்டாத3ஶோऽத்4யாய: || 18 ||
எட்டாம் ஸ்கந்தம் - பதினெட்டாம் அத்யாயம் முற்றும்.