ஶ்ரீமத்பாகவதமஹாபுராணம் :: ஏழாம் ஸ்கந்தம் :: அத்யாயம் 3.
ஹிரண்யகசிபுவின் தவமும் வரப்ராப்தியும்
அத₂ த்ருதீயோऽத்₂யாய:

ஶ்ரீநாரத₃ உவாச|
ஹிரண்யகஶிபூ ராஜன் அஜேய மஜராமரம்|
ஆத்மான மப்ரதித்₃வந்த்₃வ மேகராஜம் வ்யதி₄த்ஸத|| 1

ஸ தேபே மந்த₃ரத்₃ரோண்யாம் தப: பரமதா₃ருணம்|
ஊர்த்₄வபா₃ஹுர் நபோ₄த்₃ருஷ்டி: பாதா₃ங்கு₃ஷ்டா₂ஶ்ரிதாவனி:|| 2

ஜடாதீ₃தி₄திபீ₄ ரேஜே ஸம்வர்தார்க இவாம்ஶுபி₄:|
தஸ்மிம்ஸ் தபஸ் தப்யமானே தே₃வா: ஸ்தா₂னானி பே₄ஜிரே|| 3

தஸ்ய மூர்த்₄ன: ஸமுத்₃பூ₄த: ஸதூ₄ மோऽக்₃நிஸ்தபோமய:|
திர்யகூ₃ர்த்₄வ மதோ₄லோகானதபத்₃ விஷ்வகீ₃ரித:|| 4

சுக்ஷுபு₄ர் நத்₃யுத₃ன்வந்த: ஸத்₃வீபாத்₃ரிஶ் சசால பூ₄:|
நிபேது: ஸக்₃ரஹாஸ்தாரா ஜஜ்வலுஶ்ச தி₃ஶோ த₃ஶ|| 5

தேந தப்தா தி₃வம் த்யக்த்வா ப்₃ரஹ்மலோகம் யயு: ஸுரா:|
தா₄த்ரே விஜ்ஞாபயாமாஸுர் தே₃வதே₃வ ஜக₃த்பதே|| 6

தை₃த்யேந்த்₃ர தபஸா தப்தா தி₃வி ஸ்தா₂தும் ந ஶக்நும:|
தஸ்ய சோபஶமம் பூ₄மன் விதே₄ஹி யதி₃ மன்யஸே|| 7

லோகா ந யாவந்நங்க்ஷ்யந்தி ப₃லிஹாராஸ்தவாபி₄பூ₄:|
தஸ்யாயம் கில ஸங்கல்பஶ்சரதோ து₃ஶ்சரம் தப:|| 8

ஶ்ரூயதாம் கிம் ந விதி₃தஸ் தவாதா₂பி நிவேதி₃த:|
ஸ்ருஷ்ட்வா சராசரமித₃ம் தபோயோக₃ ஸமாதி₄நா||
அத்₄யாஸ்தே ஸர்வதி₄ஷ்ண்யேப்₄ய: பரமேஷ்டீ₂ நிஜாஸனம்|| 9

தத₃ஹம் வர்த₄ மானேன தபோயோக₃ ஸமாதி₄நா|
காலாத்மநோஶ்ச நித்யத்வாத் ஸாத₄யிஷ்யே ததா₂ऽऽத்மன:|| 10

அன்யதே₂த₃ம் விதா₄ஸ்யேऽஹமயதா₂ பூர்வமோஜஸா|
கிமன்யை: காலநிர்தூ₄தை: கல்பாந்தே வைஷ்ணவாதி₃பி₄:|| 11

இதி ஶுஶ்ரும நிர்ப₃ந்த₄ம் தப: பரமமாஸ்தி₂த:|
வித₄த்ஸ்வாநந்தரம் யுக்தம் ஸ்வயம் த்ரிபு₄வனேஶ்வர|| 12

தவாஸநம் த்₃விஜக₃வாம் பாரமேஷ்ட்₂யம் ஜக₃த்பதே|
ப₄வாய ஶ்ரேயஸே பூ₄த்யை க்ஷேமாய விஜயாய ச|| 13

இதி விஜ்ஞாபிதோ தே₃வைர் ப₄க₃வான் ஆத்மபூ₄ர் ந்ருப|
பரிதோ ப்₄ருகு₃ த₃க்ஷாத்₃யைர் யயௌ தை₃த்யேஶ்வராஶ்ரமம்|| 14

ந த₃த₃ர்ஶ ப்ரதிச்ச₂ன்னம் வல்மீக த்ருண கீசகை:|
பிபீலிகாபி₄ராசீர்ண மேத₃ஸ்த்வங் மாம்ஸஶோணிதம்|| 15

தபந்தம் தபஸா லோகான் யதா₂ப்₄ராபிஹிதம் ரவிம்|
விலக்ஷ்ய விஸ்மித: ப்ராஹ ப்ரஹஸன் ஹம்ஸவாஹன:|| 16

ஶ்ரீப்₃ரஹ்மோவாச|
உத்திஷ்டோ₂த்திஷ்ட₂ ப₄த்₃ரம் தே தப:ஸித்₃தோ₄ऽஸி காஶ்யப|
வரதோ₃ऽஹமநுப்ராப்தோ வ்ரியதா மீப்ஸிதோ வர:|| 17

அத்₃ராக்ஷ மஹ மேதத் தே ஹ்ருத்ஸாரம் மஹத₃த்₃பு₄தம்|
த₃ம்ஶ ப₄க்ஷித தே₃ஹஸ்ய ப்ராணா ஹ்யஸ்தி₂ஷு ஶேரதே|| 18

நைதத் பூர்வர்ஷயஶ் சக்ருர் ந கரிஷ்யந்தி சாபரே|
நிரம்பு₃ர் தா₄ரயேத் ப்ராணான் கோ வை தி₃வ்யஸமா: ஶதம்|| 19

வ்யவஸாயேன தேऽனேன து₃ஷ்கரேண மனஸ்விநாம்|
தபோ நிஷ்டே₂ன ப₄வதா ஜிதோऽஹம் தி₃திநந்த₃ன|| 20

ததஸ்த ஆஶிஷ: ஸர்வா த₃தா₃ம்யஸுர புங்க₃வ|
மர்தஸ்ய தே அமர்தஸ்ய த₃ர்ஶனம் நாப₂லம் மம|| 21

ஶ்ரீநாரத₃ உவாச|
இத்யுக்த்வாऽऽதி₃ப₄வோ தே₃வோ ப₄க்ஷிதாங்க₃ம் பிபீலிகை:|
கமண்ட₃லு ஜலேநௌக்ஷத்₃ தி₃வ்யேநாமோக₄ராத₄ஸா|| 22

ஸ தத் கீசக வல்மீகாத் ஸஹ ஓஜோ ப₃லான்வித:|
ஸர்வாவயவ ஸம்பந்நோ வஜ்ர ஸம்ஹநநோ யுவா|
உத்தி₂தஸ்தப்த ஹேமாபோ₄ விபா₄வஸுரிவைத₄ஸ:|| 23

ஸ நிரீக்ஷ்யாம்ப₃ரே தே₃வம் ஹம்ஸவாஹம் அவஸ்தி₂தம்|
நநாம ஶிரஸா பூ₄மௌ தத்₃த₃ர்ஶன மஹோத்ஸவ:|| 24

உத்தா₂ய ப்ராஞ்ஜலி: ப்ரஹ்வ ஈக்ஷமாணோ த்₃ருஶா விபு₄ம்|
ஹர்ஷாஶ்ரு புலகோத்₃பே₄தோ₃ கி₃ரா க₃த்₃க₃த₃யாக்₃ருணாத்|| 25

ஶ்ரீஹிரண்யகஶிபுருவாச|
கல்பாந்தே காலஸ்ருஷ்டேந யோऽந்தே₄ந தமஸாऽऽவ்ருதம்|
அபி₄வ்யநக்₃ ஜக₃தி₃த₃ம் ஸ்வயஞ்ஜ்யோதி: ஸ்வரோசிஷா|| 26

ஆத்மநா த்ரிவ்ருதா சேத₃ம் ஸ்ருஜத்யவதி லும்பதி|
ரஜ:ஸத்வ தமோதா₄ம்நே பராய மஹதே நம:|| 27

நம ஆத்₃யாய பீ₃ஜாய ஜ்ஞானவிஜ்ஞான மூர்தயே|
ப்ராணேந்த்₃ரிய மநோபு₃த்₃தி₄ விகாரைர் வ்யக்திமீயுஷே|| 28

த்வமீஶிஷே ஜக₃தஸ்தஸ்து₂ஷஶ்ச
      ப்ராணேன முக்₂யேன பதி: ப்ரஜாநாம்|
சித்தஸ்ய சித்தேர் மன இந்த்₃ரியாணாம்
      பதிர் மஹான் பூ₄தகு₃ணாஶயேஶ:|| 29

த்வம் ஸப்ததந்தூன் விதநோஷி தன்வா
      த்ரய்யா சதுர்ஹோத்ரக வித்₃யயா ச|
த்வமேக ஆத்மாऽऽத்மவதாமநாதி₃ர-
      நந்தபார: கவி ரந்தராத்மா|| 30

த்வமேவ காலோऽநிமிஷோ ஜநாநாம்-
      ஆயுர்லவாத்₃யவயவை: க்ஷிணோஷி|
கூடஸ்த₂ ஆத்மா பரமேஷ்ட்₂யஜோ மஹாம்-
      ஸ்த்வம் ஜீவலோகஸ்ய ச ஜீவ ஆத்மா|| 31

த்வத்த: பரம் நாபரமப்யநேஜ-
      தே₃ஜச்ச கிஞ்சித்₃ வ்யதிரிக்தமஸ்தி|
வித்₃யா: கலாஸ்தே தனவஶ்ச ஸர்வா
      ஹிரண்யக₃ர்போ₄ऽஸி ப்₃ருஹத் த்ரிப்ருஷ்ட₂:|| 32

வ்யக்தம் விபோ₄ ஸ்தூ₂லமித₃ம் ஶரீரம்
      யேநேந்த்₃ரிய ப்ராணமநோ கு₃ணாம்ஸ்த்வம்|
பு₄ங்க்ஷே ஸ்தி₂தோ தா₄மநி பாரமேஷ்ட்₂யே
      அவ்யக்த ஆத்மா புருஷ: புராண:|| 33

அனந்தாவ்யக்த ரூபேண யேநேத₃மகி₂லம் ததம்|
சித₃சிச்ச₂க்தியுக்தாய தஸ்மை ப₄க₃வதே நம:|| 34

யதி₃ தா₃ஸ்யஸ்யபி₄மதான் வரான் மே வரதோ₃த்தம|
பூ₄தேப்₄யஸ்த்வத்₃ விஸ்ருஷ்டேப்₄யோ ம்ருத்யுர்மா பூ₄ன்மம ப்ரபோ₄|| 35

நாந்தர் ப₃ஹிர் தி₃வா நக்தம் அன்யஸ்மாத₃பி சாயுதை₄:|
ந பூ₄மௌ நாம்ப₃ரே ம்ருத்யுர் ந நரைர் ந ம்ருகை₃ ரபி|| 36

வ்யஸு பி₄ர் வாஸு மத்₃பி₄ர் வா ஸுராஸுர மஹோரகை₃:|
அப்ரதித்₃வந்த்₃வதாம் யுத்₃தே₄ ஐகபத்யம் ச தே₃ஹினாம்|| 37

ஸர்வேஷாம் லோக பாலாநாம் மஹிமானம் யதா₂ऽऽத்மன:|
தபோயோக₃ ப்ரபா₄வாணாம் யந்ந ரிஷ்யதி கர்ஹிசித்|| 38

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் ஸப்தமஸ்கந்தே₄ ஹிரண்யகஶிபோர் வரயாசனம் நாம த்ருதீயோऽத்₄யாய: || 3 ||

ஏழாம் ஸ்கந்தம் - மூன்றாம் அத்யாயம் முற்றும்.