ஶ்ரீமத்பாகவதமஹாபுராணம் :: ஏழாம் ஸ்கந்தம் :: அத்யாயம் 15.
கிருஹஸ்தர்களுக்கு மோக்ஷதர்மத்தின் வர்ணனை
அத2 பஞ்சத3ஶோऽத்2யாய:
ஶ்ரீநாரத3 உவாச
கர்மநிஷ்டா2 த்3விஜா: கேசித் தபோநிஷ்டா2 ந்ருபாபரே|
ஸ்வாத்4யாயேऽன்யே ப்ரவசனே யே கேசத் ஜ்ஞான யோக3யோ:|| 1
ஜ்ஞான நிஷ்டா2ய தே3யானி கவ்யான்யாநந்த்ய மிச்ச2தா|
தை3வே ச தத3பா4வே ஸ்யாதி3தரேப்4யோ யதா2ர்ஹத:|| 2
த்3வௌ தை3வே பித்ருகார்யே த்ரீநேகைகமுப4யத்ர வா|
போ4ஜயேத் ஸு ஸம்ருத்3தோ4ऽபி ஶ்ராத்3தே4 குர்யான் ந விஸ்தரம்|| 3
தே3ஶ காலோசித ஶ்ரத்3தா4 த்3ரவ்ய பாத்ரார்ஹணாநி ச|
ஸம்யக்3 ப4வந்தி நைதாநி விஸ்தராத் ஸ்வஜநார்பணாத்|| 4
தே3ஶே காலே ச ஸம்ப்ராப்தே முன்யன்னம் ஹரிதை3வதம்|
ஶ்ரத்3த4யா விதி4வத் பாத்ரே ந்யஸ்தம் காமது4க3க்ஷயம்|| 5
தே3வர்ஷி பித்ரு பூ4தேப்4ய ஆத்மனே ஸ்வஜனாய ச|
அன்னம் ஸம்விப4ஜன் பஶ்யேத் ஸர்வம் தத் புருஷாத்மகம்|| 6
ந த3த்3யாதா3மிஷம் ஶ்ராத்3தே4 ந சாத்3யாத்3 த4ர்ம தத்வவித்|
முன்யன்னை: ஸ்யாத் பரா ப்ரீதிர் யதா2 ந பஶுஹிம்ஸயா|| 7
நைதாத்3ருஶ: பரோ த4ர்மோ ந்ருணாம் ஸத்3த4ர்ம மிச்ச2தாம்|
ந்யாஸோ த3ண்ட3ஸ்ய பூ4தேஷு மநோவாக்காயஜஸ்ய ய:|| 8
ஏகே கர்மமயான் யஜ்ஞான் ஜ்ஞாநிநோ யஜ்ஞவித்தமா:|
ஆத்ம ஸம்யமநேऽநீஹா ஜுஹ்வதி ஜ்ஞானதீ3பிதே|| 9
த்3ரவ்ய யஜ்ஞைர் யக்ஷ்யமாணம் த்3ருஷ்ட்வா பூ4தாநி பி3ப்4யதி|
ஏஷ மாகருணோ ஹன்யாத3தஜ்ஜ்ஞோ ஹ்யஸுத்ருப்3 த்4ருவம்|| 10
தஸ்மாத்3 தை3வோபபந்நேந முன்யந்நேநாபி த4ர்மவித்|
ஸந்துஷ்டோऽஹரஹ: குர்யாத் நித்ய நைமித்திகீ: க்ரியா:|| 11
வித4ர்ம: பரத4ர்மஶ்ச ஆபா4ஸ உபமா ச2ல:|
அத4ர்மஶாகா2: பஞ்சேமா த4ர்மஜ்ஞோऽத4ர்மவத் த்யஜேத்|| 12
த4ர்மபா3தோ4 வித4ர்ம: ஸ்யாத் பரத4ர்மோऽன்ய சோதி3த:|
உபத4ர்மஸ்து பாக2ண்டோ3 த3ம்போ4 வா ஶப்3த3பி4ச்ச2ல:|| 13
யஸ்த்விச்ச2யா க்ருத: பும்பி4ராபா4ஸோ ஹ்யாஶ்ரமாத் ப்ருத2க்|
ஸ்வபா4வ விஹிதோ த4ர்ம: கஸ்ய நேஷ்ட: ப்ரஶாந்தயே|| 14
த4ர்மார்த2மபி நேஹேத யாத்ரார்த2ம் வாத4னோ த4னம்|
அநீஹானீஹமானஸ்ய மஹாஹேரிவ வ்ருத்திதா3|| 15
ஸந்துஷ்டஸ்ய நிரீஹஸ்ய ஸ்வாத்மாராமஸ்ய யத் ஸுக2ம்|
குதஸ்தத் காமலோபே4ன தா4வதோऽர்தே2ஹயா தி3ஶ:|| 16
ஸதா3 ஸந்துஷ்டமனஸ: ஸர்வா: ஸுக2மயா தி3ஶ:|
ஶர்கரா கண்டகாதி3ப்4யோ யதோ2பானத்பத3: ஶிவம்|| 17
ஸந்துஷ்ட: கேன வா ராஜன் ந வர்தேதாபி வாரிணா|
ஔபஸ்த்2ய ஜைஹ்வ்ய கார்பண்யாத்3 க்3ருஹபாலாயதே ஜன:|| 18
அஸந்துஷ்டஸ்ய விப்ரஸ்ய தேஜோ வித்3யா தபோ யஶ:|
ஸ்ரவந்தீந்த்3ரிய லௌல்யேன ஜ்ஞானம் சைவாவகீர்யதே|| 19
காமஸ்யாந்தம் ச க்ஷுத் த்ருட்3ப்4யாம் க்ரோத4ஸ்யைதத் ப2லோத3யாத்|
ஜநோ யாதி ந லோப4ஸ்ய ஜித்வா பு4க்த்வா தி3ஶோ பு4வ:|| 20
பண்டி3தா ப3ஹவோ ராஜன் ப3ஹுஜ்ஞா: ஸம்ஶயச்சி2த3:|
ஸத3ஸஸ்பதயோऽப்யேகே அஸந்தோஷாத் பதந்த்யத4:|| 21
அஸங்கல்பாஜ் ஜயேத் காமம் க்ரோத4ம் காம விவர்ஜநாத்|
அர்தா2நர்தே2க்ஷயா லோப4ம் ப4யம் தத்த்வாவமர்ஶனாத்|| 22
ஆன்வீக்ஷிக்யா ஶோக மோஹௌ த3ம்ப4ம் மஹது3பாஸயா|
யோகா3ந்தராயான் மௌனேன ஹிம்ஸாம் காயாத்3யநீஹயா|| 23
க்ருபயா பூ4தஜம் து3:க2ம் தை3வம் ஜஹ்யாத் ஸமாதி4நா|
ஆத்மஜம் யோக3வீர்யேண நித்3ராம் ஸத்வ நிஷேவயா|| 24
ரஜஸ்தமஶ்ச ஸத்த்வேன ஸத்வம் சோபஶமேன ச|
ஏதத் ஸர்வம் கு3ரௌ ப4க்த்யா புருஷோ ஹ்யஞ்ஜஸா ஜயேத்|| 25
யஸ்ய ஸாக்ஷாத்3 ப4க3வதி ஜ்ஞானதீ3ப ப்ரதே3 கு3ரௌ|
மர்த்யாஸத்3தீ4: ஶ்ருதம் தஸ்ய ஸர்வம் குஞ்ஜரஶௌசவத்|| 26
ஏஷ வை ப4க3வான் ஸாக்ஷாத் ப்ரதா4ன புருஷேஶ்வர:|
யோகே3ஶ்வரைர் விம்ருக்3யாங்க்4ரிர் லோகோ யம் மன்யதே நரம்|| 27
ஷட்3வர்க3 ஸம்யமைகாந்தா: ஸர்வா நியமசோத3நா:|
தத3ந்தா யதி3 நோ யோகா3நாவஹேயு: ஶ்ரமாவஹா:|| 28
யதா2 வார்தாத3யோ ஹ்யர்தா2 யோக3ஸ்யார்த2ம் ந பி3ப்4ரதி|
அநர்தா2ய ப4வேயுஸ்தே பூர்தமிஷ்டம் ததா2ஸத:|| 29
யஶ்சித்தவிஜயே யத்த: ஸ்யாந்நி:ஸங்கோ3ऽபரிக்3ரஹ:|
ஏகோ விவிக்த ஶரணோ பி4க்ஷுர் பி4க்ஷாமிதாஶந:|| 30
தே3ஶே ஶுசௌ ஸமே ராஜன் ஸம்ஸ்தா2ப்யாஸந மாத்மன:|
ஸ்தி2ரம் ஸமம் ஸுக2ம் தஸ்மின் ஆஸீத ருஜ்வங்க3 ஓமிதி|| 31
ப்ராணாபாநௌ ஸந்நிருந்த்4யாத் பூரகும்ப4க ரேசகை:|
யாவன் மனஸ்த்யஜேத் காமான் ஸ்வநாஸாக்3ர நிரீக்ஷண:|| 32
யதோ யதோ நி:ஸரதி மன: காமஹதம் ப்4ரமத்|
ததஸ்தத உபாஹ்ருத்ய ஹ்ருதி3 ருந்த்4யாச்ச2னைர் பு3த4:|| 33
ஏவமப்4யஸதஶ்சித்தம் காலேனால்பீயஸா யதே:|
அனிஶம் தஸ்ய நிர்வாணம் யாத்யநிந்த4ன வஹ்நிவத்|| 34
காமாதி3பி4ரநாவித்3த4ம் ப்ரஶாந்தாகி2ல வ்ருத்தி யத்|
சித்தம் ப்3ரஹ்ம ஸுக2ஸ்ப்ருஷ்டம் நைவோத்திஷ்டே2த கர்ஹிசித்|| 35
ய: ப்ரவ்ரஜ்ய க்3ருஹாத் பூர்வம் த்ரிவர்கா3வபநாத் புன:|
யதி3 ஸேவேத தான் பி4க்ஷு: ஸ வை வாந்தாஶ்யபத்ரப:|| 36
யை: ஸ்வதே3ஹ: ஸ்ம்ருதோ நாத்மா மர்த்யோ விட்க்ருமி ப4ஸ்மஸாத்|
த ஏனமாத்மஸாத்க்ருத்வா ஶ்லாக4யந்தி ஹ்யஸத்தமா:|| 37
க்3ருஹஸ்த2ஸ்ய க்ரியாத்யாகோ3 வ்ரதத்யாகோ3 வடோரபி|
தபஸ்வினோ க்3ராமஸேவா பி4க்ஷோரிந்த்3ரிய லோலதா|| 38
ஆஶ்ரமாபஸதா3 ஹ்யேதே க2ல்வாஶ்ரம விட3ம்ப3கா:|
தே3வ மாயா விமூடா4ம் ஸ்தாநுபேக்ஷேதாநுகம்பயா|| 39
ஆத்மானம் சேத்3 விஜாநீயாத் பரம் ஜ்ஞானது4தாஶய:|
கிமிச்ச2ன் கஸ்ய வா ஹேதோர் தே3ஹம் புஷ்ணாதி லம்பட:|| 40
ஆஹு: ஶரீரம் ரத2மிந்த்3ரியாணி
ஹயானபீ4ஷூன் மன இந்த்3ரியேஶம்|
வர்த்மாநி மாத்ரா தி4ஷணாம் ச ஸூதம்
ஸத்த்வம் ப்3ருஹத்3 ப3ந்து4ரமீஶஸ்ருஷ்டம்|| 41
அக்ஷம் த3ஶப்ராண மத4ர்ம த4ர்மௌ
சக்ரேऽபி4மானம் ரதி2நம் ச ஜீவம்|
த4நுர்ஹி தஸ்ய ப்ரணவம் பட2ந்தி
ஶரம் து ஜீவம் பரமேவ லக்ஷ்யம்|| 42
ராகோ3 த்3வேஷஶ்ச லோப4ஶ்ச ஶோகமோஹௌ ப4யம் மத3:|
மானோऽவமானோऽஸூயா ச மாயா ஹிம்ஸா ச மத்ஸர:|| 43
ரஜ: ப்ரமாத3: க்ஷுந்நித்3ரா ஶத்ரவஸ்த்வேவ மாத3ய:|
ரஜஸ்தம: ப்ரக்ருதய: ஸத்வ ப்ரக்ருதய: க்வசித்|| 44
யாவன் ந்ருகாய ரத2மாத்மவஶோபகல்பம்
த4த்தே க3ரிஷ்ட2 சரணார்சனயா நிஶாதம்|
ஜ்ஞாநாஸி மச்யுதப3லோ த3த4த3ஸ்த ஶத்ரு:
ஸ்வாராஜ்ய துஷ்ட உபஶாந்த இத3ம் விஜஹ்யாத்|| 45
நோ சேத் ப்ரமத்த மஸதி3ந்த்3ரிய வாஜி ஸூதா
நீத்வோத்பத2ம் விஷய த3ஸ்யுஷு நிக்ஷிபந்தி|
தே த3ஸ்யவ: ஸஹய ஸூதமமும் தமோऽந்தே4
ஸம்ஸார கூப உரும்ருத்யுப4யே க்ஷிபந்தி|| 46
ப்ரவ்ருத்தம் ச நிவ்ருத்தம் ச த்3விவித4ம் கர்ம வைதி3கம்|
ஆவர்ததே ப்ரவ்ருத்தேன நிவ்ருத்தேநாஶ்நுதேऽம்ருதம்|| 47
ஹிம்ஸ்ரம் த்3ரவ்யமயம் காம்ய மக்3னிஹோத்ராத்3யஶாந்தித3ம்|
த3ர்ஶஶ்ச பூர்ணமாஸஶ்ச சாதுர்மாஸ்யம் பஶு: ஸுத:|| 48
ஏததி3ஷ்டம் ப்ரவ்ருத்தாக்2யம் ஹுதம் ப்ரஹுதமேவ ச|
பூர்தம் ஸுராலயாராம கூபாஜீவ்யாதி3 லக்ஷணம்|| 49
த்3ரவ்யஸூக்ஷ்ம விபாகஶ்ச தூ4மோ ராத்ரிரபக்ஷய:|
அயனம் த3க்ஷிணம் ஸோமோ த3ர்ஶ ஓஷதி4வீருத4:|| 50
அன்னம் ரேத இதி க்ஷ்மேஶ பித்ருயானம் புனர்ப4வ:|
ஏகைகஶ்யேநாநுபூர்வம் பூ4த்வா பூ4த்வேஹ ஜாயதே|| 51
நிஷேகாதி3 ஶ்மஶாநாந்தை: ஸம்ஸ்காரை: ஸம்ஸ்க்ருதோ த்3விஜ:|
இந்த்3ரியேஷு க்ரியாயஜ்ஞான் ஜ்ஞானதீ3பேஷு ஜுஹ்வதி|| 52
இந்த்3ரியாணி மனஸ்யூர்மௌ வாசி வைகாரிகம் மன:|
வாசம் வர்ண ஸமாம்நாயே தமோங்காரே ஸ்வரே ந்யஸேத்|
ஓங்காரம் பி3ந்தௌ3 நாதே3 தம் தம் து ப்ராணே மஹத்யமும்|| 53
அக்3நி: ஸூர்யோ தி3வா ப்ராஹ்ண: ஶுக்லோ ராகோத்தரம் ஸ்வராட்|
விஶ்வஶ்ச தைஜஸ: ப்ராஜ்ஞஸ்துர்ய ஆத்மா ஸமன்வயாத்|| 54
தே3வயானமித3ம் ப்ராஹுர் பூ4த்வா பூ4த்வானு பூர்வஶ:|
ஆத்மயாஜ்யுபஶாந்தாத்மா ஹ்யாத்மஸ்தோ2 ந நிவர்ததே|| 55
ய ஏதே பித்ரு தே3வாநா மயனே வேத3 நிர்மிதே|
ஶாஸ்த்ரேண சக்ஷுஷா வேத3 ஜனஸ்தோ2ऽபி ந முஹ்யதி|| 56
ஆதா3வந்தே ஜநாநாம் ஸத்3 ப3ஹிரந்த: பராவரம்|
ஜ்ஞானம் ஜ்ஞேயம் வசோ வாச்யம் தமோ ஜ்யோதிஸ்த்வயம் ஸ்வயம்| 57
ஆபா3தி4தோऽபி ஹ்யாபா4ஸோ யதா2 வஸ்துதயா ஸ்ம்ருத:|
து3ர்க4டத்வா தை3ந்த்3ரியகம் தத்3வத3ர்த2 விகல்பிதம்|| 58
க்ஷித்யாதீ3நாமிஹார்தா2நாம் சா2யா ந கதமாபி ஹி|
ந ஸங்கா4தோ விகாரோऽபி ந ப்ருத2ங் நான்விதோ ம்ருஷா|| 59
தா4தவோऽவயவித்வாச்ச தன்மாத்ராவயவைர் விநா|
ந ஸ்யுர் ஹ்யஸத்யவயவினி அஸந்நவயவோऽந்தத:|| 60
ஸ்யாத் ஸாத்3ருஶ்ய ப்4ரமஸ்தாவத்3 விகல்பே ஸதி வஸ்துன:|
ஜாக்3ரத் ஸ்வாபௌ யதா2 ஸ்வப்நே ததா2 விதி4நிஷேத4தா|| 61
பா4வாத்3வைதம் க்ரியாத்3வைதம் த்3ரவ்யாத்3வைதம் ததா2ऽऽத்மன:|
வர்தயன் ஸ்வாநுபூ4த்யேஹ த்ரீன் ஸ்வப்நாந் து4நுதே முனி:|| 62
கார்யகாரண வஸ்த்வைக்ய மர்ஶனம் படதந்துவத்|
அவஸ்துத்வாத்3 விகல்பஸ்ய பா4வாத்3வைதம் தது3ச்யதே|| 63
யத்3 ப்3ரஹ்மணி பரே ஸாக்ஷாத் ஸர்வகர்ம ஸமர்பணம்|
மநோவாக்தநுபி4: பார்த2 க்ரியாத்3வைதம் தது3ச்யதே|| 64
ஆத்மஜாயாஸுதாதீ3நா மன்யேஷாம் ஸர்வதே3ஹிநாம்|
யத் ஸ்வார்த2காமயோரைக்யம் த்3ரவ்யாத்3வைதம் தது3ச்யதே|| 65
யத்3 யஸ்ய வாநிஷித்3த4ம் ஸ்யாத்3 யேன யத்ர யதோ ந்ருப|
ஸ தேநேஹேத கர்மாணி நரோ நான்யைரநாபதி3|| 66
ஏதை ரன்யைஶ்ச வேதோ3க்தைர் வர்தமான: ஸ்வகர்மபி4:|
க்3ருஹேऽப்யஸ்ய க3திம் யாயாத்3 ராஜன் தத்3ப4க்திபா4ங் நர:|| 67
யதா2 ஹி யூயம் ந்ருபதே3வ து3ஸ்த்யஜா-
தா3பத்3க3ணா து3த்தரதாத்மன: ப்ரபோ4:|
யத்பாத3 பங்கேருஹ ஸேவயா ப4வா-
நஹார்ஷீந் நிர்ஜிததி3க்3க3ஜ: க்ரதூன்|| 68
அஹம் புராப4வம் கஶ்சித்3 க3ந்த4ர்வ உபப3ர்ஹண:|
நாம்நாதீதே மஹாகல்பே க3ந்த4ர்வாணாம் ஸுஸம்மத:|| 69
ரூபபேஶல மாது4ர்ய ஸௌக3ந்த்4ய ப்ரியத3ர்ஶன:|
ஸ்த்ரீணாம் ப்ரியதமோ நித்யம் மத்தஸ்து புருலம்பட:|| 70
ஏகதா3 தே3வஸத்ரே து க3ந்த4ர்வாப்ஸரஸாம் க3ணா:|
உபஹூதா விஶ்வஸ்ருக்3பி4ர் ஹரிகா3தோ2பகா3யனே|| 71
அஹம் ச கா3யம்ஸ்தத்3வித்3வான் ஸ்த்ரீபி4: பரிவ்ருதோ க3த:|
ஜ்ஞாத்வா விஶ்வஸ்ருஜஸ்தன்மே ஹேலனம் ஶேபுரோஜஸா|
யாஹி த்வம் ஶூத்3ரதாமாஶு நஷ்ட ஶ்ரீ: க்ருத ஹேலன:|| 72
தாவத்3 தா3ஸ்யாமஹம் ஜஜ்ஞே தத்ராபி ப்3ரஹ்மவாதி3நாம்|
ஶுஶ்ரூஷயாநுஷங்கே3ண ப்ராப்தோऽஹம் ப்3ரஹ்மபுத்ரதாம்|| 73
த4ர்மஸ்தே க்3ருஹமேதீ4யோ வர்ணித: பாபநாஶன:|
க்3ருஹஸ்தோ2 யேன பத3வீமஞ்ஜஸா ந்யாஸிநாமியாத்|| 74
யூயம் ந்ருலோகே ப3த பூ4ரிபா4கா3
லோகம் புநாநா முனயோऽபி4யந்தி|
யேஷாம் க்3ருஹாநாவஸதீதி ஸாக்ஷாத்3
கூ3ட4ம் பரம் ப்3ரஹ்ம மநுஷ்யலிங்க3ம்|| 75
ஸ வா அயம் ப்3ரஹ்ம மஹத்3விம்ருக்3யம்
கைவல்ய நிர்வாண ஸுகா2நுபூ4தி:|
ப்ரிய: ஸுஹ்ருத்3 வ: க2லு மாதுலேய
ஆத்மார் ஹணீயோ விதி4க்ருத்3 கு3ருஶ்ச|| 76
ந யஸ்ய ஸாக்ஷாத்3 ப4வபத்3மஜாதி3பீ4
ரூபம் தி4யா வஸ்துதயோபவர்ணிதம்|
மௌனேன ப4க்த்யோபஶமேன பூஜித:
ப்ரஸீத3தாமேஷ ஸ ஸாத்வதாம் பதி:|| 77
ஶ்ரீஶுக உவாச|
இதி தே3வர்ஷிணா ப்ரோக்தம் நிஶம்ய ப4ரதர்ஷப4:|
பூஜயாமாஸ ஸுப்ரீத: க்ருஷ்ணம் ச ப்ரேமவிஹ்வல:|| 78
க்ருஷ்ண பார்தா2வுபாமந்த்ர்ய பூஜித: ப்ரயயௌ முனி:|
ஶ்ருத்வா க்ருஷ்ணம் பரம் ப்3ரஹ்ம பார்த2: பரம விஸ்மித:|| 79
இதி தா3க்ஷாயிணீநாம் தே ப்ருத2க்3வம்ஶா ப்ரகீர்திதா:|
தே3வாஸுர மநுஷ்யாத்3யா லோகா யத்ர சராசரா:|| 80
|| இதி ஶ்ரீமத்3பா4க3வதே மஹாபுராணே வையாஸிக்யாமஷ்டாத3ஶஸாஹஸ்ர்யாம் பாரமஹம்ஸ்யாம் ஸம்ஹிதாயாம் ஸப்தமஸ்கந்தே4 ப்ரஹ்லாதா3நுசரிதே யுதி4ஷ்டி2ர நாரத3 ஸம்வாதே3 ஸதா3சார நிர்ணயோ நாம பஞ்சத3ஶோऽத்4யாய: || 15 ||
ஏழாம் ஸ்கந்தம் - பதினைந்தாம் அத்யாயம் முற்றும்.
||ஸப்தம: ஸ்கந்த4: ஸமாப்த: ||
ஏழாம் ஸ்கந்தம் முற்றும்.
|| ஹரி: ஓம் தத்ஸத் ||