ஶ்ரீமத்பாகவதமஹாபுராணம் :: ஏழாம் ஸ்கந்தம் :: அத்யாயம் 13.
யதி தர்மத்தின் நிரூபணமும் அவதூத-பிரஹ்லாத சம்பாஷணையும்
அத2 த்ரயோத3ஶோஅத்2யாய:
ஶ்ரீநாரத3 உவாச|
கல்பஸ்த்வேவம் பரிவ்ரஜ்ய தே3ஹமாத்ராவஶேஷித:|
க்3ராமைகராத்ர விதி4நா நிரபேக்ஷஶ்சரேன்மஹீம்|| 1
பி3ப்4ருயாத்3 யத்3யஸௌ வாஸ: கௌபீநாச்சா2த3னம் பரம்|
த்யக்தம் ந த3ண்ட3லிங்கா3தே3 ரன்யத் கிஞ்சித3நாபதி3|| 2
ஏக ஏவ சரேத்3 பி4க்ஷுராத்மாராமோऽனபாஶ்ரய:|
ஸர்வபூ4தஸுஹ்ருச்சா2ந்தோ நாராயண பராயண:|| 3
பஶ்யேதா3த்மன்யதோ3 விஶ்வம் பரே ஸத3ஸதோऽவ்யயே|
ஆத்மானம் ச பரம் ப்3ரஹ்ம ஸர்வத்ர ஸத3ஸன்மயே|| 4
ஸுப்திப்ரபோ3த4யோ: ஸந்தா4வாத்மநோ க3திமாத்மத்3ருக்|
பஶ்யன் ப3ந்த4ம் ச மோக்ஷம் ச மாயாமாத்ரம் ந வஸ்துத:|| 5
நாபி4நந்தே3த்3 த்4ருவம் ம்ருத்யு மத்4ருவம் வாஸ்ய ஜீவிதம்|
காலம் பரம் ப்ரதீக்ஷேத பூ4தாநாம் ப்ரப4வாப்யயம்|| 6
நாஸச்சா2ஸ்த்ரேஷு ஸஜ்ஜேத நோபஜீவேத ஜீவிகாம்|
வாத3வாதா3ம்ஸ்த்யஜேத் தர்கான் பக்ஷம் கம் ச ந ஸம்ஶ்ரயேத்|| 7
ந ஶிஷ்யாநநுப3த்4நீத க்3ரந்தா2ன் நைவாப்4யஸேத்3 ப3ஹூன்|
ந வ்யாக்2யா முபயுஞ்ஜீத நாரம்பா4நாரபே4த் க்வசித்|| 8
ந யதேராஶ்ரம: ப்ராயோ த4ர்மஹேதுர் மஹாத்மன:|
ஶாந்தஸ்ய ஸமசித்தஸ்ய பி3ப்4ருயாது3த வா த்யஜேத்|| 9
அவ்யக்த லிங்கோ3 வ்யக்தார்தோ2 மனீஷ்யுன்மத்த பா3லவத்|
கவிர் மூகவதா3த்மானம் ஸ த்3ருஷ்ட்யா த3ர்ஶயேன் ந்ருணாம்|| 10
அத்ராப்யுதா3ஹரந்தீம மிதிஹாஸம் புராதனம்|
ப்ரஹ்ராத3ஸ்ய ச ஸம்வாத3ம் முனேராஜக3ரஸ்ய ச|| 11
தம் ஶயானம் த4ரோபஸ்தே2 காவேர்யாம் ஸஹ்யஸாநுநி|
ரஜஸ்வலைஸ்தநூதே3ஶைர் நிகூ3டா4மலதேஜஸம்|| 12
த3த3ர்ஶ லோகான் விசரன் லோக தத்வ விவித்ஸயா|
வ்ருதோऽமாத்யை: கதிபயை: ப்ரஹ்ராதோ3 ப4க3வத்ப்ரிய:|| 13
கர்மணாऽऽக்ருதிபி4ர் வாசா லிங்கை3ர் வர்ணாஶ்ரமாதி3பி4:|
ந வித3ந்தி ஜநா யம் வை ஸோऽஸாவிதி ந வேதி ச|| 14
தம் நத்வாப்4யர்ச்ய விதி4வத் பாத3யோ: ஶிரஸா ஸ்ப்ருஶன்|
விவித்ஸுரித3மப்ராக்ஷீன் மஹாபா4க3வதோऽஸுர:|| 15
பி3ப4ர்ஷி காயம் பீவானம் ஸோத்3யமோ போ4க3வான் யதா2|
வித்தம் சைவோத்3யமவதாம் போ4கோ3 வித்தவதாமிஹ|
போ4கி3நாம் க2லு தே3ஹோऽயம் பீவா ப4வதி நான்யதா2|| 16
ந தே ஶயாநஸ்ய நிருத்3யமஸ்ய
ப்3ரஹ்மன் நு ஹார்தோ2 யத ஏவ போ4க3:|
அபோ4கி3நோऽயம் தவ விப்ர தே3ஹ:
பீவா யதஸ் தத்3வத3 ந: க்ஷமம் சேத்|| 17
கவி: கல்போ நிபுணத்3ருக் சித்ரப்ரியகத2: ஸம:|
லோகஸ்ய குர்வத: கர்ம ஶேஷே தத்3வீக்ஷி தாபி வா|| 18
ஶ்ரீநாரத3 உவாச|
ஸ இத்த2ம் தை3த்யபதிநா பரிப்ருஷ்டோ மஹாமுனி:|
ஸ்மயமாநஸ்தமப்4யாஹ தத்3வாக3ம்ருத யந்த்ரித:|| 19
ஶ்ரீப்3ராஹ்மண உவாச|
வேதே3த3 மஸுரஶ் ரேஷ்ட2 ப4வான் நன்வார்ய ஸம்மத:|
ஈஹோபரமயோர் ந்ரூணாம் பதா3ன்யத்4யாத்ம சக்ஷுஷா|| 20
யஸ்ய நாராயணோ தே3வோ ப4க3வான் ஹ்ருத்3க3த: ஸதா3|
ப4க்த்யா கேவலயாஜ்ஞானம் து4நோதி த்4வாந்த மர்கவத்|| 21
அதா2பி ப்3ரூமஹே ப்ரஶ்நாம்ஸ்தவ ராஜன் யதா2ஶ்ருதம்|
ஸம்பா4வணீயோ ஹி ப4வாநாத்மன: ஶுத்3தி4 மிச்ச2தாம்|| 22
த்ருஷ்ணயா ப4வவாஹின்யா யோக்3யை: காமைரபூர்யயா|
கர்மாணி கார்யமாணோऽஹம் நாநா யோநிஷு யோஜித:|| 23
யத்3ருச்ச2யா லோகமிமம் ப்ராபித: கர்மபி4ர் ப்4ரமன்|
ஸ்வர்கா3பவர்க3யோர் த்3வாரம் திரஶ்சாம் புனரஸ்ய ச|| 24
அத்ராபி த3ம்பதீநாம் ச ஸுகா2யான்யாபநுத்தயே|
கர்மாணி குர்வதாம் த்3ருஷ்ட்வா நிவ்ருத்தோऽஸ்மி விபர்யயம்|| 25
ஸுக2மஸ்ய ஆத்மநோ ரூபம் ஸர்வேஹோபரதிஸ் தநு:|
மன: ஸம்ஸ்பர்ஶ ஜான் த்3ருஷ்ட்வா போ4கா3ன் ஸ்வப்ஸ்யாமி ஸம்விஶன்|| 26
இத்யேத தா3த்மன: ஸ்வார்த2ம் ஸந்தம் விஸ்ம்ருத்ய வை புமான்|
விசித்ராமஸதி த்3வைதே கோ4ராமாப்நோதி ஸம்ஸ்ருதிம்|| 27
ஜலம் தது3த்3ப4வைஶ் ச2ந்நம் ஹித்வாஜ்ஞோ ஜல காம்யயா|
ம்ருக3த்ருஷ்ணா முபாதா4வேத்3 யதா2ன்யத்ரார்த2த்3ருக் ஸ்வத:|| 28
தே3ஹாதி3பி4ர் தை3வதந்த்ரை ராத்மன: ஸுக2மீஹத:|
து3:கா2த்யயம் சாநீஶஸ்ய க்ரியா மோகா4: க்ருதா: க்ருதா:|| 29
ஆத்4யாத்மிகாதி3பி4ர் து3:கை2 ரவிமுக்தஸ்ய கர்ஹிசித்|
மர்த்யஸ்ய க்ருச்ச்2ரோபநதை ரர்தை2: காமை: க்ரியேத கிம்|| 30
பஶ்யாமி த4நிநாம் க்லேஶம் லுப்3தா4நா மஜிதாத்மநாம்|
ப4யாத3லப்3த4 நித்3ராணாம் ஸர்வதோऽபி4விஶங்கிநாம்|| 31
ராஜதஶ் சோரத: ஶத்ரோ: ஸ்வஜநாத் பஶுபக்ஷித:|
அர்தி2ப்4ய: காலத: ஸ்வஸ்மாந் நித்யம் ப்ராணார்த2வத்3 ப4யம்|| 32
ஶோக மோஹ ப4யக்ரோத4 ராக3 க்லைப்3ய ஶ்ரமாத3ய:|
யன்மூலா: ஸ்யுர் ந்ருணாம் ஜஹ்யாத் ஸ்ப்ருஹாம் ப்ராணார்த2யோர் பு3த4:|| 33
மது4கார மஹாஸர்பௌ லோகேऽஸ்மின் நோ கு3ரூத்தமௌ|
வைராக்3யம் பரிதோஷம் ச ப்ராப்தா யச்சி2க்ஷயா வயம்|| 34
விராக3: ஸர்வகாமேப்4ய: ஶிக்ஷிதோ மே மது4வ்ரதாத்|
க்ருச்ச்2ராப்தம் மது4வத்3 வித்தம் ஹத்வாப்யன்யோ ஹரேத் பதிம்|| 35
அநீஹ: பரிதுஷ்டாத்மா யத்3ருச்சோ2பனதாத் அஹம்|
நோ சேச்ச2யே ப3ஹ்வஹானி மஹாஹிரிவ ஸத்வவான்|| 36
க்வசித3ல்பம் க்வசித்3 பூ4ரி பு4ஞ்ஜேऽன்னம் ஸ்வாத்3வஸ்வாது3 வா|
க்வசித்3 பூ4ரிகு3ணோபேதம் கு3ணஹீனமுத க்வசித்|| 37
ஶ்ரத்3த4யோபஹ்ருதம் க்வாபி கதா3சித் மானவர்ஜிதம்|
பு4ஞ் பு4க்த்வாத2 கஸ்மிம்ஶ்சித்3 தி3வா நக்தம் யத்3ருச்ச2யா|| 38
க்ஷௌமம் து3கூலமஜினம் சீரம் வல்கலமேவ வா|
வஸேऽன்யத3பி ஸம்ப்ராப்தம் தி3ஷ்டபு4க் துஷ்ட தீ4ரஹம்|| 39
க்வசிச்ச2யே த4ரோபஸ்தே2 த்ருண பர்ணாஶ்ம ப4ஸ்மஸு|
க்வசித் ப்ராஸாத3 பர்யங்கே கஶிபௌ வா பரேச்ச2யா|| 40
க்வசித் ஸ்நாதோऽநுலிப்தாங்க3: ஸுவாஸா: ஸ்ரக்3வ்யலங்க்ருத:|
ரதே2பா4ஶ்வைஶ் சரே க்வாபி தி3க்3வாஸா க்3ரஹவத்3 விபோ4|| 41
நாஹம் நிந்தே3 ந ச ஸ்தௌமி ஸ்வபா4வ விஷமம் ஜனம்|
ஏதேஷாம் ஶ்ரேய ஆஶாஸே உதைகாத்ம்யம் மஹாத்மனி|| 42
விகல்பம் ஜுஹுயாச் சித்தௌ தாம் மனநஸ்யர்த2 விப்4ரமே|
மனோ வைகாரிகே ஹுத்வா தன்மாயாயாம் ஜுஹோத்யநு|| 43
ஆத்மாநுபூ4தௌ தாம் மாயாம் ஜுஹுயாத் ஸத்யத்3ருங்முனி:|
ததோ நிரீஹோ விரமேத் ஸ்வாநுபூ4த்யாऽऽத்மனி ஸ்தி2த:|| 44
ஸ்வாத்மவ்ருத்தம் மயேத்த2ம் தே ஸுகு3ப்தமபி வர்ணிதம்|
வ்யபேதம் லோகஶாஸ்த்ராப்4யாம் ப4வான் ஹி ப4க3வத்பர:|| 45
ஶ்ரீநாரத3 உவாச|
த4ர்மம் பாரமஹம்ஸ்யம் வை முனே: ஶ்ருத்வா ஸுரேஶ்வர:|
பூஜயித்வா தத: ப்ரீத ஆமந்த்ர்ய ப்ரயயௌ க்3ருஹம்|| 46
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஸப்தமஸ்கந்தே4 யுதி4ஷ்டி2ர நாரத3 ஸம்வாதே3 யதித4ர்மே த்ரயோத3ஶோऽத்4யாய: || 13
ஏழாம் ஸ்கந்தம் - பதிமூன்றாம் அத்யாயம் முற்றும்.