ஶ்ரீமத்பாகவதமஹாபுராணம் :: ஐந்தாம் ஸ்கந்தம் :: அத்யாயம் 3.
ராஜா நாபியின் சரித்ரம்
பஞ்சம: ஸ்கந்த4: அத2 த்ருதீயோஅத்4யாய:
ஶ்ரீஶுக உவாச
நாபி4ரபத்யகாமோऽப்ரஜயா மேருதே3வ்யா ப4க3வந்தம் யஜ்ஞபுருஷ மவஹிதாத்மா யஜத|| 1
தஸ்ய ஹ வாவ ஶ்ரத்3த4யா விஶுத்3த4பா4வேன யஜத: ப்ரவர்க்3யேஷு ப்ரசரத்ஸு த்3ரவ்ய-தே3ஶ கால மந்த்ரர்த்விக்3த3க்ஷிணா விதா4ன யோகோ3பபத்த்யா து3ரதி4க3மோऽபி ப4க3வான் பா4க3வத வாத்ஸல்யதயா ஸுப்ரதீக ஆத்மாநமபராஜிதம் நிஜஜநாபி4ப்ரேதார்த2 விதி4த்ஸயா க்3ருஹீத ஹ்ருத3யோ ஹ்ருத3யங்க3மம் மநோ நயநாநந்த3ன அவயவாபி4ராமமாவிஶ்சகார|| 2
அத2 ஹ தமாவிஷ்க்ருத பு4ஜயுக3ளத்3வயம் ஹிரண்மயம் புருஷ விஶேஷம் கபிஶ கௌஶேயாம்ப3ர த4ரமுரஸி விலஸச் ச்2ரீவத்ஸலலாமம் த3ரவர வனருஹ வன மாலாச் சூ2ர்யம்ருத மணி க3தா3தி3பி4 ருபலக்ஷிதம் ஸ்பு2டகிரண ப்ரவர முகுடகுண்ட3ல கடக கடிஸூத்ர ஹார கேயூர நூபுராத்3யங்க3 பூ4ஷண விபூ4ஷித ம்ருத்விக் ஸத3ஸ்ய க்3ருஹபதயோऽத4நா இவோத்தம த4னமுபலப்4ய ஸப3ஹுமான மர்ஹணேன அவனத ஶீர்ஷாண உபதஸ்து2:|| 3
ருத்விஜ ஊசு:
அர்ஹஸி முஹுரர்ஹத்தமார்ஹணம் அஸ்மாக மநுபதா2நாம் நமோ நம இத்யேதாவத் ஸது3பஶிக்ஷிதம் கோऽர்ஹதி புமான் ப்ரக்ருதிகு3ண யதிகர மதிரநீஶ ஈஶ்வரஸ்ய பரஸ்ய ப்ரக்ருதி புருஷயோ ரர்வாக்த நாபி4ர் நாம ரூபா க்ருதிபீ4 ரூபநிரூபணம்|| 4
ஸகலஜனநிகாய வ்ருஜின நிரஸந ஶிவதம ப்ரவரகு3ண க3ணைக தே3ஶ கத2நாத்3ருதே|| 5
பரிஜநாநுராக3 விரசித ஶப3ல ஸம்ஶப்3த3 ஸலில ஸித கிஸலய துளஸிகா தூ3ர்வாங்குரைரபி ஸம்ப்4ருதயா ஸபர்யயா கில பரம பரிதுஷ்யஸி|| 6
அதா2நயாபி ந ப4வத இஜ்யயோரு பா4ரப4ரயா ஸ முசித மர்த2 மிஹோபலபா4மஹே|| 7
ஆத்மன ஏவாநுஸவன மஞ்ஜஸாவ்யதிரேகேண போ3பூ4யமாநாஶேஷ புருஷார்த2-ஸ்வரூபஸ்ய கிந்து நாதா2ஶிஷ ஆஶாஸாநாநாமேத த3பி4 ஸம்ராத4நமாத்ரம் ப4விதுமர்ஹதி|| 8
தத்3யதா2 பா3லிஶாநாம் ஸ்வய மாத்மன: ஶ்ரேய: பரமவிது3ஷாம் பரம பரமபுருஷ ப்ரகர்ஷ-கருணயா ஸ்வமஹிமானம் சாபவர்கா3க்2ய முபகல்பயிஷ்யன் ஸ்வயம் நாபசித ஏவேதரவதி3ஹோபலக்ஷித:|| 9
அதா2யமேவ வரோ ஹ்யர்ஹத்தம யர்ஹி ப3ர்ஹிஷி ராஜர்ஷேர் வரத3ர்ஷபோ4 ப4வாந் நிஜ புருஷேக்ஷணவிஷய ஆஸீத்|| 10
அஸங்க3 நிஶிதஜ்ஞாநாநல விதூ4தாஶேஷமலாநாம் ப4வத்ஸ்வபா4வாநாம் ஆத்மாராமாணாம் முநீநாமநவரத பரிகு3ணிதகு3ணக3ண பரம மங்க3ளாயன கு3ண க3ணகத2நோऽஸி|| 11
அத2 கத2ஞ்சித் ஸ்க2லந க்ஷுத்பதநஜ்ரும் ப4ணது3ரவஸ்தா2நாதி3ஷு விவஶாநாம் ந: ஸ்மரணாய ஜ்வரமரண த3ஶாயாமபி ஸகல கஶ்மல நிரஸ நாநி தவ கு3ண க்ருதநாமதே4யாநி வசன கோ3சராணி ப4வந்து|| 12
கிஞ்சாயம் ராஜர்ஷிரபத்யகாம: ப்ரஜாம் ப4வாத்3ருஶீமாஶாஸான ஈஶ்வர மாஶிஷாம் ஸ்வர்கா3-பவர்க3யோரபி ப4வந்தமுபதா4வதி ப்ரஜாயாமர்த2ப்ரத்யயோ த4னத3மிவாத4ன: ப2லீகரணம்|| 13
கோ வா இஹ தேऽபராஜிதோऽபராஜிதயா மாயயா அனவஸித பத3வ்யாநாவ்ருத மதிர் விஷயவிஷரயாநாவ்ருத ப்ரக்ருதிரநுபாஸித மஹச்சரண:|| 14
யது3 ஹ வாவ தவ புனரத3ப்4ரகர்தரிஹ ஸமாஹூதஸ் தத்ரார்த2 தி4யாம் மந்தா3நாம் நஸ்தத்3யத்3 தே3வஹேலனம் தே3வதே3வார்ஹஸி ஸாம்யேன ஸர்வான் ப்ரதிவோடு4மவிது3ஷாம்|| 15
ஶ்ரீஶுக உவாச
இதி நிக3தே3ன அபி4ஷ்டூயமாநோ ப4க3வான் அநிமிஷர்ஷபோ4 வர்ஷத4ராபி4வாதி3தாபி4வந்தி3த சரண: ஸத3ய மித3 மாஹ|| 16
ஶ்ரீப4க3வாநுவாச
அஹோ ப3தாஹம் ருஷயோ ப4வத்3பி4ரவிதத2 கீ3ர்பி4ர் வரமஸுலப4ம் அபி4யாசிதோ யத3முஷ்ய ஆத்மஜோ மயா ஸத்3ருஶோ பூ4யாதி3தி மமாஹமேவாபி4ரூப: கைவல்யாத3தா2பி ப்3ரஹ்மவாதோ3 ந ம்ருஷா ப4விதுமர்ஹதி மமைவ ஹி முக2ம் யத்3 த்3விஜ-தே3வ குலம்|| 17
தத ஆக்3நீத்4ரீயேம் ऽஶகலயாவதரிஷ்யாம்யாத்மதுல்ய மநுபலப4மான:|| 18
ஶ்ரீஶுக உவாச
இதி நிஶாமயந்த்யா மேருதே3வ்யா: பதிமபி4தா4யாந்தர்த3தே4 ப4க3வான்|| 19
ப3ர்ஹிஷி தஸ்மன் ஏவ விஷ்ணுத3த்த ப4க3வான் பரமர்ஷிபி4: ப்ரஸாதி3தோ நாபே4: ப்ரியசிகீர்ஷயா தத3வரோதா4யநே மேருதே3வ்யாம் த4ர்மாந்த3ர்ஶயிது காமோ வாதரஶநாநாம் ஶ்ரமணாநாம் ருஷீணா மூர்த்4வமந்தி2நாம் ஶுக்லயா தநுவாவததார|| 20
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் பஞ்சமஸ்கந்தே4 நாபி4சரிதே ருஷபா4வதாரோ நாம த்ருதீயோऽத்4யாய: || 3
மூன்றாம் அத்யாயம் முற்றும்.