ஶ்ரீமத்பாகவதமஹாபுராணம் :: ஐந்தாம் ஸ்கந்தம் :: அத்யாயம் 2.
ஆக்னித்ர சரித்ரம்
பஞ்சம: ஸ்கந்த4: அத2 த்3விதீயோஅத்4யாய:
ஶ்ரீஶுக உவாச
ஏவம் பிதரி ஸம்ப்ரவ்ருத்தே தத3நுஶாஸநே வர்தமான ஆக்3நீத்4ரோ ஜம்பூ3த்3வீபௌகஸ: ப்ரஜா ஔரஸவத்3 த4ர்மாவேக்ஷமாண: பர்யகோ3பாயத்|| 1
ஸ ச கதா3சித் பித்ருலோககாம: ஸுரவரவநிதாக்ரீடா3சல த்3ரோண்யாம் ப4க3வந்தம் விஶ்வஸ்ருஜாம் பதி மாப்4ருத பரிசர்யோபகரண ஆத்ம ஐகாக்3ர்யேண தபஸ்வ்யாராத4யாம் ப3பூ4வ|| 2
தது3பலப்4ய ப4க3வாநாதி3புருஷ: ஸத3ஸி கா3யந்தீம் பூர்வசித்திம் நாமாப்ஸரஸமபி4யாபயாமாஸ|| 3
ஸா ச ததா3ஶ்ரமோபவன மதிரமணீயம் விவித4நிபி3ட3விடபி விடபநிகரஸம்ஶ்லிஷ்டபுரட லதாரூட4 ஸ்த2ல விஹங்க3ம மிது2னை: ப்ரோச்யமான ஶ்ருதிபி4: ப்ரதிபோ3த்4யமான ஸலில குக்குட காரண்ட3வ கலஹம்ஸாதி3பி4ர் விசித்ரமுப கூஜிதாமல ஜலாஶய கமலாகர-முப ப3ப்4ராம|| 4
தஸ்யா: ஸுலலிதக3மந பத3 வின்யாஸ க3திவிலாஸாயாஶ்சாநுபத3ம் க2ணக2ணாயமான ருசிர சரணாப4ரண ஸ்வன முபாகர்ண்ய நரதே3வகுமார: ஸமாதி4யோகே3ன ஆமீலித நயன நளின முகுள யுக3ள மீஷத்3 விகசய்ய வ்யசஷ்ட|| 5
தாமேவாவிதூ3ரே மது4கரீமிவ ஸுமனஸ உபஜிக்4ரந்தீம் தி3விஜ மநுஜ மநோ நயநா ஹ்லாத3 து3கை4ர் க3தி விஹார வ்ரீடா3 வினயாவலோக ஸுஸ்வராக்ஷராவயவைர் மனஸி ந்ருணாம் குஸுமாயுத4ஸ்ய வித3த4தீம் விவரம் நிஜமுக2 விக3ளிதாம்ருதாஸவ ஸஹாஸபா4ஷணா மோத3-மதா3ந்த4 மது4கர நிகரோபரோதே4ன த்3ருதபத3வின்யாஸேன வல்கு3ஸ்பந்த3ந ஸ்தநகலஶ கப3ர பா4ர ரஶநாம் தே3வீம் தத3வலோகனேன விவ்ருதாவஸரஸ்ய ப4க3வதோ மகரத்4வஜஸ்ய வஶமுபநீதோ ஜட3 வதி3தி ஹோவாச|| 6
கா த்வம் சிகீர்ஷஸி ச கிம் முனிவர்ய ஶைலே
மாயாஸி காபி ப4க3வத் பரதே3வதாயா:|
விஜ்யே பி3ப4ர்ஷி த4நுஷீ ஸுஹ்ருதா3த்மநோऽர்தே2
கிம் வா ம்ருகா3ன்ம்ருக3யஸே விபினே ப்ரமத்தான்|| 7
பா3ணாவிமௌ ப4க3வத: ஶதபத்ரபத்ரௌ
ஶாந்தாவபுங்க2 ருசிராவதி திக்3மத3ந்தௌ|
கஸ்மை யுயுங்க்ஷஸி வனே விசரந் ந வித்3ம:
க்ஷேமாய நோ ஜட3தி4யாம் தவ விக்ரமோऽஸ்து|| 8
ஶிஷ்யா இமே ப4க3வத: பரித: பட2ந்தி
கா3யந்தி ஸாம ஸரஹஸ்யமஜஸ்ரமீஶம்|
யுஷ்மச்சி2கா2விலுலிதா: ஸுமநோऽபி4வ்ருஷ்டீ:
ஸர்வே ப4ஜந்தி ருஷிக3ணா இவ வேத3ஶாகா2:|| 9
வாசம் பரம் சரண பஞ்ஜரதித்திரீணாம்
ப்3ரஹ்மன் அரூபமுக2ராம் ஶ்ருணவாம துப்4யம்|
லப்3தா4 கத3ம்ப3ருசிரங்க விடங்கபி3ம்பே3
யஸ்யாமலாத பரிதி4: கவ ச வல்கலம் தே|| 10
கிம் ஸம்ப்4ருதம் ருசிரயோர் த்3விஜ ஶ்ருங்க3யோஸ்தே
மத்4யே க்ருஶோ வஹஸி யத்ர த்3ருஶி: ஶ்ரிதா மே|
பங்கோऽருண: ஸுரபி4ராத்மவிஷாண ஈத்3ருக்3
யேநாஶ்ரமம் ஸுப4க3 மே ஸுரபீ4கரோஷி|| 11
லோகம் ப்ரத3ர்ஶய ஸுஹ்ருத்தம தாவகம் மே
யத்ரத்ய இத்த2முரஸாவயவாவபூர்வௌ|
அஸ்மத்3வித4ஸ்ய மன உந்நயநௌ பி3ப4ர்த்தி
ப3ஹ்வத்3பு4தம் ஸரஸராஸ ஸுதா4தி3 வக்த்ரே|| 12
கா வா ऽऽத்மவ்ருத்தி ரத3நாத்3த4விரங்க3 வாதி
விஷ்ணோ: கலாஸ்யநிமிஷோன்மகரௌ ச கர்ணௌ|
உத்3விக்3னமீன யுக3ளம் த்3விஜபங்க்தி ஶோசிர்
ஆஸந்ந ப்4ருங்க3 நிகரம் ஸர இன்முக2ம் தே|| 13
யோऽஸௌ த்வயா கரஸரோஜஹத: பதங்கோ3
தி3க்ஷு ப்4ரமன் ப்4ரமத ஏஜயதே ऽக்ஷிணீ மே|
முக்தம் ந தே ஸ்மரஸி வக்ர ஜடாவரூத2ம்
கஷ்டோऽநிலோ ஹரதி லம்பட ஏஷ நீவீம்|| 14
ரூபம் தபோத4ன தபஶ்சரதாம் தபோக்4னம்
ஹ்யேதத்து கேன தபஸா ப4வதோபலப்3த4ம்|
சர்தும் தபோऽர்ஹஸி மயா ஸஹ மித்ர மஹ்யம்
கிம் வா ப்ரஸீத3தி ஸ வை ப4வபா4வநோ மே|| 15
ந த்வாம் த்யஜாமி த3யிதம் த்3விஜதே3வத3த்தம்
யஸ்மின் மநோ த்3ருக3பி நோ ந வியாதி லக்3னம்|
மாம் சாருஶ்ருங்க்3யர்ஹஸி நேது மநுவ்ரதம் தே
சித்தம் யத: ப்ரதிஸரந்து ஶிவா: ஸசிவ்ய:|| 16
ஶ்ரீஶுக உவாச
இதி லலநாநுநயாதி விஶாரதோ3 க்3ராம்ய வைத3க்3த்4யயா பரிபா4ஷயா தாம் விபு3த4வதூ4ம் விபு3த4மதிரதி4 ஸபா4ஜயாமாஸ|| 17
ஸா ச ததஸ்தஸ்ய வீரயூத2பதேர்பு3த்3தி4ஶீலரூபவய:ஶ்ரியௌதா3ர்யேண பராக்ஷிப்தமநாஸ்தேன ஸஹாயுதாயுத பரிவத்ஸரோபலக்ஷணம் காலம் ஜம்பூ3த்3வீப பதிநா பௌ4மஸ்வர்க3போ4கா3ன் பு3பு4ஜே|| 18
தஸ்யாமு ஹ வா ஆத்மஜான் ஸ ராஜவர ஆக்3நீத்4ரோ நாபி4 கிம்புருஷ ஹரிவர்ஷே லாவ்ருத ரம்யக ஹிரண்மய குரு ப4த்3ராஶ்வ கேதுமால ஸம்ஜ்ஞான் நவ புத்ராநஜனயத்|| 19
ஸா ஸூத்வாத2 ஸுதாந்நவாநுவத்ஸரம் க்3ருஹ ஏவாபஹாய பூர்வசித்திர்பூ4ய ஏவாஜம் தே3வமுபதஸ்தே2|| 20
ஆக்3நீத்4ரஸுதாஸ்தே மாதுரநுக்3ரஹாத் ஔத்பத்திகேனைவ ஸம்ஹநன ப3லோபேதா: பித்ரா விப4க்தா ஆத்மதுல்ய நாமாநி யதா2பா4க3ம் ஜம்பூ3த்3வீபவர்ஷாணி பு3பு4ஜு:|| 21
ஆக்3நீத்4ரோ ராஜாத்ருப்த: காமாநாமப்ஸரஸமேவஅநுதி3நமதி4 மன்யமாநஸ்தஸ்யா: ஸலோகதாம் ஶ்ருதிபி4ரவாருந்த4 யத்ர பிதரோ மாத3யந்தே|| 22
ஸம்பரேதே பிதரி நவ ப்4ராதரோ மேருது3ஹித்ருர் மேருதே3வீம் ப்ரதிரூபாம் உக்3ரத3ம்ஷ்ட்ரீம் லதாம் ரம்யாம் ஶ்யாமாம் நாரீம் ப4த்3ராம் தே3வ வீதிமிதி ஸம்ஜ்ஞா நவோத3வஹன்|| 23
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் பஞ்சமஸ்கந்தே4 ஆக்3நீத்4ரவர்ணனம் நாம த்3விதீயோऽத்4யாய: || 2
இரண்டாம் அத்யாயம் முற்றும்.