ஶ்ரீமத்பாகவதமஹாபுராணம் :: நான்காம் ஸ்கந்தம் :: அத்யாயம் 29.
புரஞ்சனோபாக்யானத்தின் தாத்பர்யம்
சதுர்த2: ஸ்கந்த4: அத2 ஏகோநத்ரம்ஶோஅத்4யாய:
ப்ராசீநப3ர்ஹிருவாச
ப4க3வன் தே வசோऽஸ்மாபி4ர் ந ஸம்யக3வக3ம்யதே|
கவயஸ்தத்3 விஜாநந்தி ந வயம் கர்மமோஹிதா:|| 01
நாரத3 உவாச
புருஷம் புரஞ்ஜனம் வித்3யாத்3 யத்3 வ்யனக்த்யாத்மன: புரம்|
ஏகத்3வித்ரி சதுஷ்பாத3ம் ப3ஹுபாத3 மபாத3கம்|| 02
யோऽவிஜ்ஞாதாஹ்ருதஸ்தஸ்ய புருஷஸ்ய ஸகே2ஶ்வர:|
யன்ன விஜ்ஞாயதே பும்பி4ர் நாமபி4ர் வா க்ரியாகு3ணை:|| 03
யதா3 ஜிக்4ருக்ஷன் புருஷ: கார்த்ஸ்ன்யேன ப்ரக்ருதேர் கு3ணான்|
நவத்3வாரம் த்3விஹஸ்தாங்க்4ரி தத்ராமனித ஸாத்4விதி|| 04
பு3த்3தி4ம் து ப்ரமதா3ம் வித்3யாத் மமாஹமிதி யத்க்ருதம்|
யாமதி4ஷ்டா2ய தே3ஹே ऽஸ்மின் புமான் பு4ங்க்தேऽக்ஷபி4ர் கு3ணான்|| 05
ஸகா2ய இந்த்3ரியக3ணா ஜ்ஞானம் கர்ம ச யத்க்ருதம்|
ஸக்2யஸ்தத்3வ்ருத்தய: ப்ராண: பஞ்சவ்ருத்திர் யதோ2ரக3:|| 06
ப்3ருஹத்3ப3லம் மநோ வித்3யாது3ப4யேந்த்3ரிய நாயகம்|
பஞ்சாலா: பஞ்ச விஷயா யன்மத்4யே நவக2ம் புரம்|| 07
அக்ஷிணீ நாஸிகே கர்ணௌ முக2ம் ஶிஶ்நகு3தா3விதி|
த்3வே த்3வே த்3வாரௌ ப3ஹிர்யாதி யஸ்தத் இ3ந்த்3ரிய ஸம்யுத:|| 08
அக்ஷிணீ நாஸிகே ஆஸ்யமிதி பஞ்ச புர: க்ருதா:|
த3க்ஷிணா த3க்ஷிண: கர்ண உத்தரா ச உத்தர: ஸ்ம்ருத:|| 09
பஶ்சிமே இத்யதோ4 த்3வாரௌ கு3த3ம் ஶிஶ்னமிஹோச்யதே|
க2த்3யோதா ऽऽவிர்முகீ2 சாத்ர நேத்ரே ஏகத்ர நிர்மிதே|
ரூபம் விப்4ராஜிதம் தாப்4யாம் விசஷ்டே சக்ஷுஷேஶ்வர:|| 10
நளிநீ நாளிநீ நாஸே க3ந்த4: ஸௌரப4 உச்யதே|
க்4ராணோऽவதூ4தோ முக்2யாஸ்யம் விபணோ வாக்3 ரஸவித்3ரஸ:|| 11
ஆபணோ வ்யவஹாரோऽத்ர சித்ரமந்தோ4 ப3ஹூத3னம்|
பித்ருஹூர் த3க்ஷிண: கர்ண உத்தரோ தே3வஹூ: ஸ்ம்ருத:|| 12
ப்ரவ்ருத்தம் ச நிவ்ருத்தம் ச ஶாஸ்த்ரம் பஞ்சாலஸஞ்ஜ்ஞிதம்|
பித்ருயாநம் தே3வயாநம் ஶ்ரோத்ராத் ஶ்ருதத4ராத்3 வ்ரஜேத்|| 13
ஆஸுரீ மேட்4ரமர்வாக்3 த்3வார் வ்யவாயோ க்3ராமிணாம் ரதி:|
உபஸ்தோ2 து3ர்மத3: ப்ரோக்தோ நிர்ருதிர் கு3த3 உச்யதே|| 14
வைஶஸம் நரகம் பாயுர் லுப்3த4கோऽந்தௌ4 து மே ஶ்ருணு|
ஹஸ்தபாதௌ3 புமான் தாப்4யாம் யுக்தோ யாதி கரோதி ச|| 15
அந்த:புரம் ச ஹ்ருத3யம் விஷூசிர் மன உச்யதே|
தத்ர மோஹம் ப்ரஸாத3ம் வா ஹர்ஷம் ப்ராப்நோதி தத்3கு3ணை:|| 16
யதா2 யதா2 விக்ரியதே கு3ணாக்தோ விகரோதி வா|
ததா2 ததோ2பத்3ரஷ்டாऽऽத்மா தத்3வ்ருத்தீ ரநுகார்யதே|| 17
தே3ஹோ ரத2ஸ்த்விந்த்3ரியாஶ்வ: ஸம்வத்ஸரரயோऽக3தி:|
த்3விகர்ம சக்ர ஸ்த்ரிகு3ண த்4வஜ: பஞ்சாஸுப3ந்து4ர:|| 18
மநோரஶ்மிர் பு3த்3தி4ஸூதோ ஹ்ருந்நீடோ3 த்3வந்த்3வகூப3ர:|
பஞ்சேந்த்3ரியார்த2 ப்ரக்ஷேப: ஸப்த தா4துவரூத2க:|| 19
ஆகூதிர் விக்ரமோ பா3ஹ்யோ ம்ருக3த்ருஷ்ணாம் ப்ரதா4வதி|
ஏகாத3ஶேந்த்3ரியசமூ: பஞ்சஸூநாவிநோத3க்ருத்|| 20
ஸம்வத்ஸரஶ் சண்ட3வேக3: காலோ யேநோபலக்ஷித:|
தஸ்யாஹாநீஹ க3ந்த4ர்வா க3ந்த4ர்வ்யோ ராத்ரய: ஸ்ம்ருதா:|
ஹரந்த்யாயு: பரிக்ராந்த்யா ஷஷ்ட்யுத்தர ஶதத்ரயம்|| 21
காலகன்யா ஜரா ஸாக்ஷாத் லோகஸ்தாம் நாபி4நந்த3தி|
ஸ்வஸாரம் ஜக்3ருஹே ம்ருத்யு: க்ஷயாய யவநேஶ்வர:|| 22
ஆத4யோ வ்யாத4யஸ்தஸ்ய ஸைநிகா யவனாஶ்சரா:|
பூ4தோபஸர்கா3ஶுரய: ப்ரஜ்வாரோ த்3விவிதோ4 ஜ்வர:|| 23
ஏவம் ப3ஹுவிதை4ர் து3:கை2ர் தை3வபூ4தாத்மஸம்ப4வை:|
க்லிஶ்யமான: ஶதம் வர்ஷம் தே3ஹே தே3ஹீ தமோவ்ருத:|| 24
ப்ராணேந்த்3ரிய மநோத4ர்மாநாத்மன்யத்4யஸ்ய நிர்கு3ண:|
ஶேதே காமலவான் த்4யாயன் மமாஹமிதி கர்மக்ருத்|| 25
யதா3ऽऽத்மான மவிஜ்ஞாய ப4க3வந்தம் பரம் கு3ரும்|
புருஷஸ்து விஷஜ்ஜேத கு3ணேஷு ப்ரக்ருதே: ஸ்வத்3ருக்|| 26
கு3ணாபி4மாநீ ஸ ததா3 கர்மாணி குருதேऽவஶ:|
ஶுக்லம் க்ருஷ்ணம் லோஹிதம் வா யதா2கர்மாபி4ஜாயதே|| 27
ஶுக்லாத் ப்ரகாஶ பூ4யிஷ்டா2ன் லோகாநாப்நோதி கர்ஹிசித்|
து3:கோ2த3ர்கான் க்ரியாயாஸான் தம: ஶோகோத்கடான் க்வசித்|| 28
க்வசித் புமான் க்வசிச்ச ஸ்த்ரீ க்வசிந்நோப4யமந்த4தீ4:|
தே3வோ மநுஷ்யஸ்திர்யக்3 வா யதா2 கர்மகு3ணம் ப4வ:|| 29
க்ஷுத்பரீதோ யதா2 தீ3ன: ஸாரமேயோ க்3ருஹம் க்3ருஹம்|
சரன் விந்த3தி யத்3தி3ஷ்டம் த3ண்ட3மோத3நமேவ வா|| 30
ததா2 காமாஶயோ ஜீவ உச்சாவசபதா2 ப்4ரமன்|
உபர்யதோ4 வா மத்4யே வா யாதி தி3ஷ்டம் ப்ரியாப்ரியம்|| 31
து3:கே2ஷ்வேகதரேணாபி தை3வபூ4தாத்மஹேதுஷு|
ஜீவஸ்ய ந வ்யவச்சே2த3: ஸ்யாச்சேத் தத் தத் ப்ரதிக்ரியா|| 32
யதா2 ஹி புருஷோ பா4ரம் ஶிரஸா கு3ருமுத்3வஹன்|
தம் ஸ்கந்தே4ன ஸ ஆத4த்தே ததா2 ஸர்வா: ப்ரதிக்ரியா:|| 33
நைகாந்தத: ப்ரதீகார: கர்மணாம் கர்ம கேவலம்|
த்3வயம் ஹ்யவித்3யோபஸ்ருதம் ஸ்வப்நே ஸ்வப்ன இவாநக4|| 34
அர்தே2 ஹ்யவித்3யமாநேऽபி ஸம்ஸ்ருதிர் ந நிவர்ததே|
மநஸா லிங்க3ரூபேண ஸ்வப்நே விசரதோ யதா2|| 35
அதா2த்மநோऽர்த2பூ4தஸ்ய யதோऽநர்த2 பரம்பரா|
ஸம்ஸ்ருதிஸ் தத்3வ்யவச்சே2தோ3 ப4க்த்யா பரமயா கு3ரௌ|| 36
வாஸுதே3வே ப4க3வதி ப4க்தியோக3: ஸமாஹித:|
ஸத்4ரீசீனேன வைராக்3யம் ஜ்ஞானம் ச ஜனயிஷ்யதி|| 37
ஸோऽசிராதே3வ ராஜர்ஷே ஸ்யாத3ச்யுதகதா2ஶ்ரய:|
ஶ்ருண்வத: ஶ்ரத்3த3தா4னஸ்ய நித்யதா3 ஸ்யாத3தீ4யத:|| 38
யத்ர பா4க3வதா ராஜன் ஸாத4வோ விஶதா3ஶயா:|
ப4க3வத்3கு3ணாநுகத2ன ஶ்ரவண வ்யக்3ரசேதஸ:|| 39
தஸ்மின் மஹன் முக2ரிதா மது4பி4ச் சரித்ர
பீயூஷ ஶேஷ ஸரித: பரித: ஸ்ரவந்தி|
தா யே பிப3ந்த்யவித்ருஷோ ந்ருப கா3ட4கர்ணை:
தான்ன ஸ்ப்ருஶந்த்யஶன த்ருட்3 ப4யஶோக மோஹா:|| 40
ஏதைருபத்3ருதோ நித்யம் ஜீவலோக: ஸ்வபா4வஜை:|
ந கரோதி ஹரேர்நூநம் கதா2ம்ருதநிதௌ4 ரதிம்|| 41
ப்ரஜாபதிபதி: ஸாக்ஷாத்3 ப4க3வான் கி3ரிஶோ மநு:|
த3க்ஷாத3ய: ப்ரஜாத்4யக்ஷா நைஷ்டி2கா: ஸநகாத3ய:|| 42
மரீசிரத்ர்யங்கி3ரஸௌ புலஸ்த்ய: புலஹ: க்ரது:|
ப்4ருகு3ர் வஸிஷ்ட2 இத்யேதே மத3ந்தா ப்3ரஹ்மவாதி3ன:|| 43
அத்3யாபி வாசஸ்பதயஸ்தபோ வித்3யாஸமாதி4பி4:|
பஶ்யந்தோऽபி ந பஶ்யந்தி பஶ்யந்தம் பரமேஶ்வரம்|| 44
ஶப்3த3 ப்3ரஹ்மணி து3ஷ்பாரே சரந்த உருவிஸ்தரே|
மந்த்ர லிங்கை3ர் வ்யவச்சி2ந்நம் ப4ஜந்தோ ந விது3: பரம்|| 45
யதா3 யமநுக்3ருஹ்ணாதி ப4க3வாநாத்ம பா4வித:|
ஸ ஜஹாதி மதிம் லோகே வேதே3 ச பரிநிஷ்டி2தாம்|| 46
தஸ்மாத் கர்மஸு ப3ர்ஹிஷ்மன் அஜ்ஞாநாத3ர்த2காஶிஷு|
மார்த2 த்3ருஷ்டிம் க்ருதா2: ஶ்ரோத்ர ஸ்பர்ஶிஷ்வஸ்ப்ருஷ்ட வஸ்துஷு|| 47
ஸ்வம் லோகம் ந விது3ஸ்தே வை யத்ர தே3வோ ஜநார்த3ன|
ஆஹுர் தூ4ம்ரதி4யோ வேத3ம் ஸகர்மக மதத்3வித3:|| 48
ஆஸ்தீர்ய த3ர்பை4: ப்ராக3க்3ரை: கார்த்ஸ்ன்யேன க்ஷிதிமண்ட3லம்|
ஸ்தப்3தோ4 ப்3ருஹத்3வதா4ன்மானீ கர்ம நாவைஷி யத் பரம்|
தத்கர்ம ஹரிதோஷம் யத் ஸா வித்3யா தன்மதிர் யயா|| 49
ஹரிர் தே3ஹப்4ருதாமாத்மா ஸ்வயம் ப்ரக்ருதிரீஶ்வர:|
தத் பாத3 மூலம் ஶரணம் யத: க்ஷேமோ ந்ருணாமிஹ|| 50
ஸ வை ப்ரியதம: ச ஆத்மா யதோ ந ப4யமண்வபி|
இதி வேத3 ஸ வை வித்3வான் யோ வித்3வான் ஸ கு3ருர்ஹரி:|| 51
நாரத3 உவாச
ப்ரஶ்ன ஏவம் ஹி ஸஞ்சி2ந்நோ ப4வத: புருஷர்ஷப4|
அத்ர மே வத3தோ கு3ஹ்யம் நிஶாமய ஸுநிஶ்சிதம்|| 52
க்ஷுத்3ரம் சரம் ஸுமனஸாம் ஶரணே மிதி2த்வா
ரக்தம் ஷட3ங்க்4ரிக3ணஸாமஸு லுப்3த4கர்ணம்|
அக்3ரே வ்ருகாநஸுத்ருபோऽவிக3ணய்ய யாந்தம்
ப்ருஷ்டே2 ம்ருக3ம் ம்ருக3ய லுப்3த4கபா3ண பி4ன்னம்|| 53
அஸ்யார்த2: ஸுமன: ஸமத4ர்மணாம் ஸ்த்ரீணாம் ஶரண ஆஶ்ரமே புஷ்ப மது4க3ந்த4வத் க்ஷுத்3ரதமம் காம்யகர்ம விபாகஜம் காமஸுக2லவம் ஜைஹ்வ்யௌபஸ்த்2யாதி3 விசின் வந்தம் மிது2நீபூ4ய தத3பி4நிவேஶித மனஸம் ஷட3ங்க்4ரி க3ண ஸாமகீ3தவத3திமநோஹர வநிதாதி3 ஜநாலாபேஷு அதிதராமதிப்ரலோபி4தகர்ணமக்3ரே வ்ருகயூத2வதா3த்மன ஆயுர்ஹரதோऽஹோராத்ராந்தான் காலலவ விஶேஷான் அவிக3ணய்ய க்3ருஹேஷு விஹரந்தம் ப்ருஷ்ட2த ஏவ பரோக்ஷமநுப்ரவ்ருத்தோ லுப்3த4க: க்ருதாந்தோऽந்த: ஶரேண யமிஹ பராவித்4யதி தமிமமாத்மான மஹோ ராஜன் பி4ன்னஹ்ருத3யம் த்3ரஷ்டுமர்ஹஸீதி|| 54
ஸ த்வம் விசக்ஷ்ய ம்ருக3சேஷ்டிதமாத்மநோऽந்த:-
சித்தம் நியச்ச2 ஹ்ருதி3 கர்ணது4நீம் ச சித்தே|
ஜஹ்யங்க3நாஶ்ரம மஸத்தம யூத2கா3த2ம்
ப்ரீணீஹி ஹம்ஸஶரணம் விரம க்ரமேண|| 55
ராஜோவாச
ஶ்ருதமன்வீக்ஷிதம் ப்3ரஹ்மன் ப4க3வான் யத3பா4ஷத|
நைதஜ்ஜாநந்த்யுபாத்4யாயா: கிம் ந ப்3ரூயுர் விது3ர்யதி3|| 56
ஸம்ஶயோऽத்ர து மே விப்ர ஸஞ்சி2ன்னஸ்தத்க்ருதோ மஹான்|
ருஷயோऽபி ஹி முஹ்யந்தி யத்ர நேந்த்3ரியவ்ருத்தய:|| 57
கர்மாண்யாரப4தே யேன புமாநிஹ விஹாய தம்|
அமுத்ரான்யேன தே3ஹேன ஜுஷ்டானி ஸ யத3ஶ்நுதே|| 58
இதி வேத3விதா3ம் வாத3: ஶ்ரூயதே தத்ர தத்ர ஹ|
கர்ம யத் க்ரியதே ப்ரோக்தம் பரோக்ஷம் ந ப்ரகாஶதே|| 59
நாரத3 உவாச
யேனைவாரப4தே கர்ம தேனைவாமுத்ர தத் புமான்|
பு4ங்க்தே ஹ்யவ்யவதா4னேன லிங்கே3ன மனஸா ஸ்வயம்|| 60
ஶயானமிம முத்ஸ்ருஜ்ய ஶ்வஸந்தம் புருஷோ யதா2|
கர்மாத்மன்யாஹிதம் பு4ங்க்தே தாத்3ருஶேநேதரேண வா|| 61
மமைதே மனஸா யத்3 யத்3 அஸாவஹமிதி ப்3ருவன்|
க்3ருஹ்ணீயாத் தத்புமான் ராத்3த4ம் கர்ம யேன புனர்ப4வ:|| 62
யதா2நுமீயதே சித்தமுப4யை: இந்த்3ரியேஹிதை:|
ஏவம் ப்ராக்3தே3ஹஜம் கர்ம லக்ஷ்யதே சித்த வ்ருத்திபி4:|| 63
நாநுபூ4தம் க்வ சானேன தே3ஹேநாத்3ருஷ்டமஶ்ருதம்|
கதா3சிது3பலப்4யேத யத்3ரூபம் யாத்3ருகா3த்மனி|| 64
தேநாஸ்ய தாத்3ருஶம் ராஜன் லிங்கி3நோ தே3ஹஸம்ப4வம்|
ஶ்ரத்3த4த்ஸ்வாநநுபூ4தோऽர்தோ2 ந மன: ஸ்ப்ரஷ்டுமர்ஹதி|| 65
மன ஏவ மநுஷ்யஸ்ய பூர்வரூபாணி ஶம்ஸதி|
ப4விஷ்யதஶ்ச ப4த்3ரம் தே ததை2வ ந ப4விஷ்யத:|| 66
அத்3ருஷ்டமஶ்ருதம் சாத்ர க்வசின்மனஸி த்3ருஶ்யதே|
யதா2 ததா2நுமந்தவ்யம் தே3ஶகாலக்ரியாஶ்ரயம்|| 67
ஸர்வே க்ரமாநு ரோதே4ன மனஸீந்த்3ரிய கோ3சரா:|
ஆயாந்தி வர்க3ஶோ யாந்தி ஸர்வே ஸமனஸோ ஜநா:|| 68
ஸத்த்வைகநிஷ்டே2 மனஸி ப4க3வத்பார்ஶ்வ வர்திநி|
தமஶ்சந்த்3ரமஸீவேத3 முபரஜ்யாவபா4ஸதே|| 69
நாஹம் மமேதி பா4வோऽயம் புருஷே வ்யவதீ4யதே|
யாவத்3 பு3த்3தி4மநோऽக்ஷார்த2 கு3ண வ்யூஹோ ஹ்யநாதி3மான்|| 70
ஸுப்திமூர்ச்சோ2பதாபேஷு ப்ராணாயனவிகா4தத:|
நேஹதேऽஹமிதி ஜ்ஞானம் ம்ருத்யுப்ரஜ்வாரயோரபி|| 71
க3ர்பே4 பா3ல்யேऽப்யபௌஷ்கல்யாதே3காத3ஶவித4ம் ததா3|
லிங்க3ம் ந த்3ருஶ்யதே யூன: குஹ்வாம் சந்த்3ரமஸோ யதா2|| 72
அர்தே2 ஹ்யவித்3யமாநேऽபி ஸம்ஸ்ருதிர் ந நிவர்ததே|
த்4யாயதோ விஷயானஸ்ய ஸ்வப்நே ऽநர்தா2க3மோ யதா2|| 73
ஏவம் பஞ்சவித4ம் லிங்க3ம் த்ரிவ்ருத் ஷோட3ஶ விஸ்த்ருதம்|
ஏஷ சேதனயா யுக்தோ ஜீவ இத்யபி4தீ4யதே|| 74
அநேன புருஷோ தே3ஹாநுபாத3த்தே விமுஞ்சதி|
ஹர்ஷம் ஶோகம் ப4யம் து3:க2ம் ஸுக2ம் ச அனேன விந்த3தி|| 75
யதா2 த்ருண ஜலூகேயம் நாபயாத்யபயாதி ச|
ந த்யஜேன்ம்ரியமாணோऽபி ப்ராக்3தே3ஹாபி4மதிம் ஜன:|| 76
யாவத3ன்யம் ந விந்தே3த வ்யவதா4னேன கர்மணாம்|
மன ஏவ மநுஷ்யேந்த்3ர பூ4தாநாம் ப4வ பா4வனம்|| 77
யதா3க்ஷைஶ்சரிதான் த்4யாயன் கர்மாண்யாசிநுதேऽஸக்ருத்|
ஸதி கர்மண்யவித்3யாயாம் ப3ந்த4: கர்மண்யநாத்மன:|| 78
அதஸ்தத3பவாதா3ர்த2ம் ப4ஜ ஸர்வாத்மநா ஹரிம்|
பஶ்யம்ஸ்ததா3த்மகம் விஶ்வம் ஸ்தி2த்யுத்பத்யப்யயா யத:|| 79
மைத்ரேய உவாச
பா4க3வத முக்2யோ ப4க3வாந்நாரதோ3 ஹம்ஸயோர் க3திம்|
ப்ரத3ர்ஶ்ய ஹ்யமுமாமந்த்ர்ய ஸித்3த4லோகம் ததோऽக3மத்|| 80
ப்ராசீனப3ர்ஹீ ராஜர்ஷி: ப்ரஜாஸர்கா3பி4ரக்ஷணே|
ஆதி3ஶ்ய புத்ராநக3மத் தபஸே கபிலாஶ்ரமம்|| 81
தத்ரைகாக்3ரமநா வீரோ கோ3விந்த3 சரணாம்பு3ஜம்|
விமுக்த ஸங்கோ3ऽநுப4ஜன் ப்4க்த்யா தத்ஸாம்யதாமகா3த்|| 82
ஏதத3த்4யாத்ம பாரோக்ஷ்யம் கீ3தம் தே3வர்ஷிணாநக4|
ய: ஶ்ராவயேத்3 ய: ஶ்ருணுயாத் ஸ லிங்கே3ன விமுச்யதே|| 83
ஏதன் முகுந்த3 யஶஸா பு4வனம் புநாநம்
தே3வர்ஷிவர்ய முக2நி:ஸ்ருதமாத்மஶௌசம்|
ய: கீர்த்யமான மதி4க3ச்ச2தி பாரமேஷ்ட்2யம்
நாஸ்மின் ப4வே ப்4ரமதி முக்தஸமஸ்தப3ந்த4:|| 84
அத்4யாத்மபாரோக்ஷ்யமித3ம் மயாதி4க3தமத்3பு4தம்|
ஏவம் ஸ்த்ரியாऽऽஶ்ரம: பும்ஸஶ்சி2ன்ன: அமுத்ர ச ஸம்ஶய:|| 85
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
சதுர்த2ஸ்கந்தே4 விது3ரமைத்ரேயஸம்வாதே3 ப்ராசீநப3ர்ஹிர்நாரத3ஸம்வாதோ3 நாமைகோநத்ரிம்ஶோऽத்4யாய: || 29
நான்காம் ஸ்கந்தம் - இருபத்தி ஒன்பதாவது அத்யாயம் முற்றும்.