ஶ்ரீமத்பாகவதமஹாபுராணம் :: நான்காம் ஸ்கந்தம் :: அத்யாயம் 27.
புரஞ்சனபுரியின் மீது சண்டவேகன் படையெடுத்தலும் மற்றும் காலகன்னியின் கதையும்
சதுர்த₂: ஸ்கந்த₄: அத₂ ஸப்தவிம்ஶோஅத்₄யாய:

நாரத₃ உவாச
இத்த₂ம் புரஞ்ஜனம் ஸத்₄ர்யக்₃ வஶமாநீய விப்₄ரமை:|
புரஞ்ஜநீ மஹாராஜ ரேமே ரமயதீ பதிம்|| 01

ஸ ராஜா மஹிஷீம் ராஜன் ஸுஸ்நாதாம் ருசிராநநாம்
க்ருதஸ்வஸ்த்யயநாம் த்ருப்தா மப்₄யனந்த₃ து₃பாக₃தாம்|| 02

தயோபகூ₃ட₄: பரிரப்₃த₄கந்த₄ரோ
ரஹோ ऽநுமந்த்ரை ரபக்ருஷ்ட சேதன:|
ந காலரம்ஹோ பு₃பு₃தே₄ து₃ரத்யயம்
தி₃வா நிஶேதி ப்ரமதா₃பரிக்₃ரஹ:|| 03

ஶயான உன்னத்₃த₄மதோ₃ மஹாமனா
மஹார்ஹதல்பே மஹிஷீபு₄ஜோபதி₄:|
தாமேவ வீரோ மநுதே பரம் யத:
தமோऽபி₄பூ₄தோ ந நிஜம் பரம் ச யத்|| 04

தயைவம் ரமமாணஸ்ய காமகஶ்மல சேதஸ:|
க்ஷணார்த₄மிவ ராஜேந்த்₃ர வ்யதிக்ராந்தம் நவம் வய:|| 05

தஸ்யாமஜநயத் புத்ரான் புரஞ்ஜன்யாம் புரஞ்ஜன:|
ஶதான்யேகாத₃ஶ விராடா₃யுஷோऽர்த₄மதா₂த்யகா₃த்|| 06

து₃ஹித்ரூர் த₃ஶோத்தரஶதம் பித்ருமாத்ரு யஶஸ்கரீ:|
ஶீலௌதா₃ர்யகு₃ணோபேதா: பௌரஞ்ஜன்ய: ப்ரஜாபதே|| 07

ஸ பஞ்சாலபதி: புத்ரான் பித்ருவம்ஶ விவர்த₄நான்|
தா₃ரை: ஸம்யோஜயாமாஸ து₃ஹித்ரூ: ஸத்₃ருஶைர் வரை:|| 08

புத்ராணாம் சாப₄வன் புத்ரா ஏகைகஸ்ய ஶதம் ஶதம|
யைர்வை பௌரஞ்ஜநோ வம்ஶ: பஞ்சாலேஷு ஸமேதி₄த:|| 09

தேஷு தத்₃ரிக்த₂ஹாரேஷு க்₃ருஹகோஶாநுஜீவிஷு|
நிரூடே₄ன மமத்வேன விஷயேஷ்வன்வப₃த்₄யத|| 10

ஈஜே ச க்ரதுபி₄ர் கோ₄ரைர் தீ₃க்ஷித: பஶுமாரகை:|
தே₃வான் பித்ரூன் பூ₄தபதீன் நாநாகாமோ யதா₂ ப₄வான்|| 11

யுக்தேஷ்வேவம் ப்ரமத்தஸ்ய குடும்பா₃ஸக்த சேதஸ:|
ஆஸஸாத₃ ஸ வை காலோ யோऽப்ரிய: ப்ரிய யோஷிதாம்|| 12

சண்ட₃வேக₃ இதி க்₂யாதோ க₃ந்த₄ர்வாதி₄பதிர் ந்ருப|
க₃ந்த₄ர்வாஸ்தஸ்ய ப₃லின: ஷஷ்ட்யுத்தரஶத த்ரயம்|| 13

க₃ந்த₄ர்வ்யஸ்தாத்₃ருஶீரஸ்ய மைது₂ன்யஶ்ச ஸிதாஸிதா:|
பரிவ்ருத்த்யா விலும்பந்தி ஸர்வகாம விநிர்மிதாம்|| 14

தே சண்ட₃வேகா₃நுசரா: புரஞ்ஜன புரம் யதா₃|
ஹர்துமாரேபி₄ரே தத்ர ப்ரத்யஷேத₄த் ப்ரஜாக₃ர:|| 15

ஸ ஸப்தபி₄: ஶதைரேகோ விம்ஶத்யா ச ஶதம் ஸமா:|
புரஞ்ஜன புராத்₄யக்ஷோ க₃ந்த₄ர்வைர் யுயுதே₄ ப₃லீ|| 16

க்ஷீயமாணே ஸ்வஸம்ப₃ந்தே₄ ஏகஸ்மின் ப₃ஹுபி₄ர் யுதா₄|
சிந்தாம் பராம் ஜகா₃மார்த: ஸராஷ்ட்ரபுர பா₃ந்த₄வ:|| 17

ஸ ஏவ புர்யாம் மது₄பு₄க் பஞ்சாலேஷு ஸ்வபார்ஷதை₃:|
உபநீதம் ப₃லிம் க்₃ருஹ்ணன் ஸ்த்ரீஜிதோ நாவித₃த்₃ ப₄யம்|| 18

காலஸ்ய து₃ஹிதா காசித் த்ரிலோகீம் வரமிச்ச₂தீ|
பர்யடந்தீ ந ப₃ர்ஹிஷ்மன் ப்ரத்யநந்த₃த கஶ்சன|| 19

தௌ₃ர்பா₄க்₃யேநாத்மநோ லோகே விஶ்ருதா து₃ர்ப₄கே₃தி ஸா|
யா துஷ்டா ராஜர்ஷயே து வ்ருதாதா₃த் பூரவே வரம்|| 20

கதா₃சித₃டமாநா ஸா ப்₃ரஹ்மலோகாத் மஹீம் க₃தம்|
வவ்ரே ப்₃ருஹத்₃வ்ரதம் மாம் து ஜானதீ காமமோஹிதா|| 21

மயி ஸம்ரப்₄ய விபுல மதா₃ச்சா₂பம் ஸுது₃:ஸஹம்|
ஸ்தா₂துமர்ஹஸி நைகத்ர மத்₃யாச்ஞாவிமுகோ₂ முனே|| 22

ததோ விஹத ஸங்கல்பா கன்யகா யவனேஶ்வரம்|
மயோபதி₃ஷ்டமாஸாத்₃ய வவ்ரே நாம்நா ப₄யம் பதிம்|| 23

ருஷப₄ம் யவநாநாம் த்வாம் வ்ருணே வீரேப்ஸிதம் பதிம்|
ஸங்கல்பஸ்த்வயி பூ₄தாநாம் க்ருத: கில ந ரிஷ்யதி|| 24

த்₃வாவிமாவநு ஶோசந்தி பா₃லாவஸத₃வக்₃ரஹௌ|
யல்லோகஶாஸ்த்ரோபனதம் ந ராதி ந ததி₃ச்ச₂தி|| 25

அதோ₂ ப₄ஜஸ்வ மாம் ப₄த்₃ர ப₄ஜந்தீம் மே த₃யாம் குரு|
ஏதாவான் பௌருஷோ த₄ர்மோ யதா₃ர்தாநநுகம்பதே|| 26

காலகன்யோதி₃த வசோ நிஶம்ய யவனேஶ்வர:|
சிகீர்ஷுர் தே₃வகு₃ஹ்யம் ஸ ஸஸ்மிதம் தாமபா₄ஷத|| 27

மயா நிரூபிதஸ்துப்₄யம் பதிராத்மஸமாதி₄நா|
நாபி₄நந்த₃தி லோகோऽயம் த்வாமப₄த்₃ராமஸம்மதாம்|| 28

த்வமவ்யக்தக₃திர் பு₄ங்க்ஷ்வ லோகம் கர்ம விநிர்மிதம்|
யா ஹி மே ப்ருதநாயுக்தா ப்ரஜாநாஶம் ப்ரணேஷ்யஸி|| 29

ப்ரஜ்வாரோऽயம் மம ப்₄ராதா த்வம் ச மே ப₄கி₃நீ ப₄வ|
சராம்யுபா₄ப்₄யாம் லோகே ऽஸ்மின் அவ்யக்தோ பீ₄மஸைநிக:|| 30

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம்
சதுர்த₂ஸ்கந்தே₄ புரஞ்ஜநோபாக்₂யானே ஸப்தவிம்ஶோऽத்₄யாய: || 27

நான்காம் ஸ்கந்தம் - இருபத்தி ஏழாவது அத்யாயம் முற்றும்.