ஶ்ரீமத்பாகவதமஹாபுராணம் :: நான்காம் ஸ்கந்தம் :: அத்யாயம் 26.
ராஜா புரஞ்சனன் வேட்டையாடுவதற்காகக் காட்டிற்குப் போதலும் ராணி கோபப்படுதலும்
சதுர்த₂: ஸ்கந்த₄: அத₂ ஷட்₃விம்ஶோஅத்₄யாய:

நாரத₃ உவாச
ஸ ஏகதா₃ மஹேஷ்வாஸோ ரத₂ம் பஞ்சாஶ்வமாஶுக₃ம்|
த்₃வீஷம் த்₃விசக்ரமேகாக்ஷம் த்ரிவேணும் பஞ்சப₃ந்து₄ரம்|| 01

ஏகரஶ்ம்யேகத₃மன மேக நீட₃ம் த்₃விகூப₃ரம்|
பஞ்ச ப்ரஹரணம் ஸப்த வரூத₂ம் பஞ்ச விக்ரமம்|| 02

ஹைமோபஸ்கரமாருஹ்ய ஸ்வர்ணவர்மாக்ஷயேஷுதி₄:|
ஏகாத₃ஶசமூநாத₂: பஞ்ச ப்ரஸ்த₂மகா₃த்₃ வனம்|| 03

சசார ம்ருக₃யாம் தத்ர த்₃ருப்த ஆத்தேஷுகார்முக:|
விஹாய ஜாயா மதத₃ர்ஹாம் ம்ருக₃ வ்யஸனலாலஸ:|| 04

ஆஸுரீம் வ்ருத்திமாஶ்ரித்ய கோ₄ராத்மா நிரநுக்₃ரஹ:|
ந்யஹநந்நிஶிதைர் பா₃ணைர் வநேஷு வன கோ₃சரான்|| 05

தீர்தே₂ஷு ப்ரதித்₃ருஷ்டேஷு ராஜா மேத்₄யான் பஶூன் வனே|
யாவத₃ர்த₂மலம் லுப்₃தோ₄ ஹன்யாதி₃தி நியம்யதே|| 06

ய ஏவம் கர்ம நியதம் வித்₃வான் குர்வீத மானவ:|
கர்மணா தேன ராஜேந்த்₃ர ஜ்ஞானேன ந ஸ லிப்யதே|| 07

அன்யதா₂ கர்ம குர்வாணோ மாநாரூடோ₃ நிப₃த்₄யதே|
கு₃ணப்ரவாஹ பதிதோ நஷ்டப்ரஜ்ஞோ வ்ரஜத்யத₄:|| 08

தத்ர நிர்பி₄ன்ன கா₃த்ராணாம் சித்ரவாஜை: ஶிலீமுகை₂:|
விப்லவோऽபூ₄த்₃ து₃:கி₂தாநாம் து₃:ஸஹ: கருணாத்மநாம்|| 09

ஶஶான் வராஹான் மஹிஷான் க₃வயான் ருருஶல்யகான்|
மேத்₄யானன்யாம்ஶ்ச விவிதா₄ன் விநிக்₄னன் ஶ்ரம மத்₄யகா₃த்|| 10

தத: க்ஷுத்த்ருட் பரிஶ்ராந்தோ நிவ்ருத்தோ க்₃ருஹமேயிவான்|
க்ருதஸ்நாநோசிதாஹார: ஸம்விவேஶ க₃தக்லம:|| 11

ஆத்மானமர்ஹயாம் சக்ரே தூ₄பாலேபஸ்ரகா₃தி₃பி₄:|
ஸாத்₄வலங்க்ருத ஸர்வாங்கோ₃ மஹிஷ்யாமாத₃தே₄ மன:|| 12

த்ருப்தோ ஹ்ருஷ்ட: ஸுத்₃ருப்தஶ்ச கந்த₃ர்பாக்ருஷ்டமானஸ:|
ந வ்யசஷ்ட வராரோஹாம் க்₃ருஹிணீம் க்₃ருஹமேதி₄நீம்|| 13

அந்த:புரஸ்த்ரியோऽப்ருச்ச₂த்₃ விமநா இவ வேதி₃ஷத்|
அபி வ: குஶலம் ராமா: ஸேஶ்வரீணாம் யதா₂ புரா|| 14

ந ததை₂தர்ஹி ரோசந்தே க்₃ருஹேஷு க்₃ருஹஸம்பத₃:|
யதி₃ ந ஸ்யாத்₃ க்₃ருஹே மாதா பத்னீ வா பதிதே₃வதா|
வ்யங்கே₃ ரத₂ இவ ப்ராஜ்ஞ: கோ நாமாஸீத தீ₃னவத்|| 15

க்வ வர்ததே ஸா லலநா மஜ்ஜந்தம் வ்யஸநார்ணவே|
யா மாமுத்₃த₄ரதே ப்ரஜ்ஞாம் தீ₃பயந்தீ பதே₃ பதே₃|| 16

ராமா ஊசு:
நரநாத₂ ந ஜாநீமஸ்த்வத் ப்ரியா யத்₃வ்யவஸ்யதி|
பூ₄தலே நிரவஸ்தாரே ஶயாநாம் பஶ்ய ஶத்ருஹன்|| 17

நாரத₃ உவாச
புரஞ்ஜன: ஸ்வமஹிஷீம் நிரீக்ஷ்யாவது₄தாம் பு₄வி|
தத்ஸங்கோ₃ன்மதி₂தஜ்ஞாநோ வைக்லவ்யம் பரமம் யயௌ|| 18

ஸாந்த்வயன் ஶ்லக்ஷ்ணயா வாசா ஹ்ருத₃யேன விதூ₃யதா|
ப்ரேயஸ்யா: ஸ்நேஹஸம்ரம்ப₄ லிங்க₃மாத்மனி நாப்₄யகா₃த்|| 19

அநுநின்யேऽத₂ ஶனகைர் வீரோऽநுநய கோவித₃:|
பஸ்பர்ஶ பாத₃யுக₃ளமாஹ சோத்ஸங்க₃லாலிதாம்|| 20

புரஞ்ஜன உவாச
நூனம் த்வக்ருத புண்யாஸ்தே ப்₄ருத்யா யேஷ்வீஶ்வரா: ஶுபே₄|
க்ருதாக₃ஸ் ஸ்வாத்மஸாத்க்ருத்வா ஶிக்ஷாத₃ண்ட₃ம் ந யுஞ்ஜதே|| 21

பரமோऽநுக்₃ரஹோ த₃ண்டோ₃ ப்₄ருத்யேஷு ப்ரபு₄ணார்பித:|
பா₃லோ ந வேத₃ தத்தன்வி ப₃ந்து₄ க்ருத்யமமர்ஷண:|| 22

ஸா த்வம் முக₂ம் ஸுத₃தி ஸுப்₄ரு அநுராக₃பா₄ர-
வ்ரீடா₃விலம்ப₃ விலஸத் ஹஸிதாவலோகம்|
நீலாலகாளிபி₄ருபஸ்க்ருத முன்னஸம் ந:
ஸ்வாநாம் ப்ரத₃ர்ஶய மனஸ்வினி வல்கு₃வாக்யம்|| 23

தஸ்மின் த₃தே₄ த₃மமஹம் தவ வீரபத்னி
யோऽன்யத்ர பூ₄ஸுர குலாத் க்ருதகில்பி₃ஷஸ்தம்|
பஶ்யே ந வீதப₄யமுன்முதி₃தம் த்ரிலோக்யாம்
அன்யத்ர வை முரரிபோரிதரத்ர தா₃ஸாத்|| 24

வக்த்ரம் ந தே விதிலகம் மலினம் விஹர்ஷம்
ஸம்ரம்ப₄ பீ₄மமவிம்ருஷ்ட மபேதராக₃ம்|
பஶ்யே ஸ்தநாவபி ஶுசோபஹதௌ ஸுஜாதௌ
பி₃ம்பா₃த₄ரம் விக₃த குங்கும பங்கராக₃ம்|| 25

தன்மே ப்ரஸீத₃ ஸுஹ்ருத₃: க்ருதகில்பி₃ஷஸ்ய
ஸ்வைரம் க₃தஸ்ய ம்ருக₃யாம் வ்யஸநாதுரஸ்ய|
கா தே₃வரம் வஶக₃தம் குஸுமாஸ்த்ரவேக₃-
விஸ்ரஸ்த பௌம்ஸ்நமுஶதீ ந ப₄ஜேத க்ருத்யே|| 26

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம்
சதுர்த₂ஸ்கந்தே₄ புரஞ்ஜநோபாக்₂யானே ஷட்₃விம்ஶோऽத்₄யாய: || 26

நான்காம் ஸ்கந்தம் - இருபத்தி ஆறாவது அத்யாயம் முற்றும்.