ஶ்ரீமத்பாகவதமஹாபுராணம் :: நான்காம் ஸ்கந்தம் :: அத்யாயம் 18.
பிருதிவியைக் கறத்தல்
சதுர்த₂: ஸ்கந்த₄: அத₂ அஷ்டாத₃ஶோஅத்₄யாய:

மைத்ரேய உவாச
இத்த2ம் ப்ருது2மபி4ஷ்டூய ருஷா ப்ரஸ்பு2ரிதாத4ரம்|
புனராஹாவநிர் பீ4தா ஸம்ஸ்தப்4யாத்மான மாத்மநா|| 01

ஸந்நிச்சா2பி4 போ4 மன்யும் நிபோ3த4 ஶ்ராவிதம் ச மே|
ஸர்வத: ஸாரமாத3த்தே யதா2 மது4கரோ பு3த4:|| 02

அஸ்மின் லோகே ऽத2வாமுஷ்மின் முனிபி4ஸ்தத்வத3ர்ஶிபி4:|
த்3ருஷ்டா யோகா3: ப்ரயுக்தாஶ்ச பும்ஸாம் ஶ்ரேய: ப்ரஸித்3த4யே|| 03

தாநாதிஷ்ட2தி ய: ஸம்யகு3பாயான் பூர்வ த3ர்ஶிதான்|
அவர: ஶ்ரத்3த4யோபேத உபேயான் விந்த3தே ऽஞ்ஜஸா|| 04

தாநநாத்3ருத்ய யோ வித்3வான் அர்தா2நாரப4தே ஸ்வயம்|
தஸ்ய வ்யபி4சரந்த்யர்தா2 ஆரப்3தா4ஶ்ச புன: புன: || 05

புரா ஸ்ருஷ்டா ஓஷத4யோ ப்3ரஹ்மணா யா விஶாம்பதே|
பு4ஜ்யமாநா மயா த்3ருஷ்டா அஸத்3பி4ரத்4ருதவ்ரதை:|| 06

அபாலிதாநாத்3ருதா ச ப4வத்3பி4ர் லோகபாலகை:|
சோரீபூ4தே ऽத2 லோகே ऽஹம் யஜ்ஞார்தே2 ऽக்3ரஸமோஷதீ4:|| 07

நூனம் தா வீருத4: க்ஷீணா மயி காலேன பூ4யஸா|
தத்ர யோகே3ன த்3ருஷ்டேன ப4வாநாதா3துமர்ஹதி|| 08

வத்ஸம் கல்பய மே வீர யேநாஹம் வத்ஸலா தவ|
தோ4க்ஷ்யே க்ஷீரமயான் காமான் அநுரூபம் ச தோ3ஹனம் || 09

தோ3க்3தா4ரம் ச மஹாபா3ஹோ பூ4தாநாம் பூ4தபா4வன|
அன்னமீப்ஸித மூர்ஜஸ்வத்3 ப4க3வான் வாஞ்ச2தே யதி3|| 10

ஸமாம் ச குரு மாம் ராஜன் தே3வவ்ருஷ்டம் யதா2 பய:|
அபர்தாவபி ப4த்3ரம் தே உபாவர்தேத மே விபோ4|| 11

இதி ப்ரியம் ஹிதம் வாக்யம் பு4வ ஆதா3ய பூ4பதி:|
வத்ஸம் க்ருத்வா மநும் பாணாவது3ஹத் ஸகலௌஷதீ4:|| 12

ததா2 பரே ச ஸர்வத்ர ஸார மாத3த3தே பு3தா4:|
ததோऽன்யே ச யதா2காமம் து3து3ஹு: ப்ருது2பா4விதாம்|| 13

ருஷயோ து3து3ஹுர் தே3வீமிந்த்3ரியேஷ்வத2 ஸத்தம|
வத்ஸம் ப்3ருஹஸ்பதிம் க்ருத்வா பயஶ்ச2ந்தோ3மயம் ஶுசி|| 14

க்ருத்வா வத்ஸம் ஸுரக3ணா இந்த்3ரம் ஸோமமதூ3து3ஹன்|
ஹிரண்மயேன பாத்ரேண வீர்ய மோஜோ ப3லம் பய:|| 15

தை3தேயா தா3னவா வத்ஸம் ப்ரஹ்லாத3மஸுரர்ஷப4ம்|
விதா4யாதூ3து3ஹன் க்ஷீரமய:பாத்ரே ஸுராஸவம்|| 16

க3ந்த4ர்வாப்ஸரஸோऽது4க்ஷன் பாத்ரே பத்3மமயே பய:|
வத்ஸம் விஶ்வாவஸும் க்ருத்வா கா3ந்த4ர்வம் மது4 ஸௌப4க3ம்|| 17

வத்ஸேன பிதரோऽர்யம்ணா கவ்யம் க்ஷீரமது4க்ஷத|
ஆமபாத்ரே மஹாபா4கா3: ஶ்ரத்3த4யா ஶ்ராத்3த4தே3வதா:|| 18

ப்ரகல்ப்ய வத்ஸம் கபிலம் ஸித்3தா4: ஸங்கல்பநாமயீம்|
ஸித்3தி4ம் நப4ஸி வித்3யாம் ச யே ச வித்3யாத4ராத3ய:|| 19

அன்யே ச மாயிநோ மாயாம் அந்தர்தா4நாத்3பு4தாத்மநாம்|
மயம் ப்ரகல்ப்ய வத்ஸம் தே து3து3ஹுர் தா4ரணாமயீம்|| 20

யக்ஷரக்ஷாம்ஸி பூ4தானி பிஶாசா: பிஶிதாஶநா:|
பூ4தேஶவத்ஸா து3து3ஹு: கபாலே க்ஷதஜாஸவம்|| 21

ததா2ஹயோ த3ந்த3ஶூகா: ஸர்பா நாகா3ஶ்ச தக்ஷகம்|
விதா4ய வத்ஸம் து3து3ஹுர் பி3லபாத்ரே விஷம் பய:|| 22

பஶவோ யவஸம் க்ஷீரம் வத்ஸம் க்ருத்வா ச கோ3வ்ருஷம்|
அரண்யபாத்ரே சாது4க்ஷன் ம்ருகே3ந்த்3ரேண ச த3ம்ஷ்ட்ரிண:|| 23

க்ரவ்யாதா3: ப்ராணின: க்ரவ்யம் து3து3ஹு: ஸ்வே களேவரே|
ஸுபர்ணவத்ஸா விஹகா3ஶ் சரம் சாசரமேவ ச|| 24

வடவத்ஸா வனஸ்பதய: ப்ருத2க்3 ரஸமயம் பய:|
கி3ரயோ ஹிமவத்3வத்ஸா நாநாதா4தூன் ஸ்வஸாநுஷு|| 25

ஸர்வே ஸ்வமுக்2ய வத்ஸேன ஸ்வே ஸ்வே பாத்ரே ப்ருத2க் பய:|
ஸர்வகாமது3கா4ம் ப்ருத்2வீம் து3து3ஹு: ப்ருது2பா4விதாம்|| 26

ஏவம் ப்ருத்2வாத3ய: ப்ருத்2வீம் அந்நாதா3: ஸ்வந்நமாத்மன: |
தோ3ஹவத்ஸாதி3 பே4தே3ன க்ஷீரபே4த3ம் குரூத்3வஹ|| 27

ததோ மஹீபதி: ப்ரீத: ஸர்வகாமது3கா4ம் ப்ருது2:|
து3ஹித்ருத்வே சகாரேமாம் ப்ரேம்ணா து3ஹித்ருவத்ஸல:|| 28

சூர்ணயன் ஸ்வத4நுஷ்கோட்யா கி3ரிகூடானி ராஜராட்|
பூ4மண்ட3லமித3ம் வைன்ய: ப்ராயஶ்சக்ரே ஸமம் விபு4:|| 29

அதா2ஸ்மின் ப4க3வான் வைன்ய: ப்ரஜானாம் வ்ருத்தித3: பிதா|
நிவாஸான் கல்பயாஞ்சக்ரே தத்ர தத்ர யதா2ர்ஹத:|| 30

க்3ராமான் புர: பத்தநானி து3ர்கா3ணி விவிதா4னி ச|
கோ4ஷான் வ்ரஜான் ஸாஶிபி3ராநாகரான் கே2டக2ர்வடான்|| 31

ப்ராக்ப்ருதோ2ரிஹ நைவைஷா புரக்3ராமாதி3கல்பநா|
யதா2ஸுக2ம் வஸந்தி ஸ்ம தத்ர தத் அகுதோப4யா:|| 32

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம்
சதுர்த₂ஸ்கந்தே₄ ப்ருது₂விஜயே அஷ்டாத₃ஶோऽத்₄யாய: || 18

நான்காம் ஸ்கந்தம் - பதினெட்டாவது அத்யாயம் முற்றும்.