ஶ்ரீமத்பாகவதமஹாபுராணம் :: நான்காம் ஸ்கந்தம் :: அத்யாயம் 17.
மஹாராஜா ப்ருது பிருதிவியின் மேல் கோபமடைதலும் மற்றும் பிருதிவி அவரைத் துதி செய்தலும்
சதுர்த2: ஸ்கந்த4: அத2 ஸப்தத3ஶோஅத்4யாய:
மைத்ரேய உவாச
ஏவம் ஸ ப4க3வான் வைன்ய: க்2யாபிதோ கு3ணகர்மபி4:|
ச2ந்த3யாமாஸ தான் காமை: ப்ரதிபூஜ்யாபி4நந்த்3ய ச|| 01
ப்3ராஹ்மணப்ரமுகா2ன் வர்ணான் ப்4ருத்யாமாத்ய புரோத4ஸ:|
பௌராஞ்ஜாநபதா3ன் ஶ்ரேணீ: ப்ரக்ருதீ: ஸமபூஜயத்|| 02
விது3ர உவாச
கஸ்மாத்3 த3தா4ர கோ3ரூபம் த4ரித்ரீ ப3ஹுரூபிணீ|
யாம் து3தோ3ஹ ப்ருது2ஸ்தத்ர கோ வத்ஸோ தோ3ஹனம் ச கிம்|| 03
ப்ரக்ருத்யா விஷமா தே3வீ க்ருதா தேன ஸமா கத2ம்|
தஸ்ய மேத்4யம் ஹயம் தே3வ: கஸ்ய ஹேதோரபாஹரத்|| 04
ஸநத்குமாராத்3 ப4க3வதோ ப்3ரஹ்மன் ப்3ரஹ்மவிது3த்தமாத்|
லப்3த்4வா ஜ்ஞானம் ஸவிஜ்ஞானம் ராஜர்ஷி: காம் க3திம் க3த:|| 05
யச்சான்யத3பி க்ருஷ்ணஸ்ய ப4வான் ப4க3வத: ப்ரபோ4:|
ஶ்ரவ: ஸுஶ்ரவஸ: புண்யம் பூர்வதே3ஹகதா2ஶ்ரயம்|| 06
ப4க்தாய மேऽநுரக்தாய தவ அதோ4க்ஷஜஸ்ய ச|
வக்துமர்ஹஸி யோऽது3ஹ்யத்3 வைன்ய ரூபேண கா3மிமாம்|| 07
மைத்ரேய உவாச
யதா3பி4ஷிக்த: ப்ருது2ரங்க3 விப்ரை:
ஆமந்த்ரிதோ ஜனதாயாஶ்ச பால:|
ப்ரஜா நிரந்னே க்ஷிதிப்ருஷ்ட2 ஏத்ய
க்ஷுத்க்ஷாமதே3ஹா: பதிமப்4யவோசன்|| 09
வயம் ராஜஞ்ஜாட2ரேணாபி4தப்தா
யதா2க்3நிநா கோடரஸ்தே2ன வ்ருக்ஷா:|
த்வாமத்3ய யாதா: ஶரணம் ஶரண்யம்
ய: ஸாதி4தோ வ்ருத்திகர: பதிர் ந:|| 10
தந்நோ ப4வாநீஹது ராதவே ऽன்னம்
க்ஷுதா4ர்தி3தாநாம் நரதே3வதே3வ|
யாவந்ன நங்க்ஷ்யாமஹ உஜ்ஜி2தோர்ஜா
வார்தாபதிஸ்த்வம் கில லோகபால:|| 11
மைத்ரேய உவாச
ப்ருது2: ப்ரஜாநாம் கருணம் நிஶம்ய பரிதே3விதம்|
தீ3ர்க4ம் த3த்4யௌ குருஶ்ரேஷ்ட2 நிமித்தம் ஸோऽன்வபத்3யத|| 12
இதி வ்யவஸிதோ பு3த்3த்4யா ப்ரக்3ருஹீதஶராஸன:|
ஸந்த3தே4 விஶிக2ம் பூ4மே: க்ருத்3த4ஸ்த்ரிபுரஹா யதா2|| 13
ப்ரவேபமாநா த4ரணீ நிஶாம்யோதா3யுத4ம் ச தம்|
கௌ3: ஸத்யபாத்3ரவத்3 பீ4தா ம்ருகீ3வ ம்ருக3யுத்3ருதா|| 14
தாமன்வதா4வத் தத்3வைன்ய: குபிதோऽத்யருணேக்ஷண:|
ஶரம் த4நுஷி ஸந்தா4ய யத்ர யத்ர பலாயதே|| 15
ஸா தி3ஶோ விதி3ஶோ தே3வீ ரோத3ஸீ சாந்தரம் தயோ:|
தா4வந்தீ தத்ர தத்ரைனம் த3த3ர்ஶாநூத்3யதாயுத4ம்|| 16
லோகே நாவிந்த3த த்ராணம் வைன்யான்ம்ருத்யோரிவ ப்ரஜா:|
த்ரஸ்தா ததா3 நிவவ்ருதே ஹ்ருத3யேன விதூ3யதா|| 17
உவாச ச மஹாபா4க3ம் த4ர்மஜ்ஞாபன்னவத்ஸல|
த்ராஹி மாமபி பூ4தாநாம் பாலநேऽவஸ்தி2தோ ப4வான்|| 18
ஸ த்வம் ஜிகா4ம்ஸஸே கஸ்மாத்3 தீ3நாமக்ருதகில்பி3ஷாம்|
அஹநிஷ்யத் கத2ம் யோஷாம் த4ர்மஜ்ஞ இதி யோ மத:|| 19
ப்ரஹரந்தி ந வை ஸ்த்ரீஷு க்ருதாக3: ஸ்வபி ஜந்தவ:|
கிமுத த்வத்3விதா4 ராஜன் கருணா தீ3னவத்ஸலா:|| 20
மாம் விபாட்யாஜராம் நாவம் யத்ர விஶ்வம் ப்ரதிஷ்டி2தம்|
ஆத்மானம் ச ப்ரஜாஶ்சேமா: கத2மம்ப4ஸி தா4ஸ்யஸி|| 21
ப்ருது2ருவாச
வஸுதே4 த்வாம் வதி4ஷ்யாமி மச்சா2ஸனபராங்முகீ2ம்|
பா4க3ம் ப3ர்ஹிஷி யா வ்ருங்க்தே ந தநோதி ச நோ வஸு|| 22
யவஸம் ஜக்3த்4யநுதி3னம் நைவ தோ3க்3த்4யௌத4ஸம் பய:|
தஸ்யாமேவம் ஹி து3ஷ்டாயாம் த3ண்டோ3 நாத்ர ந ஶஸ்யதே|| 23
த்வம் க2ல்வோஷதி4 பீ3ஜானி ப்ராக் ஸ்ருஷ்டானி ஸ்வயம்பு4வா|
ந முஞ்சஸ்யாத்மருத்3தா4னி மாமவஜ்ஞாய மந்த3தீ4:|| 24
அமூஷாம் க்ஷுத்பரீதாநாம் ஆர்தாநாம் பரிதே3விதம்|
ஶமயிஷ்யாமி மத்3பா3ணைர் பி4ன்னாயாஸ்தவ மேத3ஸா|| 25
புமான் யோஷிது3த க்லீப3 ஆத்மஸம்பா4வநோऽத4ம:|
பூ4தேஷு நிரநுக்ரோஶோ ந்ருபாணாம் தத்3வதோ4ऽவத4:|| 26
த்வாம் ஸ்தப்3தா4ம் து3ர்மதா3ம் நீத்வா மாயாகா3ம் திலஶ: ஶரை:|
ஆத்மயோக3ப3லேநேமா தா4ரயிஷ்யாம்யஹம் ப்ரஜா:|| 27
ஏவம் மன்யுமயீம் மூர்திம் க்ருதாந்தமிவ பி3ப்4ரதம்|
ப்ரணதா ப்ராஞ்ஜலி: ப்ராஹ மஹீ ஸஞ்ஜாத வேபது2:|| 28
த4ரோவாச
நம: பரஸ்மை புருஷாய மாயயா
வின்யஸ்தநாநாதநவே கு3ணாத்மனே|
நம: ஸ்வரூபாநுப4வேன நிர்து4த
த்3ரவ்ய க்ரியா காரக விப்4ரமோர்மயே|| 29
யேநாஹமாத்மாயதனம் விநிர்மிதா
தா4த்ரா யதோऽயம் கு3ணஸர்க3ஸங்க்3ரஹ:|
ஸ ஏவ மாம் ஹந்துமுதா3யுத4: ஸ்வராட்
உபஸ்தி2தோऽன்யம் ஶரணம் கமாஶ்ரயே|| 30
ய ஏததா3தா3வஸ்ருஜச்சராசரம்
ஸ்வமாயயா ऽऽத்மாஶ்ரயயாவிதர்க்யயா|
தயைவ ஸோऽயம் கில கோ3ப்துமுத்3யத:
கத2ம் நு மாம் த4ர்மபரோ ஜிகா4ம்ஸதி|| 31
நூனம் ப3தேஶஸ்ய ஸமீஹிதம் ஜனை:
தன்மாயயா து3ர்ஜயயாக்ருதாத்மபி4:|
ந லக்ஷ்யதே யஸ்த்வகரோத3காரயத்3
யோऽநேக ஏக: பரதஶ்ச ஈஶ்வர:|| 32
ஸர்கா3தி3 யோऽஸ்யாநுருணத்3தி4 ஶக்திபி4:
த்3ரவ்யக்ரியாகாரக சேதநாத்மபி4:|
தஸ்மை ஸமுந்நத்3த4நிருத்3த4 ஶக்தயே
நம: பரஸ்மை புருஷாய வேத4ஸே|| 33
ஸ வை ப4வாநாத்ம விநிர்மிதம் ஜக3த்3
பூ4தேந்த்3ரியாந்த:கரணாத்மகம் விபோ4|
ஸம்ஸ்தா2பயிஷ்யந்நஜ மாம் ரஸாதலாத்
அப்4யுஜ்ஜஹாராம்ப4ஸ ஆதி3ஸூகர:|| 34
அபாமுபஸ்தே2 மயி நாவ்யவஸ்தி2தா:
ப்ரஜா ப4வாநத்3ய ரிரக்ஷிஷு: கில|
ஸ வீரமூர்தி: ஸமபூ4த்3 த4ராத4ரோ யோ மாம்
பயஸ்யுக்3ரஶரோ ஜிகா4ம்ஸஸி|| 35
நூனம் ஜனை ரீஹித மீஶ்வராணாம்
அஸ்மத்3விதை4ஸ் தத்3கு3ணஸர்க3 மாயயா|
ந ஜ்ஞாயதே மோஹித சித்தவர்த்மபி4:
தேப்4யோ நமோ வீர யஶஸ்கரேப்4ய:|| 36
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
சதுர்த2ஸ்கந்தே4 ப்ருது2விஜயே த4ரித்ரீ நிக்3ரஹோ நாம ஸப்த3ஶோऽத்4யாய: || 17
நான்காம் ஸ்கந்தம் - பதினேழாவது அத்யாயம் முற்றும்.