ஶ்ரீமத்பாகவதமஹாபுராணம் :: நான்காம் ஸ்கந்தம் :: அத்யாயம் 1.
ஸ்வாயம்புவ மனுவின் பெண்களின் வம்சங்களின் வர்ணனை
சதுர்த2: ஸ்கந்த4: அத2 ப்ரத2மோஅத்4யாய:
மைத்ரேய உவாச
மநோஸ்து ஶதரூபாயாம் திஸ்ர: கன்யாஶ்ச ஜஜ்ஞிரே|
ஆகூதிர் தே3வஹூதிஶ்ச ப்ரஸூதிரிதி விஶ்ருதா:|| 01
ஆகூதிம் ருசயே ப்ராதா3த3பி ப்4ராத்ருமதீம் ந்ருப:|
புத்ரிகா த4ர்மமாஶ்ரித்ய ஶதரூபாநுமோதி3த:|| 02
ப்ரஜாபதி: ஸ ப4க3வான் ருசிஸ்தஸ்யா மஜீஜநத்|
மிது2னம் ப்3ரஹ்மவர்சஸ்வீ பரமேண ஸமாதி4நா|| 03
யஸ்தயோ: புருஷ: ஸாக்ஷாத்3 விஷ்ணுர் யஜ்ஞஸ்வரூபத்4ருக்|
யா ஸ்த்ரீ ஸா த3க்ஷிணா பூ4தேரம்ஶபூ4தாநபாயினீ|| 04
ஆனின்யே ஸ்வக்3ருஹம் புத்ர்யா: புத்ரம் விததரோசிஷம்|
ஸ்வாயம்பு4வோ முதா3 யுக்தோ ருசிர் ஜக்3ராஹ த3க்ஷிணாம்|| 05
தாம் காமயாநாம் ப4க3வாநுவாஹ யஜுஷாம் பதி:|
துஷ்டாயாம் தோஷமாபந்நோ ऽஜநயத்3 த்3வாத3ஶாத்மஜான்|| 06
தோஷ: ப்ரதோஷ: ஸந்தோஷோ ப4த்3ர: ஶாந்திரிட3ஸ்பதி:|
இத்4ம: கவிர் விபு4: ஸ்வன்ஹ: ஸுதே3வோ ரோசநோ த்3விஷட்|| 07
துஷிதா நாம தே தே3வா ஆஸன் ஸ்வாயம்பு4வாந்தரே|
மரீசிமிஶ்ரா ருஷயோ யஜ்ஞ: ஸுரக3ணேஶ்வர:|| 08
ப்ரியவ்ரதோத்தானபாதௌ3 மநுபுத்ரௌ மஹௌஜஸௌ|
தத்புத்ர பௌத்ர நப்த்ரூணாமநுவ்ருத்தம் தத3ந்தரம்|| 09
தே3வஹூதிமதா3த் தாத கர்த3மாயாத்மஜாம் மனு:|
தத்ஸம்ப3ந்தி4 ஶ்ருதப்ராயம் ப4வதா க3த3தோ மம|| 10
த3க்ஷாய ப்3ரஹ்மபுத்ராய ப்ரஸூதிம் ப4க3வான் மனு:|
ப்ராயச்ச2த்3 யத்க்ருத: ஸர்க3ஸ்த்ரிலோக்யாம் விததோ மஹான்|| 11
யா: கர்த3மஸுதா: ப்ரோக்தா நவ ப்3ரஹ்மர்ஷி பத்நய:|
தாஸாம் ப்ரஸூதிப்ரஸவம் ப்ரோச்யமானம் நிபோ3த4 மே|| 12
பத்நீ மரீசேஸ்து கலா ஸுஷுவே கர்த3மாத்மஜா|
கஶ்யபம் பூர்ணிமானம் ச யயோராபூரிதம் ஜக3த்|| 13
பூர்ணிமாஸூத விரஜம் விஶ்வக3ம் ச பரந்தப|
தே3வகுல்யாம் ஹரே: பாத3 ஶௌசாத்3 யாபூ4த் ஸரித்3தி3வ:|| 14
அத்ரே: பத்ன்யநஸூயா த்ரீன் ஜஜ்ஞே ஸுயஶஸ: ஸுதான்|
த3த்தம் து3ர்வாஸஸம் ஸோம மாத்மேஶ ப்3ரஹ்ம ஸம்ப4வான்|| 15
விது3ர உவாச
அத்ரேர் க்3ருஹே ஸுரஶ்ரேஷ்டா2: ஸ்தி2த்யுத்பத்த்யந்த ஹேதவ:|
கிஞ்சிச்சிகீர்ஷவோ ஜாதா ஏததா3க்2யாஹி மே கு3ரோ|| 16
மைத்ரேய உவாச
ப்3ரஹ்மணா சோதி3த: ஸ்ருஷ்டாவத்ரிர் ப்3ரஹ்மவிதா3ம் வர:|
ஸஹ பத்ன்யா யயாவ்ருக்ஷம் குலாத்3ரிம் தபஸி ஸ்தி2த:|| 17
தஸ்மின் ப்ரஸூநஸ்தப3க பலாஶாஶோககானனே|
வார்பி4: ஸ்ரவத்3பி4ருத்3கு4ஷ்டே நிர்விந்த்4யாயா: ஸமந்தத:|| 18
ப்ராணாயாமேன ஸம்யம்ய மநோ வர்ஷஶதம் முனி:|
அதிஷ்ட2தே3கபாதே3ன நிர்த்3வந்த்3வோऽநிலபோ4ஜன:|| 19
ஶரணம் தம் ப்ரபத்3யேऽஹம் ய ஏவ ஜக3தீ3ஶ்வர:|
ப்ரஜாமாத்மஸமாம் மஹ்யம் ப்ரயச்ச2த்விதி சிந்தயன்|| 20
தப்யமானம் த்ரிபு4வனம் ப்ராணாயாமைத4ஸாக்3நிநா|
நிர்க3தேன முநேர் மூர்த்4ன: ஸமீக்ஷ்ய ப்ரப4வஸ்த்ரய:|| 21
அப்ஸரோ முனிக3ந்த4ர்வ ஸித்3த4 வித்3யாத4ரோரகை3:|
விதாயமானயஶஸஸ் ததா3ஶ்ரமபத3ம் யயு:|| 22
தத் ப்ராது3ர்பா4வஸம்யோக3 வித்3யோதிதமநா முனி:|
உத்திஷ்ட2ந்நேகபாதே3ன த3த3ர்ஶ விபு3த4ர்ஷபா4ன்|| 23
ப்ரணம்ய த3ண்ட3வத்3பூ4மா வுபதஸ்தே2ऽர்ஹணாஞ்ஜலி:|
வ்ருஷ ஹம்ஸ ஸுபர்ணஸ்தா2ன்ஸ்வை:
ஸ்வைஶ்சிஹ்னைஶ் ச சிஹ்நிதான்|| 24
க்ருபாவலோகேன ஹஸத்3 வத3நேநோபலம்பி4தான்|
தத்3ரோசிஷா ப்ரதிஹதே நிமீல்ய முனிரக்ஷிணீ|| 25
சேதஸ்தத்ப்ரவணம் யுஞ்ஜந்நஸ்தாவீத் ஸம்ஹதாஞ்ஜலி:|
ஶ்லக்ஷ்ணயா ஸூக்தயா வாசா ஸர்வலோகக3ரீயஸ:|| 26
அத்ரிருவாச
விஶ்வோத்3ப4வஸ்தி2திலயேஷு விப4ஜ்யமானை:
மாயாகு3ணைரநுயுக3ம் விக்3ருஹீததே3ஹா:|
தே ப்3ரஹ்ம விஷ்ணு கி3ரிஶா: ப்ரணதோऽஸ்ம்யஹம் வ:
தேப்4ய: க ஏவ ப4வதாம் ம இஹோபஹூத:|| 27
ஏகோ மயேஹ ப4க3வான் விவித4ப்ரதா4னை:
சித்தீக்ருத: ப்ரஜநநாய கத2ம் நு யூயம்|
அத்ராக3தாஸ்தநுப்4ருதாம் மனஸோऽபி தூ3ராத்3
ப்3ரூத ப்ரஸீத3த மஹாநிஹ விஸ்மயோ மே|| 28
மைத்ரேய உவாச
இதி தஸ்ய வச: ஶ்ருத்வா த்ரயஸ்தே விபு3த4ர்ஷபா4:|
ப்ரத்யாஹு: ஶ்லக்ஷ்ணயா வாசா ப்ரஹஸ்ய தம்ருஷிம் ப்ரபோ4|| 29
தே3வா ஊசு:
யதா2 க்ருதஸ்தே ஸங்கல்போ பா4வ்யம் தேனைவ நான்யதா2|
ஸத்ஸங்கல்பஸ்ய தே ப்3ரஹ்மன் யத்3வை த்4யாயதி தே வயம்|| 30
அதா2ஸ்மத3ம்ஶபூ4தாஸ்தே ஆத்மஜா லோகவிஶ்ருதா:|
ப4விதாரோऽங்க3 ப4த்3ரம் தே விஸ்ரப்ஸ்யந்தி ச தே யஶ:|| 31
ஏவம் காமவரம் த3த்வா ப்ரதிஜக்3மு: ஸுரேஶ்வரா:|
ஸபா4ஜிதாஸ்தயோ: ஸம்யக்3 த3ம்பத்யோர் மிஷதோஸ்தத:|| 32
ஸோமோऽபூ4த்3 ப்3ரஹ்மணோऽம்ஶேன த3த்தோ விஷ்ணோஸ்து யோக3வித்|
து3ர்வாஸா: ஶங்கரஸ்யாம்ஶோ நிபோ3தா4ங்கி3ரஸ: ப்ரஜா:|| 33
ஶ்ரத்3தா4 த்வங்கி3ரஸ: பத்நீ சதஸ்ரோऽஸூத கன்யகா:|
ஸிநீவாலீ குஹூ ராகா சதுர்த்2யநுமதிஸ்ததா2|| 34
தத் புத்ராவபராவாஸ்தாம் க்2யாதௌ ஸ்வாரோசிஷேऽந்தரே|
உதத்2யோ ப4க3வான் ஸாக்ஷாத்3 ப்3ரஹ்மிஷ்ட2ஶ்ச ப்3ருஹஸ்பதி:|| 35
புலஸ்த்யோऽஜநயத் பத்ன்யாமக3ஸ்த்யம் ச ஹவிர்பு4வி|
ஸோऽன்யஜன்மனி த3ஹ்ராக்3நிர் விஶ்ரவாஶ்ச மஹாதபா:|| 36
தஸ்ய யக்ஷபதிர் தே3வ: குபே3ரஸ்த்விட3விடா3ஸுத:|
ராவண: கும்ப4கர்ணஶ்ச ததா2ன்யஸ்யாம் விபீ4ஷண:|| 37
புலஹஸ்ய க3திர் பா4ர்யா த்ரீநஸூத ஸதீ ஸுதான்|
கர்மஶ்ரேஷ்ட2ம் வரீயாம்ஸம் ஸஹிஷ்ணும் ச மஹாமதே|| 38
க்ரதோரபி க்ரியா பா4ர்யா வாலகி2ல்யாநஸூயத|
ருஷீன் ஷஷ்டி ஸஹஸ்ராணி ஜ்வலதோ ப்3ரஹ்மதேஜஸா|| 39
ஊர்ஜாயாம் ஜஜ்ஞிரே புத்ரா வஸிஷ்ட2ஸ்ய பரந்தப|
சித்ரகேது ப்ரதா4நாஸ்தே ஸப்த ப்3ரஹ்மர்ஷயோऽமலா:|| 40
சித்ரகேது: ஸுரோசிஶ்ச விரஜா மித்ர ஏவ ச|
உல்ப3ணோ வஸு ப்4ருத்3யாநோ த்3யுமான் ஶக்த்யாத3யோऽபரே|| 41
சித்திஸ்த்வத2ர்வண: பத்நீ லேபே4 புத்ரம் த்4ருதவ்ரதம்|
த3த்4யஞ்ச மஶ்வஶிரஸம் ப்4ருகோ3ர்வம்ஶம் நிபோ3த4 மே|| 42
ப்4ருகு3: க்2யாத்யாம் மஹாபா4க3: பத்ன்யாம் புத்ராநஜீஜனத்|
தா4தாரம் ச விதா4தாரம் ஶ்ரியம் ச ப4க3வத்பராம்|| 43
ஆயதிம் நியதிம் சைவ ஸுதே மேருஸ்தயோரதா3த்|
தாப்4யாம் தயோரப4வதாம் ம்ருகண்ட3: ப்ராண ஏவ ச|| 44
மார்கண்டே3யோ ம்ருகண்ட3ஸ்ய ப்ராணாத்3 வேத3ஶிரா முனி:|
கவிஶ்ச பா4ர்க3வோ யஸ்ய ப4க3வாநுஶநா ஸுத:|| 45
த ஏதே முனய: க்ஷத்தர் லோகான் ஸர்கை3ரபா4வயன்|
ஏஷ கர்த3மதௌ3ஹித்ர ஸந்தான: கதி2தஸ்தவ||
ஶ்ருண்வத: ஶ்ரத்3த3தா4நஸ்ய ஸத்3ய: பாபஹர: பர:| 46
ப்ரஸூதிம் மானவீம் த3க்ஷ உபயேமே ஹ்யஜாத்மஜ:||
தஸ்யாம் ஸஸர்ஜ து3ஹித்ரூ: ஷோட3ஶாமலலோசநா:|| 47
த்ரயோத3ஶாதா3த்3 த4ர்மாய ததை2காமக்3னயே விபு4:|
பித்ருப்4ய ஏகாம் யுக்தேப்4யோ ப4வாயைகாம் ப4வச்சி2தே3|| 48
ஶ்ரத்3தா4 மைத்ரீ த3யா ஶாந்திஸ்துஷ்டி: புஷ்டி: க்ரியோந்நதி:|
பு3த்3தி4ர் மேதா4 திதிக்ஷா ஹ்ரீர் மூர்திர் த4ர்மஸ்ய பத்நய:|| 49
ஶ்ரத்3தா4ஸூத ஶுப4ம் மைத்ரீ ப்ரஸாத3மப4யம் த3யா|
ஶாந்தி: ஸுக2ம் முத3ம் துஷ்டி: ஸ்மயம் புஷ்டிரஸூயத|| 50
யோக3ம் க்ரியோந்நதிர் த3ர்பமர்த்த2ம் பு3த்3தி4ரஸூயத|
மேதா4 ஸ்ம்ருதிம் திதிக்ஷா து க்ஷேமம் ஹ்ரீ: ப்ரஶ்ரயம் ஸுதம்|| 51
மூர்த்தி: ஸர்வகு3ணோத்பத்திர் நரநாராயணாவ்ருஷீ| 52
யயோர் ஜன்மன்யதோ3 விஶ்வ மப்4யநந்த3த் ஸுநிர்வ்ருதம்|
மநாம்ஸி ககுபோ4 வாதா: ப்ரஸேது3: ஸரிதோऽத்3ரய:|| 53
தி3வ்யவாத்3யந்த தூர்யாணி பேது: குஸும வ்ருஷ்டய:|
முனயஸ்துஷ்டுவுஸ்துஷ்டா ஜகு3ர் க3ந்த4ர்வ கின்னரா:|| 54
ந்ருத்யந்தி ஸ்ம ஸ்த்ரியோ தே3வ்ய ஆஸீத் பரம மங்க3ளம்|
தே3வா ப்3ரஹ்மாத3ய: ஸர்வே உபதஸ்து2ரபி4ஷ்டவை:|| 55
தே3வா ஊசு:
யோ மாயயா விரசிதம் நிஜயாऽத்மநீத3ம்
கே2 ரூபபே4த3 மிவ தத் ப்ரதிசக்ஷணாய|
ஏதேன த4ர்மஸத3நே ருஷிமூர்திநாத்3ய
ப்ராது3ஶ்சகார புருஷாய நம: பரஸ்மை|| 56
ஸோऽயம் ஸ்தி2திவ்யதிகரோபஶமாய ஸ்ருஷ்டான்
ஸத்வேன ந: ஸுரக3ணா நநுமேயதத்வ:|
த்3ருஶ்யாத3த3ப்4ரகருணேன விலோகனேன
யச்ச்2ரீநிகேதமமலம் க்ஷிபதாரவிந்த3ம்|| 57
ஏவம் ஸுரக3ணைஸ்தாத ப4க3வந்தாவபி4ஷ்டுதௌ|
லப்3தா4வலோகைர் யயதுரர்சிதௌ க3ந்த4 மாத3னம்|| 58
தாவிமௌ வை ப4க3வதோ ஹரேரம்ஶா விஹாக3தௌ|
பா4ரவ்யயாய ச பு4வ: க்ருஷ்ணௌ யது3குரூத்3வஹௌ|| 59
ஸ்வாஹாபி4மாநிநஶ்சாக்3நேராத்மஜாம்ஸ்த்ரீநஜீஜனத்|
பாவகம் பவமானம் ச ஶுசிம் ச ஹுத போ4ஜனம்|| 60
தேப்4யோऽக்3நய: ஸமப4வன் சத்வாரிம்ஶச்ச பஞ்ச ச|
த ஏவைகோந பஞ்சாஶத் ஸாகம் பித்ருபிதாமஹை:|| 61
வைதாநிகே கர்மணி யன் நாமபி4ர் ப்3ரஹ்மவாதி3பி4:|
ஆக்3நேய்ய இஷ்டயோ யஜ்ஞே நிரூப்யந்தேऽக்3நயஸ்து தே|| 62
அக்3நிஷ்வாத்தா ப3ர்ஹிஷத3: ஸௌம்யா: பிதர ஆஜ்யபா:|
ஸாக்3நயோऽநக்3நயஸ்தேஷாம் பத்நீ தா3க்ஷாயணீ ஸ்வதா4|| 63
தேப்4யோ த3தா4ர கன்யே த்3வே வயுநாம் தா4ரிணீம் ஸ்வதா4|
உபே4 தே ப்3ரஹ்ம வாதி3ன்யௌ ஜ்ஞான விஜ்ஞான பாரகே3|| 64
ப4வஸ்ய பத்நீ து ஸதீ ப4வம் தே3வமநுவ்ரதா|
ஆத்மன: ஸத்3ருஶம் புத்ரம் ந லேபே4 கு3ணஶீலத:|| 65
பிதர்யப்ரதிரூபே ஸ்வே ப4வாயாநாக3ஸே ருஷா|
அப்ரௌடை4வாத்மநாऽऽத்மாந மஜஹாத்3 யோக3ஸம்யுதா|| 66
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
சதுர்த2ஸ்கந்தே4 விது3ர மைத்ரேயஸ்ம்வாதே3 ப்ரத2மோऽத்4யாய: || 1
நான்காம் ஸ்கந்தம் - ஒன்றாம் அத்யாயம் முற்றும்.