ஶ்ரீமத்பாகவதமஹாபுராணம் :: மூன்றாம் ஸ்கந்தம் :: அத்யாயம் 7.
விதுரரின் கேள்விகள்
த்ருதீயஸ்கந்தே4: அத2 ஸப்தமோ2அத்4யாய:
ஶ்ரீஶுக உவாச
ஏவம் ப்3ருவாணம் மைத்ரேய த்3வைபாயநஸுதோ பு3த4:|
ப்ரீணயந்நிவ பா4ரத்யா விது3ர: ப்ரத்யபா4ஷத|| 1
விது3ர உவாச
ப்3ரஹ்மன் கத2ம் ப4க3வதஶ் சின்மாத்ரஸ்யாவிகாரிண:|
லீலயா சாபி யுஜ்யேரந் நிர்கு3ணஸ்ய கு3ணா: க்ரியா:|| 2
க்ரீடா3யாமுத்3யமோऽர்ப4ஸ்ய காமஶ்சிக்ரீடி3ஷான்யத:|
ஸ்வதஸ்த்ருப்தஸ்ய ச கத2ம் நிவ்ருத்தஸ்ய ஸதா3ன்யத:|| 3
அஸ்ராக்ஷீத்3 ப4க3வான் விஶ்வம் கு3ணமய்யாऽऽத்மமாயயா|
தயா ஸம்ஸ்தா2பயத்யேதத்3 பூ4ய: ப்ரத்யபிதா4ஸ்யதி|| 4
தே3ஶத: காலதோ யோऽஸாவவஸ்தா2த: ஸ்வதோऽன்யத:|
அவிலுப்தாவபோ3தா4த்மா ஸ யுஜ்யேதாஜயா கத2ம்|| 5
ப4க3வாநேக ஏவைஷ ஸர்வக்ஷேத்ரேஷ்வவஸ்தி2த:|
அமுஷ்ய து3ர்ப4க3த்வம் வா க்லேஶோ வா கர்மபி4: குத:|| 6
ஏதஸ்மின்மே மநோ வித்3வன் கி2த்3யதே ऽஜ்ஞான ஸங்கடே|
தந்ந: பராணுத3 விபோ4 கஶ்மலம் மாநஸம் மஹத்|| 7
ஶ்ரீஶுக உவாச
ஸ இத்த2ம் சோதி3த: க்ஷத்த்ரா தத்த்வஜிஜ்ஞாஸுனா முனி:|
ப்ரத்யாஹ ப4க3வச்சித்த: ஸ்மயந்நிவ க3தஸ்மய:|| 8
மைத்ரேய உவாச
ஸேயம் ப4க3வதோ மாயா யந்நயேன விருத்4யதே|
ஈஶ்வரஸ்ய விமுக்தஸ்ய கார்பண்யமுத ப3ந்த4னம்|| 9
யத3ர்தே2ன விநாமுஷ்ய பும்ஸ ஆத்மவிபர்யய:|
ப்ரதீயத உபத்3ரஷ்டு: ஸ்வஶிரஶ்சே2த3நாதி3க:|| 10
யதா2 ஜலே சந்த்3ரமஸ: கம்பாதி3ஸ் தத்க்ருதோ கு3ண:|
த்3ருஶ்யதேऽஸந்நபி த்3ரஷ்டுராத்மநோ நாத்மநோ கு3ண:|| 11
ஸ வை நிவ்ருத்தித4ர்மேண வாஸுதே3வாநுகம்பயா|
ப4க3வத்3ப4க்தியோகே3ன திரோத4த்தே ஶனைரிஹ|| 12
யதே3ந்த்3ரியோபராமோऽத2 த்3ரஷ்ட்ராத்மனி பரே ஹரௌ|
விலீயந்தே ததா3 க்லேஶா: ஸம்ஸுப்தஸ்யேவ க்ருத்ஸ்நஶ:|| 13
அஶேஷஸங்க்லேஶ ஶமம் வித4த்தே
கு3ணாநுவாத3ஶ்ரவணம் முராரே:|
குத: புநஸ்தச்சரணாரவிந்த3
பராக3ஸேவாரதிராத்மலப்3தா4|| 14
விது3ர உவாச
ஸஞ்சி2ன்ன: ஸம்ஶயோ மஹ்யம் தவ ஸூக்தாஸிநா விபோ4|
உப4யத்ராபி ப4க3வன் மநோ மே ஸம்ப்ரதா4வதி|| 15
ஸாத்4வேதத்3 வ்யாஹ்ருதம் வித்3வந்நாத்மமாயாயனம் ஹரே:|
ஆபா4த்யபார்த2ம் நிர்மூலம் விஶ்வமூலம் ந யத்3ப3ஹி:|| 16
யஶ்ச மூட4தமோ லோகே யஶ்ச பு3த்3தே4: பரம் க3த:|
தாவுபௌ4 ஸுக2மேதே4தே க்லிஶ்யத்யந்தரிதோ ஜன:|| 17
அர்தா2பா4வம் விநிஶ்சித்ய ப்ரதீதஸ்யாபி நாத்மன:|
தாம் சாபி யுஷ்மச்சரண ஸேவயாஹம் பராணுதே3|| 18
யத்ஸேவயா ப4க3வத: கூடஸ்த2ஸ்ய மது4த்3விஷ:|
ரதிராஸோ ப4வேத் தீவ்ர: பாத3யோர் வ்யஸநார்த3ன:|| 19
து3ராபா ஹ்யல்பதபஸ: ஸேவா வைகுண்ட2 வர்த்மஸு|
யத்ரோபகீ3யதே நித்யம் தே3வதே3வோ ஜநார்த3ன:|| 20
ஸ்ருஷ்ட்வாக்3ரே மஹதா3தீ3னி ஸவிகாராண்யநுக்ரமாத்|
தேப்4யோ விராஜமுத்3த்4ருத்ய தமநு ப்ராவிஶத்3 விபு4:|| 21
யமாஹுராத்3யம் புருஷம் ஸஹஸ்ராங்க்4ர்யூரு பா3ஹுகம்
யத்ர விஶ்வ இமே லோகா: ஸவிகாஶம் ஸ்மாஸதே|| 22
யஸ்மின் த3ஶவித4: ப்ராண: ஸேந்த்3ரியார்தே2ந்த்3ரியஸ்த்ரிவ்ருத்|
த்வயேரிதோ யதோ வர்ணாஸ்தத்3 விபூ4தீர் வத3ஸ்வ ந:|| 23
யத்ர புத்ரைஶ்ச பௌத்ரைஶ்ச நப்த்ருபி4: ஸஹ கோ3த்ரஜை:|
ப்ரஜா விசித்ராக்ருதய ஆஸன் யாபி4ரித3ம் ததம்|| 24
ப்ரஜாபதீநாம் ஸ பதிஶ் சக்ல்ருபே கான் ப்ரஜாபதீன்|
ஸர்கா3ம்ஶ்சைவாநுஸர்கா3ம்ஶ்ச மநூன் மன்வந்தராதி4பான்|| 25
ஏதேஷாமபி வம்ஶாம்ஶ்ச வம்ஶாநுசரிதானி ச|
உபர்யத4ஶ்ச யே லோகா பூ4மேர் மித்ராத்மஜாஸதே|| 26
தேஷாம் ஸம்ஸ்தா2ம் ப்ரமாணம் ச பூ4ர்லோகஸ்ய ச வர்ணய|
திர்யங்மாநுஷதே3வாநாம் ஸரீஸ்ருப பதத்த்ரிணாம்|
வத3 ந: ஸர்க3ஸம்வ்யூஹம் கா3ர்ப4ஸ்வேத3த்3விஜோத்3பி4தா3ம்|| 27
கு3ணாவதாரைர் விஶ்வஸ்ய ஸர்க3ஸ்தி2த்யப்யயாஶ்ரயம்|
ஸ்ருஜத: ஶ்ரீநிவாஸஸ்ய வ்யாசக்ஷ்வோதா3ர விக்ரமம்|| 28
வர்ணாஶ்ரமவிபா4கா3ம்ஶ்ச ரூபஶீலஸ்வபா4வத:|
ருஷீணாம் ஜன்மகர்மாதி3 வேத3ஸ்ய ச விகர்ஷணம்|| 29
யஜ்ஞஸ்ய ச விதாநாநி யோக3ஸ்ய ச பத2: ப்ரபோ4|
நைஷ்கர்ம்யஸ்ய ச ஸாங்க்2யஸ்ய தந்த்ரம் வா ப4க3வத்ஸ்ம்ருதம்|| 30
பாஷண்ட3பத2வைஷம்யம் ப்ரதிலோமநிவேஶனம்|
ஜீவஸ்ய க3தயோ யாஶ்ச யாவதீர் கு3ணகர்மஜா:|| 31
த4ர்மார்த2காமமோக்ஷாணாம் நிமித்தான்யவிரோத4த:|
வார்தாயா த3ண்ட3நீதேஶ்ச ஶ்ருதஸ்ய ச விதி4ம் ப்ருத2க்|| 32
ஶ்ராத்3த4ஸ்ய ச விதி4ம் ப்3ரஹ்மன் பித்ரூணாம் ஸர்க3மேவ ச|
க்3ரஹ நக்ஷத்ர தாராணாம் காலாவயவஸம்ஸ்தி2திம்|| 33
தா3னஸ்ய தபஸோ வாபி யச்சேஷ்டாபூர்தயோ: ப2லம்|
ப்ரவாஸஸ்த2ஸ்ய யோ த4ர்மோ யஶ்ச பும்ஸ உதாபதி3|| 34
யேன வா ப4க3வாம்ஸ்துஷ்யேத்3 த4ர்மயோநிர் ஜநார்த3ன:|
ஸம்ப்ரஸீத3தி வா யேஷாமேததா3க்2யாஹி சாநக4|| 35
அநுவ்ரதாநாம் ஶிஷ்யாணாம் புத்ராணாம் ச த்3விஜோத்தம|
அநாப்ருஷ்டமபி ப்3ரூயுர் கு3ரவோ தீ3னவத்ஸலா:|| 36
தத்த்வாநாம் ப4க3வம்ஸ்தேஷாம் கதிதா4 ப்ரதிஸங்க்ரம:|
தத்ரேமம் க உபாஸீரன் க உ ஸ்வித3நுஶேரதே|| 37
புருஷஸ்ய ச ஸம்ஸ்தா2னம் ஸ்வரூபம் வா பரஸ்ய ச|
ஜ்ஞானம் ச நைக3மம் யத்தத்3 கு3ருஶிஷ்ய ப்ரயோஜனம்|| 38
நிமித்தானி ச தஸ்யேஹ ப்ரோக்தான்யநக4 ஸூரிபி4:|
ஸ்வதோ ஜ்ஞானம் குத: பும்ஸாம் ப4க்திர் வைராக்3ய மே வ வா|| 39
ஏதான் மே ப்ருச்ச2த: ப்ரஶ்னான் ஹரே: கர்மவிவித்ஸயா|
ப்3ரூஹி மேऽஜ்ஞஸ்ய மித்ரத்வாத3ஜயா நஷ்ட சக்ஷுஷ:|| 40
ஸர்வே வேதா3ஶ்ச யஜ்ஞாஶ்ச தபோ தா3னானி சாநக4|
ஜீவாப4ய ப்ரதா3நஸ்ய ந குர்வீரன கலாமபி|| 41
ஶ்ரீஶுக உவாச
ஸ இத்த2மாப்ருஷ்டபுராணகல்ப:
குருப்ரதா4நேன முனிப்ரதா4ன:|
ப்ரவ்ருத்3த4ஹர்ஷோ ப4க3வத்கதா2யாம்
ஸஞ்சோதி3தஸ்தம் ப்ரஹஸந்நிவாஹ|| 42
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
த்ருதீயஸ்கந்தே4 ஸப்தமோऽத்4யாய || 7
மூன்றாம் ஸ்கந்தம் - ஏழாம் அத்யாயம் முற்றும்.