ஶ்ரீமத்பாகவதமஹாபுராணம் :: மூன்றாம் ஸ்கந்தம் :: அத்யாயம் 6.
விராட் சரீரத்தின் உற்பத்தி
த்ருதீயஸ்கந்தே₄: அத₂ ஷஷ்டோ₂அத்₄யாய:

ருஷிருவாச
இதி தாஸாம் ஸ்வஶக்தீநாம் ஸதீநாமஸமேத்ய ஸ:|
ப்ரஸுப்த லோகதந்த்ராணாம் நிஶாம்ய க₃திமீஶ்வர:|| 1

கால ஸஞ்ஜ்ஞாம் ததா₃ தே₃வீம் பி₃ப்₄ரச்ச₂க்தி முருக்ரம:|
த்ரயோவிம்ஶதி தத்த்வாநாம் க₃ணம் யுக₃பதா₃விஶத்|| 2

ஸோऽநுப்ரவிஷ்டோ ப₄க₃வாம்ஶ்சேஷ்டாரூபேண தம் க₃ணம்|
பி₄ந்னம் ஸம்யோஜயாமாஸ ஸுப்தம் கர்ம ப்ரபோ₃த₄யன்|| 3

ப்ரபு₃த்₃த₄ கர்ம தை₃வேன த்ரயோவிம்ஶதிகோ க₃ண:|
ப்ரேரிதோऽஜநயத் ஸ்வாபி₄ர் மாத்ராபி₄ரதி₄பூருஷம்|| 4

பரேண விஶதா ஸ்வஸ்மின் மாத்ரயா விஶ்வஸ்ருக்₃க₃ண:|
சுக்ஷோபா₄ன்யோன்யமாஸாத்₃ய யஸ்மின் லோகாஶ்சராசரா:|| 5

ஹிரண்மய: ஸ புருஷ: ஸஹஸ்ர பரிவத்ஸரான்|
ஆண்ட₃கோஶ உவாஸாப்ஸு ஸர்வ ஸத்த்வோபப்₃ரும்ஹித:|| 6

ஸ வை விஶ்வஸ்ருஜாம் க₃ர்போ₄ தே₃வகர்மாத்மஶக்திமான்|
விப₃பா₄ஜாத்மநா ऽऽத்மாநமேகதா₄ த₃ஶதா₄ த்ரிதா₄|| 7

ஏஷ ஹ்யஶேஷஸத்த்வாநாமாத்மாம்ஶ: பரமாத்மன:|
ஆத்₃யோऽவதாரோ யத்ராஸௌ பூ₄தக்₃ராமோ விபா₄வ்யதே|| 8

ஸாத்₄யாத்ம: ஸாதி₄தை₃வஶ்ச ஸாதி₄பூ₄த இதி த்ரிதா₄|
விராட₃ ப்ராணோ த₃ஶவித₄ ஏகதா₄ ஹ்ருத₃யேன ச|| 9

ஸ்மரன் விஶ்வஸ்ருஜாமீஶோ விஜ்ஞாபித மதோ₄க்ஷஜ:|
விராஜமதபத் ஸ்வேன தேஜஸைஷாம் விவ்ருத்தயே|| 10

அத₂ தஸ்யாபி₄தப்தஸ்ய கதி சாயதநாநி ஹ|
நிரபி₄த்₃யந்த தே₃வாநாம் தானி மே க₃த₃த: ஶ்ருணு|| 11

தஸ்யாக்₃நிராஸ்யம் நிர்பி₄ன்னம் லோகபாலோऽவிஶத்பத₃ம்|
வாசா ஸ்வாம்ஶேன வக்தவ்யம் யயாஸௌ ப்ரதிபத்₃யதே|| 12

நிர்பி₄ன்னம் தாலு வருணோ லோகபாலோऽவிஶத்₃ ஹரே:|
ஜிஹ்வயாம்ஶேன ச ரஸம் யயாஸௌ ப்ரதிபத்₃யதே|| 13

நிர்பி₄ன்னே அஶ்விநௌ நாஸே விஷ்ணோராவிஶதாம் பத₃ம்|
க்₄ராணேநாம்ஶேன க₃ந்த₄ஸ்ய ப்ரதிபத்திர் யதோ ப₄வேத்|| 14

நிர்பி₄ன்னே அக்ஷிணீ த்வஷ்டா லோகபாலோऽவிஶத்₃ விபோ₄:|
சக்ஷுஷாம்ஶேன ரூபாணாம் ப்ரதிபத்திர்யதோ ப₄வேத்|| 15

நிர்பி₄ந்நான்யஸ்ய சர்மாணி லோகபாலோऽநிலோऽவிஶத்|
ப்ராணேநாம்ஶேன ஸம்ஸ்பர்ஶம் யேநாஸௌ ப்ரதிபத்₃யதே|| 16

கர்ணாவஸ்ய விநிர்பி₄ன்னௌ தி₄ஷ்ண்யம் ஸ்வம் விவிஶுர்தி₃ஶ:|
ஶ்ரோத்ரேணாம்ஶேன ஶப்₃த₃ஸ்ய ஸித்₃தி₄ம் யேன ப்ரபத்₃யதே|| 17

த்வசமஸ்ய விநிர்பி₄ன்னாம் விவிஶுர்தி₄ஷ்ண்யமோஷதீ₄:|
அம்ஶேன ரோமபி₄: கண்டூ₃ம் யைரஸௌ ப்ரதிபத்₃யதே|| 18

மேட்₄ரம் தஸ்ய விநிர்பி₄ன்னம் ஸ்வதி₄ஷ்ண்யம் க உபாவிஶத்|
ரேதஸாம்ஶேன யேநாஸாவானந்த₃ம் ப்ரதிபத்₃யதே|| 19

கு₃த₃ம் பும்ஸோ விநிர்பி₄ன்னம் மித்ரோ லோகேஶ ஆவிஶத்|
பாயுநாம்ஶேன யேநாஸௌ விஸர்க₃ம் ப்ரதிபத்₃யதே|| 20

ஹஸ்தாவஸ்ய விநிர்பி₄ந்நாவிந்த்₃ர: ஸ்வர்பதிராவிஶத்|
வார்தயாம்ஶேன புருஷோ யயா வ்ருத்திம் ப்ரபத்₃யதே|| 21

பாதா₃வஸ்ய விநிர்பி₄ன்னௌ லோகேஶோ விஷ்ணுராவிஶத்|
க₃த்யா ஸ்வாம்ஶேன புருஷோ யயா ப்ராப்யம் ப்ரபத்₃யதே|| 22

பு₃த்₃தி₄ம் சாஸ்ய விநிர்பி₄ன்னாம் வாகீ₃ஶோ தி₄ஷ்ண்யமாவிஶத்|
போ₃தே₄நாம்ஶேன போ₃த்₃த₄வ்யம்ப்ரதிபத்திர் யதோ ப₄வேத்|| 23

ஹ்ருத₃யம் சாஸ்ய நிர்பி₄ன்னம் சந்த்₃ரமா தி₄ஷ்ண்யமாவிஶத்|
மநஸாம்ஶேன யேநாஸௌ விக்ரியாம் ப்ரதிபத்₃யதே|| 24

ஆத்மானம் சாஸ்ய நிர்பி₄ன்னமபி₄மாநோऽவிஶத்பத₃ம்|
கர்மணாம்ஶேன யேநாஸௌ கர்தவ்யம் ப்ரதிபத்₃யதே|| 25

ஸத்த்வம் சாஸ்ய விநிர்பி₄ன்னம் மஹாந் தி₄ஷ்ண்யமுபாவிஶத்|
சித்தேநாம்ஶேன யேநாஸௌ விஜ்ஞானம் ப்ரதிபத்₃யதே|| 26

ஶீர்ஷ்ணோऽஸ்ய த்₃யௌர் த₄ரா பத்₃ப்₄யாம் க₂ம் நாபே₄ருத₃பத்₃யத|
கு₃ணாநாம் வ்ருத்தயோ யேஷு ப்ரதீயந்தே ஸுராத₃ய:|| 27

ஆத்யந்திகேன ஸத்வேன தி₃வம் தே₃வா: ப்ரபேதி₃ரே|
த₄ராம் ரஜ:ஸ்வபா₄வேன பணயோ யே ச தாநநு|| 28

தார்தீயேன ஸ்வபா₄வேன ப₄க₃வந்நாபி₄மாஶ்ரிதா:|
உப₄யோரந்தரம் வ்யோம யே ருத்₃ரபார்ஷதா₃ம் க₃ணா:|| 29

முக₂தோऽவர்தத ப்₃ரஹ்ம புருஷஸ்ய குரூத்₃வஹ|
யஸ்தூன்முக₂த்வாத்₃ வர்ணாநாம் முக்₂யோऽபூ₄த்₃ ப்₃ராஹ்மணோ கு₃ரு:|| 30

பா₃ஹுப்₄யோऽவர்தத க்ஷத்ரம் க்ஷத்ரியஸ்தத₃நுவ்ரத:|
யோ ஜாதஸ்த்ராயதே வர்ணான பௌருஷ: கண்டகக்ஷதாத்|| 31

விஶோऽவர்தந்த தஸ்யோர்வோர் லோகவ்ருத்திகரீர் விபோ₄:|
வைஶ்யஸ்தது₃த்₃ப₄வோ வார்தாம் ந்ருணாம் ய: ஸமவர்தயத்|| 32

பத்₃ப்₄யாம் ப₄க₃வதோ ஜஜ்ஞே ஶுஶ்ரூஷா த₄ர்மஸித்₃த₄யே|
தஸ்யாம் ஜாத: புரா ஶூத்₃ரோ யத்₃வ்ருத்த்யா துஷ்யதே ஹரி:|| 33

ஏதே வர்ணா: ஸ்வத₄ர்மேண யஜந்தி ஸ்வகு₃ரும் ஹரிம்|
ஶ்ரத்₃த₄யா ऽऽத்மவிஶுத்₃த்₄யர்த₂ம் யஜ்ஜாதா: ஸஹ வ்ருத்திபி₄:|| 34

ஏதத் க்ஷத்தர் ப₄க₃வதோ தை₃வகர்மாத்ம ரூபிண:|
க: ஶ்ரத்₃த₃த்₄யாது₃பாகர்தும் யோக₃மாயா ப₃லோத₃யம்|| 35

அதா₂பி கீர்தயாம்யங்க₃ யதா₂மதி யதா₂ஶ்ருதம்|
கீர்திம் ஹரே: ஸ்வாம் ஸத்கர்தும் கி₃ரமன்யாபி₄தா₄ஸதீம்|| 36

ஏகாந்தலாப₄ம் வசஸோ நு பும்ஸாம்
ஸுஶ்லோகமௌலேர் கு₃ணவாத₃மாஹு:|
ஶ்ருதேஶ்ச வித்₃வத்₃பி₄ருபாக்ருதாயாம்
கதா₂ஸுதா₄யாமுபஸம்ப்ரயோக₃ம்|| 37

ஆத்மநோऽவஸிதோ வத்ஸ மஹிமா கவிநாऽऽதி₃நா|
ஸம்வத்ஸரஸஹஸ்ராந்தே தி₄யா யோக₃விபக்கயா|| 38

அதோ ப₄க₃வதோ மாயா மாயிநாமபி மோஹிநீ|
யத்ஸ்வயம் சாத்மவர்த்மாத்மா ந வேத₃ கிமுதாபரே|| 39

யதோऽப்ராப்ய ந்யவர்தந்த வாசஶ்ச மநஸா ஸஹ|
அஹம் சான்ய இமே தே₃வாஸ்தஸ்மை ப₄க₃வதே நம:||40

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம்
த்ருதீயஸ்கந்தே₄ ஷஷ்டோ₂ऽத்₄யாய: || 6

மூன்றாம் ஸ்கந்தம் - ஆறாம் அத்யாயம் முற்றும்.