ஶ்ரீமத்பாகவதமஹாபுராணம் :: முதல் ஸ்கந்தம் :: அத்யாயம் 7.
அஸ்வத்தாமாவால் த்ரௌபதியின்புத்ரர்கள்கொலை செய்யப்படுகிறதும், அர்ஜுனனால் அச்வத்தாமாவின் மான பங்கமும்
அத2 ஸப்தமோऽத்2யாய:
ஶௌநக உவாச
நிர்க3தே நாரதே3 ஸூத ப4க3வான் பா3த3ராயண:|
ஶ்ருதவாம்ஸ்தத3பி4ப்ரேதம் தத: கிமகரோத்3 விபு4:|| 1
ஸூத உவாச
ப்3ரஹ்ம நத்3யாம் ஸரஸ்வத்யாமாஶ்ரம: பஶ்சிமே தடே|
ஶம்யாப்ராஸ இதி ப்ரோக்த ருஷீணாம் ஸத்ரவர்த4ந:|| 2
தஸ்மின் ஸ்வ ஆஶ்ரமே வ்யாஸோ ப3த3ரீகண்ட3 மண்டி3தே|
ஆஸீநோऽப உபஸ்ப்ருஶ்ய ப்ரணித3த்4யௌ மன: ஸ்வயம்|| 3
ப4க்தியோகே3ன மனஸி ஸம்யக் ப்ரணிஹிதேऽமலே|
அபஶ்யத் புருஷம் பூர்ணம் மாயாம் ச தத3பாஶ்ரயம்|| 4
யயா ஸம்மோஹிதோ ஜீவ ஆத்மானம் த்ரிகு3ணாத்மகம்|
பரோऽபி மநுதேऽநர்த2ம் தத்க்ருதம் சாபி4பத்3யதே|| 5
அநர்தோ2பஶமம் ஸாக்ஷாத்3 ப4க்தியோக3மதோ4க்ஷஜே|
லோகஸ்யாஜானதோ வித்3வாம்ஶ்சக்ரே ஸாத்வத ஸம்ஹிதாம்|| 6
யஸ்யாம் வை ஶ்ரூயமாணாயாம் க்ருஷ்ணே பரம பூருஷே|
ப4க்தி ருத்பத்3யதே பும்ஸ: ஶோகமோஹப4யாபஹா|| 7
ஸ ஸம்ஹிதாம் பா4க3வதீம் க்ருத்வாநுக்ரம்ய சாத்மஜம்|
ஶுகமத்4யாபயாமாஸ நிவ்ருத்திநிரதம் முனி:|| 8
ஶௌநக உவாச
ஸ வை நிவ்ருத்தி நிரத: ஸர்வ த்ரோ பேக்ஷகோ முனி:|
கஸ்ய வா ப்3ருஹதீமேதாமாத்மாராம: ஸமப்4யஸத்|| 9
ஸூத உவாச
ஆத்மாராமாஶ்ச முனயோ நிர்க்3ரந்தா2 அப்யுருக்ரமே|
குர்வந்த்யஹைதுகீம் ப4க்தி மித்த2ம்பூ4தகு3ணோ ஹரி:|| 10
ஹரேர் கு3ணாக்ஷிப்த மதிர் ப4க3வான் பா3த3ராயணி:|
அத்4யகா3ன் மஹதா3க்2யாநம் நித்யம் விஷ்ணுஜநப்ரிய:|| 11
பரீக்ஷிதோऽத2 ராஜர்ஷேர் ஜன்மகர்மவிலாபனம்|
ஸம்ஸ்தா2ம் ச பாண்டு3புத்ராணாம் வக்ஷ்யே க்ருஷ்ண கதோ2த3யம்|| 12
யதா3 ம்ருதே4 கௌரவஸ்ருஞ்ஜயாநாம்
வீரேஷ்வதோ2 வீரக3திம் க3தேஷு|
வ்ருகோத3ராவித்3த4 க3தா3பி4மர்ஶ
ப4க்3நோருத3ண்டே3 த்4ருதராஷ்ட்ரபுத்ரே|| 13
ப4ர்து: ப்ரியம் த்3ரௌணிரிதி ஸ்ம பஶ்யன்
க்ருஷ்ணாஸுதாநாம் ஸ்வபதாம் ஶிராம்ஸி|
உபாஹரத்3 விப்ரிய மேவ தஸ்ய
ஜுகு3ப்ஸிதம் கர்ம விக3ர்ஹயந்தி|| 14
மாதா ஶிஶூநாம் நித4நம் ஸுதாநாம்
நிஶம்ய கோ4ரம் பரிதப்யமாநா|
ததா3ऽருத3த்3 பாஷ்பகலாகுலாக்ஷீ
தாம் ஸாந்த்வயந்நாஹ கிரீடமாலீ|| 15
ததா3 ஶுசஸ்தே ப்ரம்ருஜாமி ப4த்3ரே
யத்3ப்3ரஹ்மப3ந்தோ4: ஶிர ஆததாயின:|
கா3ண்டீ3வ முக்தைர் விஶிகை2 ருபாஹரே
த்வாऽக்ரம்ய யத் ஸ்நாஸ்யஸி த3க்3த4புத்ரா|| 16
இதி ப்ரியாம் வல்கு3விசித்ர ஜல்பை:
ஸ ஸாந்த்வயித்வாச்யுதமித்ரஸூத:|
அன்வாத்3ரவத்3 த3ம்ஶித உக்3ரத4ன்வா
கபித்4வஜோ கு3ருபுத்ரம் ரதே2ன|| 17
தமாபதந்தம் ஸ விலக்ஷ்ய தூ3ராத்
குமாரஹோத்3விக்3நமநா ரதே2ன|
பராத்3ரவத் ப்ராணபரீப்ஸு ருர்வ்யாம்
யாவத்3க3மம் ருத்3ரப4யாத்3 யதார்க்க:|| 18
யதா3ஶரண மாத்மாந மைக்ஷத ஶ்ராந்தவாஜிநம்|
அஸ்த்ரம் ப்3ரஹ்மஶிரோ மேநே ஆத்மத்ராணம் த்3விஜாத்மஜ:|| 19
அதோ2பஸ்ப்ருஶ்ய ஸலிலம் ஸந்த3தே4 தத் ஸமாஹித:|
அஜாநந்நுப ஸம்ஹாரம் ப்ராணக்ருச்ச்2ர உபஸ்தி2தே|| 20
தத: ப்ராது3ஷ்க்ருதம் தேஜ: ப்ரசண்ட3ம் ஸர்வதோ தி3ஶம்|
ப்ராணாபத3மபி4ப்ரேக்ஷ்ய விஷ்ணும் ஜிஷ்ணுருவாச ஹ|| 21
அர்ஜுந உவாச
க்ருஷ்ண க்ருஷ்ண மஹாபா3ஹோ ப4க்தாநாமப4யங்கர|
த்வமேகோ த3ஹ்யமாநாநாமபவர்கோ3ऽஸி ஸம்ஸ்ருதே:|| 22
த்வமாத்3ய: புருஷ: ஸாக்ஷாதீ3ஶ்வர: ப்ரக்ருதே: பர:|
மாயாம் வ்யுத3ஸ்ய சிச்ச2க்த்யா கைவல்யே ஸ்தி2த ஆத்மனி|| 23
ஸ ஏவ ஜீவலோகஸ்ய மாயாமோஹித சேதஸ:|
வித4த்ஸே ஸ்வேந வீர்யேண ஶ்ரேயோ த4ர்மாதி3லக்ஷணம்|| 24
ததா2யம் சாவதாரஸ்தே பு4வோ பா4ரஜிஹீர்ஷயா|
ஸ்வாநாம் சாநன்ய பா4வாநா மநுத்4யாநாய சாஸக்ருத்|| 25
கிமித3ம் ஸ்வித் குதோ வேதி தே3வதே3வ ந வேத்3ம்யஹம்|
ஸர்வதோ முக2மாயாதி தேஜ: பரமதா3ருணம்|| 26
ஶ்ரீப4க3வாநுவாச
வேத்தே2த3ம் த்3ரோண புத்ரஸ்ய ப்3ராஹ்மமஸ்த்ரம் ப்ரத3ர்ஶிதம்|
நைவாஸௌ வேத3 ஸம்ஹாரம் ப்ராணபா3த4 உபஸ்தி2தே|| 27
ந ஹ்யஸ்யான்யதமம் கிஞ்சித3ஸ்த்ரம் ப்ரத்யவகர்ஶநம்|
ஜஹ்யஸ்த்ரதேஜ உந்நத்3த4மஸ்த்ரஜ்ஞோ ஹ்யஸ்த்ர தேஜஸா|| 28
ஸூத உவாச
ஶ்ருத்வா ப4க3வதா ப்ரோக்தம் பா2ல்கு3ந: பரவீரஹா|
ஸ்ப்ருஷ்ட்வாபஸ்தம் பரிக்ரம்ய ப்3ராஹ்மம் ப்3ராஹ்மாய ஸந்த3தே4|| 29
ஸம்ஹத்யான்யோன்ய முப4யோஸ்தேஜஸீ ஶரஸம்வ்ருதே|
ஆவ்ருத்ய ரோத3ஸீ க2ம் ச வவ்ருதா4தேऽர்கவஹ்நிவத்|| 30
த்3ருஷ்ட்வாஸ்த்ரதேஜஸ்து தயோஸ்த்ரீன் லோகான் ப்ரத3ஹன் மஹத்|
த3ஹ்யமாநா: ப்ரஜா: ஸர்வா: ஸாம்வர்தகமமம்ஸத|| 31
ப்ரஜோபப்லவமாலக்ஷ்ய லோகவ்யதிகரம் ச தம்|
மதம் ச வாஸுதே3வஸ்ய ஸஞ்ஜஹாரார்ஜுநோ த்3வயம்|| 32
தத ஆஸாத்3ய தரஸா தா3ருணம் கௌ3தமீஸுதம்|
ப3ப3ந்தா4மர்ஷ தாம்ராக்ஷ: பஶும் ரஶநயா யதா2|| 33
ஶிபி3ராய நிநீஷந்தம் தா3னா ப3த்3த்4வா ரிபும் ப3லாத்|
ப்ராஹார்ஜுநம் ப்ரகுபிதோ ப4க3வாநம்பு3ஜேக்ஷண:|| 34
மைநம் பார்தா2ர்ஹஸி த்ராதும் ப்3ரஹ்ம ப3ந்து4 மிமம் ஜஹி|
யோऽஸாவநாக3ஸ: ஸுப்தாநவதீ4ன் நிஶி பா3லகான்|| 35
மத்தம் ப்ரமத்தமுன்மத்தம் ஸுப்தம் பா3லம் ஸ்த்ரியம் ஜட3ம்|
ப்ரபன்னம் விரத2ம் பீ4தம் ந ரிபும் ஹந்தி த4ர்மவித்|| 36
ஸ்வப்ராணான் ய: பரப்ராணை: ப்ரபுஷ்ணாத்யக்4ருண: க2ல:|
தத்3வத4ஸ்தஸ்ய ஹி ஶ்ரேயோ யத்3தோ3ஷாத்3 யாத்யத4: புமான்|| 37
ப்ரதிஶ்ருதம் ச ப4வதா பாஞ்சால்யை ஶ்ருண்வதோ மம|
ஆஹரிஷ்யே ஶிரஸ்தஸ்ய யஸ்தே மாநிநி புத்ரஹா|| 38
தத3ஸௌ வத்4யதாம் பாப ஆததாய்யாத்ம ப3ந்து4ஹா|
ப4ர்துஶ்ச விப்ரியம் வீர க்ருதவான் குலபாம்ஸன:|| 39
ஏவம் பரீக்ஷதா த4ர்மம் பார்த்த2: க்ருஷ்ணேன சோதி3த:|
நைச்ச2த்3 ஹந்தும் கு3ருஸுதம் யத்3யப்யாத்மஹநம் மஹான்|| 40
அதோ2பேத்ய ஸ்வஶிபி3ரம் கோ3விந்த3 ப்ரியஸாரதி2:|
ந்யவேத3யத்தம் ப்ரியாயை ஶோசந்த்யா ஆத்மஜான் ஹதான்|| 41
ததா2ऽஹ்ருதம் பஶுவத் பாஶப3த்3த4-
மவாங்முக2ம் கர்மஜுகு3ப்ஸிதேன|
நிரீக்ஷ்ய க்ருஷ்ணாபக்ருதம் கு3ரோ: ஸுதம்
வாமஸ்வபா4வா க்ருபயா நநாம ச|| 42
உவாச சாஸஹந்த்யஸ்ய ப3ந்த4நாநயநம் ஸதீ|
முச்யதாம் முச்யதாமேஷ ப்3ராஹ்மணோ நிதராம் கு3ரு:|| 43
ஸரஹஸ்யோ த4நுர்வேத3: ஸவிஸர்கோ3பஸம்யம:|
அஸ்த்ரக்3ராமஶ்ச ப4வதா ஶிக்ஷிதோ யத3நுக்3ரஹாத்||44
ஸ ஏஷ ப4க3வான் த்3ரோண: ப்ரஜாரூபேண வர்த்ததே|
தஸ்யாத்மநோऽர்த்த4ம் பத்ன்யாஸ்தே நான்வகா3த்3 வீரஸூ: க்ருபீ|| 45
தத்3த4ர்மஜ்ஞ மஹாபா4க3 ப4வத்3பி4ர் கௌ3ரவம் குலம்|
வ்ருஜிநம் நார்ஹதி ப்ராப்தும் பூஜ்யம் வந்த்3யமபீ4க்ஷ்ணஶ:|| 46
மா ரோதீ3த3ஸ்ய ஜநநீ கௌ3தமீ பதிதே3வதா|
யதா2ஹம் ம்ருதவத்ஸாऽர்தா ரோதி3ம்யஶ்ருமுகீ2 முஹு:|| 47
யை: கோபிதம் ப்3ரஹ்மகுலம் ராஜன்யை ரஜிதாத்மபி4:|
தத்குலம் ப்ரத3ஹத்யாஶு ஸாநுப3ந்த4ம் ஶுசார்பிதம்|| 48
ஸூத உவாச
த4ர்ம்யம் ந்யாய்யம் ஸகருணம் நிர்வ்யலீகம் ஸமம் மஹத்|
ராஜா த4ர்மஸுதோ ராஜ்ஞ்யா: ப்ரத்யநந்த3த்3வசோ த்3விஜா:|| 49
நகுல: ஸஹதே3வஶ்ச யுயுதா4நோ த4னஞ்ஜய:|
ப4க3வான் தே3வகீபுத்ரோ யே சான்யே யாஶ்ச யோஷித:|| 50
தத்ராஹாமர்ஷிதோ பீ4மஸ்தஸ்ய ஶ்ரேயான் வத4: ஸ்ம்ருத:|
ந ப4ர்துர் நாத்மநஶ்சார்தே2 யோऽஹன் ஸுப்தான் ஶிஶூன்வ்ருதா2|| 51
நிஶம்ய பீ4மக3தி3தம் த்3ரௌபத்3யாஶ்ச சதுர்பு4ஜ:|
ஆலோக்ய வத3னம் ஸக்2யுரித3மாஹ ஹஸந்நிவ|| 52
ஶ்ரீகிருஷ்ன உவாச
ப்3ரஹ்மப3ந்து4ர் ந ஹந்தவ்ய ஆததாயீ வதா4ர்ஹண:|
மயைவோப4யமாம்நாதம் பரிபாஹ்யநுஶாஸனம்|| 53
குரு ப்ரதிஶ்ருதம் ஸத்யம் யத்தத் ஸாந்த்வயதா ப்ரியாம்|
ப்ரியம் ச பீ4மஸேனஸ்ய பாஞ்சால்யா மஹ்யமேவ ச|| 54
ஸூத உவாச
அர்ஜுன: ஸஹஸாऽஜ்ஞாய ஹரேர் ஹார்த3மதா2ஸிநா|
மணிம் ஜஹார மூர்த4ன்யம் த்3விஜஸ்ய ஸஹமூர்த4ஜம்|| 55
விமுச்ய ரஶநாப3த்3த4ம் பா3ல ஹத்யா ஹதப்ரப4ம்|
தேஜஸா மணிநா ஹீநம் ஶிபி3ராந்நிரயாபயத்|| 56
வபநம் த்3ரவிணாதா3நம் ஸ்தா2நாந்நிர்யாபணம் ததா2|
ஏஷ ஹி ப்3ரஹ்மப3ந்தூ4நாம் வதோ4 நான்யோऽஸ்தி தை3ஹிக:|| 57
புத்ரஶோகாதுரா: ஸர்வே பாண்ட3வா: ஸஹ க்ருஷ்ணயா|
ஸ்வாநாம் ம்ருதாநாம் யத்க்ருத்யம் சக்ருர் நிர்ஹரணாதி3கம்|| 58
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ப்ரத2மஸ்கந்தே4 நைமிஷீயோபாக்2யாநே த்3ரௌணி நிக்3ரஹோ நாம ப்தமோஅத்4யாய: || 7
முதல் ஸ்கந்தம் ஏழாம் அத்யாயம் முற்றும்