ஶ்ரீமத்பாகவதமஹாபுராணம் :: முதல் ஸ்கந்தம் :: அத்யாயம் 6.
நாரதரின் பூர்வசரித்ரத்தின் மீதிப்பாகம்
அத₂ ஷஷ்டோ₂ऽத்₂யாய:

ஸூத உவாச
ஏவம் நிஶம்ய ப₄க₃வான் தே₃வர்ஷேர் ஜன்ம கர்ம ச|
பூ₄ய: பப்ரச்ச₂ தம் ப்₃ரஹ்மன் வ்யாஸ: ஸத்யவதீஸுத:|| 1

வ்யாஸ உவாச
பி₄க்ஷுபி₄ர் விப்ரவஸிதே விஜ்ஞாநாதே₃ஷ்ட்ருபி₄ஸ்தவ|
வர்தமாநோ வயஸ்யாத்₃யே தத: கிமகரோத்₃ ப₄வான்|| 2

ஸ்வாயம்பு₄வ கயா வ்ருத்த்யா வர்த்திதம் தே பரம் வய:|
கத₂ம் சேத₃ முத₃ஸ்ராக்ஷீ: காலே ப்ராப்தே களேவரம்|| 3

ப்ராக்கல்ப விஷயாமேதாம் ஸ்ம்ருதிம் தே ஸுரஸத்தம|
ந ஹ்யேஷ வ்யவதா₄த் கால ஏஷ ஸர்வநிராக்ருதி:||4

நாரத₃ உவாச
பி₄க்ஷுபி₄ர் விப்ரவஸிதே விஜ்ஞாநாதே₃ஷ்ட்ருபி₄ர் மம|
வர்த்தமாநோ வயஸ்யாத்₃யே தத ஏதத₃காரஷம்|| 5

ஏகாத்மஜா மே ஜநநீ யோஷின் மூடா₄ ச கிங்கரீ|
மய்யாத்மஜேऽநந்யக₃தௌ சக்ரே ஸ்நேஹாநுப₃ந்த₄நம்|| 6

ஸாऽஸ்வதந்த்ரா ந கல்பாऽஸீத்₃யோக₃க்ஷேமம் மமேச்ச₂தீ|
ஈஶஸ்ய ஹி வஶே லோகோ யோஷா தா₃ருமயீ யதா₂|| 7

அஹம் ச தத்₃ப்₃ரஹ்மகுலே ஊஷிவாம்ஸ்தத₃பேக்ஷயா|
தி₃க்₃ தே₃ஶ காலாவ்யுத்பந்நோ பா₃லக: பஞ்சஹாயந:|| 8

ஏகதா₃ நிர்க₃தாம் கே₃ஹாத்₃ து₃ஹந்தீம் நிஶி கா₃ம் பதி₂|
ஸர்போऽத₃ஶத் பதா₃ ஸ்ப்ருஷ்ட: க்ருபணாம் காலசோதி₃த:|| 9

ததா₃ தத₃ஹமீஶஸ்ய ப₄க்தாநாம் ஶமபீ₄ப்ஸத:|
அநுக்₃ரஹம் மன்யமாந: ப்ராதிஷ்ட₂ம் தி₃ஶமுத்தராம்|| 10

ஸ்பீ₂தாஞ்ஜநபதா₃ம் ஸ்தத்ர புரக்₃ராம வ்ரஜாகரான்|
கே₂டக₂ர்வட வாடீஶ்ச வநாந்யுபவநாநி ச|| 11

சித்ர தா₄து விசித்ராத்₃ரீ நிப₄ப₄க்₃ந பு₄ஜத்₃ருமான்|
ஜலாஶயாஞ்சி₂வ ஜலான் நளிநீ: ஸுரஸேவிதா:|| 12

சித்ரஸ்வனை: பத்ர ரதை₂ர் விப்₄ரமத்₃ ப்₄ரமரஶ்ரிய:|
நளவேணுஶரஸ்தம்ப₃ குஶ கீசக க₃ஹ்வரம்|| 13

ஏக ஏவாதியாதோऽஹமத்3ராக்ஷம் விபிநம் மஹத்|
கோ₄ரம் ப்ரதிப₄யாகாரம் வ்யாலோலூக ஶிவாஜிரம்||14

பரிஶ்ராந்தேந்த்₃ரியாத்மாஹம் த்ருட்பரீதோ பு₃பு₄க்ஷித:|
ஸ்நாத்வா பீத்வா ஹ்ரதே₃ நத்₃யா உபஸ்ப்ருஷ்டோ க₃தஶ்ரம:|| 15

தஸ்மின் நிர்மநுஜேऽரண்யே பிப்பலோபஸ்த₂ ஆஸ்தித:|
ஆத்மநாऽத்மாந மாத்மஸ்த₂ம் யதா₂ஶ்ருதமசிந்தயம்|| 16

த்₄யாயதஶ்சரணாம்போ₄ஜம் பா₄வநிர்ஜித சேதஸா|
ஔத்கண்ட்₂யாஶ்ருகலாக்ஷஸ்ய ஹ்ருத்₃யாஸீன்மே ஶனைர் ஹரி:|| 17

ப்ரேமாதிப₄ரநிர்பி₄ந்ந புலகாங்கோ₃ऽதி நிர்வ்ருத:|
ஆநந்த₃ஸம்ப்லவே லீநோ நாபஶ்ய முப₄யம் முநே|| 18

ரூபம் ப₄க₃வதோ யத்தன்மந: காந்தம் ஶுசாபஹம்|
அபஶ்யன் ஸஹஸோத்தஸ்தே₂ வைக்லவ்யாத்₃ து₃ர்மநா இவ|| 19

தி₃த்₃ருக்ஷுஸ்தத₃ஹம் பூ₄ய: ப்ரணிதா₄ய மநோ ஹ்ருதி₃|
வீக்ஷமாணோऽபி நாபஶ்யமவித்ருப்த இவாதுர:|| 20

ஏவம் யதந்தம் விஜநே மாமாஹா கோ₃சரோ கி₃ராம்|
க₃ம்பீ₄ரஶ்லக்ஷ்ணயா வாசா ஶுச: ப்ரஶமயந்நிவ|| 21

ஹந்தாஸ்மிஞ்ஜன்மநி ப₄வான் மா மாம் த்₃ரஷ்டுமிஹார்ஹதி|
அவிபக்வ கஷாயாணாம் து₃ர்த₃ர்ஶோऽஹம் குயோகி₃நாம்|| 22

ஸக்ருத்₃ யத்₃ த₃ர்ஶிதம் ரூபமேதத்காமாய தேऽநக₄|
மத்காம: ஶநகை: ஸாது₄: ஸர்வான் முஞ்சதி ஹ்ருச்ச₂யான்|| 23

ஸத்ஸேவயா தீ₃ர்க₄யா தே ஜாதா மயி த்₃ருடா₄ மதி:|
ஹித்வாऽவத்₃யமிமம் லோகம் க₃ந்தா மஜ்ஜநதாமஸி|| 24

மதிர் மயி நிப₃த்₃தே₄யம் ந விபத்₃யேத கர்ஹிசித்|
ப்ரஜா ஸர்க₃நிரோதே₄ऽபி ஸ்ம்ருதிஶ்ச மத₃நுக்₃ரஹாத்|| 25

ஏதாவது₃க்த்வோபரராம தன்மஹத்₃
      பூ₄தம் நபோ₄லிங்க₃மலிங்க₃ மீஶ்வரம்|
அஹம் ச தஸ்மை மஹதாம் மஹீயஸே
      ஶீர்ஷ்ணாவநாமம் வித₃தே₄ऽநுகம்பித:|| 26

நாமான்யநந்தஸ்ய ஹதத்ரப: பட₂ன்
      கு₃ஹ்யானி ப₄த்₃ராணி க்ருதானி ச ஸ்மரன்|
கா₃ம் பர்யடம்ஸ்துஷ்டமநா க₃தஸ்ப்ருஹ:
      காலம் ப்ரதீக்ஷன் விமதோ₃ விமத்ஸர:|| 27

ஏவம் க்ருஷ்ணமதேர் ப்₃ரஹ்மன் அஸக்தஸ்யா மலாத்மந:|
கால: ப்ராது₃ரபூ₄த் காலே தடி₃த் ஸௌதா₃மநீ யதா₂|| 28

ப்ரயுஜ்யமாநே மயி தாம் ஶுத்₃தா₄ம் பா₄க₃வதீம் தநும்|
ஆரப்₃த₄ கர்மநிர்வாணோ ந்யபதத் பாஞ்சபௌ₄திக:|| 29

கல்பாந்த இத₃மாதா₃ய ஶயாநேऽம்ப₄ஸ்யுத₃ன்வத:|
ஶிஶயிஷோரநுப்ராணம் விவிஶேऽந்தரஹம் விபோ₄:|| 30

ஸஹஸ்ரயுக₃ பர்யந்தே உத்தா₂யேத₃ம் ஸிஸ்ருக்ஷத:|
மரீசிமிஶ்ரா ருஷய: ப்ராணேப்₄யோऽஹம் ச ஜஜ்ஞிரே|| 31

அந்தர்ப₃ஹிஶ்ச லோகாம் ஸ்த்ரீன் பர்யேம்யஸ்கந்தி₃த வ்ரத:|
அநுக்₃ரஹான் மஹாவிஷ்ணோ ரவிகா₄தக₃தி: க்வசித்|| 32

தே₃வத₃த்தாமிமாம் வீணாம் ஸ்வர ப்₃ரஹ்ம விபூ₄ஷிதாம்|
மூர்ச்ச₂யித்வா ஹரிகதா₂ம் கா₃யமாநஶ்சராம்யஹம்|| 33

ப்ரகா₃யத: ஸ்வவீர்யாணி தீர்த்த₂பாத3: ப்ரிய ஶ்ரவா:|
ஆஹூத இவ மே ஶீக்₄ரம் த3ர்ஶநம் யாதி சேதஸி|| 34

ஏதத்3த்₄யாதுரசித்தாநாம் மாத்ராஸ்பர்ஶேச்ச₂யா முஹு:|
ப₄வஸிந்து₄ ப்லவோ த்3ருஷ்டோ ஹரிசர்யாநுவர்ணநம்|| 35

யமாதி₃பி₄ர் யோக3பதை₂: காமலோப₄ஹதோ முஹு:|
முகுந்த₃ ஸேவயா யத்₃வத் ததா₂ऽத்மாத்₃தா₄ ந ஶாம்யதி|| 36

ஸர்வம் ததி₃த₃மாக்₂யாதம் யத்ப்ருஷ்டோऽஹம் த்வயாநக₄|
ஜன்மகர்ம ரஹஸ்யம் மே ப₄வதஶ் சாத்மதோஷணம்|| 37

ஸூத உவாச
ஏவம் ஸம்பா₄ஷ்ய ப₄க₃வான் நாரதோ₃ வாஸவீஸுதம்|
ஆமந்த்ர்ய வீணாம் ரணயன் யயௌ யாத்₃ருச்சி₂கோ முநி:|| 38

அஹோ தே₃வர்ஷிர் த₄ன்யோऽயம் யத்கீர்த்திம் ஶார்ங்க₃த₄ன்வந:|
கா₃யன் மாத்₃யந்நித₃ம் தந்த்ர்யா ரமயத்யாதுரம் ஜக₃த்|| 39

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் ப்ரத₂மஸ்கந்தே₄ நைமிஷீயோபாக்₂யாநே வ்யாஸநாரத₃ஸம்வாதே₃ நாம ஷஷ்டோத்₄யாய: || 6

முதல் ஸ்கந்தம் ஆறாம் அத்யாயம் முற்றும்