ஶ்ரீமத்பாகவதமஹாபுராணம் :: முதல் ஸ்கந்தம் :: அத்யாயம் 3.
பகவானது அவதாரங்களின் வர்ணனை
அத2 த்ருதீயோஅத்4யாய:
ஸூதஉவாச
ஜக்3ருஹே பௌருஷம் ரூபம் ப4க3வான் மஹதா3தி3பி4:|
ஸம்பூ4தம் ஷோட3ஶகலமாதௌ3 லோகஸிஸ்ருக்ஷயா|| 01
யஸ்யாம்ப4ஸி ஶயானஸ்ய யோக3நித்3ராம் விதன்வத:|
நாபி4ஹ்ரதா3ம்பு3ஜாதா3ஸீத்3 ப்3ரஹ்மா விஶ்வஸ்ருஜாம் பதி:|| 02
யஸ்யாவயவஸம்ஸ்தா2னை: கல்பிதோ லோகவிஸ்தர:|
தத்3வை ப4க3வதோ ரூபம் விஶுத்3த4ம் ஸத்வமூர்ஜிதம்|| 03
பஶ்யந்த்யதோ3 ரூபமத3ப்4ர சக்ஷுஷா
ஸஹஸ்ரபாதோ3ருபு4ஜாநநாத்3பு4தம்|
ஸஹஸ்ரமூர்த்த4ஶ்ரவணாக்ஷிநாஸிகம்
ஸஹஸ்ரமௌல்யம்ப3ரகுண்ட3லோல்லஸத்|| 04
ஏதந் நாநாவதாராணாம் நிதா4னம் பீ3ஜமவ்யயம்|
யஸ்யாம்ஶாம்ஶேன ஸ்ருஜ்யந்தே தே3வதிர்யங்நராத3ய:|| 05
ஸ ஏவ ப்ரத2மம் தே3வ: கௌமாரம் ஸர்க3மாஶ்ரித:|
சசார து3ஶ்சரம் ப்3ரஹ்மா ப்3ரஹ்மசர்யமக2ண்டி3தம்|| 06
த்3விதீயம் து ப4வாயாஸ்ய ரஸாதலக3தாம் மஹீம்|
உத்3த4ரிஷ்யந்நுபாத3த்த யஜ்ஞேஶ: ஸௌகரம் வபு:|| 07
த்ருதீயம்ருஷிஸர்க3ம் ச தே3வர்ஷித்வமுபேத்ய ஸ:|
தந்த்ரம் ஸாத்வத மாசஷ்ட நைஷ்கர்ம்யம் கர்மணாம் யத:|| 08
துர்யே த4ர்மகலாஸர்கே3 நரநாராயணா வ்ருஷீ|
பூ4த்வாऽऽத்மோபஶமோபேத மகரோத்3 து3ஶ்சரம் தப:|| 09
பஞ்சம: கபிலோ நாம ஸித்3தே4ஶ: காலவிப்லுதம்|
ப்ரோவாசாஸுரயே ஸாங்க்2யம் தத்வக்3ராமவிநிர்ணயம்|| 10
ஷஷ்டே2 அத்ரேரபத்யத்வம் வ்ருத: ப்ராப்தோऽனஸூயயா|
ஆன்வீக்ஷிகீ மலர்காய ப்ரஹ்லாதா3தி3ப்4ய ஊசிவான்|| 11
தத: ஸப்தம ஆகூத்யாம் ருசேர் யஜ்ஞோऽப்4யஜாயத|
ஸ யாமாத்3யை: ஸுரக3ணைரபாத் ஸ்வாயம்பு4வாந்தரம்|| 12
அஷ்டமே மேருதே3வ்யாம் து நாபே4ர்ஜாத உருக்ரம:|
த3ர்ஶயன் வர்த்ம தீ4ராணாம் ஸர்வாஶ்ரம நமஸ்க்ருதம்|| 13
ருஷிபி4ர்யாசிதோ பே4ஜே நவமம் பார்தி2வம் வபு:|
து3க்3தே4மாமோஷதீ4ர் விப்ராஸ்தேநாயம் ஸ உஶத்தம:|| 14
ரூபம் ஸ ஜக்3ருஹே மாத்ஸ்யம் சாக்ஷுஷோத3தி4ஸம்ப்லவே|
நாவ்யாரோப்ய மஹீமய்யாமபாத்3 வைவஸ்வதம் மநும்|| 15
ஸுராஸுராணாமுத3தி4ம் மத்2நதாம் மந்த3ராசலம்|
த3த்4ரே கமட2ரூபேண ப்ருஷ்ட2 ஏகாத3ஶே விபு4:|| 16
தா4ன்வந்தரம் த்3வாத3ஶமம் த்ரயோத3ஶம மேவ ச|
அபாயயத்ஸுராநன்யான் மோஹின்யா மோஹயன் ஸ்த்ரியா|| 17
சதுர்த3ஶம் நாரஸிம்ஹம் பி3ப்4ரத்3 தை3த்யேந்த்3ர மூர்ஜிதம்|
த3தா3ர கரஜைர் வக்ஷஸ்யேரகாம் கடக்ருத்3யதா2|| 18
பஞ்சத3ஶம் வாமநகம் க்ருத்வாகா3த3த்4வரம் ப3லே:|
பத3த்ரயம் யாசமான: ப்ரத்யாதி3த்ஸுஸ்த்ரிவிஷ்டபம்|| 19
அவதாரே ஷோட3ஶமே பஶ்யன் ப்3ரஹ்மத்3ருஹோ ந்ருபான்|
த்ரி:ஸப்தக்ருத்வ: குபிதோ நி:க்ஷத்ராமகரோன்மஹீம்|| 20
தத: ஸப்தத3ஶே ஜாத: ஸத்யவத்யாம் பராஶராத்|
சக்ரே வேத3தரோ: ஶாகா2 த்3ருஷ்ட்வா பும்ஸோऽல்பமேத4ஸ:|| 21
நரதே3வத்வமாபந்ந: ஸுரகார்ய சிகீர்ஷயா|
ஸமுத்3ரநிக்3ரஹாதீ3னி சக்ரே வீர்யாண்யத: பரம்|| 22
ஏகோநவிம்ஶே விம்ஶதிமே வ்ருஷ்ணிஷு ப்ராப்ய ஜன்மனீ|
ராமக்ருஷ்ணாவிதி பு4வோ ப4க3வாநஹரத்3 ப4ரம்|| 23
தத: கலௌ ஸம்ப்ரவ்ருத்தே ஸம்மோஹாய ஸுரத்3விஷாம்|
பு3த்3தோ4 நாம்நாஜநஸுத: கீகடேஷு ப4விஷ்யதி|| 24
அதா2ஸௌ யுக3ஸந்த்4யாயாம் த3ஸ்யு ப்ராயேஷு ராஜஸு|
ஜநிதா விஷ்ணுயஶஸோ நாம்நா கல்கிர் ஜக3த்பதி:|| 25
அவதாரா ஹ்யஸங்க்2யேயா ஹரே: ஸத்வநிதே4ர் த்3விஜா:|
யதா2 விதா3ஸிந: குல்யா: ஸரஸ: ஸ்யு: ஸஹஸ்ரஶ:|| 26
ருஷயோ மனவோ தே3வா மநுபுத்ரா மஹௌஜஸ:|
கலா: ஸர்வே ஹரேரேவ ஸப்ரஜாபதயஸ்ததா2|| 27
ஏதே சாம்ஶகலா: பும்ஸ: க்ருஷ்ணஸ்து ப4க3வான் ஸ்வயம்|
இந்த்3ராரிவ்யாகுலம் லோகம் ம்ருட3யந்தி யுகே3 யுகே3|| 28
ஜன்ம கு3ஹ்யம் ப4க3வதோ ய ஏதத்ப்ரயதோ நர:|
ஸாயம் ப்ராதர் க்3ருணன் ப4க்த்யா து3:க2க்3ராமாத்3 விமுச்யதே|| 29
ஏதத்3 ரூபம் ப4க3வதோ ஹ்யரூபஸ்ய சிதா3த்மன:|
மாயாகு3ணைர் விரசிதம் மஹதா3தி3பி4ராத்மனி|| 30
யதா2 நப4ஸி மேகௌ4கோ4 ரேணுர் வா பார்த்தி2வோऽநிலே|
ஏவம் த்3ரஷ்டரி த்3ருஶ்யத்வமாரோபித மபு3த்3தி4பி4:|| 31
அத: பரம் யத3வ்யக்தமவ்யூட4 கு3ணவ்யூஹிதம்|
அத்3ருஷ்டாஶ்ருத வஸ்துத்வாத் ஸ ஜீவோ யத்புனர்ப4வ:|| 32
யத்ரேமே ஸத3ஸத்3ரூபே ப்ரதிஷித்3தே4 ஸ்வஸம்விதா3|
அவித்3யயாऽऽத்மனி க்ருதே இதி தத்3ப்3ரஹ்ம த3ர்ஶநம்|| 33
யத்3யேஷோபரதா தே3வீ மாயா வைஶாரதீ3 மதி:|
ஸம்பந்ந ஏவேதி விது3ர் மஹிம்னி ஸ்வே மஹீயதே|| 34
ஏவம் ஜன்மாநி கர்மாணி ஹ்யகர்துரஜனஸ்ய ச|
வர்ணயந்தி ஸ்ம கவயோ வேத3கு3ஹ்யாநி ஹ்ருத்பதே:|| 35
ஸ வா இத3ம் விஶ்வமமோக4லீல:
ஸ்ருஜத்யவத்யத்தி ந ஸஜ்ஜதேऽஸ்மின்|
பூ4தேஷு சாந்தர்ஹித ஆத்ம தந்த்ர:
ஷாட்3வர்கி3கம் ஜிக்4ரதி ஷட்3கு3ணேஶ:|| 36
ந சாஸ்ய கஶ்சின் நிபுணேந த்4ராது:
அவைதி ஜந்து: குமநீஷ ஊதீ:|
நாமானி ரூபாணி மனோவசோபி4:
ஸந்தன்வதோ நடசர்யாமிவாஜ்ஞ:|| 37
ஸ வேத3 தா4து: பத3வீம் பரஸ்ய
து3ரந்த வீர்யஸ்ய ரதா2ங்க3பாணே:|
யோऽமாயயா ஸந்ததயாநுவ்ருத்யா
ப4ஜேத தத்பாத3 ஸரோஜக3ந்த4ம்|| 38
அதே2ஹ த4ன்யா ப4க3வந்த இத்த2ம்
யத்3வாஸுதே3வேऽகி2லலோகநாதே2|
குர்வந்தி ஸர்வாத்மக மாத்ம பா4வம்
ந யத்ர பூ4ய: பரிவர்த உக்3ர:|| 39
இத3ம் பா4க3வதம் நாம புராணம் ப்3ரஹ்மஸம்மிதம்|
உத்தமஶ்லோக சரிதம் சகார ப4க3வான் ருஷி:|| 40
நி:ஶ்ரேயஸாய லோகஸ்ய த4ன்யம் ஸ்வஸ்த்யயநம் மஹத்|
ததி3த3ம் க்3ராஹயாமாஸ ஸுத மாத்மவதாம் வரம்|| 41
ஸர்வ வேதே3திஹாஸாநாம் ஸாரம் ஸாரம் ஸமுத்3த்4ருதம்|
ஸ து ஸம்ஶ்ராவயாமாஸ மஹாராஜம் பரீக்ஷிதம்|| 42
ப்ராயோபவிஷ்டம் க3ங்கா3யாம் பரீதம் பரமர்ஷிபி4:|
க்ருஷ்ணே ஸ்வதா4மோபக3தே த4ர்மஜ்ஞாநாதி3பி4: ஸஹ|| 43
கலௌ நஷ்டத்3ருஶாமேஷ புராணார்கோऽது4நோதி3த:|
தத்ர கீர்தயதோ விப்ரா விப்ரர்ஷேர் பூ4ரிதேஜஸ:|| 44
அஹம் சாத்4யக3மம் தத்ர நிவிஷ்டஸ் தத3நுக்3ரஹாத்|
ஸோऽஹம் வ: ஶ்ராவயிஷ்யாமி யதா2தீ4தம் யதா2மதி|| 45
இதி ஶ்ரீமத்3பா4க3வதே மஹாபுராணே
பாரமஹம்ஸ்யாம் ஸம்ஹிதாயாம் ப்ரத2மஸ்கந்தே4
நைமிஷீயோபாக்2யாநே த்ருதீயோஅத்4யாய:||3||
முதல் ஸ்கந்தம் மூன்றாம் அத்யாயம் முற்றும்