ஶ்ரீமத்பாகவதமஹாபுராணம் :: முதல் ஸ்கந்தம் :: அத்யாயம் 17.
மஹாராஜாவான பரீக்ஷித் கலியுகத்தை அடக்குதல்
அத2 ஸப்தத3ஶோऽத்2யாய:
ஸூத உவாச
தத்ர கோ3மிது2நம் ராஜா ஹன்யமான மநாத2வத்|
த3ண்ட3ஹஸ்தம் ச வ்ருஷலம் த3த்3ருஶே ந்ருபலாஞ்ச2நம்|| 1
வ்ருஷம் ம்ருணாலத4வளம் மேஹந்தமிவ பி3ப்4யதம்|
வேபமாநம் பதை3கேன ஸீத3ந்தம் ஶூத்3ர தாடி3தம்|| 2
கா3ம் ச த4ர்மது3கா4ம் தீ3நாம் ப்4ருஶம் ஶூத்3ரபதா3ஹதாம்|
விவத்ஸாமாஶ்ருவத3நாம் க்ஷாமாம் யவஸமிச்ச2தீம்|| 3
பப்ரச்ச2 ரத2மாரூட4: கார்தஸ்வர பரிச்ச2த3ம்|
மேக4 க3ம்பீ4ரயா வாசா ஸமாரோபித கார்முக:|| 4
கஸ்த்வம் மச்ச2ரணே லோகே ப3லாத்3த4ம்ஸ்யப3லான் ப3லீ|
நரதே3வோऽஸி வேஷேண நடவத் கர்மணாத்3விஜ:|| 5
கஸ்த்வம் க்ருஷ்ணே க3தே தூ3ரம் ஸஹ கா3ண்டீ3வத4ன்வநா|
ஶோச்யோऽஸ்யஶோச்யான் ரஹஸி ப்ரஹரன் வத4மர்ஹஸி|| 6
த்வம் வா ம்ருணாலத4வல: பாதை3ர் ந்யூன: பதா3 சரன்|
வ்ருஷரூபேண கிம் கஶ்சித்3 தே3வோ ந: பரிகே2த3யன்|| 7
ந ஜாது பௌரவேந்த்3ராணாம் தோ3ர்த3ண்ட3 பரிரம்பி4தே|
பூ4தலேऽநுபதந்த்யஸ்மின் விநா தே ப்ராணிநாம் ஶுச:|| 8
மா ஸௌரபே4யாநுஶு சோ வ்யேது தே வ்ருஷலாத்3 ப4யம்|
மா ரோதீ3ரம்ப3 ப4த்3ரம் தே க2லாநாம் மயி ஶாஸ்தரி|| 9
யஸ்ய ராஷ்ட்ரே ப்ரஜா: ஸர்வாஸ்த்ரஸ்யந்தே ஸாத்4வ்யஸாது4பி4:|
தஸ்ய மத்தஸ்ய நஶ்யந்தி கீர்திராயுர் ப4கோ3 க3தி:|| 10
ஏஷ ராஜ்ஞாம் பரோ த4ர்மோ ஹ்யார்தாநா மார்திநிக்3ரஹ:|
அத ஏனம் வதி4ஷ்யாமி பூ4தத்3ருஹமஸத்தமம்|| 11
கோऽவ்ருஶ்சத் தவ பாதா3ம்ஸ்த்ரீன் ஸௌரபே4ய சதுஷ்பத3|
மா பூ4வம்ஸ்த்வாத்3ருஶா ராஷ்ட்ரே ராஜ்ஞாம் க்ருஷ்ணாநுவர்திநாம்|| 12
ஆக்2யாஹி வ்ருஷ ப4த்3ரம் வ: ஸாதூ4நாமக்ருதாக3ஸாம்|
ஆத்ம வைரூப்ய கர்த்தாரம் பார்த்தா2நாம் கீர்த்திதூ3ஷணம்|| 13
ஜநேऽநாக3ஸ்யக4ம் யுஞ்ஜன் ஸர்வதோऽஸ்ய ச மத்3ப4யம்|
ஸாதூ4நாம் ப4த்3ரமேவ ஸ்யாத3ஸாது4 த3மனே க்ருதே|| 14
அநாக3:ஸ்விஹ பூ4தேஷு ய ஆக3ஸ் க்ருந் நிரங்குஶ:|
ஆஹர்தாஸ்மி பு4ஜம் ஸாக்ஷாத3மர்த்யஸ்யாபி ஸாங்க3த3ம்|| 15
ராஜ்ஞோ ஹி பரமோ த4ர்ம: ஸ்வத4ர்மஸ்தா2நுபாலனம்|
ஶாஸதோऽன்யான் யதா2ஶாஸ்த்ர மநாபத்3யுத்பதா2நிஹ|| 16
த4ர்ம உவாச
ஏதத்3வ: பாண்ட3வேயாநாம் யுக்தமார்தாப4யம் வச:|
யேஷாம் கு3ணக3ணை: க்ருஷ்ணோ தௌ3த்யாதௌ3 ப4க3வான் க்ருத:|| 17
ந வயம் க்லேஶ பீ3ஜானி யத: ஸ்யு: புருஷர்ஷப4|
புருஷம் தம் விஜாநீமோ வாக்யபே4த3 விமோஹிதா:|| 18
கேசித்3 விகல்பவஸநா ஆஹுராத்மான மாத்மன:|
தை3வமன்யே பரே கர்ம ஸ்வபா4வமபரே ப்ரபு4ம்|| 19
அப்ரதர்க்யாத3நிர்தே3ஶ்யாதி3தி கேஷ்வபி நிஶ்சய:|
அத்ராநுரூபம் ராஜர்ஷே விம்ருஶ ஸ்வமநீஷயா|| 20
ஸூத உவாச
ஏவம் த4ர்மே ப்ரவத3தி ஸ ஸம்ராட்3 த்3விஜஸத்தம:|
ஸமாஹிதேன மனஸா விகே2த3: பர்யசஷ்ட தம்|| 21
ராஜோவாச
த4ர்மம் ப்3ரவீஷி த4ர்மஜ்ஞ த4ர்மோऽஸி வ்ருஷரூபத்4ருக்|
யத3த4ர்மக்ருத: ஸ்தா2னம் ஸூசகஸ்யாபி தத்3 ப4வேத்|| 22
அத2வா தே3வமாயாயா நூநம் க3திரகோ3சரா|
சேதஸோ வசஸஶ்சாபி பூ4தாநாமிதி நிஶ்சய:|| 23
தப: ஶௌசம் த3யா ஸத்யமிதி பாதா3: க்ருதே க்ருதா:|
அத4ர்மாம்ஶைஸ்த்ரயோ ப4க்3நா: ஸ்மய ஸங்க3 மதை3ஸ்தவ|| 24
இதா3நீம் த4ர்ம பாத3ஸ்தே ஸத்யம் நிர்வர்தயேத்3 யத:|
தம் ஜிக்4ருக்ஷத்யத4ர்மோऽய மந்ருதேனைதி4த: கலி:|| 25
இயம் ச பூ4ர் ப4க3வதா ந்யாஸிதோருப4ரா ஸதீ|
ஶ்ரீமத்3பி4ஸ் தத்பத3ன்யாஸை: ஸர்வத: க்ருதகௌதுகா|| 26
ஶோசத்யஶ்ருகலா ஸாத்4வீ து3ர்ப4கே3வோஜ்ஜி2தாது4நா|
அப்3ரஹ்மண்யா ந்ருபவ்யாஜா: ஶூத்3ரா போ4க்ஷ்யந்தி மாமிதி|| 27
இதி த4ர்மம் மஹீம் சைவ ஸாந்த்வயித்வா மஹாரத2:|
நிஶாதமாத3தே3 க2ட்3க3ம் கலயேऽத4ர்மஹேதவே|| 28
தம் ஜிகா4ம்ஸுமபி4ப்ரேத்ய விஹாய ந்ருபலாஞ்ச2நம்|
தத்பாத3மூலம் ஶிரஸா ஸமகா3த்3 ப4யவிஹ்வல:|| 29
பதிதம் பாத3யோர்வீர: க்ருபயா தீ3னவத்ஸல:|
ஶரண்யோ நாவதீ4ச் ச2லோக்ய ஆஹ சேத3ம் ஹஸந்நிவ|| 30
ராஜோவாச
ந தே கு3டா3கேஶ யஶோத4ராணாம் ப3த்3தா4ஞ்ஜலேர்வை ப4யமஸ்தி கிஞ்சித்|
ந வர்திதவ்யம் ப4வதா கத2ஞ்சன க்ஷேத்ரே மதீ3யே த்வமத4ர்ம ப3ந்து4:|| 31
த்வாம் வர்த்தமானம் நரதே3வ தே3ஹேஷ்வநு ப்ரவ்ருத்தோऽயமத4ர்ம பூக3:|
லோபோ4 ऽந்ருதம் சௌர்யமநார்யமம்ஹோ ஜ்யேஷ்டா2 ச மாயா கலஹஶ்ச த3ம்ப4:|| 32
ந வர்திதவ்யம் தத3த4ர்ம ப3ந்தோ4 த4ர்மேண ஸத்யேன ச வர்திதவ்யே|
ப்3ரஹ்மாவர்தே யத்ர யஜந்தி யஜ்ஞைர்ய ஜ்ஞேஶ்வரம் யஜ்ஞவிதாநவிஜ்ஞா:|| 33
யஸ்மின் ஹரிர் ப4க3வாநிஜ்யமான இஜ்யாமூர்திர்யஜதாம் ஶம் தநோதி|
காமாநமோகா4ன் ஸ்தி2ரஜங்க3மாநாமந்தர் ப3ஹிர்வாயுரிவைஷ ஆத்மா|| 34
ஸூத உவாச
பரீக்ஷிதைவமாதி3ஷ்ட: ஸ கலிர்ஜாதவேபது2:|
தமுத்3யதாஸிமாஹேத3ம் த3ண்ட3பாணிமிவோத்3யதம்|| 35
கலிருவாச
யத்ர க்வசன வத்ஸ்யாமி ஸார்வபௌ4ம தவாஜ்ஞயா|
லக்ஷயே தத்ர தத்ராபி த்வாமாத்தேஷு ஶராஸனம்|| 36
தன்மே த4ர்ம ப்4ருதாம் ஶ்ரேஷ்ட2 ஸ்தா2னம் நிர்தே3ஷ்டுமர்ஹஸி|
யத்ரைவ நியதோ வத்ஸ்ய ஆதிஷ்ட2ம்ஸ்தேऽநுஶாஸனம்||37
ஸூத உவாச
அப்4யர்தி2தஸ்ததா3 தஸ்மை ஸ்தா2நாநி கலயே த3தௌ3|
த்3யூதம் பாநம் ஸ்த்ரிய: ஸூநா யத்ராத4ர்மஶ் சதுர்வித4:|| 38
புநஶ்ச யாசமாநாய ஜாத ரூப மதா3த் ப்ரபு4:|
ததோऽந்ருதம் மத3ம் காமம் ரஜோ வைரம் ச பஞ்சமம்|| 39
அமூனி பஞ்ச ஸ்தா2நாநி ஹ்யத4ர்ம ப்ரப4வ: கலி:|
ஔத்தரேயேண த3த்தானி ந்யவஸத் தந்நிதே3ஶ க்ருத்|| 40
அதை2தானி ந ஸேவேத பு3பூ4ஷு: புருஷ: க்வசித்|
விஶேஷதோ த4ர்மஶீலோ ராஜா லோகபதிர்கு3ரு:|| 41
வ்ருஷஸ்ய நஷ்டாந் ஸ்த்ரீன் பாதா3ன் தப: ஶௌசம் த3யா மிதி|
ப்ரதி ஸந்த3த4 ஆஶ்வாஸ்ய மஹீம் ச ஸமவர்த4யத்|| 42
ஸ ஏஷ ஏதர்ஹ்யத்4யாஸ்த ஆஸனம் பார்த்தி2வோசிதம்|
பிதாமஹேநோபன்யஸ்தம் ராஜ்ஞாரண்யம் விவிக்ஷதா|| 43
ஆஸ்தேऽது4நா ஸ ராஜர்ஷி: கௌரவேந்த்3ரஶ்ரியோல்லஸன்|
க3ஜாஹ்வயே மஹாபா4க3: சக்ரவர்தீ ப்3ருஹச்ச்2ரவா:|| 44
இத்த2ம்பூ4தாநுபா4வோऽய மபி4மன்யுஸுதோ ந்ருப:|
யஸ்ய பாலயத: க்ஷோணீம் யூயம் ஸத்ராய தீ3க்ஷிதா:|| 45
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
ப்ரத2மஸ்கந்தே4 நைமிஷீயோபாக்2யாநே கலிநிக்3ரஹோ நாம ஸப்தத3ஶோऽத்4யாய: || 17
முதல் ஸ்கந்தம் பதினேழாம் அத்யாயம் முற்றும்