ஶ்ரீமத்பாகவதமஹாபுராணம் :: பன்னிரெண்டாம் ஸ்கந்தம் :: அத்யாயம் 8.
மார்க்கண்டேயரின் தவமும் வரப்ராப்தியும்
அத2 அஷ்டமோऽத்4யாய:
ஶ்ரீஶௌனக உவாச –
ஸூத ஜீவ சிரம் ஸாதோ4 வத3 நோ வத3தாம் வர|
தமஸ்யபாரே ப்4ரமதாம் ந்ருணாம் த்வம் பாரத3ர்ஶன:|| 1
ஆஹுஶ்சிராயுஷம்ருஷிம் ம்ருகண்ட3தனயம் ஜநா:|
ய: கல்பாந்தே உர்வரிதோ யேன க்3ரஸ்தமித3ம் ஜக3த்|| 2
ஸ வா அஸ்மத்குலோத் பந்ந: கல்பேऽஸ்மின் பா4ர்க3வர்ஷப4:|
நைவாது4 நாபி பூ4தாநாம் ஸம்ப்லவ: கோऽபி ஜாயதே|| 3
எக எவார்ணவே ப்4ராம்யன் த3த3ர்ஶ புருஷம் கில|
வட பத்ர புடே தோகம் ஶயானம் த்வேக மத்3பு4தம்|| 4
எஷ ந: ஸம்ஶயோ பூ4யான் ஸூத கௌதூஹலம் யத:|
தம் நஶ்சி2ந்தி4 மஹாயோகி3ன் புராணேஷ்வபி ஸம்மத:|| 5
ஸூத உவாச -
ப்ரஶ்நஸ்த்வயா மஹர்ஷேऽயம் க்ருதோ லோக ப்4ரமாபஹ:|
நாராயணகதா2 யத்ர கீ3தா கலிமலாபஹா|| 6
ப்ராப்த த்3விஜாதி ஸம்ஸ்காரோ மார்கண்டே3ய: பிது: க்ரமாத்|
ச2ந்தா3ம்ஸ்ய தீ4த்ய த4ர்மேண தப: ஸ்வாத்4யாய ஸம்யுத:|| 7
ப்3ருஹத்3 வ்ரத த4ர: ஶாந்தோ ஜடிலோ வல்கலாம்ப3ர:|
பி3ப்4ரத் கமண்ட3லும் த3ண்ட3முபவீதம் ஸமேக2லம்|| 8
க்ருஷ்ணாஜினம் ஸாக்ஷஸூத்ரம் குஶாம்ஶ்ச நியமர்த்3த4யே|
அக்3ன்யர்க கு3ருவிப்ராத்மஸ்வர்சயன் ஸந்த்4யயோர்ஹரிம்|| 9
ஸாயம் ப்ராத: ஸ கு3ரவே பை4க்ஷ்ய மாஹ்ருத்ய வாக்3யத:|
பு3பு4ஜே கு3ர்வநுஜ்ஞாத: ஸக்ருந்நோ சேது3 போஷித:|| 10
எவம் தப: ஸ்வாத்4யாய பரோ வர்ஷாணாமயுதாயுதம்|
ஆராத4யன் ஹ்ருஷீகேஶம் ஜிக்3யே ம்ருத்யும் ஸுது3ர்ஜயம்|| 11
ப்3ரஹ்மா ப்4ருகு3ர்ப4வோ த3க்ஷோ ப்3ரஹ்ம புத்ராஶ்ச யே பரே|
ந்ருதே3வ பித்ரு பூ4தாநி தேநாஸந் நதிவிஸ்மிதா:|| 12
இத்த2ம் ப்3ருஹத்3வ்ரத த4ரஸ்தப: ஸ்வாத்4யாய ஸம்யமை:|
த3த்4யாவதோ4க்ஷஜம் யோகீ3 த்4வஸ்த க்லேஶாந்த ராத்மநா|| 13
தஸ்யைவம் யுஞ்ஜதஶ்சித்தம் மஹாயோகே3ன யோகி3ன:|
வ்யதீயாய மஹான் காலோ மன்வந்தர ஷடா3த்மக:|| 14
எதத் புரந்த3ரோ ஜ்ஞாத்வா ஸப்தமேऽஸ்மின் கிலாந்தரே|
தபோவிஶங்கிதோ ப்3ரஹ்மன் ஆரேபே4 தத்3விகா4தனம்|| 15
க3ந்த4ர்வாப் ஸரஸ: காமம் வஸந்த மலயானிலௌ|
முனயே ப்ரேஷயாமாஸ ரஜஸ்தோக மதௌ3 ததா2|| 16
தே வை ததா3ஶ்ரமம் ஜக்3முர் ஹிமாத்3ரே: பார்ஶ்வ உத்தரே|
புஷ்ப ப4த்3ரா நதீ3 யத்ர சித்ராக்2யா ச ஶிலா விபோ4|| 17
ததா3ஶ்ரமபத3ம் புண்யம் புண்யத்3ருமல தாஞ்சிதம்|
புண்யத்3விஜ குலாகீர்ணம் புண்யாமல ஜலாஶயம்|| 18
மத்த ப்4ரமர ஸங்கீ3தம் மத்தகோகில கூஜிதம்|
மத்த ப3ர்ஹி நடாடோபம் மத்த த்3விஜ குலா குலம்|| 19
வாயு: ப்ரவிஷ்ட ஆதா3ய ஹிமநிர்ஜ2ரஶீகரான்|
ஸுமநோபி4: பரிஷ்வக்தோ வவாவுத்தம் ப4யன் ஸ்மரம்|| 20
உத்3யச் சந்த்3ர நிஶா வக்த்ர: ப்ரவாலஸ்தப3 காலிபி4:|
கோ3பத்3ருமலதாஜாலைஸ் தத்ராஸீத் குஸுமாகர:|| 21
அன்வீயமாநோ க3ந்த4ர்வைர் கீ3தவாதி3த்ரயூத2கை:|
அத்3ருஶ்யதாத்த சாபேஷு: ஸ்வ: ஸ்த்ரீயூத2பதி: ஸ்மர:|| 22
ஹுத்வாக்3நிம் ஸமுபாஸீநம் த3த்3ருஶு: ஶக்ரகிங்கரா:|
மீலிதாக்ஷம் து3ராத4ர்ஷம் மூர்திமந்தமிவாநலம்|| 23
நந்ருது ஸ்தஸ்ய புரத: ஸ்த்ரியோऽதோ2 கா3யகா ஜகு3:|
ம்ருத3ங்க3 வீணாபணவைர்வாத்3யம் சக்ருர் மநோரமம்|| 24
ஸந்த3தே4ऽஸ்த்ரம் ஸ்வத4நுஷி காம: பஞ்சமுக2ம் ததா3|
மது4ர் மநோ ரஜஸ்தோக இந்த்3ர ப்4ருத்யா வ்யகம்பயன்|| 25
க்ரீட3ந்த்யா: புஞ்ஜி கஸ்த2ல்யா: கந்து3கை: ஸ்தன கௌ3ரவாத்|
ப்4ருஶ முத்3 விக்3ந மத்4யாயா: கேஶவிஸ்ரம் ஸித ஸ்ரஜ:|| 26
இதஸ்ததோ ப்4ரமத்3 த்3ருஷ்டேஶ் சலந்த்யா அநுகந்து3கம்|
வாயுர்ஜஹார தத்3வாஸ: ஸூக்ஷ்மம் த்ருடிதமேக2லம்|| 27
விஸஸர்ஜ ததா3 பா3ணம் மத்வா தம் ஸ்வஜிதம் ஸ்மர:|
ஸர்வம் தத்ராப4வன் மோக4 மநீஶஸ்ய யதோ2த்3யம:|| 28
த இத்த2மபகுர்வந்தோ முனேஸ் தத் தேஜஸா முனே|
த3ஹ்ய மாநா நிவவ்ருது: ப்ரபோ3த்4யாஹி மிவார்ப4கா:|| 29
இதீந்த்3ராநு சரைர் ப்3ரஹ்மன் த4ர்ஷிதோऽபி மஹாமுனி:|
யந்நாகா3 த3ஹமோ பா4வம் ந தச்சித்ரம் மஹத்ஸு ஹி|| 30
த்3ருஷ்ட்வா நிஸ்தேஜஸம் காமம் ஸக3ணம் ப4க3வான் ஸ்வராட்|
ஶ்ருத்வாநுபா4வம் ப்3ரஹ்மர்ஷேர் விஸ்மயம் ஸமகா3த் பரம்|| 31
தஸ்யைவம் யுஞ்ஜதஶ்சித்தம் தப: ஸ்வாத்4யாய ஸம்யமை:|
அநுக்3ரஹாயா விராஸீந் நர நாராயணோ ஹரி:|| 32
தௌ ஶுக்ல க்ருஷ்ணௌ நவகஞ்ஜ லோசநௌ
சதுர்பு4ஜௌ ரௌரவ வல்கலாம் ப3ரௌ|
பவித்ர பாணீ உபவீதகம் த்ரிவ்ருத்
கமண்ட3லும் த3ண்ட3ம்ருஜும் ச வைணவம்|| 33
பத்3மாக்ஷ மாலாமுத ஜந்து மார்ஜனம்
வேத3ம் ச ஸாக்ஷாத்தப எவ ரூபிணௌ|
தபத்தடி3த்3 வர்ண பிஶங்க3 ரோசிஷா
ப்ராம்ஶூ த3தா4நௌ விபு3த4ர்ஷ பா4ர்சிதௌ|| 34
தே வை ப4க3வதோ ரூபே நரநாராயணவ்ருஷீ|
த்3ருஷ்ட்வோத் தா2யாத3ரேணோச்சைர் நநாமாங்கே3ன த3ண்ட3வத்|| 35
ஸ தத் ஸந்த3ர்ஶநாநந்த3 நிர்வ்ருதாத் மேந்த்3ரியாஶய:|
ஹ்ருஷ்ட ரோமாஶ்ரு பூர்ணாக்ஷோ ந ஸேஹே தாவு தீ3க்ஷிதும்|| 36
உத்தா2ய ப்ராஞ்ஜலி: ப்ரஹ்வ ஔத் ஸுக்யாதா3ஶ் லிஷந்நிவ|
நமோ நம இதீ ஶாநௌ ப3பா4ஷே க3த்3க3தா3 க்ஷர:|| 37
தயோராஸன மாதா3ய பாத3யோ ரவநிஜ்ய ச|
அர்ஹணே நாநு லேபேன தூ4ப மால்யை ரபூஜயத்|| 38
ஸுக2மாஸன மாஸீநௌ ப்ரஸாதா3பி4 முகௌ2 முனீ|
புனரா நம்ய பாதா3ப்4யாம் க3ரிஷ்டா2வித3மப்3ரவீத்|| 39
ஶ்ரீமார்கண்டே3ய உவாச -
கிம் வர்ணயே தவ விபோ4 யது3 தீ3ரிதோऽஸு:
ஸம்ஸ்பந்த3தே தமநு வாங்மன இந்த்3ரியாணி|
ஸ்பந்த3ந்தி வை தநுப்4ருதாமஜ ஶர்வ யோஶ்ச
ஸ்வஸ்யாப்யதா2பி ப4ஜதாமஸி பா4வப3ந்து4:|| 40
மூர்தீ இமே ப4க3வதோ ப4க3வந் ஸ்த்ரிலோக்யா:
க்ஷேமாய தாபவிரமாய ச ம்ருத்யுஜித்யை|
நாநா பி3ப4ர்ஷ்ய விதுமன்ய தநூர்ய தே2த3ம்
ஸ்ருஷ்ட்வா புனர் க்3ரஸஸி ஸர்வ மிவோர்ண நாபி4:|| 41
தஸ்யாவிது: ஸ்தி2ர சரேஶிது ரங்க்4ரிமூலம்
யத்ஸ்த2ம் ந கர்மகு3ண காலருஜ: ஸ்ப்ருஶந்தி|
யத்3 வை ஸ்துவந்தி நிநமந்தி யஜந்த்ய பீ4க்ஷ்ணம்
த்4யாயந்தி வேத3 ஹ்ருத3யா முனயஸ் ததா3ப்த்யை|| 42
நான்யம் தவாங்க்4ர்யுபனயாத3பவர்க3 மூர்தே:
க்ஷேமம் ஜனஸ்ய பரி தோபி4ய ஈஶ வித்3ம:|
ப்3ரஹ்மா பி3பே4த் யலமதோ த்3வி பரார்த4தி4ஷ்ண்ய:
காலஸ்ய தே கிமுத தத்க்ருத பௌ4திகாநாம்|| 43
தத்3 வை ப4ஜாம்ய்ருத தி4யஸ் தவ பாத3மூலம்
ஹித்வேத3 மாத்மச்ச2தி3 சாத்மகு3ரோ: பரஸ்ய|
தே3ஹாத்3ய பார்த2 மஸத3ந்த்ய மபி4ஜ்ஞ மாத்ரம்
விந்தே3த தே தர்ஹி ஸர்வமநீஷிதார்த2ம்|| 44
ஸத்த்வம் ரஜஸ்தம இதீஶ தவாத்ம ப3ந்தோ4
மாயாமயா: ஸ்தி2தி லயோத3யஹேதவோऽஸ்ய|
லீலா த்4ருதா யத3பி ஸத்த்வ மயீ ப்ரஶாந்த்யை
நான்யே ந்ருணாம் வ்யஸன மோஹபி4யஶ்ச யாப்4யாம்|| 45
தஸ்மாத் தவேஹ ப4க3வந்நத2 தாவகாநாம்
ஶுக்லாம் தநும் ஸ்வத3யிதாம் குஶலா ப4ஜந்தி|
யத் ஸாத்வதா: புருஷரூப முஶந்தி ஸத்த்வம்
லோகோ யதோऽப4யமுதாத்மஸுக2ம் ந சான்யத்|| 46
தஸ்மை நமோ ப4க3வதே புருஷாய பூ4ம்நே
விஶ்வாய விஶ்வகு3ரவே பரதே3வதாயை|
நாராயணாய ருஷயே ச நரோத்தமாய
ஹம்ஸாய ஸம்யத கி3ரே நிக3மேஶ்வராய|| 47
யம் வை ந வேத3 வித தா2க்ஷபதை2ர் ப்4ரமத்3தீ4:
ஸந்தம் ஸ்வகே2ஷ்வஸுஷு ஹ்ருத்3யபி த்3ருக் பதே2ஷு|
தன்மாயயாऽऽவ்ருத மதி: ஸ உ எவ ஸாக்ஷா-
தா3த்3யஸ்தவாகி2ல கு3ரோருப ஸாத்3ய வேத3ம்|| 48
யத்3 த3ர்ஶனம் நிக3ம ஆத்மரஹ: ப்ரகாஶம்
முஹ்யந்தி யத்ர கவயோऽஜபரா யதந்த:|
தம் ஸர்வவாத3விஷய ப்ரதி ரூபஶீலம்
வந்தே3 மஹா புருஷ மாத்மனி கூ3ட4 போ3த4ம்|| 49
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த்3வாத3ஶஸ்கந்தே4 அஷ்டமோऽத்4யாய: || 8 ||
பன்னிரெண்டாம் ஸ்கந்தம் - எட்டாம் அத்யாயம் முற்றும்.