ஶ்ரீமத்பாகவதமஹாபுராணம் :: பதினொன்றாம் ஸ்கந்தம் :: அத்யாயம் 27.
கிரியா யோகத்தின் வரணனை
அத2 ஸப்தவிம்ஶோऽத்4யாய:
ஶ்ரீஉத்3த4வ உவாச -
க்ரியா யோக3ம் ஸமாசக்ஷ்வ ப4வதா3ராத4னம் ப்ரபோ4|
யஸ்மாத்த்வாம் யே யதா2ர்சந்தி ஸாத்வதா: ஸாத்வ தர்ஷப4|| 1
ஏதத்3 வத3ந்தி முனயோ முஹுர்நி: ஶ்ரேயஸம் ந்ருணாம்|
நாரதோ3 ப4க3வான் வ்யாஸ ஆசார்யோऽக்3கி3ரஸ: ஸுத:|| 2
நி:ஸ்ருதம் தே முகா2ம் போ4ஜாத்3 யதா3ஹ ப4க3வானஜ:|
புத்ரேப்4யோ ப்4ருகு3 முக்2யேப்4யோ தே3வ்யை ச ப4க3வான் ப4வ:|| 3
ஏதத்3 வை ஸர்வ வர்ணாநாமாஶ்ரமாணாம் ச ஸம்மதம்|
ஶ்ரேயஸா முத்தமம் மன்யே ஸ்த்ரீஶூத்3ராணாம் ச மானத3|| 4
ஏதத் கமல பத்ராக்ஷ கர்மப3ந்த4 விமோசனம்|
ப4க்தாய சாநுரக்தாய ப்3ரூஹி விஶ்வேஶ்வரேஶ்வர|| 5
ஶ்ரீப4க3வாநுவாச -
ந ஹ்யந்தோ அநந்தபாரஸ்ய கர்மகாண்ட3ஸ்ய சோத்3த4வ|
ஸம்க்ஷிப்தம் வர்ணயிஷ்யாமி யதா2வ த3நு பூர்வஶ:|| 6
வைதி3கஸ் தாந்த்ரிகோ மிஶ்ர இதி மே த்ரிவிதோ4 மக2:|
த்ரயாணாமீப்ஸிதேனைவ விதி4நா மாம் ஸமர்சரேத்|| 7
யதா3 ஸ்வநிக3மேநோக்தம் த்3விஜத்வம் ப்ராப்ய பூருஷ:|
யதா2 யஜேத மாம் ப4க்த்யா ஶ்ரத்3த4யா தந்நிபோ3த4 மே|| 8
அர்சாயாம் ஸ்த2ண்டி3லேऽக்3நௌ வா ஸூர்யே வாப்ஸு ஹ்ருதி3 த்3விஜ:|
த்3ரவ்யேண ப4க்தியுக்தோऽர்சேத் ஸ்வகு3ரும் மாமமாயயா|| 9
பூர்வம் ஸ்நானம் ப்ரகுர்வீத தௌ4த த3ந்தோऽங்க3 ஶுத்3த4யே|
உப4யைரபி ச ஸ்நானம் மந்த்ரைர்ம்ருத்3 க்3ரஹணாதி3நா|| 10
ஸந்த்4யோபாஸ்த்யாதி3கர்மாணி வேதே3 நாசோதி3தாநி மே|
பூஜாம் தை: கல்பயேத் ஸம்யக் ஸங்கல்ப: கர்மபாவநீம்|| 11
ஶைலீ தா3ருமயீ லௌஹீ லேப்யா லேக்2யா ச ஸைகதீ|
மநோமயீ மணிமயீ ப்ரதிமாஷ்ட விதா4 ஸ்ம்ருதா|| 12
சலாசலேதி த்3விவிதா4 ப்ரதிஷ்டா2 ஜீவமந்தி3ரம்|
உத்3வாஸாவாஹநே ந ஸ்த: ஸ்தி2ராயா முத்3த4வார்சனே|| 13
அஸ்தி2ராயாம் விகல்ப: ஸ்யாத் ஸ்த2ண்டி3லே து ப4வேத்3 த்3வயம்|
ஸ்நபனம் த்வவிலேப்யாயாமன்யத்ர பரிமார்ஜனம்|| 14
த்3ரவ்யை: ப்ரஸித்3தை4ர் மத்3யாக3: ப்ரதிமாதி3ஷ்வ மாயின:|
ப4க்தஸ்ய ச யதா2 லப்3தை4ர் ஹ்ருதி3 பா4வேன சைவ ஹி|| 15
ஸ்நாநாலங்கரணம் ப்ரேஷ்ட2மர்சாயாமேவது உத்3த4வ|
ஸ்த2ண்டி3லே தத்த்வ வின்யாஸோ வஹ்நா வாஜ்யப்லுதம் ஹவி:|| 16
ஸூர்யே சாப்4யர்ஹணம் ப்ரேஷ்ட2ம் ஸலிலே ஸலிலாதி3பி4:|
ஶ்ரத்3த4யோபாஹ்ருதம் ப்ரேஷ்ட2ம் ப4க்தேன மம வார்யபி|| 17
பூ4ர்யப்யப4க்தோபஹ்ருதம் ந மே தோஷாய கல்பதே|
க3ந்தோ4 தூ4ப: ஸுமனஸோ தீ3போऽந்நாத்3யம் ச கிம் புன:|| 18
ஶுசி: ஸம்ப்4ருதஸம்பா4ர: ப்ராக்3த3ர்பை4: கல்பிதாஸன:|
ஆஸீன: ப்ராகு3த3க்3 வார்சேத3ர்சாயாமத2 ஸம்முக2:|| 19
க்ருதன்யாஸ: க்ருதன்யாஸாம் மத3ர்சாம் பாணிநா ம்ருஜேத்|
கலஶம் ப்ரோக்ஷணீயம் ச யதா2வது3பஸாத4யேத்|| 20
தத3த்3பி4ர்தே3வ யஜனம் த்3ரவ்யாண்யாத்மானமேவ ச|
ப்ரோக்ஷ்ய பாத்ராணி த்ரீண்யத்3பி4ஸ் தைஸ்தைர் த்3ரவ்யைஶ்ச ஸாத4யேத்|| 21
பாத்3யார்க்4யாசமநீயார்த2ம் த்ரீணி பாத்ராணி தை3ஶிக:|
ஹ்ருதா3 ஶீர்ஷ்ணாத2 ஶிக2யா கா3யத்ர்யா சாபி4 மந்த்ரயேத்|| 22
பிண்டே3 வாய்வக்3நிஸம் ஶுத்3தே4 ஹ்ருத்பத்3மஸ்தா2ம் பராம் மம|
அண்வீம் ஜீவகலாம் த்4யாயேந்நாதா3ந்தே ஸித்3த4 பா4விதாம்|| 23
தயாऽऽத்ம பூ4தயா பிண்டே3 வ்யாப்தே ஸம்பூஜ்ய தன்மய:|
ஆவாஹ்யார்சாதி3ஷு ஸ்தா2ப்ய ந்யஸ்தாங்க3ம் மாம் ப்ரபூஜயேத்|| 24
பாத்3யோபஸ்பர்ஶாஹணாதீ3ன் உபசாரான் ப்ரகல்பயேத்|
த4ர்மாதி3பி4ஶ்ச நவபி4: கல்பயித்வாऽऽஸனம் மம|| 25
பத்3ம மஷ்டத3ளம் தத்ர கர்ணிகா கேஸரோஜ்ஜ்வலம்|
உபா4ப்4யாம் வேத3 தந்த்ராப்4யாம் மஹ்யம் தூப4யஸித்3த4யே|| 26
ஸுத3ர்ஶனம் பாஞ்ச ஜன்யம் க3தா3ஸீஷு த4நுர்ஹலான்|
முஸலம் கௌஸ்துப4ம் மாலாம் ஶ்ரீவத்ஸம் சாநுபூஜயேத்|| 27
நந்த3ம் ஸுநந்த3ம் க3ருட3ம் ப்ரசண்ட3ம் சண்ட3மேவ ச|
மஹாப3லம் ப3லம் சைவ குமுத3ம் குமுதே3க்ஷணம்|| 28
து3ர்கா3ம் விநாயகம் வ்யாஸம் விஷ்வக்ஸேனம் கு3ரூன் ஸுரான்|
ஸ்வே ஸ்வே ஸ்தா2னே த்வபி4முகா2ன் பூஜயேத் ப்ரோக்ஷணாதி3பி4:|| 29
சந்த3நோஶீர கர்பூர குங்குமாகு3ருவாஸிதை:|
ஸலிலை: ஸ்நாபயேன் மந்த்ரைர் நித்யதா3 விப4வே ஸதி|| 30
ஸ்வர்ணக4ர்மாநுவாகேன மஹாபுருஷ வித்3யயா|
பௌருஷேணாபி ஸூக்தேன ஸாமபீ4 ராஜ நாதி3பி4:|| 31
வஸ்த்ரோபவீதாப4ரண பத்ர ஸ்ரக்3 க3ந்த4லேபனை:|
அலங்குர்வீத ஸப்ரேம மத்3ப4க்தோ மாம் யதோ2சிதம்|| 32
பாத்3யமாசமனீயம் ச க3ந்த4ம் ஸுமனஸோऽக்ஷதான்|
தூ4பதீ3போபஹார்யாணி த3த்3யான்மே ஶ்ரத்3த4யார்சக:|| 33
கு3ட3பாயஸ ஸர்பீம்ஷி ஶஷ்குல்யாபூப மோத3கான்|
ஸம்யாவ த3தி4ஸூபாம்ஶ்ச னைவேத்3யம் ஸதி கல்பயேத்|| 34
அப்4யங்கோ3ன்மர்த3நாத3ர்ஶத3ந்த தா4வாபி4ஷேசனம்|
அந்நாத்3ய கீ3தந்ருத்யாதி3 பர்வணி ஸ்யுருதான்வஹம்|| 35
விதி4நா விஹிதே குண்டே3 மேக2லாக3ர்த வேதி3பி4:|
அக்3நிமாதா4ய பரித: ஸமூஹேத் பாணிநோதி3தம்|| 36
பரிஸ்தீர்யாத2 பர்யுக்ஷேத் அன்வாதா4ய யதா2விதி4|
ப்ரோக்ஷண்யாऽऽஸாத்3ய த்3ரவ்யாணி ப்ரோக்ஷ்யாக்3நௌ பா4வயேத மாம்|| 37
தப்த ஜாம்பூ3னத3 ப்ரக்2யம் ஶங்க2சக்ர க3தா3ம்பு3ஜை:|
லஸச்சதுர்பு4ஜம் ஶாந்தம் பத்3ம கிஞ்ஜல்கவாஸஸம்|| 38
ஸ்பு2ரத் கிரீட கடக கடி ஸூத்ர வராங்க3த3ம்|
ஶ்ரீவத்ஸவக்ஷஸம் ப்4ராஜத் கௌஸ்துப4ம் வனமாலினம்|| 39
த்4யாயந்நப்4யர்ச்ய தா3ரூணி ஹவிஷாபி4 க்4ருதாநி ச|
ப்ராஸ்யாஜ்ய பா4கா3வாகா4ரௌ த3த்வா சாஜ்யப்லுதம் ஹவி:|| 40
ஜுஹுயான் மூலமந்த்ரேண ஷோட3ஶர்சாவதா3னத:|
த4ர்மாதி3ப்4யோ யதா2ன்யாயம் மந்த்ரை: ஸ்விஷ்ட க்ருதம் பு3த4:|| 41
அப்4யர்ச்யாத2 நமஸ்க்ருத்ய பார்ஷதே3ப்4யோ ப3லிம் ஹரேத்|
மூலமந்த்ரம் ஜபேத்3 ப்3ரஹ்ம ஸ்மரன் நாராயணாத்மகம்|| 42
த3த்த்வாऽऽசமன முச்சே2ஷம் விஷ்வக்ஸேநாய கல்பயேத்|
முக2வாஸம் ஸுரபி4மத் தாம்பூ3லாத்3யம் அதா2ர்ஹயேத்|| 43
உபகா3யன் க்3ருணன் ந்ருத்யன் கர்மாண்யபி4நயன் மம|
மத்கதா2: ஶ்ராவயஞ் ஶ்ருண்வன் முஹூர்தம் க்ஷணிகோ ப4வேத்|| 44
ஸ்தவை ருச்சாவசை: ஸ்தோத்ரை: பௌராணை: ப்ராக்ருதைரபி|
ஸ்துத்வா ப்ரஸீத3 ப4க3வன் இதி வந்தே3த த3ண்ட3வத்|| 45
ஶிரோ மத்பாத3யோ: க்ருத்வா பா3ஹுப்4யாம் ச பரஸ்பரம்|
ப்ரபன்னம் பாஹி மாமீஶ பீ4தம் ம்ருத்யுக்3ரஹார்ணவாத்|| 46
இதி ஶேஷாம் மயா த3த்தாம் ஶிரஸ்யாதா4ய ஸாத3ரம்|
உத்3வாஸயேச்சேது3த்3வாஸ்யம் ஜ்யோதிர்ஜ்யோதிஷி தத் புன:|| 47
அர்சாதி3ஷு யதா3 யத்ர ஶ்ரத்3தா4 மாம் தத்ர சார்சயேத்|
ஸர்வ பூ4தேஷ்வாத்மனி ச ஸர்வாத்மாஹமவஸ்தி2த:|| 48
ஏவம் க்ரியா யோக3 பதை2: புமான் வைதி3க தாந்த்ரிகை:|
அர்சந்நுப4யத: ஸித்3தி4ம் மத்தோ விந்த3த்யபீ4ப்ஸிதாம்|| 49
மத3ர்சாம் ஸம்ப்ரதிஷ்டா2ப்ய மந்தி3ரம் காரயேத்3 த்3ருட4ம்|
புஷ்போத்3யாநாநி ரம்யாணி பூஜா யாத்ரோத்ஸவாஶ்ரிதான்|| 50
பூஜாதீ3நாம் ப்ரவாஹார்த2ம் மஹாபர்வஸ்வதா2ன்வஹம்|
க்ஷேத்ராபண புரக்3ராமான் த3த்வா மத்ஸார்ஷ்டி தாமியாத்|| 51
ப்ரதிஷ்ட2யா ஸார்வபௌ4மம் ஸத்3மநா பு4வனத்ரயம்|
பூஜாதி3நா ப்3ரஹ்மலோகம் த்ரிபி4ர் மத்ஸாம்ய தாமியாத்|| 52
மாமேவ நைரபேக்ஷ்யேண ப4க்தி யோகே3ன விந்த3தி|
ப4க்தியோக3ம் ஸ லப4தே ஏவம் ய: பூஜயேத மாம்|| 53
ய: ஸ்வத3த்தாம் பரைர்த3த்தாம் ஹரேத ஸுரவிப்ரயோ:|
வ்ருத்திம் ஸ ஜாயதே விட்3பு4க்3 வர்ஷாணாமயுதாயுதம்|| 54
கர்துஶ்ச ஸாரதே2ர்ஹேதோரநுமோதி3துரேவ ச|
கர்மணாம் பா4கி3ன: ப்ரேத்ய பூ4யோ பூ4யஸி தத் ப2லம்|| 55 ||
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஏகாத3ஶஸ்கந்தே4 ஸப்தவிம்ஶோऽத்4யாய:|| 27 ||
பதினொன்றாம் ஸ்கந்தம் - இருப்பத்தி ஏழாம் அத்யாயம் முற்றும்.