ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 85.
பகவான் ஸ்ரீ கிருஷ்ணர் வசுதேவருக்கு பிரம்ம ஞானத்தை உபதேசித்தலும், தேவகியினுடைய மரித்த ஆறு புத்ரர்களும் திரும்பி வருதலும்
அத2 பஞ்சாஶீதிதமோऽத்4யாய:
ஶ்ரீபா3த3ராயணிருவாச -
அதை2கதா3ऽऽத்மஜௌ ப்ராப்தௌ க்ருதபாதா3பி4வந்த3நௌ|
வஸுதே3வோऽபி4நந்த்3யாஹ ப்ரீத்யா ஸங்கர்ஷணாச்யுதௌ|| 1
முனீநாம் ஸ வச: ஶ்ருத்வா புத்ரயோர் தா4மஸூசகம்|
தத்3வீர்யைர் ஜாத விஶ்ரம்ப4: பரிபா4ஷ்யாப்4யபா4ஷத|| 2
க்ருஷ்ண க்ருஷ்ண மஹாயோகி3ன் ஸங்கர்ஷண ஸநாதன|
ஜாநே வாமஸ்ய யத் ஸாக்ஷாத் ப்ரதா4னபுருஷௌ பரௌ|| 3
யத்ர யேன யதோ யஸ்ய யஸ்மை யத்3 யத்3 யதா2 யதா3|
ஸ்யாதி3த3ம் ப4க3வான் ஸாக்ஷாத் ப்ரதா4ன புருஷேஶ்வர:|| 4
ஏதந் நானாவித4ம் விஶ்வமாத்ம ஸ்ருஷ்ட மதோ4க்ஷஜ|
ஆத்மநாநுப்ரவிஶ்யாத்மன் ப்ராணோ ஜீவோ பி3ப4ர் ஷ்யஜ|| 5
ப்ராணாதீ3நாம் விஶ்வஸ்ருஜாம் ஶக்தயோ யா: பரஸ்ய தா:|
பாரதந்த்ர்யாத்3 வை ஸாத்3ருஶ்யாத்3 த்3வயோஶ் சேஷ்டைவ சேஷ்டதாம்|| 6
காந்திஸ்தேஜ: ப்ரபா4 ஸத்தா சந்த்3ராக்3ன்யர்க்க ருக்ஷ வித்3யுதாம்|
யத் ஸ்தை2ர்யம் பூ4ப்4ருதாம் பூ4மேர் வ்ருத்திர் க3ந்தோ4ऽர்த2தோ ப4வான்|| 7
தர்பணம் ப்ராணநமபாம் தே3வத்வம் தாஶ்ச தத்3ரஸ:|
ஓஜ: ஸஹோ ப3லம் சேஷ்டா க3திர் வாயோஸ்தவேஶ்வர|| 8
தி3ஶாம் த்வமவகாஶோऽஸி தி3ஶ: க2ம் ஸ்போ2ட ஆஶ்ரய:|
நாதோ3 வர்ணஸ்த்வமோங்கார ஆக்ருதீநாம் ப்ருத2க் க்ருதி:|| 9
இந்த்3ரியம் த்விந்த்3ரியாணாம் த்வம் தே3வாஶ்ச தத3நுக்3ரஹ:|
அவபோ3தோ4 ப4வான் பு3த்3தே4ர் ஜீவஸ்யாநுஸ்ம்ருதி: ஸதீ|| 10
பூ4தாநாமஸி பூ4தாதி3ரிந்த்3ரியாணாம் ச தைஜஸ:|
வைகாரிகோ விகல்பாநாம் ப்ரதா4ந மநுஶாயினாம்|| 11
நஶ்வரேஷ்விஹ பா4வேஷு தத3ஸி த்வமநஶ்வரம்|
யதா2 த்3ரவ்ய விகாரேஷு த்3ரவ்ய மாத்ரம் நிரூபிதம்|| 12
ஸத்த்வம் ரஜஸ்தம இதி கு3ணாஸ் தத்3வ்ருத்தயஶ்ச யா:|
த்வய்யத்3தா4 ப்3ரஹ்மணி பரே கல்பிதா யோக3மாயயா|| 13
தஸ்மாந்ந ஸந்த்யமீ பா4வா யர்ஹி த்வயி விகல்பிதா:|
த்வம் சாமீஷு விகாரேஷு ஹ்யன்யதா3வ்யாவஹாரிக:|| 14
கு3ணப்ரவாஹ ஏதஸ்மின் அபு3தா4ஸ்த்வகி2லாத்மன:|
க3திம் ஸூக்ஷ்மாமபோ3தே4ன ஸம்ஸரந்தீஹ கர்மபி4:|| 15
யத்3ருச்ச2யா ந்ருதாம் ப்ராப்ய ஸுகல்பாமிஹ து3ர்லபா4ம்|
ஸ்வார்தே2 ப்ரமத்தஸ்ய வயோ க3தம் த்வன்மாயயேஶ்வர|| 16
அஸாவஹம் மமைவைதே தே3ஹே ச அஸ்யான்வயாதி3ஷு|
ஸ்நேஹ பாஶைர் நிப3த்4நாதி ப4வான் ஸர்வமித3ம் ஜக3த்|| 17
யுவாம் ந ந: ஸுதௌ ஸாக்ஷாத் ப்ரதா4ன புருஷேஶ்வரௌ|
பூ4பா4ரக்ஷத்ர க்ஷபண அவதீர்ணௌ ததா2ऽऽத்த2 ஹ|| 18
தத்தே க3தோऽஸ்ம்யரணமத்3ய பதா3ரவிந்த3-
மாபன்ன ஸம்ஸ்ருதி ப4யாபஹமார்த ப3ந்தோ4|
ஏதாவதாலமல மிந்த்3ரிய லாலஸேன
மர்த்யாத்மத்3ருக் த்வயி பரே யத3பத்ய பு3த்3தி4:|| 19
ஸூதீக்3ருஹே நநு ஜகா3த3 ப4வாநஜோ நௌ
ஸஞ்ஜஜ்ஞ இத்யநுயுக3ம் நிஜத4ர்ம கு3ப்த்யை|
நாநா தநூர் க3க3நவத்3 வித3த4ஜ்ஜஹாஸி
கோ வேத3 பூ4ம்ன உருகா3ய விபூ4தி மாயாம்|| 20
ஶ்ரீஶுக உவாச
ஆகர்ண் யேத்த2ம் பிதுர்வாக்யம் ப4க3வான் ஸாத்வதர்ஷப4:|
ப்ரத்யாஹ ப்ரஶ்ரயாநம்ர: ப்ரஹஸன் ஶ்லக்ஷ்ணயா கி3ரா|| 21
ஶ்ரீப4க3வாநுவாச
வசோ வ: ஸமவேதார்த2ம் தாதைதது3பமன்மஹே|
யந்ந: புத்ரான் ஸமுத்3தி3ஶ்ய தத்த்வக்3ராம உதா3ஹ்ருத:|| 22
அஹம் யூயமஸாவார்ய இமே ச த்3வாரகௌகஸ:|
ஸர்வேऽப்யேவம் யது3ஶ்ரேஷ்ட2 விம்ருக்3யா: ஸசராசரம்|| 23
ஆத்மா ஹ்யேக: ஸ்வயம் ஜ்யோதிர் நித்யோऽன்யோ நிர்கு3ணோ கு3ணை:|
ஆத்மஸ்ருஷ்டைஸ் தத்க்ருதேஷு பூ4தேஷு ப3ஹு தே4யதே|| 24
க2ம் வாயுர் ஜ்யோதிராபோ பூ4ஸ்தத்க்ருதேஷு யதா2ஶயம்|
ஆவிஸ்திரோऽல்ப பூ4ர்யேகோ நாநாத்வம் யாத்யஸாவபி|| 25
ஶ்ரீஶுக உவாச
ஏவம் ப4க3வதா ராஜன் வஸுதே3வ உதா3ஹ்ருதம்|
ஶ்ருத்வா விநஷ்ட நாநாதீ4ஸ் தூஷ்ணீம் ப்ரீதமநா அபூ4த்|| 26
அத2 தத்ர குருஶ்ரேஷ்ட2 தே3வகீ ஸர்வதே3வதா|
ஶ்ருத்வாऽऽநீதம் கு3ரோ: புத்ரமாத்மஜாப்4யாம் ஸுவிஸ்மிதா|| 27
க்ருஷ்ணராமௌ ஸமாஶ்ராவ்ய புத்ரான் கம்ஸவிஹிம்ஸிதான்|
ஸ்மரந்தீ க்ருபணம் ப்ராஹ வைக்லவ்யாத3ஶ்ரு லோசநா|| 28
ஶ்ரீதே3வக்யுவாச
ராம ராமாப்ரமேயாத்மன் க்ருஷ்ண யோகே3ஶ்வரேஶ்வர|
வேதா3ஹம் வாம் விஶ்வஸ்ருஜாம் ஈஶ்வராவாதி3பூருஷௌ|| 29
கால வித்4வஸ்த ஸத்த்வாநாம் ராஜ்ஞாமுச்சா2ஸ்த்ர வர்திநாம்|
பூ4மேர் பா4ராயமாணாநாம் அவதீர்ணௌ கிலாத்3ய மே|| 30
யஸ்யாம்ஶாம்ஶாம்ஶபா4கே3ன விஶ்வோத்பத்தி லயோத3யா:|
ப4வந்தி கில விஶ்வாத்மன் தம் த்வாத்3யாஹம் க3திம் க3தா|| 31
சிரான் ம்ருதஸுதாதா3னே கு3ருணா கிலசோதி3தௌ|
ஆநின்யது2: பித்ருஸ்தா2நாத்3 கு3ரவே கு3ருத3க்ஷிணாம்|| 32
ததா2 மே குருதம் காமம் யுவாம் யோகே3ஶ்வரேஶ்வரௌ|
போ4ஜராஜஹதான் புத்ரான் காமயே த்3ரஷ்டு மாஹ்ருதான்|| 33
ருஷிருவாச
ஏவம் ஸஞ்சோதி3தௌ மாத்ரா ராம: க்ருஷ்ணஶ்ச பா4ரத|
ஸுதலம் ஸம்விவிஶதுர் யோக3மாயா முபாஶ்ரிதௌ|| 34
தஸ்மின் ப்ரவிஷ்டாவுபலப்4ய தை3த்யராட்3
விஶ்வாத்மதை3வம் ஸுதராம் ததா2ऽऽத்மன:|
தத்3த3ர்ஶநாஹ்லாத3பரிப்லுதாஶய:
ஸத்3ய: ஸமுத்தா2ய நநாம ஸான்வய:|| 35
தயோ: ஸமாநீய வராஸனம் முதா3
நிவிஷ்டயோஸ்தத்ர மஹாத்மநோஸ்தயோ:|
த3தா4ர பாதா3வ வநிஜ்ய தஜ்ஜலம்
ஸவ்ருந்த3 ஆப்3ரஹ்ம புனத்3 யத3ம்பு3 ஹ|| 36
ஸமர்ஹயாமாஸ ஸ தௌ விபூ4திபி4ர்
மஹார்ஹ வஸ்த்ராப4ரணாநுலேபனை:|
தாம்பூ3ல தீ3பாம்ருத ப4க்ஷணாதி3பி4:
ஸ்வகோ3த்ர வித்தாத்ம ஸமர்பணேன ச|| 37
ஸ இந்த்3ரஸேநோ ப4க3வத்பதா3ம்பு3ஜம்
பி3ப்4ரன் முஹு: ப்ரேமவிபி4ந்நயா தி4யா|
உவாச ஹாநந்த3ஜலாகுலேக்ஷண:
ப்ரஹ்ருஷ்ட ரோமா ந்ருப க3த்3க3தா3க்ஷரம்|| 38
ப3லிருவாச
நமோऽனந்தாய ப்3ருஹதே நம: க்ருஷ்ணாய வேத4ஸே|
ஸாங்க்2ய யோக3விதாநாய ப்3ரஹ்மணே பரமாத்மனே|| 39
த3ர்ஶநம் வாம் ஹி பூ4தாநாம் து3ஷ்ப்ராபம் சாப்யது3ர்லப4ம்|
ரஜஸ்தம: ஸ்வபா4வாநாம் யந்ந: ப்ராப்தௌ யத்3ருச்ச2யா|| 40
தை3த்யதா3னவக3ந்த4ர்வா: ஸித்3த4 வித்3யாத்4ரசாரணா:|
யக்ஷரக்ஷ: பிஶாசாஶ்ச பூ4தப்ரமத2நாயகா:|| 41
விஶுத்3த4ஸத்வ தா4ம்ன்யத்3தா4 த்வயி ஶாஸ்த்ர ஶரீரிணி|
நித்யம் நிப3த்3த4வைராஸ்தே வயம் சான்யே ச தாத்3ருஶா:|| 42
கேசநோத்3ப3த்3த4வைரேண ப4க்த்யா கேசன காமத:|
ந ததா2 ஸத்வ ஸம்ரப்3தா4: ஸந்நிக்ருஷ்டா: ஸுராத3ய:|| 43
இத3 மித்த2மிதி ப்ராயஸ்தவ யோகே3ஶ்வரேஶ்வர|
ந வித3ந்த்யபி யோகே3ஶா யோக3மாயாம் குதோ வயம்|| 44
தன்ன: ப்ரஸீத3 நிரபேக்ஷவிம்ருக்3ய யுஷ்மத்-
பாதா3ரவிந்த3 தி4ஷணான்யக்3ருஹாந்த4 கூபாத்|
நிஷ்க்ரம்ய விஶ்வஶரணாங்க்4ர்யுபலப்3த4வ்ருத்தி:
ஶாந்தோ யதை2க உத ஸர்வஸகை2ஶ்சராமி|| 45
ஶாத்4யஸ்மாநீஶிதவ்யேஶ நிஷ்பாபான் குரு ந: ப்ரபோ4|
புமான் யச்ச்2ரத்3த4யா ஆதிஷ்ட2ம்ஶ்சோத3நாயா விமுச்யதே|| 46
ஶ்ரீப4க3வாநுவாச
ஆஸன் மரீசே: ஷட் புத்ரா ஊர்ணாயாம் ப்ரத2மேऽந்தரே|
தே3வா: கம் ஜஹஸுர் வீக்ஷ்ய ஸுதம் யபி4து முத்3யதம்|| 47
தேநாஸுரீமக3ன் யோநிமது4நாவத்3யகர்மணா|
ஹிரண்யகஶிபோர் ஜாதா நீதாஸ்தே யோக3மாயயா|| 48
தே3வக்யா உத3ரே ஜாதா ராஜன் கம்ஸவிஹிம்ஸிதா:|
ஸா தான்ஶோசத்யாத்மஜான் ஸ்வாம்ஸ்த இமேऽத்4யாஸதேऽந்திகே|| 49
இத ஏதான் ப்ரணேஷ்யாமோ மாத்ரு ஶோகாபநுத்தயே|
தத: ஶாபாத்3 விநிர்முக்தா லோகம் யாஸ்யந்தி விஜ்வரா:|| 50
ஸ்மரோத்3கீ3த2: பரிஷ்வங்க3: பதங்க3: க்ஷுத்3ரப்4ருத்3 க்4ருணீ|
ஷடி3மே மத்ப்ரஸாதே3ன புனர்யாஸ்யந்தி ஸத்3க3திம்|| 51
இத்யுக்த்வா தான் ஸமாதா3ய இந்த்3ரஸேனேன பூஜிதௌ|
புனர் த்3வாரவதீமேத்ய மாது: புத்ராநயச்ச2தாம்|| 52
தான் த்3ருஷ்ட்வா பா3லகான் தே3வீ புத்ரஸ்நேஹஸ்நுதஸ்தநீ|
பரிஷ்வஜ்யாங்கமாரோப்ய மூர்த்4ன்யஜிக்4ரத3பீ4க்ஷ்ணஶ:|| 53
அபாயயத் ஸ்தனம் ப்ரீதா ஸுதஸ்பர்ஶ பரிப்லுதா|
மோஹிதா மாயயா விஷ்ணோர் யயா ஸ்ருஷ்டி: ப்ரவர்ததே|| 54
பீத்வாம்ருதம் பயஸ்தஸ்யா: பீதஶேஷம் க3தா3ப்4ருத:|
நாராயணாங்க3 ஸம்ஸ்பர்ஶ ப்ரதிலப்3தா4த்ம த3ர்ஶநா:|| 55
தே நமஸ்க்ருத்ய கோ3விந்த3ம் தே3வகீம் பிதரம் ப3லம்|
மிஷதாம் ஸர்வபூ4தாநாம் யயுர் தா4ம தி3வௌகஸாம்|| 56
தம் த்3ருஷ்ட்வா தே3வகீ தே3வீ ம்ருதாக3மனநிர்க3மம்|
மேநே ஸுவிஸ்மிதா மாயாம் க்ருஷ்ணஸ்ய ரசிதாம் ந்ருப|| 57
ஏவம் விதா4ன்யத்3பு4தாநி க்ருஷ்ணஸ்ய பரமாத்மன:|
வீர்யாண்யநந்தவீர்யஸ்ய ஸந்த்யநந்தாநி பா4ரத|| 58
ஶ்ரீஸூத உவாச
ய இத3மநுஶ்ருணோதி ஶ்ராவயேத்3 வா முராரே:
சரிதம் அம்ருத கீர்தேர் வர்ணிதம் வ்யாஸ புத்ரை:|
ஜக3த3க4பி4த3லம் தத்3ப4க்தஸத்கர்ணபூரம்
ப4க3வதி க்ருதசித்தோ யாதி தத்க்ஷேமதா4ம|| 59
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தரார்தே4 ம்ருதாக்3ரஜாநயனம் நாம பஞ்சாஶீதிதமோऽத்4யாய:|| 85
பத்தாம் ஸ்கந்தம் - எண்பத்து ஐந்தாம் அத்யாயம் முற்றும்.