ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 79.
பல்வலனின் வதமும் பலராமரின் தீர்த்த யாத்திரையும்
அத2 ஏகோநாஶீதிதமோऽத்4யாய:
ஶ்ரீஶுக உவாச -
தத: பர்வண்யுபாவ்ருத்தே ப்ரசண்ட3: பாம்ஶுவர்ஷண:|
பீ4மோ வாயுரபூ4த்3 ராஜன் பூயக3ந்த4ஸ்து ஸர்வஶ:|| 1
ததோऽமேத்4யமயம் வர்ஷம் ப3ல்வலேன விநிர்மிதம்|
அப4வத்3 யஜ்ஞஶாலாயாம் ஸோऽன்வத்3ருஶ்யத ஶூலத்4ருக்|| 2
தம் விலோக்ய ப்3ருஹத்காயம் பி4ந்நாஞ்ஜநசயோபமம்|
தப்த தாம்ர ஶிகா2ஶ்மஶ்ரும் த3ம்ஷ்ட்ரோக்3ர ப்4ருகுடீமுக2ம்|| 3
ஸஸ்மார மூஸலம் ராம: பரஸைன்ய விதா3ரணம்|
ஹலம் ச தை3த்யத3மனம் தே தூர்ணமுபதஸ்த2து:|| 4
தமாக்ருஷ்ய ஹலாக்3ரேண ப3ல்வலம் க3க3நேசரம்|
மூஷலேநாஹநத் க்ருத்3தோ4 மூர்த்4னி ப்3ரஹ்மத்3ருஹம் ப3ல:|| 5
ஸோऽபதத்3 பு4வி நிர்பி4ன்ன லலாடோऽஸ்ருக் ஸமுத்ஸ்ருஜன்|
முஞ்சந்நார்தஸ்வரம் ஶைலோ யதா2 வஜ்ரஹதோऽருண:|| 6
ஸம்ஸ்துத்ய முனயோ ராமம் ப்ரயுஜ்யாவிததா2ஶிஷ:|
அப்4யஷிஞ்சன் மஹாபா4கா3 வ்ருத்ரக்4னம் விபு3தா4 யதா2|| 7
வைஜயந்தீம் த3து3ர் மாலாம் ஶ்ரீதா4மாம்லாநபங்கஜாம்|
ராமாய வாஸஸீ தி3வ்யே தி3வ்யான்யாப4ரணானி ச|| 8
அத2 தைரப்4யநுஜ்ஞாத: கௌஶிகீமேத்ய ப்3ராஹ்மணை:|
ஸ்நாத்வா ஸரோவர மகா3த்3 யத: ஸரயூராஸ்ரவத்|| 9
அநு ஸ்ரோதேன ஸரயூம் ப்ரயாக3முபக3ம்ய ஸ:|
ஸ்நாத்வா ஸந்தர்ப்ய தே3வாதீ3ன் ஜகா3ம புலஹாஶ்ரமம்|| 10
கோ3மதீம் க3ண்ட3கீம் ஸ்நாத்வா விபாஶாம் ஶோண ஆப்லுத:|
க3யாம் க3த்வா பித்ரூ நிஷ்ட்வா க3ங்கா3 ஸாக3ர ஸங்க3மே|| 11
உபஸ்ப்ருஶ்ய மஹேந்த்3ராத்3ரௌ ராமம் த்3ருஷ்ட்வாபி4வாத்3ய ச|
ஸப்த கோ3தா3வரீம் வேணாம் பம்பாம் பீ4மரதீ2ம் தத:|| 12
ஸ்கந்த3ம் த்3ருஷ்ட்வா யயௌ ராம: ஶ்ரீஶைலம் கி3ரிஶாலயம்|
த்3ரவிடே3ஷு மஹாபுண்யம் த்3ருஷ்ட்வாத்3ரிம் வேங்கடம் ப்ரபு4:|| 13
காமகோஷ்ணீம் புரீம் காஞ்சீம் காவேரீம் ச ஸரித்3வராம்|
ஶ்ரீரங்கா3க்2யம் மஹாபுண்யம் யத்ர ஸந்நிஹிதோ ஹரி:|| 14
ருஷபா4த்3ரிம் ஹரே: க்ஷேத்ரம் த3க்ஷிணாம் மது2ராம் ததா2|
ஸாமுத்3ரம் ஸேதுமக3மன் மஹாபாதக நாஶனம்|| 15
தத்ராயுதமதா3த்3 தே4நூர் ப்3ராஹ்மணேப்4யோ ஹலாயுத4:|
க்ருதமாலாம் தாம்ரபர்ணீம் மலயம் ச குலாசலம்|| 16
தத்ராக3ஸ்த்யம் ஸமாஸீநம் நமஸ்க்ருத்யாபி4வாத்3ய ச|
யோஜிதஸ்தேன சாஶீர்பி4ரநுஜ்ஞாதோ க3தோऽர்ணவம்|
த3க்ஷிணம் தத்ர கன்யாக்2யாம் து3ர்கா3ம் தே3வீம் த3த3ர்ஶ ஸ:|| 17
தத: பா2ல்கு3நமாஸாத்3ய பஞ்சாப்ஸரஸமுத்தமம்|
விஷ்ணு: ஸந்நிஹிதோ யத்ர ஸ்நாத்வாஸ்பர்ஶத்3 க3வாயுதம்|| 18
ததோऽபி4வ்ரஜ்ய ப4க3வான் கேரலாம்ஸ்து த்ரிக3ர்தகான்|
கோ3கர்ணாக்2யம் ஶிவக்ஷேத்ரம் ஸாந்நித்4யம் யத்ர தூ4ர்ஜடே:|| 19
ஆர்யாம் த்3வைபாயனீம் த்3ருஷ்ட்வா ஶூர்பாரகமகா3த்3 ப3ல:|
தாபீம் பயோஷ்ணீம் நிர்விந்த்4யாம் உபஸ்ப்ருஶ்யாத2 த3ண்ட3கம்|| 20
ப்ரவிஶ்ய ரேவாமக3மத்3 யத்ர மாஹிஷ்மதீ புரீ|
மநுதீர்த2முபஸ்ப்ருஶ்ய ப்ரபா4ஸம் புனராக3மத்|| 21
ஶ்ருத்வா த்3விஜை: கத்2யமானம் குருபாண்ட3வஸம்யுகே3|
ஸர்வராஜன்ய நித4நம் பா4ரம் மேநே ஹ்ருதம் பு4வ:|| 22
ஸ பீ4மது3ர்யோத4னயோர் க3தா3ப்4யாம் யுத்4யதோர் ம்ருதே4|
வாரயிஷ்யன் விநஶனம் ஜகா3ம யது3நந்த3ன:|| 23
யுதி4ஷ்டி2ரஸ்து தம் த்3ருஷ்ட்வா யமௌ க்ருஷ்ணார்ஜுநாவபி|
அபி4வாத்3யாப4வம்ஸ்துஷ்ணீம் கிம் விவக்ஷுரிஹாக3த:|| 24
க3தா3பாணீ உபௌ4 த்3ருஷ்ட்வா ஸம்ரப்3தௌ4 விஜயைஷிணௌ|
மண்ட3லாநி விசித்ராணி சரந்தாவித3மப்3ரவீத்|| 25
யுவாம் துல்யப3லௌ வீரௌ ஹே ராஜன் ஹே வ்ருகோத3ர|
ஏகம் ப்ராணாதி4கம் மன்யே உதைகம் ஶிக்ஷயாதி4கம்|| 26
தஸ்மாதே3கதரஸ்யேஹ யுவயோ: ஸமவீர்யயோ:|
ந லக்ஷ்யதே ஜயோऽன்யோ வா விரமத்வப2லோ ரண:|| 27
ந தத்3வாக்யம் ஜக்3ருஹதுர் ப3த்3த4வைரௌ ந்ருபார்த2வத்|
அநுஸ்மரந்தாவன்யோன்யம் து3ருக்தம் து3ஷ்க்ருதானி ச|| 28
தி3ஷ்டம் தத3நுமன்வாநோ ராமோ த்3வாரவதீம் யயௌ|
உக்3ரஸேநாதி3பி4: ப்ரீதைர் ஜ்ஞாதிபி4: ஸமுபாக3த:|| 29
தம் புநர் நைமிஷம் ப்ராப்தம் ருஷயோऽயாஜயன் முதா3|
க்ரத்வங்க3ம் க்ரதுபி4: ஸர்வைர் நிவ்ருத்தாகி2ல விக்3ரஹம்|| 30
தேப்4யோ விஶுத்3த4 விஜ்ஞாநம் ப4க3வான் வ்யதரத்3 விபு4:|
யேனைவாத்மன்யதோ3 விஶ்வமாத்மானம் விஶ்வக3ம் விது3:|| 31
ஸ்வபத்யாவப்4ருத2ஸ்நாதோ ஜ்ஞாதிப3ந்து4 ஸுஹ்ருத்3வ்ருத:|
ரேஜே ஸ்வஜ்யோத்ஸ்நயேவேந்து3: ஸுவாஸா: ஸுஷ்ட்2வலங்க்ருத:|| 32
ஈத்3ருக்3விதா4ன்யஸங்க்2யாநி ப3லஸ்ய ப3லஶாலின:|
அனந்தஸ்யாப்ரமேயஸ்ய மாயாமர்த்யஸ்ய ஸந்தி ஹி|| 33
யோऽநுஸ்மரேத ராமஸ்ய கர்மாண்யத்3பு4தகர்மண:|
ஸாயம் ப்ராதரநந்தஸ்ய விஷ்ணோ: ஸ த3யிதோ ப4வேத்|| 34
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தரார்தே4 ப3லதே3வ தீர்த2 யாத்ரா நிரூபணம் நாம ஏகோநாஶீதிதமோऽத்4யாய:|| 79
பத்தாம் ஸ்கந்தம் - எழுபத்து ஒன்பதாம் அத்யாயம் முற்றும்.