ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 37.
கேசி மற்றும் வ்யோமாசுரர்களின் உத்தாரணம் மற்றும் நாரதர் பகவானைத் துதி செய்வது
அத2 ஸப்தத்ரிம்ஶோऽத்4யாய:
ஶ்ரீஶுக உவாச -
கேஶீ து கம்ஸப்ரஹித: கு2ரைர் மஹீம்
மஹாஹயோ நிர்ஜரயன் மநோஜவ: |
ஸடாவதூ4தாப்4ர விமான ஸங்குலம்
குர்வன் நபோ4 ஹேஷிதபீ4ஷிதாகி2ல: || 1 ||
விஶாலநேத்ரோ விகடாஸ்யகோடரோ
ப்3ருஹத்3க3லோ நீலமஹாம்பு3தோ3பம: |
து3ராஶய: கம்ஸஹிதம் சிகீர்ஷுர்
வ்ரஜம் ஸ நம்த3ஸ்ய ஜகா3ம கம்பயன் || 2 ||
தம் த்ராஸயந்தம் ப4க3வான் ஸ்வகோ3குலம்
தத்3தே4ஷிதைர் வாலவிகூ4ர்ணிதாம்பு3த3ம் |
ஆத்மானமாஜௌ ம்ருக3யந்தமக்3ரணீ
ருபாஹ்வயத் ஸ வ்யனத3ன் ம்ருகே3ந்த்3ரவத் || 3 ||
ஸ தம் நிஶாம்யாபி4முகோ2 மகே2ன க2ம்
பிப3ந்நிவாப்4யத்3ரவத3த்யமர்ஷண: |
ஜகா4ன பத்3ப்4யாமரவிந்த3லோசனம்
து3ராஸத3ஶ் சண்ட3ஜவோ து3ரத்யய: || 4 ||
தத்3 வஞ்சயித்வா தமதோ4க்ஷஜோ ருஷா
ப்ரக்3ருஹ்ய தோ3ர்ப்4யாம் பரிவித்4ய பாத3யோ: |
ஸாவஜ்ஞ முத்ஸ்ருஜ்ய த4நு:ஶதாந்தரே
யதோ2ரக3ம் தார்க்ஷ்யஸுதோ வ்யவஸ்தி2த: || 5 ||
ஸ: லப்3த4ஸம்ஜ்ஞ: புனருத்தி2தோ ருஷா
வ்யாதா3ய கேஶீ தரஸாऽऽபதத்3 ஹரிம் |
ஸோऽப்யஸ்ய வக்த்ரே பு4ஜமுத்தரம் ஸ்மயன்
ப்ரவேஶயாமாஸ யதோ2ரக3ம் பி3லே || 6 ||
த3ந்தா நிபேதுர் ப4க3வத்3பு4ஜஸ்ப்ருஶஸ்
தே கேஶினஸ்தப்தமய:ஸ்ப்ருஶோ யதா2 |
பா3ஹுஶ்ச தத்3தே3ஹக3தோ மஹாத்மநோ
யதா2ऽऽமய: ஸம்வவ்ருதே4 உபேக்ஷித: || 7 ||
ஸமேத4மானேன ஸ க்ருஷ்ணபா3ஹுநா
நிருத்3த4வாயுஶ்சரணாம்ஶ்ச விக்ஷிபன் |
ப்ரஸ்விந்நகா3த்ர: பரிவ்ருத்தலோசன:
பபாத லேண்ட3ம் விஸ்ருஜன் க்ஷிதௌ வ்யஸு: || 8 ||
தத்3தே3ஹத: கர்கடிகாப2லோபமாத்3
வ்யஸோரபாக்ருஷ்ய பு4ஜம் மஹாபு4ஜ: |
அவிஸ்மிதோऽயத்ன ஹ தாரி ருத்ஸ்மயை:
ப்ரஸூநவர்ஷைர் தி3விஷத்3பி4ரீடி3த: || 9 ||
தே3வர்ஷிருபஸங்க3ம்ய பா4க3வதப்ரவரோ ந்ருப |
க்ருஷ்ண மக்லிஷ்டகர்மாணம் ரஹஸ்யேதத3பா4ஷத || 10 ||
க்ருஷ்ண க்ருஷ்ணாப்ரமேயாத்மன் யோகே3ஶ ஜக3தீ3ஶ்வர |
வாஸுதே3வாகி2லாவாஸ ஸாத்வதாம் ப்ரவர ப்ரபோ4 || 11 ||
த்வமாத்மா ஸர்வபூ4தாநாமேகோ ஜ்யோதிரிவைத4ஸாம் |
கூ3டோ3 கு3ஹாஶய: ஸாக்ஷீ மஹாபுருஷ ஈஶ்வர: || 12 ||
ஆத்மநாऽऽத்மாஶ்ரய: பூர்வம் மாயயா ஸஸ்ருஜே கு3ணான் |
தைரித3ம் ஸத்யஸங்கல்ப: ஸ்ருஜஸ்யத்ஸ்யவஸீஶ்வர: || 13 ||
ஸ த்வம் பூ4த4ர பூ4தாநாம் தை3த்ய ப்ரமத2ரக்ஷஸாம் |
அவதீர்ணோ விநாஶாய ஸேதூநாம் ரக்ஷணாய ச || 14 ||
தி3ஷ்ட்யா தே நிஹதோ தை3த்யோ லீலயாயம் ஹயாக்ருதி: |
யஸ்ய ஹேஷித ஸந்த்ரஸ்தாஸ் த்யஜந்த் யநிமிஷா தி3வம் || 15 ||
சாணூரம் முஷ்டிகம் சைவ மல்லாநன்யாம்ஶ்ச ஹஸ்தினம் |
கம்ஸம் ச நிஹதம் த்3ரக்ஷ்யே பரஶ்வோऽஹநி தே விபோ4 || 16 ||
தஸ்யாநு ஶங்க2யவநமுராணாம் நரகஸ்ய ச |
பாரிஜாதாபஹரண மிந்த்3ரஸ்ய ச பராஜயம் || 17 ||
உத்3வாஹம் வீரகன்யாநாம் வீர்ய ஶுல்காதி3லக்ஷணம் |
ந்ருக3ஸ்ய மோக்ஷணம் பாபாத்3 த்3வாரகாயாம் ஜக3த்பதே || 18 ||
ஸ்யமந்தகஸ்ய ச மணேராதா3னம் ஸஹ பா4ர்யயா |
ம்ருதபுத்ர ப்ரதா3னம் ச ப்3ராஹ்மணஸ்ய ஸ்வதா4மத: || 19 ||
பௌண்ட்3ரகஸ்ய வத4ம் பஶ்சாத் காஶிபுர்யாஶ்ச தீ3பனம் |
த3ந்தவக்ரஸ்ய நித4னம் சைத்3யஸ்ய ச மஹாக்ரதௌ || 20 ||
யானி சான்யானி வீர்யாணி த்3வாரகாமாவஸன் ப4வான் |
கர்தா த்3ரக்ஷ்யாம்யஹம் தானி கே3யானி கவிபி4ர் பு4வி || 21 ||
அத2 தே காலரூபஸ்ய க்ஷபயிஷ்ணோ ரமுஷ்ய வை |
அக்ஷௌஹிணீநாம் நித4னம் த்3ரக்ஷ்யாம்யர்ஜுன ஸாரதே2: || 22 ||
விஶுத்3த4 விஜ்ஞானக4னம் ஸ்வஸம்ஸ்த2யா
ஸமாப்தஸர்வார்த2 மமோக4வாஞ்சி2தம் |
ஸ்வதேஜஸா நித்யநிவ்ருத்த மாயா-
கு3ணப்ரவாஹம் ப4க3வந்தமீமஹி || 23 ||
த்வாமீஶ்வரம் ஸ்வாஶ்ரய மாத்மமாயயா
விநிர்மிதாஶேஷ விஶேஷ கல்பனம் |
க்ரீடா3ர்த2மத்3யாத்த மநுஷ்ய விக்3ரஹம்
நதோऽஸ்மி து4ர்யம் யது3வ்ருஷ்ணிஸாத்வதாம் || 24 ||
ஶ்ரீஶுக உவாச -
ஏவம் யது3பதிம் க்ருஷ்ணம் பா4க3வத ப்ரவரோ முனி: |
ப்ரணிபத்யாப்4யநுஜ்ஞாதோ யயௌ தத்3த3ர்ஶநோத்ஸவ: || 25 ||
ப4க3வானபி கோ3விந்தோ3 ஹத்வா கேஶினமாஹவே |
பஶூனபாலயத் பாலை: ப்ரீதைர் வ்ரஜஸுகா2வஹ: || 26 ||
ஏகதா3 தே பஶூன் பாலாஶ்சாரயந்தோऽத்3ரிஸாநுஷு |
சக்ருர் நிலாயன க்ரீடா3ஶ் சோரபாலாபதே3ஶத: || 27 ||
தத்ராஸன் கதிசிச்சோரா: பாலாஶ்ச கதிசிந்ந்ருப |
மேஷாயிதாஶ்ச தத்ரைகே விஜஹ்ரு ரகுதோப4யா: || 28 ||
மயபுத்ரோ மஹாமாயோ வ்யோமோ கோ3பாலவேஷ த்4ருக் |
மேஷாயிதாநபோவாஹ ப்ராயஶ் சோராயிதோ ப3ஹூன் || 29 ||
கி3ரித3ர்யாம் விநிக்ஷிப்ய நீதம் நீதம் மஹாஸுர: |
ஶிலயா பித3தே4 த்3வாரம் சது:பஞ்சாவஶேஷிதா: || 30 ||
தஸ்ய தத் கர்ம விஜ்ஞாய க்ருஷ்ண: ஶரணத3: ஸதாம் |
கோ3பான் நயந்தம் ஜக்3ராஹ வ்ருகம் ஹரிரிவௌஜஸா || 31 ||
ஸ நிஜம் ரூபமாஸ்தா2ய கி3ரீந்த்3ரஸத்3ருஶம் ப3லீ |
இச்ச2ன் விமோக்துமாத்மானம் நாஶக்நோத்3 க்3ரஹணாதுர: || 32 ||
தம் நிக்3ருஹ்யாச்யுதோ தோ3ர்ப்4யாம் பாதயித்வா மஹீதலே |
பஶ்யதாம் தி3வி தே3வாநாம் பஶுமாரமமாரயத் || 33 ||
கு3ஹாபிதா4னம் நிர்பி4த்3ய கோ3பான் நி:ஸார்ய க்ருச்ச்2ரத: |
ஸ்தூயமான: ஸுரைர் கோ3பை: ப்ரவிவேஶ ஸ்வகோ3குலம் || 34 ||
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 வ்யோமாஸுரவதோ4 நாம ஸப்த த்ரிம்ஶோऽத்4யாய: || 37 ||
பத்தாம் ஸ்கந்தம் - முப்பத்தி ஏழாம் அத்யாயம் முற்றும்.