ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 35.
யுகள கீதம்
அத2 பஞ்சத்ரிம்ஶோऽத்4யாய:
ஶ்ரீஶுக உவாச -
கோ3ப்ய: க்ருஷ்ணே வனம் யாதே தமநுத்3ருத சேதஸ: |
க்ருஷ்ணலீலா: ப்ரகா3யந்த்யோ நின்யுர் து3:கே2ன வாஸரான் || 1
ஶ்ரீகோ3ப்ய ஊசு: -
வாமபா3ஹுக்ருத வாமகபோலோ
வல்கி3தப்4ருரத4ரார்பித வேணும் |
கோமளாங்கு3லிபி4ராஶ்ரித மார்க3ம்
கோ3ப்ய ஈரயதி யத்ர முகுந்த3: || 2
வ்யோமயான வநிதா: ஸஹ ஸித்3தை4ர்
விஸ்மிதாஸ் தது3பதா4ர்ய ஸலஜ்ஜா: |
காமமார்க3ண ஸமர்பித சித்தா:
கஶ்மலம் யயுரபஸ்ம்ருத நீவ்ய: || 3
ஹந்த சித்ரமப3லா: ஶ்ருணுதேத3ம்
ஹாரஹாஸ உரஸி ஸ்தி2ரவித்3யுத் |
நந்த3ஸூநுரயமார்த ஜநாநாம்
நர்மதோ3 யர்ஹி கூஜிதவேணு: || 4
வ்ருந்த3ஶோ வ்ரஜவ்ருஷா ம்ருக3கா3வோ
வேணுவாத்3ய ஹ்ருதசேதஸ ஆராத் |
த3ந்த த3ஷ்டகவலா த்4ருதகர்ணா
நித்3ரிதா லிகி2தசித்ர மிவாஸன் || 5
ப3ர்ஹிணஸ்தப3க தா4து பலாஶைர்
ப3த்3த4மல்ல பரிப3ர்ஹவிட3ம்ப3: |
கர்ஹிசித் ஸப3ல ஆலி ஸ கோ3பைர்
கா3: ஸமாஹ்வயதி யத்ர முகுந்த3: || 6
தர்ஹி ப4க்3னக3தய: ஸரிதோ வை
தத்பதா3ம்பு3ஜ ரஜோऽநிலநீதம் |
ஸ்ப்ருஹயதீர் வயமிவாப3ஹு புண்யா:
ப்ரேமவேபிதபு4ஜா: ஸ்திமிதாப: || 7
அநுசரை: ஸமநுவர்ணிதவீர்ய
ஆதி3பூருஷ இவாசலபூ4தி: |
வனசரோ கி3ரிதடேஷு சரந்தீர்
வேணுநா ऽऽஹ்வயதி கா3: ஸ யதா3 ஹி || 8
வனலதாஸ்தரவ ஆத்மனி விஷ்ணும்
வ்யஞ்ஜயந்த்ய இவ புஷ்பப2லாட்4யா: |
ப்ரணதபா4ரவிடபா மது4தா4ரா:
ப்ரேமஹ்ருஷ்டதனவ: ஸஸ்ருஜு: ஸ்ம || 9
த3ர்ஶநீயதிலகோ வனமாலா-
தி3வ்யக3ந்த4 துளஸீ மது4மத்தை: |
அலிகுலைரலகு4 கீ3தாமபீ4ஷ்ட-
மாத்3ரியன் யர்ஹி ஸந்தி4தவேணு: || 10
ஸரஸி ஸாரஸஹம்ஸ விஹங்கா3ஶ்
சாருகீ3த ஹ்ருதசேதஸ ஏத்ய |
ஹரிமுபாஸத தே யதசித்தா
ஹந்த மீலித த்3ருஶோ த்4ருதமௌநா: || 11
ஸஹப3ல: ஸ்ரக3வதம்ஸவிலாஸ:
ஸாநுஷு க்ஷிதிப்4ருதோ வ்ரஜதே3வ்ய: |
ஹர்ஷயன் யர்ஹி வேணுரவேண
ஜாதஹர்ஷ உபரம்ப4தி விஶ்வம் || 12
மஹத3திக்ரமண ஶங்கிதசேதா
மந்த3 மந்த3 மநுக3ர்ஜதி மேக4: |
ஸுஹ்ருத3மப்4யவர்ஷத் ஸுமநோபி4ஶ்
சா2யயா ச வித3த4த் ப்ரதபத்ரம் || 13
விவித4 கோ3ப சரணேஷு வித3க்3தோ4
வேணுவாத்3ய உருதா4 நிஜஶிக்ஷா: |
தவ ஸுத: ஸதி யதா3த4ரபி3ம்பே3
த3த்தவேணுரநயத் ஸ்வரஜாதீ: || 14
ஸவனஶஸ்தது3பதா4ர்ய ஸுரேஶா:
ஶக்ரஶர்வ பரமேஷ்டி2 புரோகா3: |
கவய ஆநதகந்த4ர சித்தா:
கஶ்மலம் யயுரநிஶ்சித தத்வா: || 15
நிஜபதா3ப்3ஜ த3லைர் த்4வஜவஜ்ர-
நீரஜாங்குஶ விசித்ரலலாமை: |
வ்ரஜபு4வ: ஶமயன் கு2ரதோத3ம்
வர்ஷ்மது4ர்யக3தி ரீடி3தவேணு: || 16
வ்ரஜதி தேன வயம் ஸவிலாஸ
வீக்ஷணார்பித மநோப4வ வேகா3: |
குஜக3திம் க3மிதா ந விதா3ம:
கஶ்மலேன கப3ரம் வஸனம் வா || 17
மணித4ர: க்வசிதா3க3ணயன் கா3
மாலயா த3யிதக3ந்த4துளஸ்யா: |
ப்ரணயிநோऽநுசரஸ்ய கதா3ம்ஸே
ப்ரக்ஷிபன் பு4ஜமகா3யத யத்ர || 18
க்வணித வேணுரவ வஞ்சிதசித்தா:
க்ருஷ்ண மன்வஸத க்ருஷ்ண க்3ருஹிண்ய: |
கு3ணக3ணார்ணமநுக3த்ய ஹரிண்யோ
கோ3பிகா இவ விமுக்தக்3ருஹாஶா: || 19
குந்த3 தா3ம க்ருத கௌதுகவேஷோ
கோ3ப கோ3த4னவ்ருதோ யமுநாயாம் |
நந்த3ஸூநுரநகே4 தவ வத்ஸோ
நர்மத3: ப்ரணயினாம் விஜஹார || 20
மந்த3வாயுருப வாத்யநகூலம்
மாநயன் மலயஜஸ்பர்ஶேன |
வந்தி3நஸ்தமுபதே3வக3ணா யே
வாத்3யகீ3த ப3லிபி4: பரிவவ்ரு: || 21
வத்ஸலோ வ்ரஜக3வாம் யத3க3த்4ரோ
வந்த்3யமானசரண: பதி2 வ்ருத்3தை4: |
க்ருத்ஸ்ந கோ3த4நமுபோஹ்ய தி3நாந்தே
கீ3த வேணுரநுகே3டி3தகீர்தி: || 22
உத்ஸவம் ஶ்ரமருசாபி த்3ருஶீநா-
முந்நயன் கு2ரரஜஶ்சு2ரிதஸ்ரக் |
தி3த்ஸயைதி ஸுஹ்ருதா3ஸிஷ ஏஷ
தே3வகீஜட2ர பூ4ருடு3ராஜ: || 23
மத3 விகூ4ர்ணித லோசன ஈஷன்-
மானத3: ஸ்வஸுஹ்ருதா3ம் வனமாலீ |
ப3த3ரபாண்டு3வத3நோ ம்ருது3க3ண்ட3ம்
மண்ட3யன் கனககுண்ட3ல லக்ஷ்ம்யா || 24
யது3பதிர் த்3விரத3ராஜ விஹாரோ
யாமிநீபதி ரிவைஷ தி3னாந்தே |
முதி3தவக்த்ர உபயாதி து3ரந்தம்
மோசயன் வ்ரஜக3வாம் தி3னதாபம் || 25
ஶ்ரீஶுக உவாச -
ஏவம் வ்ரஜஸ்த்ரியோ ராஜன் க்ருஷ்ணலீலா நு கா3யதீ: |
ரேமிரேऽஹஸ்ஸு தச்சித்தாஸ்தன்மனஸ்கா மஹோத3யா: || 26
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 வ்ருந்தா3வன க்ரீடா3யாம் கோ3பிகா யுக3ளகீ3தம் நாம பஞ்சத்ரிம்ஶோऽத்4யாய: || 35 ||
பத்தாம் ஸ்கந்தம் - முப்பத்தி ஐந்தாம் அத்யாயம் முற்றும்.