ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 31.
கோபிகா கீதம்
அத2 ஏகத்ரிம்ஶோऽத்4யாய:
கோ3ப்ய ஊசு: -
ஜயதி தேऽதி4கம் ஜன்மநா வ்ரஜ:
ஶ்ரயத இந்தி3ரா ஶஶ்வத3த்ர ஹி|
த3யித த்3ருஶ்யதாம் தி3க்ஷு தாவகா
ஸ்த்வயி த்4ருதாஸவஸ் த்வாம் விசின்வதே|| 1
ஶரது3தா3ஶயே ஸாது4ஜாதஸத்
ஸரஸிஜோத3ரஶ்ரீமுஷா த்3ருஶா|
ஸுரதநாத2 தேऽஶுல்க தா3ஸிகா
வரத3 நிக்4நதோ நேஹ கிம் வத4:|| 2
விஷஜலாப்யயாத்3 வ்யாள ராக்ஷஸாத்3
வர்ஷமாருதாத்3 வைத்3யுதாநலாத்|
வ்ருஷமயாத்மஜாத்3 விஶ்வதோ ப4யாத்3
ருஷப4 தே வயம் ரக்ஷிதா முஹு:|| 3
ந க2லு கோ3பீகாநந்த3நோ ப4வா-
நகி2லதே3ஹிநாமந்தராத்மத்3ருக்|
விக2னஸார்தி2தோ விஶ்வகு3ப்தயே
ஸக2 உதே3யிவான் ஸாத்வதாம் குலே|| 4
விரசிதாப4யம் வ்ருஷ்ணிதூ4ர்ய தே
சரணமீயுஷாம் ஸம்ஸ்ருதேர் ப4யாத்|
கரஸரோருஹம் காந்த காமத3ம்
ஶிரஸி தே4ஹி ந: ஶ்ரீகரக்3ரஹம்|| 5
வ்ரஜ ஜநார்திஹன் வீர யோஷிதாம்
நிஜஜனஸ்மய த்4வம்ஸந ஸ்மித|
ப4ஜ ஸகே2 ப4வத் கிங்கரீ: ஸ்ம நோ
ஜலருஹானனம் சாரு த3ர்ஶய|| 6
ப்ரணத தே3ஹிநாம் பாபகர்ஸனம்
த்ருணசராநுக3ம் ஶ்ரீநிகேதனம்|
ப2ணிப2ணார்பிதம் தே பதா3ம்பு3ஜம்
க்ருணு குசேஷு ந: க்ருந்தி4 ஹ்ருச்ச2யம்|| 7
மது4ரயா கி3ரா வல்கு3வாக்யயா
பு3த4மநோஜ்ஞயா புஷ்கரேக்ஷண|
விதி4கரீரிமா வீர முஹ்யதீ
ரத4ரஸீது4நாऽऽப்யாயயஸ்வ ந:|| 8
தவ கதா2ம்ருதம் தப்த ஜீவனம்
கவிபி4ரீடி3தம் கல்மஷாபஹம்|
ஶ்ரவணமங்க3ளம் ஶ்ரீமதா3ததம்
பு4வி க்3ருணந்தி தே பூ4ரிதா3 ஜனா:|| 9
ப்ரஹஸிதம் ப்ரிய ப்ரேமவீக்ஷணம்
விஹரணம் ச தே த்4யானமங்க3ளம்|
ரஹஸி ஸம்விதோ3 யா ஹ்ருதி3ஸ்ப்ருஶ:
குஹக நோ மன: க்ஷோப4யந்தி ஹி|| 10
சலஸி யத்3 வ்ரஜாச்சாரயன் பஶூன்
நளினஸுந்த3ரம் நாத2 தே பத3ம்|
ஶிலத்ருணாங்குரை: ஸீத3தீதி ந:
கலிலதாம் மன: காந்த க3ச்ச2தி|| 11
தி3னபரிக்ஷயே நீலகுந்தலைர்-
வனருஹாநனம் பி3ப்4ரதா3வ்ருதம்|
க4னரஜஸ்வலம் த3ர்ஶயன் முஹுர்-
மனஸி ந: ஸ்மரம் வீர யச்ச2ஸி|| 12
ப்ரணத காமத3ம் பத்3மஜார்சிதம்
த4ரணிமண்ட3னம் த்4யேயமாபதி3|
சரணபங்கஜம் ஶந்தமம் ச தே
ரமண ந: ஸ்தநேஷ்வர்பயாதி4ஹன்|| 13
ஸுரதவர்த4னம் ஶோகநாஶனம்
ஸ்வரிதவேணுநா ஸுஷ்டு2 சும்பி3தம்|
இதரராக3 விஸ்மாரணம் ந்ருணாம்
விதர வீர நஸ்தேऽத4ராம்ருதம்|| 14
அடதி யத்3 ப4வான் அன்ஹி கானனம்
த்ருடிர் யுகா3யதே த்வாமபஶ்யதாம்|
குடிலகுந்தளம் ஶ்ரீமுக2ம் ச தே
ஜட3 உதீ3க்ஷதாம் பக்ஷ்மக்ருத்3 த்3ருஶாம்|| 15
பதிஸுதான்வய ப்4ராத்ரு பா3ந்த4வான்-
அதிவிலங்க்4யதே ऽந்த்யச்யுதாக3தா:|
க3திவித3ஸ்தவோத்3 கீ3தமோஹிதா:
கிதவ யோஷித: கஸ்த்யஜேந் நிஶி|| 16
ரஹஸி ஸம்வித3ம் ஹ்ருச்ச2யோத3யம்
ப்ரஹஸிதானனம் ப்ரேமவீக்ஷணம்|
ப்3ருஹது3ர: ஶ்ரியோ வீக்ஷ்ய தா4ம தே
முஹுரதிஸ்ப்ருஹா முஹ்யதே மன:|| 17
வ்ரஜவநௌகஸாம் வ்யக்திரங்க3 தே
வ்ருஜிநஹந்த்ர்யலம் விஶ்வமங்க3ளம்|
த்யஜ மநாக் ச நஸ்த்வத்ஸ்ப்ருஹாத்மநாம்
ஸ்வஜன ஹ்ருத்3ருஜாம் யந்நிஷூத3னம்|| 18
யத் தே ஸுஜாதசரணாம்பு3ருஹம் ஸ்தநேஷு
பீ4தா: ஶனை: ப்ரிய த3தீ4மஹி கர்கஶேஷு|
தே நாடவீமடஸி தத்3 வ்யத2தே ந கிம் ஸ்வித்
கூர்பாதி3பி4ர் ப்4ரமதி தீ4ர் ப4வதா3யுஷாம் ந:|| 19
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 ராஸக்ரீடா3யாம் கோ3பீகீ3தம் நாம ஏகத்ரிம்ஶோऽத்4யாய: || 31 ||
பத்தாம் ஸ்கந்தம் - முப்பத்தி ஒன்றாம் அத்யாயம் முற்றும்.