ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 29.
ராசலீலையின் ஆரம்பம்
அத2 ஏகோந்த்ரிம்ஶோऽத்4யாய:
ஶ்ரீஶுக உவாச -
ப4க3வாநபி தா ராத்ரீ: ஶரதோ3த்பு2ல்லமல்லிகா:|
வீக்ஷ்ய ரந்தும் மனஶ்சக்ரே யோக3மாயாமுபாஶ்ரித:|| 1
ததோ3டு3ராஜ: ககுப4: கரைர்முக2ம்
ப்ராச்யா விலிம்பந்நருணேன ஶந்தமை:|
ஸ சர்ஷணீநா முத3கா3ச்சு2சோ ம்ருஜன்
ப்ரிய: ப்ரியாயா இவ தீ3ர்க4த3ர்ஶன:|| 2
த்3ருஷ்ட்வா குமுத்3வந்த மக2ண்ட3மண்ட3லம்
ரமாநநாப4ம் நவ குங்குமாருணம்|
வனம் ச தத் கோமள கோ3ऽபீ4 ரஞ்ஜிதம்
ஜகௌ3 கலம் வாமத்3ருஶாம் மநோஹரம்|| 3
நிஶம்ய கீ3தாம் தத3நங்க3வர்த4னம்
வ்ரஜஸ்த்ரிய: க்ருஷ்ணக்3ருஹீத மானஸா:|
ஆஜக்3முரன்யோன்ய மலக்ஷிதோத்3யமா:
ஸ யத்ர காந்தோ ஜவலோல குண்ட3லா:|| 4
து3ஹந்த்யோऽபி4யயு: காஶ்சித்3 தோ3ஹம் ஹித்வா ஸமுத்ஸுகா:|
பயோऽதி4ஶ்ரித்ய ஸம்யாவ மநுத்3வாஸ்யாபரா யயு:|| 5
பரிவேஷயந்த்ய: தத்3தி4த்வா பாயயந்த்ய: ஶிஶூன் பய:|
ஶுஶ்ரூஷந்த்ய: பதீன் காஶ்சித்3 அஶ்னந்த்யோऽபாஸ்ய போ4ஜனம்|| 6
லிம்பந்த்ய: ப்ரம்ருஜந்த்யோऽன்யா அஞ்ஜந்த்ய: காஶ்ச லோசனே|
வ்யத்யஸ்தவஸ்த்ராப4ரணா: காஶ்சித் க்ருஷ்ணாந்திகம் யயு:|| 7
தா வார்யமாணா: பதிபி4: பித்ருபி4ர் ப்4ராத்ருப3ந்து4பி4:|
கோ3விந்தா3பஹ்ருதாத்மாநோ ந ந்யவர்தந்த மோஹிதா:|| 8
அந்தர்க்3ருஹக3தா: காஶ்சித்3 கோ3ப்யோऽலப்3த4 விநிர்க3மா:|
க்ருஷ்ணம் தத்3பா4வநாயுக்தா த3த்4யுர் மீலிதலோசனா:|| 9
து3ஸ்ஸஹ ப்ரேஷ்ட2விரஹ தீவ்ரதாபது4தாஶுபா4:|
த்4யானப்ராப்தாச்யுதாஶ்லேஷ நிர்வ்ருத்யா க்ஷீணமங்க3ளா:|| 10
தமேவ பரமாத்மானம் ஜாரபு3த்3த்4யாபி ஸங்க3தா:|
ஜஹுர் கு3ணமயம் தே3ஹம் ஸத்3ய: ப்ரக்ஷீணப3ந்த4நா:|| 11
ராஜோவாச -
க்ருஷ்ணம் விது3: பரம் காந்தம் ந து ப்3ரஹ்மதயா முனே|
கு3ணப்ரவாஹோபரமஸ்-தாஸாம் கு3ணதி4யாம் கத2ம்|| 12
ஶ்ரீஶுக உவாச -
உக்தம் புரஸ்தாத் ஏதத் தே சைத்3ய: ஸித்3தி4ம் யதா2 க3த:|
த்3விஷந்நபி ஹ்ருஷீகேஶம் கிமுதாதோ4க்ஷஜப்ரியா:|| 13
ந்ருணாம் நி:ஶ்ரேயஸார்தா2ய வ்யக்திர் ப4க3வதோ ந்ருப|
அவ்யயஸ்யாப்ரமேயஸ்ய நிர்கு3ணஸ்ய கு3ணாத்மன:|| 14
காமம் க்ரோத4ம் ப4யம் ஸ்நேஹமைக்யம் ஸௌஹ்ருத3மேவ ச|
நித்யம் ஹரௌ வித3த4தோ யாந்தி தன்மயதாம் ஹி தே|| 15
ந சைவம் விஸ்மய: கார்யோ ப4வதா ப4க3வத்யஜே|
யோகே3ஶ்வரேஶ்வரே க்ருஷ்ணே யத ஏதத்3 விமுச்யதே|| 16
தா த்3ருஷ்ட்வாந்திக மாயாதா ப4க3வான் வ்ரஜயோஷித:|
அவத3த்3 வத3தாம் ஶ்ரேஷ்டோ2 வாச: பேஶைர் விமோஹயன்|| 17
ஶ்ரீப4க3வாநுவாச -
ஸ்வாக3தம் வோ மஹாபா4கா3: ப்ரியம் கிம் கரவாணி வ:|
வ்ரஜஸ்யாநாமயம் கச்சித்3 ப்3ரூதாக3மன காரணம்|| 18
ரஜன்யேஷா கோ4ரரூபா கோ4ரஸத்வ நிஷேவிதா|
ப்ரதியாத வ்ரஜம் நேஹ ஸ்தே2யம் ஸ்த்ரீபி4: ஸுமத்4யமா:|| 19
மாதர: பிதர: புத்ரா ப்4ராதர: பதயஶ்ச வ:|
விசின்வந்தி ஹ்யபஶ்யந்தோ மா க்ருட்4வம் ப3ந்து4ஸாத்4வஸம்|| 20
த்3ருஷ்டம் வனம் குஸுமிதம் ராகேஶ கர ரஞ்ஜிதம்|
யமுநாநிலலீலைஜத் தருபல்லவ ஶோபி4தம்|| 21
தத்3 யாத மாசிரம் கோ3ஷ்ட2ம் ஶுஶ்ரூஷத்4வம் பதீன் ஸதீ:|
க்ரந்த3ந்தி வத்ஸா பா3லாஶ்ச தான் பாயயத து3ஹ்யத|| 22
அத2வா மத3பி4ஸ்நேஹாத்3 ப4வத்யோ யந்த்ரிதாஶயா:|
ஆக3தா ஹ்யுபபன்னம் வ: ப்ரீயந்தே மயி ஜந்தவ:|| 23
ப4ர்து: ஶுஶ்ரூஷணம் ஸ்த்ரீணாம் பரோ த4ர்மோ ஹ்யமாயயா|
தத்3ப3ந்தூ4நாம் ச கல்யாண்ய: ப்ரஜாநாம் ச அநுபோஷணம்|| 24
து3ஶ்ஶீலோ து3ர்ப4கோ3 வ்ருத்3தோ4 ஜடோ3 ரோக்3யத4நோऽபி வா|
பதி: ஸ்த்ரீபி4ர் ந ஹாதவ்யோ லோகேப்ஸுபி4 ரபாதகீ|| 25
அஸ்வர்க்3ய மயஶஸ்யம் ச ப2ல்கு3 க்ருச்ச்2ரம் ப4யாவஹம்|
ஜுகு3ப்ஸிதம் ச ஸர்வத்ர ஔபபத்யம் குலஸ்த்ரிய:|| 26
ஶ்ரவணாத்3 த3ர்ஶநாத்3 த்4யாநான் மயி பா4வோऽநுகீர்தநாத்|
ந ததா2 ஸந்நிகர்ஷேண ப்ரதியாத ததோ க்3ருஹான்|| 27
ஶ்ரீஶுக உவாச -
இதி விப்ரியமாகர்ண்ய கோ3ப்யோ கோ3விந்த3பா4ஷிதம்|
விஷண்ணா ப4க்3ந ஸங்கல்பா: சிந்தாமாபுர் து3ரத்யயாம்|| 28
க்ருத்வா முகா2ன்யவ ஶுச: ஶ்வஸநேந ஶுஷ்யத்3
பி3ம்பா3த4ராணி சரணேன பு4வம் லிக2ந்த்ய:|
அஸ்ரை ருபாத்தமஷிபி4: குசகுங்குமானி
தஸ்து2ர் ம்ருஜந்த்ய உருது3:க2ப4ரா: ஸ்ம தூஷ்ணீம்|| 29
ப்ரேஷ்ட2ம் ப்ரியேதரமிவ ப்ரதிபா4ஷமாணம்
க்ருஷ்ணம் தத3ர்த2 விநிவர்தித ஸர்வகாமா:|
நேத்ரே விம்ருஜ்ய ருதி3தோபஹதே ஸ்ம கிஞ்சித்
ஸம்ரம்ப4 க3த்3க3த3 கி3ரோऽப்3ரு வதாநுரக்தா:|| 30
ஶ்ரீகோ3ப்ய ஊசு:
மைவம் விபோ4ऽர்ஹதி ப4வான் க3தி3தும் ந்ருஶம்ஸம்
ஸந்த்யஜ்ய ஸர்வ விஷயாம்ஸ்தவ பாத3மூலம்|
ப4க்தா ப4ஜஸ்வ து3ரவக்3ரஹ மா த்யஜாஸ்மான்
தே3வோ யதா2ऽऽதி3 புருஷோ ப4ஜதே முமுக்ஷூன்|| 31
யத்பத்யபத்ய ஸுஹ்ருதா3மநுவ்ருத்திரங்க3
ஸ்த்ரீணாம் ஸ்வத4ர்ம இதி த4ர்மவிதா3 த்வயோக்தம்|
அஸ்த்வேவமேத து3பதே3ஶபதே3 த்வயீஶே
ப்ரேஷ்டோ2 ப4வாம்ஸ்தநுப்4ருதாம் கில ப3ந்து4ராத்மா|| 32
குர்வந்தி ஹி த்வயி ரதிம் குஶலா: ஸ்வ ஆத்மன்
நித்யப்ரியே பதிஸுதாதி3பி4ரார்திதை3: கிம்|
தந்ந: ப்ரஸீத3 பரமேஶ்வர மா ஸ்ம சி2ந்த்3யா
ஆஶாம் ப்4ருதாம் த்வயி சிராத3ரவிந்த3நேத்ர|| 33
சித்தம் ஸுகே2ன ப4வதாபஹ்ருதம் க்3ருஹேஷு
யந்நிர்விஶத்யுத கராவபி க்3ருஹ்யக்ருத்யே|
பாதௌ3 பத3ம் ந சலதஸ்தவ பாத3மூலாத்3
யாம: கத2ம் வ்ரஜமதோ2 கரவாம கிம் வா|| 34
ஸிஞ்சாங்க3 நஸ் த்வத3த4ராம்ருத பூரகேண
ஹாஸாவலோக கலகீ3தஜஹ்ருச்ச2யாக்3நிம்|
நோ சேத்3 வயம் விரஹஜாக்3ன்யுபயுக்த தே3ஹா
த்4யாநேந யாம பத3யோ: பத3வீம் ஸகே2 தே|| 35
யர்ஹ்யம்பு3ஜாக்ஷ தவ பாத3தலம் ரமாயா
த3த்தக்ஷணம் க்வசித3ரண்யஜனப்ரியஸ்ய|
அஸ்ப்ராக்ஷ்ம தத்ப்ரப்4ருதி நான்ய ஸமக்ஷமங்க3
ஸ்தா2தும் த்வயாபி4ரமிதா ப3த பாரயாம:|| 36
ஶ்ரீர் யத்பதா3ம்பு3ஜரஜஶ்சகமே துளஸ்யா
லப்3த்4வாபி வக்ஷஸி பத3ம் கில ப்4ருத்ய ஜுஷ்டம்|
யஸ்யா: ஸ்வவீக்ஷண க்ருதேऽன்யஸுர ப்ரயாஸ:
தத்3வத்3 வயம் ச தவ பாத3ரஜ: ப்ரபந்நா:|| 37
தந்ந: ப்ரஸீத3 வ்ருஜிநார்த3ன தேऽங்க்4ரிமூலம்
ப்ராப்தா விஸ்ருஜ்ய வஸதீஸ்த்வது3பாஸநாஶா:|
த்வத் ஸுந்த3ரஸ்மித நிரீக்ஷண தீவ்ரகாம
தப்தாத்மநாம் புருஷபூ4ஷண தே3ஹி தா3ஸ்யம்|| 38
வீக்ஷ்யாலகாவ்ருத முக2ம் தவ குண்ட3ல ஶ்ரீ
க3ண்ட3ஸ்த2லாத4ரஸுத4ம் ஹஸிதாவலோகம்|
த3த்தாப4யம் ச பு4ஜத3ண்ட3யுக3ம் விலோக்ய
வக்ஷ: ஶ்ரியைகரமணம் ச ப4வாம தா3ஸ்ய:|| 39
கா ஸ்த்ர்யங்க3 தே கலபதா3யத மூர்ச்சி2தேன
ஸம்மோஹிதாऽऽர்யசரிதான்ன சலேத் த்ரிலோக்யாம்|
த்ரைலோக்ய ஸௌப4க3மித3ம் ச நிரீக்ஷ்ய ரூபம்
யத்3 கோ3 த்3விஜ த்3ரும ம்ருகா3: புலகான்யபி3ப்4ரன்|| 40
வ்யக்தம் ப4வான் வ்ரஜப4யார்திஹரோऽபி4ஜாதோ
தே3வோ யதா2ऽऽதி3புருஷ: ஸுரலோக கோ3ப்தா|
தந்நோ நிதே4ஹி கரபங்கஜ மார்தப3ந்தோ4
தப்தஸ்தநேஷு ச ஶிரஸ்ஸு ச கிங்கரீணாம்|| 41
ஶ்ரீஶுக உவாச -
இதி விக்லவிதம் தாஸாம் ஶ்ருத்வா யோகே3ஶ்வரேஶ்வர:|
ப்ரஹஸ்ய ஸத3யம் கோ3பீராத்மாராமோऽப்யரீரமத்|| 42
தாபி4: ஸமேதாபி4 ருதா3ர சேஷ்டித:
ப்ரியேக்ஷணோத்பு2ல்ல முகீ2பி4ரச்யுத:|
உதா3ர ஹாஸத்3விஜகுந்த3தீ3த4தி:
வ்யரோசதைணாங்க இவோடு3பி4ர் வ்ருத:|| 43
உபகீ3யமான உத்3கா3யன் வனிதாஶதயூத2ப:|
மாலாம் பி3ப்4ரத்3 வைஜயந்தீம் வ்யசரன் மண்ட3யன் வனம்|| 44
நத்3யா: புலினமாவிஶ்ய கோ3பீபி4ர் ஹிமவாலுகம்|
ரேமே தத்தரளாநந்த3 குமுதா3மோத3 வாயுநா|| 45
பா3ஹுப்ரஸார பரிரம்ப4 கராலகோரு
நீவீஸ்தநாலப4ன நர்ம நகா2க்3ரபாதை:|
க்ஷ்வேல்யாவலோக ஹஸிதைர் வ்ரஜ ஸுந்த3ரீணாம்
உத்தம்ப4யன் ரதிபதிம் ரமயாஞ்சகார|| 46
ஏவம் ப4க3வத: க்ருஷ்ணாத் லப்3த4மாநா மஹாத்மன:|
ஆத்மானம் மேநிரே ஸ்த்ரீணாம் மாநின்யோऽப்4யதி4கம் பு4வி|| 47
தாஸாம் தத் ஸௌப4க3மத3ம் வீக்ஷ்ய மானம் ச கேஶவ:|
ப்ரஶமாய ப்ரஸாதா3ய தத்ரைவாந்தரதீ4யத|| 48
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 ப4க3வதோ ராஸக்ரீடா3 வர்ணனம் நாம ஏகோந்த்ரிம்ஶோऽத்4யாய: || 29 ||
பத்தாம் ஸ்கந்தம் - இருபத்தி ஒன்பதாம் அத்யாயம் முற்றும்.