ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 15.
தேனுகாசுரன் வதம்
அத₂ பஞ்சத₃ஶோऽத்₄யாய:

ஶ்ரீஶுக உவாச
ததஶ்ச பௌக₃ண்ட₃வய: ஶ்ரிதௌ வ்ரஜே
      ப₃பூ₄வதுஸ்தௌ பஶுபாலஸம்மதௌ|
கா₃ஶ்சாரயந்தௌ ஸகி₂பி₄: ஸமம் பதை₃ர்
      ப்₃ருந்தா₃வனம் புண்யமதீவ சக்ரது:|| 1

தன்மாத₄வோ வேணுமுதீ₃ரயன் வ்ருதோ
      கோ₃பைர் க்₃ருணத்₃பி₄: ஸ்வயஶோ ப₃லான்வித:|
பஶூன் புரஸ்க்ருத்ய பஶவ்யமாவிஶத்₃
      விஹர்துகாம: குஸுமாகரம் வனம்|| 2

தன்மஞ்ஜுகோ₄ஷாலி ம்ருக₃த்₃விஜாகுலம்
      மஹன்மன: ப்ரக்₂யபய: ஸரஸ்வதா|
வாதேன ஜுஷ்டம் ஶதபத்ரக₃ந்தி₄நா
      நிரீக்ஷ்ய ரந்தும் ப₄க₃வான் மநோ த₃தே₄|| 3

ஸ தத்ர தத்ராருண பல்லவஶ்ரியா
      ப₂லப்ரஸூநோருப₄ரேண பாத₃யோ:|
ஸ்ப்ருஶச்சி₂கா₂ன் வீக்ஷ்ய வனஸ்பதீன் முதா₃
      ஸ்மயந்நிவாஹாக்₃ரஜ மாதி₃பூருஷ:|| 4

ஶ்ரீப₄க₃வாநுவாச
அஹோ அமீ தே₃வவராமரார்சிதம்
      பாதா₃ம்பு₃ஜம் தே ஸுமன: ப₂லார்ஹணம்|
நமந்த்யுபாதா₃ய ஶிகா₂பி₄ராத்மநஸ்-
      தமோऽபஹத்யை தருஜன்ம யத்க்ருதம்|| 5

ஏதேऽலிநஸ்தவ யஶோऽகி₂ல லோக தீர்த₂ம்       கா₃யந்த ஆதி₃புருஷாநுபத₂ம் ப₄ஜந்தே|
ப்ராயோ அமீ முநிக₃ணா ப₄வதீ₃யமுக்₂யா       கூ₃ட₄ம் வநேऽபி ந ஜஹத்யநகா₄த்ம தை₃வம்|| 6

ந்ருத்யந்த்யமீ ஶிகி₂ன ஈட்₃ய முதா₃ ஹரிண்ய: குர்வந்தி கோ₃ப்ய இவ தே ப்ரியமீக்ஷணேன|
ஸூக்தைஶ்ச கோகிலக₃ணா க்₃ருஹமாக₃தாய த₄ன்யா வநௌகஸ இயான் ஹி ஸதாம் நிஸர்க₃:|| 7

த₄ன்யேயமத்₃ய த₄ரணீ த்ருணவீருத₄ஸ்த்வத் பாத₃ஸ்ப்ருஶோ த்₃ருமலதா: கரஜாபி₄ம்ருஷ்டா:|
நத்₃யோऽத்₃ரய: க₂க₃ம்ருகா₃: ஸத₃யாவலோகைர் கோ₃ப்யோऽந்தரேண பு₄ஜயோரபி யத்ஸ்ப்ருஹா ஶ்ரீ:|| 8

ஶ்ரீஶுக உவாச ஏவம் ப்₃ருந்தா₃வனம் ஶ்ரீமத் க்ருஷ்ண: ப்ரீதமநா: பஶூன் ரேமே ஸஞ்சாரயந்நத்₃ரே: ஸரித்₃ரோத₄:ஸு ஸாநுக₃:|| 9

க்வசித்₃ கா₃யதி கா₃யத்ஸு மதா₃ந்தா₄லிஷ்வநுவ்ரதை:|
உபகீ₃யமான சரித: ஸ்ரக்₃வீ ஸங்கர்ஷணான்வித:|| 10

க்வசிச்ச காலஹம்ஸாநாமநு கூஜதி கூஜிதம் அபி₄ ந்ருத்யதி ந்ருத்யந்தம் ப₃ர்ஹிணம் ஹாஸயன் க்வசித்|| 11

மேக₄ க₃ம்பீ₄ரயா வாசா நாமபி₄ர் தூ₃ரகா₃ன் பஶூன்|
க்வசிதா₃ஹ்வயதி ப்ரீத்யா கோ₃ கோ₃பாலமநோஜ்ஞயா|| 12

சகோர க்ரௌஞ்ச சக்ராஹ்வ பா₄ரத்₃வாஜாம்ஶ்ச ப₃ர்ஹிண:|
அநுரௌதி ஸ்ம ஸத்த்வாநாம் பீ₄தவத்₃ வ்யாக்₄ர ஸிம்ஹயோ:|| 13

க்வசித் க்ரீடா₃ பரிஶ்ராந்தம் கோ₃போத்ஸங்கோ₃பப₃ர்ஹணம்|
ஸ்வயம் விஶ்ரமயத்யார்யம் பாத₃ஸம்வாஹநாதி₃பி₄:|| 14

ந்ருத்யதோ கா₃யத: க்வாபி வல்க₃தோ யுத்₄யதோ மித₂:|
க்₃ருஹீத ஹஸ்தௌ கோ₃பாலான ஹஸந்தௌ ப்ரஶஶம்ஸது:|| 15

க்வசித் பல்லவ தல்பேஷு நியுத்₃த₄ஶ்ரம கர்ஶித:|
வ்ருக்ஷ மூலாஶ்ரய: ஶேதே கோ₃போத்ஸங்கோ₃பப₃ர்ஹண:|| 16

பாத₃ஸம்வாஹனம் சக்ரு: கேசித் தஸ்ய மஹாத்மன:|
அபரே ஹதபாப்மாநோ வ்யஜனை: ஸமவீஜயன்|| 17

அன்யே தத₃நுரூபாணி மநோஜ்ஞாநி மஹாத்மன:|
கா₃யந்தி ஸ்ம மஹாராஜ ஸ்நேஹக்லிந்நதி₄ய: ஶனை:|| 18

ஏவம் நிகூ₃டா₄த்மக₃தி: ஸ்வமாயயா கோ₃பாத்மஜத்வம் சரிதைர் விட₃ம்ப₃யன்|
ரேமே ரமாலாலித பாத₃பல்லவோ க்₃ராம்யை: ஸமம் க்₃ராம்யவதீ₃ஶ சேஷ்டித:|| 19

ஶ்ரீதா₃மா நாம கோ₃பாலோ ராமகேஶவயோ: ஸகா₂|
ஸுப₃லஸ்தோக க்ருஷ்ணாத்₃யா கோ₃பா: ப்ரேம்ணேத₃மப்₃ருவன|| 20

ராம ராம மஹாபா₃ஹோ க்ருஷ்ண து₃ஷ்டநிப₃ர்ஹண|
இதோऽவிதூ₃ரே ஸுமஹத்₃ வனம் தாலாலிஸங்குலம்|| 21

ப₂லாநி தத்ர பூ₄ரீணி பதந்தி பதிதாநி ச|
ஸந்தி கிந்த்வவருத்₃தா₄நி தே₄நுகேன து₃ராத்மநா|| 22

ஸோऽதிவீர்யோऽஸுரோ ராம ஹே க்ருஷ்ண க₂ரரூபத்₄ருக்|
ஆத்ம துல்ய ப₃லைரன்யைர் ஜ்ஞாதிபி₄ர் ப₃ஹுபி₄ர் வ்ருத:|| 23

தஸ்மாத் க்ருதநராஹாராத்₃ பீ₄தைர் ந்ருபி₄ரமித்ரஹன்|
ந ஸேவ்யதே பஶுக₃ணை: பக்ஷிஸங்கை₄ர் விவர்ஜிதம்|| 24

வித்₃யந்தேऽபு₄க்த பூர்வாணி ப₂லாநி ஸுரபீ₄ணி ச|
ஏஷ வை ஸுரபி₄ர் க₃ந்தோ₄ விஷூசீநோऽவக்₃ருஹ்யதே|| 25

ப்ரயச்ச₂ தானி ந: க்ருஷ்ண க₃ந்த₄லோபி₄த சேதஸாம்|
வாஞ்சா₂ஸ்தி மஹதீ ராம க₃ம்யதாம் யதி₃ ரோசதே|| 26

ஏவம் ஸுஹ்ருத்₃வச: ஶ்ருத்வா ஸுஹ்ருத்ப்ரிய சிகீர்ஷயா|
ப்ரஹஸ்ய ஜக்₃மதுர் கோ₃பைர் வ்ருதௌ தாளவனம் ப்ரபூ₄|| 27

ப₃ல: ப்ரவிஶ்ய பா₃ஹுப்₄யாம் தாளான் ஸம்பரிகம்பயன்|
ப₂லாநி பாதயாமாஸ மதங்க₃ஜ இவௌஜஸா|| 28

ப₂லாநாம் பததாம் ஶப்₃த₃ம் நிஶம்யாஸுர ராஸப₄:|
அப்₄யதா₄வத் க்ஷிதிதலம் ஸனக₃ம் பரிகம்பயன்|| 29

ஸமேத்ய தரஸா ப்ரத்யக்₃ த்₃வாப்₄யாம் பத்₃ப்₄யாம் ப₃லம் ப₃லீ|
நிஹத்யோரஸி காஶப்₃த₃ம் முஞ்சன் பர்யஸரத் க₂ல:|| 30

புநராஸாத்₃ய ஸம்ரப்₃த₄ உபக்ரோஷ்டா பராக் ஸ்தி₂த:|
சரணாவபரௌ ராஜன் ப₃லாய ப்ராக்ஷிபத்₃ ருஷா|| 31

ஸ தம் க்₃ருஹீத்வா ப்ரபதோ₃ர் ப்₄ராமயித்வைகபாணிநா|
சிக்ஷேப த்ருணராஜாக்₃ரே ப்₄ராமணத்யக்தஜீவிதம்|| 32

தேநாஹதோ மஹாதாலோ வேபமாநோ ப்₃ருஹச்சி₂ரா:|
பார்ஶ்வஸ்த₂ம் கம்பயன் ப₄க்₃ன: ஸ சான்யம் ஸோऽபி சாபரம்|| 33

ப₃லஸ்ய லீலயோத்ஸ்ருஷ்ட க₂ரதே₃ஹ ஹதாஹதா:|
தாலாஶ்சகம்பிரே ஸர்வே மஹாவாதேரிதா இவ|| 34

நைதச்சித்ரம் ப₄க₃வதி ஹ்யநந்தே ஜக₃தீ₃ஶ்வரே|
ஓதப்ரோதமித₃ம் யஸ்மின் தந்துஷ்வங்க₃ யதா₂ பட:|| 35

தத: க்ருஷ்ணம் ச ராமம் ச ஜ்ஞாதயோ தே₄நுகஸ்ய யே|
க்ரோஷ்டாரோऽப்₄யத்₃ரவன் ஸர்வே ஸம்ரப்₃தா₄ ஹதபா₃ந்த₄வா:|| 36

தாம்ஸ்தாநாபதத: க்ருஷ்ணோ ராமஶ்ச ந்ருப லீலயா|
க்₃ருஹீத பஶ்சாச்சரணான் ப்ராஹிணோத் த்ருணராஜஸு|| 37

ப₂லப்ரகர ஸங்கீர்ணம் தை₃த்யதே₃ஹைர் க₃தாஸுபி₄:|
ர ராஜ பூ₄: ஸதாளாக்₃ரைர் க₄னைரிவ நப₄ஸ்தலம்|| 38

தயோஸ்தத் ஸுமஹத் கர்ம நிஶம்ய விபு₃தா₄த₃ய:|
முமுசு: புஷ்பவர்ஷாணி சக்ருர் வாத்₃யானி துஷ்டுவு:|| 39

அத₂ தாளப₂லான்யாத₃ன் மநுஷ்யா க₃தஸாத்₄வஸா:|
த்ருணம் ச பஶவஶ்சேருர் ஹததே₄நுக கானனே|| 40

க்ருஷ்ண: கமலபத்ராக்ஷ: புண்யஶ்ரவண கீர்தன:|
ஸ்தூயமாநோऽநுகை₃ர் கோ₃பை: ஸாக்₃ரஜோ வ்ரஜமாவ்ரஜத்|| 41

தம் கோ₃ரஜஶ் சு₂ரிதகுந்தள ப₃த்₃த₄ப₃ர்ஹ வன்யப்ரஸூன ருசிரேக்ஷண சாருஹாஸம்|
வேணும் க்வணந்த மநுகை₃ருபகீ₃த கீர்திம் கோ₃ப்யோ தி₃த்₃ருக்ஷித த்₃ருஶோऽப்₄யக₃மன் ஸமேதா:|| 42

பீத்வா முகுந்த₃ முக₂ ஸாரக₄மக்ஷிப்₄ருங்கை₃ஸ் தாபம் ஜஹுர் விரஹஜம் வ்ரஜயோஷிதோऽஹ்நி|
தத்ஸத்க்ருதிம் ஸமதி₄க₃ம்ய விவேஶ கோ₃ஷ்ட₂ம் ஸவ்ரீட₃ ஹாஸவினயம் யத₃பாங்க₃ மோக்ஷம்|| 43

தயோர் யஶோதா₃ ரோஹிண்யௌ புத்ரயோ: புத்ரவத்ஸலே|
யதா₂காமம் யதா₂காலம் வ்யத₄த்தாம் பரமாஶிஷ:|| 44

க₃தாத்₄வானஶ்ரமௌ தத்ர மஜ்ஜநோன்மர்த₃நாதி₃பி₄:|
நீவீம் வஸித்வா ருசிராம் தி₃வ்யஸ்ரக்₃க₃ந்த₄மண்டி₃தௌ|| 45

ஜனன்யுபஹ்ருதம் ப்ராஶ்ய ஸ்வாத்₃வந்நமுபலாலிதௌ|
ஸம்விஶ்ய வரஶய்யாயாம் ஸுக₂ம் ஸுஷுபதுர் வ்ரஜே|| 46

ஏவம் ஸ ப₄க₃வான் க்ருஷ்ணோ ப்₃ருந்தா₃வனசர: க்வசித்|
யயௌ ராமம்ருதே ராஜன் காளிந்தீ₃ம் ஸகி₂பி₄ர் வ்ருத:|| 47

அத₂ கா₃வஶ்ச கோ₃பாஶ்ச நிதா₃கா₄தபபீடி₃தா:|
து₃ஷ்டம் ஜலம் பபுஸ் தஸ்யாஸ்த்ருஷார்தா விஷதூ₃ஷிதம்|| 48

விஷாம்ப₄ஸ்தது₃பஸ்ப்ருஶ்ய தை₃வோபஹத சேதஸ:|
நிபேதுர் வ்யஸவ: ஸர்வே ஸலிலாந்தே குரூத்₃வஹ|| 49

வீக்ஷ்ய தான் வை ததா₂பூ₄தான் க்ருஷ்ணோ யோகே₃ஶ்வரேஶ்வர:|
ஈக்ஷயாம்ருதவர்ஷிண்யா ஸ்வநாதா₂ன் ஸமஜீவயத்|| 50

தே ஸம்ப்ரதீதஸ்ம்ருதய: ஸமுத்தா₂ய ஜலாந்திகாத்|
ஆஸன் ஸுவிஸ்மிதா: ஸர்வே வீக்ஷமாணா: பரஸ்பரம்|| 51

அன்வமம்ஸத தத்₃ ராஜன் கோ₃விந்தா₃நுக்₃ரஹேக்ஷிதம்|
பீத்வா விஷம் பரேதஸ்ய புனருத்தா₂நமாத்மன:|| 52

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் த₃ஶமஸ்கந்தே₄ பூர்வார்தே₄ தே₄நுகவதோ₄ நாம பஞ்சத₃ஶோऽத்₄யாய: || 15 |

பத்தாம் ஸ்கந்தம் - பதினைந்தாம் அத்யாயம் முற்றும்.