ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 14.
பிரம்மா பகவானைத் துதி செய்தல்
அத2 சதுர்த3ஶோऽத்4யாய:
ஶ்ரீப்3ரஹ்மோவாச |
நௌமீட்3ய தேऽப்4ரவபுஷே தடி3த3ம்ப3ராய
கு3ஞ்ஜாவதம்ஸபரிபிச்ச2 லஸன்முகா2ய|
வன்யஸ்ரஜே கவள வேத்ர விஷாண வேணு-
லக்ஷ்மஶ்ரியே ம்ருது3பதே3 பஶுபாங்க3ஜாய|| 1
அஸ்யாபி தே3வ வபுஷோ மத3நுக்3ரஹஸ்ய
ஸ்வேச்சா2மயஸ்ய ந து பூ4தமயஸ்ய கோऽபி|
நேஶே மஹி த்வவஸிதும் மனஸா ऽऽந்தரேண
ஸாக்ஷாத் தவைவ கிமுதாத்ம ஸுகா2நுபூ4தே:|| 2
ஜ்ஞாநே ப்ரயாஸமுத3பாஸ்ய நமந்த ஏவ|
ஜீவந்தி ஸன்முக2ரிதாம் ப4வதீ3ய வார்தாம்|
ஸ்தா2நே ஸ்தி2தா: ஶ்ருதிக3தாம் தநுவாங்மநோபி4:|
யே ப்ராயஶோऽஜித ஜிதோऽப்யஸி தைஸ்த்ரிலோக்யாம்|| 3
ஶ்ரேய: ஸ்ருதிம் ப4க்தி முத3ஸ்ய தே விபோ4|
க்லிஶ்யந்தி யே கேவல போ3த4லப்3த4யே|
தேஷாமஸௌ க்லேஶல ஏவ ஶிஷ்யதே|
நான்யத்3 யதா2 ஸ்தூ2லதுஷாவகா4திநாம்|| 4
புரேஹ பூ4மன் ப3ஹவோऽபி யோகி3ன:
த்வத3ர்பிதேஹா நிஜகர்மலப்3த4யா|
விபு3த்4ய ப4க்த்யைவ கதோ2பநீதயா
ப்ரபேதி3ரேऽஞ்ஜோऽச்யுத தே க3திம் பராம்|| 5
ததா2பி பூ4மன் மஹிமாகு3ணஸ்ய தே
விபோ3த்3து4மர்ஹத்யமலாந்தராத்மபி4:|
அவிக்ரியாத் ஸ்வாநுப4வாத3ரூபதோ
ஹ்யநன்யபோ3த்4யாத்மதயா ந சான்யதா2|| 6
கு3ணாத்மனஸ்தேऽபி கு3ணான் விமாதும்
ஹிதாவதீர்ணஸ்ய க ஈஶிரேऽஸ்ய|
காலேன யைர்வா விமிதா: ஸுகல்பை:
பூ4பாம்ஶவ: கே2 மிஹிகா த்3யுபா4ஸ:|| 7
தத் தே ऽநுகம்பாம் ஸுஸமீக்ஷமாணோ
பு4ஞ்ஜான ஏவாத்மக்ருதம் விபாகம்|
ஹ்ருத்3 வாக்3 வபுர்பி4ர் வித3த4ன் நமஸ்தே
ஜீவேத யோ முக்திபதே3 ஸ தா3யபா4க்|| 8
பஶ்யேஶ மேऽநார்யமனந்த ஆத்3யே
பராத்மனி த்வய்யபி மாயிமாயினி|
மாயாம் விதத்யேக்ஷிதுமாத்மவைப4வம்
ஹ்யஹம் கியானைச்ச2 மிவார்சிரக்3நௌ|| 9
அத: க்ஷமஸ்வாச்யுத மே ரஜோபு4வோ
ஹ்யஜானதஸ்த்வத் ப்ருத2கீ3ஶமாநின:|
அஜாவலேபாந்த4தமோऽந்த4 சக்ஷுஷ
ஏஷோऽநுகம்ப்யோ மயி நாத2வாநிதி|| 10
க்வாஹம் தமோமஹத3ஹம் க2சராக்3நிவார்பூ4-
ஸம்வேஷ்டிதாண்ட3 க4டஸப்த விதஸ்திகாய:|
க்வேத்3ருக்3விதா4விக3ணிதாண்ட3 பராணுசர்யா-
வாதாத்4வரோமவிவரஸ்ய ச தே மஹித்வம்|| 11
உத்க்ஷேபணம் க3ர்ப4க3தஸ்ய பாத3யோ:
கிம் கல்பதே மாதுரதோ4க்ஷஜாக3ஸே|
கிமஸ்தி நாஸ்தி வ்யபதே3ஶபூ4ஷிதம்
தவாஸ்தி குக்ஷே: கியத3ப்யநந்த:|| 12
ஜக3த் த்ரயாந்தோத3தி4 ஸம்ப்லவோதே3
நாராயணஸ்யோத3ர நாபி4நாளாத்|
விநிர்க3தோऽஜஸ்த்விதி வாங் ந வை ம்ருஷா
கிம் த்வீஶ்வர த்வந்ந விநிர்க3தோऽஸ்மி|| 13
நாராயணஸ்த்வம் ந ஹி ஸர்வதே3ஹிநாம்
ஆத்மாஸ்யதீ4ஶாகி2ல லோக ஸாக்ஷீ|
நாராயணோऽங்க3ம் நரபூ4ஜலாயநாத்
தச்சாபி ஸத்யம் ந தவைவ மாயா|| 14
தச்சேஜ்ஜலஸ்த2ம் தவ ஸஜ்ஜக3த்3வபு:
கிம் மே ந த்3ருஷ்டம் ப4க3வம்ஸ்ததை3வ|
கிம் வா ஸுத்3ருஷ்டம் ஹ்ருதி3 மே ததை3வ
கிம் நோ ஸபத்3யேவ புனர்வ்யத3ர்ஶி|| 15
அத்ரைவ மாயாத4மநாவதாரே
ஹ்யஸ்ய ப்ரபஞ்சஸ்ய ப3ஹி: ஸ்பு2டஸ்ய|
க்ருத்ஸ்நஸ்ய சாந்தர்ஜட2ரே ஜனன்யா
மாயாத்வமேவ ப்ரகடீக்ருதம் தே|| 16
யஸ்ய குக்ஷாவித3ம் ஸர்வம் ஸாத்மம் பா4தி யதா2 ததா2|
தத் த்வய்யபீஹ தத் ஸர்வம் கிமித3ம் மாயயா விநா|| 17
அத்3யைவ த்வத்3ருதேऽஸ்ய கிம் மம ந தே
மாயாத்வ மாத3ர்ஶிதம்-
ஏகோऽஸி ப்ரத2மம் ததோ வ்ரஜ ஸுஹ்ருத்3
வத்ஸா: ஸமஸ்தா அபி|
தாவந்தோऽஸி சதுர்பு4ஜாஸ்தத3கி2லை:
ஸாகம் மயோபாஸிதாஸ்-
தாவந்த்யேவ ஜக3ந்த்யபூ4ஸ்தத3மிதம்
ப்3ரஹ்மாத்3வயம் ஶிஷ்யதே|| 18
அஜாநதாம் த்வத்பத3வீமநாத்மன்
யாத்மாऽऽத்மநா பா4ஸி விதத்ய மாயாம்|
ஸ்ருஷ்டாவிவாஹம் ஜக3தோ விதா4ன
இவ த்வமேஷோऽந்த இவ த்ரிநேத்ர:|| 19
ஸுரேஷ்வ்ருஷிஷ்வீஶ ததை2வ ந்ருஷ்வபி
திர்யக்ஷு யாத3:ஸ்வபி தேऽஜநஸ்ய|
ஜன்மாஸதாம் து3ர்மத3 நிக்3ரஹாய
ப்ரபோ4 விதா4த: ஸத3நுக்3ரஹாய ச|| 20
கோ வேத்தி பூ4மன் ப4க3வன் பராத்மன்
யோகே3ஶ்வரோதீர் ப4வத-ஸ்த்ரிலோக்யாம்|
க்வ வா கத2ம் வா கதி வா கதே3தி
விஸ்தாரயன் க்ரீட3ஸி யோக3மாயாம்|| 21
தஸ்மாதி3த3ம் ஜக3த3ஶேஷ மஸத்ஸ்வரூபம்
ஸ்வப்நாப4மஸ்த தி4ஷணம் புருது3:க2து3:க2ம்|
த்வய்யேவ நித்ய ஸுக2 போ3த4 தநாவநந்தே
மாயாத உத்3யத3பி யத் ஸதி3வாவபா4தி|| 22
ஏகஸ்த்வமாத்மா புருஷ: புராண:
ஸத்ய: ஸ்வயம்ஜ்யோதிரநந்த ஆத்3ய:|
நித்யோऽக்ஷரோऽஜஸ்ரஸுகோ2 நிரஞ்ஜன:
பூர்ணோऽத்3வயோ முக்த உபாதி4தோऽம்ருத:|| 23
ஏவம்வித4ம் த்வாம் ஸகலாத்மநாமபி
ஸ்வாத்மான மாத்மாத்மதயா விசக்ஷதே|
கு3ர்வர்கலப்3தோ4பநிஷத் ஸுசக்ஷுஷா
யே தே தரந்தீவ ப4வாந்ருதாம்பு3தி4ம்|| 24
ஆத்மான மேவாத்மதயாவிஜானதாம்
தேனைவ ஜாதம் நிகி2லம் ப்ரபஞ்சிதம்|
ஜ்ஞாநேன பூ4யோऽபி ச தத் ப்ரலீயதே
ரஜ்ஜ்வாமஹேர் போ4க3 ப4வாப4வௌ யதா2|| 25
அஜ்ஞாநஸம்ஜ்ஞௌ ப4வப3ந்த4மோக்ஷௌ
த்3வௌ நாம நாந்யௌ ஸ்த ருதஜ்ஞபா4வாத்|
அஜஸ்ரசித்யாத்மநி கேவலே பரே
விசார்யமாணே தரணாவிவாஹனீ|| 26
த்வாமாத்மானம் பரம் மத்வா பரமாத்மாநமேவ ச|
ஆத்மா புனர் ப3ஹிர் ம்ருக்3ய அஹோऽஜ்ஞஜநதாஜ்ஞதா|| 27
அந்தர்ப4வேऽனந்த ப4வந்தமேவ
ஹ்யதத் த்யஜந்தோ ம்ருக3யந்தி ஸந்த:|
அஸந்தமப்யந்த்யஹி மந்தரேண
ஸந்தம் கு3ணம் தம் கிமு யந்தி ஸந்த:|| 28
அதா2பி தே தே3வ பதா3ம்பு3ஜத்3வய
ப்ரஸாத3 லேஶாநுக்3ருஹீத ஏவ ஹி|
ஜாநாதி தத்த்வம் ப4க3வன் மஹிம்நோ
ந சான்ய ஏகோऽபி சிரம் விசின்வன்|| 29
தத3ஸ்து மே நாத2 ஸ பூ4ரிபா4கோ3
ப4வேऽத்ர வான்யத்ர து வா திரஶ்சாம்|
யேநாஹமேகோऽபி ப4வஜ்ஜநாநாம்
பூ4த்வா நிஷேவே தவ பாத3பல்லவம்|| 30
அஹோऽதி த4ன்யா வ்ரஜகோ3 ரமண்ய:
ஸ்தன்யாம்ருதம் பீதமதீவ தே முதா3|
யாஸாம் விபோ4 வத்ஸதராத்மஜாத்மநா
யத்த்ருப்தயேऽத்3யாபி ந சாலமத்4வரா:|| 31
அஹோ பா4க்3யமஹோ பா4க்3யம் நந்த3கோ3ப வ்ரஜௌகஸாம்|
யன்மித்ரம் பரமாநந்த3ம் பூர்ணம் ப்3ரஹ்ம ஸநாதநம்|| 32
ஏஷாம் து பா4க்3யமஹிமாச்யுத தாவதா3ஸ்தாம்|
ஏகாத3ஶைவ ஹி வயம் ப3த பூ4ரிபா4கா3:|
ஏதத்3 த்4ருஷீகசஷகைரஸக்ருத் பிபா3ம:
ஶர்வாத3யோऽங்க்4ர்யுத3ஜமத்4வம்ருதாஸவம் தே|| 33
தத்3 பூ4ரிபா4க்3ய மிஹ ஜன்ம கிமப்யடவ்யாம்|
யத்3 கோ3குலேऽபி கதமாங்க்4ரிரஜோऽபி4ஷேகம்|
யஜ்ஜீவிதம் து நிகி2லம் ப4க3வான் முகுந்த3:
த்வத்3யாபி யத்பத3ரஜ: ஶ்ருதிம்ருக்3யமேவ|| 34
ஏஷாம் கோ4ஷநிவாஸிநாமுத ப4வான் கிம் தே3வ ராதேதி ந: -
சேதோ விஶ்வப2லாத் ப2லம் த்வத3பரம் குத்ராப்யயன் முஹ்யதி|
ஸத்3வேஷாதி3வ பூதநாபி ஸகுலா த்வாமேவ தே3வாபிதா
யத்3தா4மார்த2ஸுஹ்ருத் ப்ரியாத்மதநய ப்ராணாஶயாஸ்த்வத்க்ருதே|| 35
தாவத்3 ராகா3த3ய: ஸ்தேநா: தாவத் காராக்3ருஹம் க்3ருஹம்|
தாவன் மோஹோऽங்க்4ரி நிக3டோ3 யாவத் க்ருஷ்ண ந தே ஜநா:|| 36
ப்ரபஞ்சம் நிஷ்ப்ரபஞ்சோऽபி விட3ம்ப3யஸி பூ4தலே|
ப்ரபந்ந ஜனதாநந்த3 ஸந்தோ3ஹம் ப்ரதி2தும் ப்ரபோ4|| 37
ஜாநந்த ஏவ ஜாநந்து கிம் ப3ஹூக்த்யா ந மே ப்ரபோ4|
மனஸோ வபுஷோ வாசோ வைப4வம் தவ கோ3சர:|| 38
அநுஜாநீஹி மாம் க்ருஷ்ண ஸர்வம் த்வம் வேத்ஸி ஸர்வத்3ருக்|
த்வமேவ ஜக3தாம் நாதோ2 ஜக3தே3தத் தவார்பிதம்|| 39
ஶ்ரீக்ருஷ்ண வ்ருஷ்ணிகுலபுஷ்கர ஜோஷதா3யின்
க்ஷ்மாநிர்ஜர த்3விஜபஶூத3தி4வ்ருத்3தி4காரின்|
உத்3த4ர்மஶார்வரஹர க்ஷிதிராக்ஷஸத்4ருக்3
ஆகல்பமார்கமர்ஹன் ப4க3வன் நமஸ்தே|| 40
ஶ்ரீஶுக உவாச|
இத்யபி4ஷ்டூய பூ4மானம் த்ரி: பரிக்ரம்ய பாத3யோ:|
நத்வாபீ4ஷ்டம் ஜக3த்3தா4தா ஸ்வதா4ம ப்ரத்யபத்3யத|| 41
ததோऽநுஜ்ஞாப்ய ப4க3வான் ஸ்வபு4வம் ப்ராக3வஸ்தி2தான்|
வத்ஸான் புலிநமாநின்யே யதா2பூர்வஸக2ம் ஸ்வகம்|| 42
ஏகஸ்மிந்நபி யாதேऽப்3தே3 ப்ராணேஶம் சாந்தராऽऽத்மன:|
க்ருஷ்ண மாயாஹதா ராஜன் க்ஷணார்த4ம் மேநிரேऽர்ப4கா:|| 43
கிம் கிம் ந விஸ்மரந்தீஹ மாயாமோஹித சேதஸ:|
யன்மோஹிதம் ஜக3த் ஸர்வம் அபீ4க்ஷ்ணம் விஸ்ம்ருதாத்மகம்|| 44
ஊசுஶ்ச ஸுஹ்ருத3: க்ருஷ்ணம் ஸ்வாக3தம் தேऽதிரம்ஹஸா|
நைகோऽப்யபோ4ஜி கவள ஏஹீத: ஸாது4 பு4ஜ்யதாம்|| 45
ததோ ஹஸன் ஹ்ருஷீகேஶோऽப்4யவஹ்ருத்ய ஸஹார்ப4கை:|
த3ர்ஶயம்ஶ் சர்மாஜக3ரம் ந்யவர்தத வநாத்3 வ்ரஜம்|| 46
ப3ர்ஹ ப்ரஸூந நவதா4து விசித்ரிதாங்க3:
ப்ரோத்3தா3மவேணுத3ள ஶ்ருங்க3ரவோத்ஸவாட்4ய:|
வத்ஸான் க்3ருணன் அநுக3 கீ3த பவித்ர கீர்தி:
கோ3பீ த்3ருகு3த்ஸவத்3ருஶி: ப்ரவிவேஶ கோ3ஷ்ட2ம்|| 47
அத்3யாநேந மஹாவ்யாளோ யஶோதா3 நந்த3ஸூநுநா|
ஹதோऽவிதா வயம் சாஸ்மாத்3 இதி பா3லா வ்ரஜே ஜகு3:|| 48
ஶ்ரீராஜோவாச|
ப்3ரஹ்மன் பரோத்3ப4வே க்ருஷ்ணே இயான் ப்ரேமா கத2ம் ப4வேத்|
யோऽபூ4த பூர்வஸ்தோகேஷு ஸ்வோத்3ப4வேஷ்வபி கத்2யதாம்|| 49
ஶ்ரீஶுக உவாச|
ஸர்வேஷாமபி பூ4தாநாம் ந்ருப ஸ்வாத்மைவ வல்லப4:|
இதரேऽபத்ய வித்தாத்3யா ஸ்தத்3வல்லப4 தயைவ ஹி|| 50
தத்3 ராஜேந்த்3ர யதா2 ஸ்நேஹ: ஸ்வஸ்வகாத்மனி தே3ஹிநாம்|
ந ததா2 மமதாலம்பி3 புத்ர வித்த க்3ருஹாதி3ஷு|| 51
தே3ஹாத்மவாதி3நாம் பும்ஸாமபி ராஜன்யஸத்தம|
யதா2 தே3ஹ: ப்ரியதமஸ்ததா2 ந ஹ்யநு யே ச தம்|| 52
தே3ஹோऽபி மமதாபா4க் சேத் தர்ஹ்யஸௌ நாத்மவத் ப்ரிய:|
யஜ்ஜீர்யத்யபி தே3ஹேऽஸ்மின் ஜீவிதாஶா ப3லீயஸீ|| 53
தஸ்மாத் ப்ரியதம: ஸ்வாத்மா ஸர்வேஷாமபி தே3ஹிநாம்|
தத3ர்த2மேவ ஸகலம் ஜக3தே3தத் சராசரம்|| 54
க்ருஷ்ணமேன மவேஹி த்வமாத்மானமகி2லாத்மநாம்|
ஜக3த்3 ஹிதாய ஸோऽப்யத்ர தே3ஹீவாபா4தி மாயயா|| 55
வஸ்துதோ ஜானதாமத்ர க்ருஷ்ணம் ஸ்தா2ஸ்நு சரிஷ்ணு ச|
ப4க3வத்3ரூப மகி2லம் நான்யத்3 வஸ்த்விஹ கிஞ்சன|| 56
ஸர்வேஷாமபி வஸ்தூநாம் பா4வார்தோ2 ப4வதி ஸ்தி2த:|
தஸ்யாபி ப4க3வான் க்ருஷ்ண: கிமதத்3 வஸ்து ரூப்யதாம்|| 57
ஸமாஶ்ரிதா யே பத3பல்லவப்லவம்
மஹத்பத3ம் புண்யயஶோ முராரே:|
ப4வாம்பு3தி4ர் வத்ஸபத3ம் பரம் பத3ம்
பத3ம் பத3ம் யத்3 விபதா3ம் ந தேஷாம்|| 58
ஏதத் தே ஸர்வமாக்2யாதம் யத் ப்ருஷ்டோऽஹமிஹ த்வயா|
யத் கௌமாரே ஹரி க்ருதம் பௌக3ண்டே3 பரிகீர்திதம்|| 59
ஏதத் ஸுஹ்ருத்3பி4ஶ்சரிதம் முராரே:
அகா4ர்த3னம் ஶாத்3வலஜேமனம் ச|
வ்யக்தேதரத்3 ரூப மஜோர்வபி4ஷ்டவம்
ஶ்ருண்வன் க்3ருணன் நே தி நரோऽகி2லார்தா2ன்|| 60
ஏவம் விஹாரை: கௌமாரை: கௌமாரம் ஜஹதுர் வ்ரஜே|
நிலாயனை: ஸேதுப3ந்தை4ர் மர்கடோத்ப்லவநாதி3பி4:|| 61
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 ப்3ரஹ்மஸ்துதிர்நாம சதுர்த3ஶோऽத்4யாய: || 14
பத்தாம் ஸ்கந்தம் - பதினான்காம் அத்யாயம் முற்றும்.