Interlingua ha essite usate in scholas secundari svedese como un introduction al vocabulario international e le linguas romance. Studentes pote advantiar se post un anno a un nivello de competentia que sovente es obtenite post solmente tres annos con linguas romance como le espaniol e le francese. Tal studentes de interlingua ha monstrate de plus post un anno le capacitate de traducer accuratemente textos del espaniol, italiano, o francese que mesmo studentes habente studiate in loco iste linguas durante un anno non poteva traducer. Le lingua es un medio excellente pro parlantes del varie linguas a base pro apprender le etymologia general de lor linguas. Illo es un excellente ponte pro communicar trans bordos inter parlantes del linguas a base, specialmente anglese e le linguas romance. On qui sape le interlingua sovente pote comprehender le francese o espaniol o italian, durante que parlantes de iste linguas facilemente comprehende le interlingua a prime vista. On anque pote conciper interlingua como un variante moderne del lingua latin. Illo conserva multe formas del latino, mais con un grammatica simple secundo le romance. Illo es un forma de anglo-romance standardisate.

Interlingua es le lingua international publicate per le International Auxiliary language Association (IALA) de New York in 1951, de post decennios de recerca per linguistas a plen tempore. Alcun famose nomines inter illes que participava al recerca in tempores differente esseva: le professores Collinson (Liverpool),  Jespersen (Copenhagen), Martinet (Paris) e Shenton (Syracuse), inter multe alteres.  On pote dicer que Interlingua es le forma prototypic del linguas francese, italian, espaniol e portugese (linguas que se affirmava a nivello international), le quales descendeva del latino.  Interlingua pote esser comprendite como un "latino moderne".  Le grammatica de Interlingua es multo simple, proque illo non ha multe del espaventabile difficultates del linguas national, le quales sovente obstacula le apprension de un lingua estranie. Le grammatica de base pote esser maestrate  in un copula de horas, o minus!   Le vocabulario de Interlingua  (substantivos, verbos, adjectivos, etc.) es super toto un composito simplificate de parolas francese, italian, portugese e espaniol. Un grande proportion del lingua anglese es de origine latin.