ji bo xwişka xwe û
ji dilderêr rizgariyê re
mi go
niza tê bala te
xelekên qeselî
ku me
dorpêç dikir zaroktiya xwe
li tara ezmana
û çerxa hêmayên bibar
biber sîpanê xelatê ve
berba dikir dildarî ...
û dema
ku heyvê
pepikên rojê pêdikir
ku şeva fîstanê tebaxê
tavêtin ser xaniya
ez dimirim ji kefa
melodîyên sirsirka
û te dî
me şevbihêrik dimeyandin
ji delaliya
sterkên ku dirijiyan
kefa desta
me tijî dikir cembek
ji cendekan
li hev pardikir xizanî
û stêrken mayi
dimelisîn
aramiya çava
mişt diman henek
ji mewîjokên
miştaxa rûwên te ...
