|
|
|
THE GLESGA NEB
Vindaloo Street, the soap opera based in a wee Glesga
Street hus brought in anuther sex symbol.....last week they brought Big Rab
back as he wis complainin aboot bein killed aff....they promised him he could
be the resident sex symbol wi lots o good storylines. Noo they huv brought in
an unknown called Tinman. Spokeswuman fur the soap (aye its her again!) Maggie telt
us..."We ur just fed up wi Rab's demands (so is Deirdrie!) so we decided
tae teach him that theres mare fish in the sea.....we wull keep him oan but
he's goanny huv a rival noo" When we tried tae speak tae Big Rab he ignored us.....he
wis sulkin! Wit a wean!! When we asked Tinman wit he thought o his new part he didnae say anythin eether...he hud his heid in a bucket at the time. But we predict great things fur this man....no sure wit things yet though. We wull keep ye awe informed o whats goin
oan....or just
read the bliddy thing yerselves!!
A wee budgie his died an left awe its money tae a widow
in Cathcart.....Benny the budgie wis left the money 10 years ago by his rich
owner but he wis a careful wee burd an didnae spend much o it...so just afore
he died he remembered the kind auld wumman that used tae feed him when she
passed the windae. The wumman who wud gie her name only as Mrs S told the
Neb "A wus suprised tae get the money but a wisnae goany turn it doon....a
might be auld but am no daft!!" One bit o proof o how close they wur is that oor
reporters noticed when they spoke tae Mrs S she wis hawdin a wee piece o red
string in her hawnd...the same size an colour as the wan Benny hud been wearin
roon his neck when they found him. Makes ye want tae greet duntit? Wonder if
Big Rab hus heard aboot this wumman! ~~~~~~~~~~~~~~~~~~~ Aye we know this story is oot o date....but we huvnae
goat any mare.....we canny think o everything! If any o yous huv news stories ye want tae share wi us
just send them tae us an we wull print them here...we wulnae pay ye fur
them....an we wulnae print yer name.....matter o fact theres nothin in it fur
ye at awe...but disnae matter, send them anyway! |
||
