< Oor Wee Hoose! Memories

This is a wee trip doon Memory Lane.... wit we kin remember o those days that is.

We remember oan a Friday night getting oor Dad's pay packet an splashing oot on fish suppers fae the chippy.....they aye tasted better wrapped in newspaper that turned yer hands black, an wi a pickled onion in there it was magic.

We mind going swimmin on a Saturday an coming oot aw wet an gettin a cup o hot soup.....then we walked alang tae Woolies and bought a bag o broken biscuits. Jammy dodgers wis always oor favorit.

Then oan Saturday efternoons the Rag and Bone man came doon the street an we awe rushed in tae ask oor Mammy fer some auld clothes......awe we aye ended up wi wis just a balloon!

We wur wan o the first oan the street tae get a telly, aw the kids came in tae see it but we ran oot of shillings tae put in the back afore the first programme ended.

We mind going oot shopping wi oor Mammy an needin tae go tae the lavvy an fishin in oor bags fer a penny tae put in the slot, while we jumped up an doon.

We kin remember sittin doon watching aw the great telly programmes like Andy Pandy, The Woodentops, Bill and Ben, Noddy an Big Ears...they didnae make programmes like that any mare.

 We mind tae playin ootside wi awe oor pals at pever. We sometimes used stanes but if we were lucky we goat an auld shoe polish tin, that slid alang the pavement better.

We kin mind oor Mammy getting oot her auld Singer's sewin machine an the whirr oh the wheel as she pedalled it....wit great wee dresses she made fur us!

An we wull never forget goin tae the Seterday matinee......we used tae save up oor pennies tae buy a big block oh Highland toffee tae chew while we watched Roy Rogers an Trigger.

An mind the wee boatles oh mulk ye got in school? We loved getting the job oh hawnin them oot tae oor pals...then we got tae pick the wan that wisnae frozen in the winter!

We kin mind oor Mammy tryin tae light a fire an hawdin the bit oh newspaper in front oh it tae get the draught tae sooch up the lum......maist oh the time oor Mammy just set fire tae the paper.....we didnae read much in those days!

Thats aw oor memories the noo but we will huv some mair soon.

 

 We huv tae say a special thanks tae oor pal Ella in New Zealand....she gave us loads oh her memories an took us back tae the good auld days! Thanks Ella hen......keep them comin!!

Haime

Thanks

Fairy Stories

Apply fur oor award

Oor Dating Service

Oor Message Board

Oor Toon

A wee poem

Ode tae Glesga

Vindaloo Street

The Glesga Neb

Maggie's Mind

Learn Oor Language

Huv a sing song

Weather Report

Huv a wee bit oh fun!

Talent Room

Oor Recipes

Ye huv tae laugh

Oor Awards

Oor Pals

Joabs

Oor Wee Shop

Earn yer Diploma!

Want tae write tae us?

setstats 1

setstats 1

Hosted by www.Geocities.ws

1