ஶ்ரீமத்பாகவதமஹாபுராணம் :: ஒன்பதாம் ஸ்கந்தம் :: அத்யாயம் 8.
சகர சரித்ரம்
அத₂ அஷ்டமோऽத்₂யாய:

ஶ்ரீஶுக உவாச
ஹரிதோ ரோஹிதஸுதஶ் சம்பஸ்தஸ்மாத்₃ விநிர்மிதா|
சம்பாபுரீ ஸுதே₃வோऽதோ விஜயோ யஸ்ய சாத்மஜ:|| 1

ப₄ருகஸ் தத்ஸுதஸ் தஸ்மாத்₃ வ்ருகஸ்தஸ்யாபி பா₃ஹுக:|
ஸோऽரிபி₄ர் ஹ்ருதபூ₄ ராஜா ஸபா₄ர்யோ வனமாவிஶத்|| 2

வ்ருத்₃த₄ம் தம் பஞ்சதாம் ப்ராப்தம் மஹிஷ்யநு மரிஷ்யதீ|
ஔர்வேண ஜானதாऽऽத்மானம் ப்ரஜாவந்தம் நிவாரிதா|| 3

ஆஜ்ஞாயாஸ்யை ஸபத்‍நீபி₄ர் க₃ரோ த₃த்தோऽந்த₄ஸா ஸஹ|
ஸஹ தேனைவ ஸஞ்ஜாத: ஸக₃ராக்₂யோ மஹாயஶா:|| 4

ஸக₃ரஶ்சக்ரவர்த்யாஸீத் ஸாக₃ரோ யத்ஸுதை: க்ருத:|
யஸ்தாலஜங்கா₄ன் யவநான் ஶகான் ஹைஹய ப₃ர்ப₃ரான்|| 5

நாவதீ₄த்₃ கு₃ருவாக்யேன சக்ரே விக்ருதவேஷிண:|
முண்டா₃ன் ஶ்மஶ்ருத₄ரான் காம்ஶ்சின் முக்த கேஶார்த₄ முண்டி₃தான்|| 6

அனந்தர்வாஸஸ: காம்ஶ்சித₃ப₃ஹிர்வாஸஸோऽபரான்|
ஸோऽஶ்வமேதை₄ரயஜத ஸர்வவேத₃ ஸுராத்மகம்|| 7

ஔர்வோபதி₃ஷ்டயோகே₃ன ஹரிமாத்மான மீஶ்வரம்|
தஸ்யோத்ஸ்ருஷ்டம் பஶும் யஜ்ஞே ஜஹாராஶ்வம் புரந்த₃ர:|| 8

ஸுமத்யாஸ்தனயா த்₃ருப்தா: பிதுராதே₃ஶ காரிண:|
ஹயமன்வேஷமாணாஸ்தே ஸமந்தான் ந்யக₂னன் மஹீம்|| 9

ப்ராகு₃தீ₃ச்யாம் தி₃ஶி ஹயம் த₃த்₃ருஶு: கபிலான்திகே|
ஏஷ வாஜிஹரஶ் சௌர ஆஸ்தே மீலிதலோசன:|| 10

ஹன்யதாம் ஹன்யதாம் பாப இதி ஷஷ்டிஸஹஸ்ரிண:|
உதா₃யுதா₄ அபி₄யயுருன்மிமேஷ ததா₃ முனி:|| 11

ஸ்வஶரீராக்₃நிநா தாவன் மஹேந்த்₃ரஹ்ருத சேதஸ:|
மஹத்₃ வ்யதிக்ரமஹதா ப₄ஸ்மஸாத₃ப₄வன் க்ஷணாத்|| 12

ந ஸாது₄வாதோ₃ முனிகோப ப₄ர்ஜிதா
      ந்ருபேந்த்₃ர புத்ரா இதி ஸத்த்வ தா₄மநி|
கத₂ம் தமோ ரோஷமயம் விபா₄வ்யதே
      ஜக₃த்பவித்ராத்மனி கே₂ ரஜோ பு₄வ:|| 13

யஸ்யேரிதா ஸாங்க்₂யமயீ த்₃ருடே₄ஹ நௌ:
      யயா முமுக்ஷுஸ்தரதே து₃ரத்யயம்|
ப₄வார்ணவம் ம்ருத்யுபத₂ம் விபஶ்சித:
      பராத்மபூ₄தஸ்ய கத₂ம் ப்ருத₂ங்‌மதி:|| 14

யோऽஸமஞ்ஜஸ இத்யுக்த: ஸ கேஶின்யா ந்ருபாத்மஜ:|
தஸ்ய புத்ரோம்ऽஶுமான் நாம பிதாமஹ ஹிதே ரத:|| 15

அஸமஞ்ஜஸ ஆத்மானம் த₃ர்ஶயந் அஸமஞ்ஜஸம்|
ஜாதிஸ்மர: புரா ஸங்கா₃த்₃ யோகீ₃ யோகா₃த்₃ விசாலித:|| 16

ஆசரன் க₃ர்ஹிதம் லோகே ஜ்ஞாதீநாம் கர்ம விப்ரியம்|
ஸரய்வாம் க்ரீட₃தோ பா₃லான் ப்ராஸ்யது₃த்₃வேஜயஞ்ஜனம்|| 17

ஏவம்வ்ருத்த: பரித்யக்த: பித்ரா ஸ்நேஹமபோஹ்ய வை|
யோகை₃ஶ்வர்யேண பா₃லாம்ஸ்தான் த₃ர்ஶயித்வா ததோ யயௌ|| 18

அயோத்₄யாவாஸிந: ஸர்வே பா₃லகான் புனராக₃தான்|
த்₃ருஷ்ட்வா விஸிஸ்மிரே ராஜன் ராஜா சாப்யன்வதப்யத|| 19

அம்ஶுமாம்ஶ்சோதி₃தோ ராஜ்ஞா துரங்கா₃ன்வேஷணே யயௌ|
பித்ருவ்யகா₂தாநுபத₂ம் ப₄ஸ்மாந்தி த₃த்₃ருஶே ஹயம்|| 20

தத்ராஸீநம் முனிம் வீக்ஷ்ய கபிலாக்₂யமதோ₄க்ஷஜம்|
அஸ்தௌத் ஸமாஹிதமநா: ப்ராஞ்ஜலி: ப்ரணதோ மஹான்|| 21

அம்ஶுமாநுவாச|
ந பஶ்யதி த்வாம் பரமாத்மநோऽஜநோ
      ந பு₃த்₄யதேऽத்₃யாபி ஸமாதி₄யுக்திபி₄:|
குதோऽபரே தஸ்ய மன: ஶரீரதீ₄-
      விஸர்க₃ ஸ்ருஷ்டா வயமப்ரகாஶா:|| 22

யே தே₃ஹபா₄ஜஸ்த்ரிகு₃ண ப்ரதா₄நா
      கு₃ணான் விபஶ்யந்த்யுத வா தமஶ்ச|
யன்மாயயா மோஹித சேதஸஸ்தே
      விது₃: ஸ்வஸம்ஸ்த₂ம் ந ப₃ஹி: ப்ரகாஶா:|| 23

தம் த்வாமஹம் ஜ்ஞானக₄னம் ஸ்வபா₄வ-
      ப்ரத்₄வஸ்த மாயாகு₃ண பே₄த₃ மோஹை:|
ஸநந்த₃நாத்₃யைர் முனிபி₄ர் விபா₄வ்யம்
      கத₂ம் ஹி மூட₄: பரிபா₄வயாமி|| 24

ப்ர ஶாந்த மாயா கு₃ண கர்மலிம்க₃-
      மநாமரூபம் ஸத₃ஸத்₃விமுக்தம்|
ஜ்ஞாநோபதே₃ஶாய க்₃ருஹீத தே₃ஹம்
      ந மாமஹே த்வாம் புருஷம் புராணம்|| 25

த்வன் மாயாரசிதே லோகே வஸ்து பு₃த்₃த்₄யா க்₃ருஹாதி₃ஷு|
ப்₄ரமந்தி காமலோபே₄ர்ஷ்யா மோஹவிப்₄ராந்த சேதஸ:|| 26

அத்₃ய ந: ஸர்வபூ₄தாத்மன் காமகர்மேந்த்₃ரியாஶய:|
மோஹபாஶோ த்₃ருட₄ஶ்சி₂ந்நோ ப₄க₃வம்ஸ்தவ த₃ர்ஶநாத்|| 27

ஶ்ரீஶுக உவாச|
இத்த₂ம்கீ₃தாநுபா₄வஸ்தம் ப₄க₃வான் கபிலோ முனி:|
அம்ஶுமந்த முவாசேத₃ மநுக்₃ராஹ்ய தி₄யா ந்ருப|| 28

ஶ்ரீப₄க₃வாநுவாச|
அஶ்வோऽயம் நீயதாம் வத்ஸ பிதாமஹ பஶுஸ்தவ|
இமே ச பிதரோ த₃க்₃தா₄ க₃ங்கா₃ம்போ₄ऽர்ஹந்தி நேதரத்|| 29

தம் பரிக்ரம்ய ஶிரஸா ப்ரஸாத்₃ய ஹயமானயத்|
ஸக₃ரஸ்தேன பஶுநா க்ரதுஶேஷம் ஸமாபயத்|| 30

ராஜ்யமம்ஶுமதே ந்யஸ்ய நி:ஸ்ப்ருஹோ முக்தப₃ந்த₄ன:|
ஔர்வோபதி₃ஷ்ட மார்கே₃ண லேபே₄ க₃திமநுத்தமாம்|| 31

இதி ஶ்ரீமத்₃‍பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் நவமஸ்கந்தே₄ ஸக₃ரோபாக்₂யானே அஷ்டமோऽத்₄யாய: || 8 ||

ஒன்பதாம் ஸ்கந்தம் - எட்டாம் அத்யாயம் முற்றும்.