ஶ்ரீமத்பாகவதமஹாபுராணம் :: ஒன்பதாம் ஸ்கந்தம் :: அத்யாயம் 4.
நாபாகர் மற்றும் அம்பரீஷனின் கதை
அத2 சதுர்தோऽத்2யாய:
ஶ்ரீஶுக உவாச
நாபா4கோ3 நப4கா3பத்யம் யம் ததம் ப்4ராதர: கவிம்|
யவிஷ்ட2ம் வ்யப4ஜன் தா3யம் ப்3ரஹ்மசாரிண மாக3தம்|| 1
ப்4ராதரோऽபா4ங்க்த கிம் மஹ்யம் ப4ஜாம பிதரம் தவ|
த்வாம் மமார்யாஸ்ததாபா4ங்க்ஷுர் மா புத்ரக ததா3த்3ருதா2:|| 2
இமே அங்கி3ரஸ: ஸத்ரமாஸதேऽத்3ய ஸுமேத4ஸ:|
ஷஷ்ட2ம் ஷஷ்ட2முபேத்யாஹ: கவே முஹ்யந்தி கர்மணி|| 3
தாம்ஸ்த்வம் ஶம்ஸய ஸூக்தே த்3வே வைஶ்வதே3வே மஹாத்மன:|
தே ஸ்வர்யந்தோ த4னம் ஸத்ரபரிஶேஷித மாத்மன:|| 4
தா3ஸ்யந்தி தேऽத2 தான் க3ச்ச2 ததா2 ஸ க்ருதவான் யதா2|
தஸ்மை த3த்த்வா யயு: ஸ்வர்க3ம் தே ஸத்ரபரிஶேஷிதம்|| 5
தம் கஶ்சித் ஸ்வீகரிஷ்யந்தம் புருஷ: க்ருஷ்ணத3ர்ஶன:|
உவாசோத்தரதோऽப்4யேத்ய மமேத3ம் வாஸ்துகம் வஸு|| 6
மமேத3ம் ருஷிபி4ர் த3த்தமிதி தர்ஹி ஸ்ம மானவ:|
ஸ்யாந்நௌ தே பிதரி ப்ரஶ்ன: ப்ருஷ்டவான் பிதரம் ததா2|| 7
யஜ்ஞவாஸ்துக3தம் ஸர்வமுச்சி2ஷ்டம்ருஷய: க்வசித்|
சக்ருர் விபா4க3ம் ருத்3ராய ஸ தே3வ: ஸர்வமர்ஹதி|| 8
நாபா4க3ஸ்தம் ப்ரணம்யாஹ தவேஶ கில வாஸ்துகம்|
இத்யாஹ மே பிதா ப்3ரஹ்மன் ஶிரஸா த்வாம் ப்ரஸாத3யே|| 9
யத் தே பிதாவத3த்3 த4ர்மம் த்வம் ச ஸத்யம் ப்ரபா4ஷஸே|
த3தா3மி தே மந்த்ரத்3ருஶே ஜ்ஞானம் ப்3ரஹ்ம ஸநாதநம்|| 10
க்3ருஹாண த்3ரவிணம் த3த்தம் மத்ஸத்ரே பரிஶேஷிதம்|
இத்யுக்த்வாந்தர்ஹிதோ ருத்3ரோ ப4க3வான் ஸத்யவத்ஸல:|| 11
ய ஏதத் ஸம்ஸ்மரேத் ப்ராத: ஸாயம் ச ஸுஸமாஹித:|
கவிர்ப4வதி மம்த்ரஜ்ஞோ க3திம் சைவ ததா2ऽऽத்மன:|| 12
நாபா4கா3த3ம்ப3ரீஷோऽபூ4த் மஹாபா4க3வத: க்ருதீ|
நாஸ்ப்ருஶத்3 ப்3ரஹ்மஶாபோऽபி யம் ந ப்ரதிஹத: க்வசித்|| 13
ஶ்ரீராஜோவாச|
ப4க3வன் ஶ்ரோதுமிச்சா2மி ராஜர்ஷேஸ்தஸ்ய தீ4மத:|
ந ப்ராபூ4த்3 யத்ர நிர்முக்தோ ப்3ரஹ்ம த3ண்டோ3 து3ரத்யய:|| 14
ஶ்ரீஶுக உவாச|
அம்ப3ரீஷோ மஹாபா4க3: ஸப்தத்3வீபவதீம் மஹீம்|
அவ்யயாம் ச ஶ்ரியம் லப்3த்4வா விப4வம் சாதுலம் பு4வி|| 15
மேனேऽதி து3ர்லப4ம் பும்ஸாம் ஸர்வம் தத் ஸ்வப்ன ஸம்ஸ்துதம்|
வித்3வான் விப4வநிர்வாணம் தமோ விஶதி யத் புமான்|| 16
வாஸுதே3வே ப4க3வதி தத்3ப4க்தேஷு ச ஸாது4ஷு|
ப்ராப்தோ பா4வம் பரம் விஶ்வம் யேநேத3ம் லோஷ்டவத் ஸ்ம்ருதம்|| 17
ஸ வை மன: க்ருஷ்ணபதா3ரவிந்த3யோ:
வசாம்ஸி வைகுண்ட2கு3ணாநுவர்ணனே|
கரௌ ஹரேர் மந்தி3ர மார்ஜநாதி3ஷு
ஶ்ருதிம் சகாராச்யுத ஸத்கதோ2த3யே|| 18
முகுந்த3லிம்கா3லய த3ர்ஶனே த்3ருஶௌ
தத்3ப்4ருத்ய கா3த்ரஸ்பர்ஶேऽங்க3ஸங்க3மம்|
க்4ராணம் ச தத்பாத3ஸரோஜ ஸௌரபே4
ஶ்ரீமத்துளஸ்யா ரஸநாம் தத3ர்பிதே|| 19
பாதௌ3 ஹரே: க்ஷேத்ரபதா3நுஸர்பணே
ஶிரோ ஹ்ருஷீகேஶ பதா3பி4வந்த3னே|
காமம் ச தா3ஸ்யே ந து காமகாம்யயா
யதோ2த்தமஶ்லோக ஜநாஶ்ரயா ரதி:|| 20
ஏவம் ஸதா3 கர்மகலாப மாத்மன:
பரேऽதி4யஜ்ஞே ப4க3வத்யதோ4க்ஷஜே|
ஸர்வாத்மபா4வம் வித3த4ன் மஹீமிமாம்
தந்நிஷ்ட2 விப்ராபி4ஹித: ஶஶாஸ ஹ|| 21
ஈஜேऽஶ்வமேதை4 ரதி4யஜ்ஞமீஶ்வரம்
மஹாவிபூ4த்யா உபசிதாங்க3 த3க்ஷிணை:|
ததைர் வஸிஷ்டா2ஸித கௌ3தமாதி3பி4:
த4ன்வன்யபி4ஸ்ரோதமஸௌ ஸரஸ்வதீம்|| 22
யஸ்ய க்ரதுஷு கீ3ர்வாணை: ஸத3ஸ்யா ருத்விஜோ ஜனா:|
துல்யரூபாஶ்ச அனிமிஷா வ்யத்3ருஶ்யந்த ஸுவாஸஸ:|| 23
ஸ்வர்கோ3 ந ப்ரார்தி2தோ யஸ்ய மநுஜைரமரப்ரிய:|
ஶ்ருண்வத்3பி4 ருபகா3யத்3பி4 ருத்தமஶ்லோக சேஷ்டிதம்|| 24
ஸமர்த்3த4யந்தி தான் காமா: ஸ்வாராஜ்ய பரிபா4விதா:|
து3ர்லபா4 நாபி ஸித்3தா4நாம் முகுந்த3ம் ஹ்ருதி3 பஶ்யத:|| 25
ஸ இத்த2ம் ப4க்தியோகே3ன தபோயுக்தேன பார்தி2வ:|
ஸ்வத4ர்மேண ஹரிம் ப்ரீணன் ஸங்கா3ன் ஸர்வான் ஶனைர் ஜஹௌ|| 26
க்3ருஹேஷு தா3ரேஷு ஸுதேஷு ப3ந்து4ஷு
த்3விபோத்தம ஸ்யந்த3ன வாஜி பத்திஷு|
அக்ஷய்ய ரத்ன ஆப4ரணாயுதா4தி3ஷு-
அநந்தகோஶேஷ்வகரோத3ஸன்மதிம்|| 27
தஸ்மா அதா3த் ஹரிஶ்சக்ரம் ப்ரத்யநீக ப4யாவஹம்|
ஏகாந்த ப4க்திபா4வேன ப்ரீதோ ப்4ருத்யாபி4ரக்ஷணம்|| 28
ஆரிராத4யிஷு: க்ருஷ்ணம் மஹிஷ்யா துல்யஶீலயா|
யுக்த: ஸாம்வத்ஸரம் வீரோ த3தா4ர த்3வாத3ஶீவ்ரதம்|| 29
வ்ரதாந்தே கார்திகே மாஸி த்ரிராத்ரம் ஸமுபோஷித:|
ஸ்நாத: கதா3சித் காளிந்த்3யாம் ஹரிம் மது4வனேऽர்சயத்|| 30
மஹாபி4ஷேக விதி4நா ஸர்வோபஸ்கர ஸம்பதா3|
அபி4ஷிச்யாம்ப3ராகல்பைர் க3ந்த4மால்யார்ஹணாதி3பி4:|| 31
தத்3க3தாந்தரபா4வேன பூஜயாமாஸ கேஶவம்|
ப்3ராஹ்மணாம்ஶ்ச மஹாபா4கா3ன் ஸித்3தா4ர்தா2நபி ப4க்தித:|| 32
க3வாம் ருக்மவிஷாணீநாம் ரூப்யாங்க்4ரீணாம் ஸுவாஸஸாம்|
பய:ஶீல வயோ ரூப வத்ஸோபஸ்கர ஸம்பதா3ம்|| 33
ப்ராஹிணோத் ஸாது4 விப்ரேப்4யோ க்3ருஹேஷு ந்யர்பு3தா3நி ஷட்|
போ4ஜயித்வா த்3விஜாநக்3ரே ஸ்வாத்3வன்னம் குணவத்தமம்|| 34
லப்3த4காமைரநுஜ்ஞாத: பாரணாயோபசக்ரமே|
தஸ்ய தர்ஹ்யதிதி2: ஸாக்ஷாத்3 து3ர்வாஸா ப4க3வானபூ4த்|| 35
தமாநர்சாதிதி2ம் பூ4ப: ப்ரத்யுத்தா2நாஸநார்ஹணை:|
யயாசேऽப்4யவஹாராய பாத3மூலமுபாக3த:|| 36
ப்ரதிநந்த்3ய ஸ தத்3யாச்ஞாம் கர்து மாவஶ்யகம் க3த:|
நிமமஜ்ஜ ப்3ருஹத்3 த்4யாயன் காளிந்தீ3ஸலிலே ஶுபே4|| 37
முஹூர்தார்தா4வஶிஷ்டாயாம் த்3வாத3ஶ்யாம் பாரணம் ப்ரதி|
சிந்தயாமாஸ த4ர்மஜ்ஞோ த்3விஜைஸ்தத்3த4ர்மஸங்கடே|| 38
ப்3ராஹ்மணாதிக்ரமே தோ3ஷோ த்3வாத3ஶ்யாம் யத3பாரணே|
யத் க்ருத்வா ஸாது4 மே பூ4யாத் அத4ர்மோ வா ந மாம் ஸ்ப்ருஶேத்|| 39
அம்ப4ஸா கேவலேநாத2 கரிஷ்யே வ்ரதபாரணம்|
ப்ராஹுரப்3ப4க்ஷணம் விப்ரா ஹ்யஶிதம் நாஶிதம் ச தத்|| 40
இத்யப: ப்ராஶ்ய ராஜர்ஷிஶ்சிந்தயன் மனஸாச்யுதம்|
ப்ரத்யசஷ்ட குருஶ்ரேஷ்ட2 த்3விஜாக3மனமேவ ஸ:|| 41
து3ர்வாஸா யமுநாகூலாத் க்ருதாவஶ்யக ஆக3த:|
ராஜ்ஞாபி4நந்தி3தஸ்தஸ்ய பு3பு3தே4 சேஷ்டிதம் தி4யா|| 42
மன்யுனா ப்ரசலத்3கா3த்ரோ ப்4ருகுடீ குடிலானன:|
பு3பு4க்ஷிதஶ்ச ஸுதராம் க்ருதாஞ்ஜலிமபா4ஷத|| 43
அஹோ அஸ்ய ந்ருஶம்ஸஸ்ய ஶ்ரியோன்மத்தஸ்ய பஶ்யத|
த4ர்மவ்யதிக்ரமம் விஷ்ணோரப4க்தஸ்யேஶமானின:|| 44
யோ மாமதிதி2மாயாதம் ஆதித்2யேன நிமம்த்ர்ய ச|
அத3த்த்வா பு4க்தவாம்ஸ்தஸ்ய ஸத்3யஸ்தே த3ர்ஶயே ப2லம்|| 45
ஏவம் ப்3ருவாண உத்க்ருத்ய ஜடாம் ரோஷவிதீ3பித:|
தயா ஸ நிர்மமே தஸ்மை க்ருத்யாம் காலாநலோபமாம்|| 46
தாமாபதந்தீம் ஜ்வலதீம் அஸிஹஸ்தாம் பதா3 பு4வம்|
வேபயந்தீம் ஸமுத்3வீக்ஷ்ய ந சசால பதா3ந்ந்ருப:|| 47
ப்ராக்3தி3ஷ்டம் ப்4ருத்யரக்ஷாயாம் புருஷேண மஹாத்மநா|
த3தா3ஹ க்ருத்யாம் தாம் சக்ரம் க்ருத்3தா4ஹிமிவ பாவக:|| 48
தத3பி4த்3ரவது3த்3வீக்ஷ்ய ஸ்வப்ரயாஸம் ச நிஷ்ப2லம்|
து3ர்வாஸா து3த்3ருவே பீ4தோ தி3க்ஷு ப்ராணபரீப்ஸயா|| 49
தமன்வதா4வத்3 ப4க3வத்3 ரதா2ங்க3ம்
தா3வாக்3நிருத்3தூ4தஶிகோ2 யதா2ஹிம்|
ததா2நுஷக்தம் முனிரீக்ஷமாணோ
கு3ஹாம் விவிக்ஷு: ப்ரஸஸார மேரோ:|| 50
தி3ஶோ நப4: க்ஷ்மாம் விவரான் ஸமுத்3ரான்
லோகான் ஸபாலாம்ஸ்த்ரிதி3வம் க3த: ஸ:|
யதோ யதோ தா4வதி தத்ர தத்ர
ஸுத3ர்ஶனம் து3ஷ்ப்ரஸஹம் த3த3ர்ஶ|| 51
அலப்3த4நாத2: ஸ யதா3 குதஶ்சித்
ஸக்த்ரஸ்த சித்தோऽரணமேஷமாண:|
தே3வம் விரிஞ்சம் ஸமகா3த்3 விதா4த:
த்ராஹ்யாத்மயோநேऽஜித தேஜஸோ மாம்|| 52
ஶ்ரீப்3ரஹ்மோவாச|
ஸ்தா2னம் மதீ3யம் ஸஹவிஶ்வமேதத்
க்ரீடா3வஸாநே த்3விபரார்த4 ஸம்ஜ்ஞே|
ப்4ரூப4ங்க3மாத்ரேண ஹி ஸம்தி3த4க்ஷோ:
காலாத்மநோ யஸ்ய திரோப4விஷ்யதி|| 53
அஹம் ப4வோ த3க்ஷப்4ருகு3 ப்ரதா4நா:
ப்ரஜேஶ பூ4தேஶ ஸுரேஶமுக்2யா:|
ஸர்வே வயம் யந்நியமம் ப்ரபந்நா
மூர்த்4ன்யர்பிதம் லோகஹிதம் வஹாம:|| 54
ப்ரத்யாக்2யாதோ விரிஞ்சேன விஷ்ணுசக்ரோபதாபித:|
து3ர்வாஸா: ஶரணம் யாத: ஶர்வம் கைலாஸவாஸினம்|| 55
ஶ்ரீருத்3ர உவாச|
வயம் ந தாத ப்ரப4வாம பூ4ம்நி
யஸ்மின் பரேऽன்யேऽப்யஜ ஜீவகோஶா:|
ப4வந்தி காலே ந ப4வந்தி ஹீத்3ருஶா:
ஸஹஸ்ரஶோ யத்ர வயம் ப்4ரமாம:|| 56
அஹம் ஸநத்குமாரஶ்ச நாரதோ3 ப4க3வானஜ:|
கபிலோऽபாந்தரதமோ தே3வலோ த4ர்ம ஆஸுரி:|| 57
மரீசி ப்ரமுகா2ஶ்சான்யே ஸித்3தே4ஶா: பாரத3ர்ஶநா:|
விதா3ம ந வயம் ஸர்வே யன்மாயாம் மாயயாऽऽவ்ருதா:|| 58
தஸ்ய விஶ்வேஶ்வரஸ்யேத3ம் ஶஸ்த்ரம் து3ர்விஷஹம் ஹி ந:|
தமேவ ஶரணம் யாஹி ஹரிஸ்தே ஶம் விதா4ஸ்யதி|| 59
ததோ நிராஶோ து3ர்வாஸா: பத3ம் ப4க3வதோ யயௌ|
வைகுண்டா2க்2யம் யத3த்4யாஸ்தே ஶ்ரீநிவாஸ: ஶ்ரியா ஸஹ|| 60
ஸந்த3ஹ்யமாநோऽஜிதஶஸ்த்ர வஹ்நிநா
தத்பாத3மூலே பதித: ஸவேபது2:|
ஆஹ அச்யுத அநந்த ஸதீ3ப்ஸித ப்ரபோ4
க்ருதாக3ஸம் மாவ ஹி விஶ்வபா4வன|| 61
அஜானதா தே பரமாநுபா4வம்
க்ருதம் மயாக4ம் ப4வத: ப்ரியாணாம்|
விதே4ஹி தஸ்யாபசிதிம் விதா4த:
முச்யேத யந்நாம்ன்யுதி3தே நாரகோऽபி|| 62
ஶ்ரீப4க3வாநுவாச|
அஹம் ப4க்தபராதீ4நோ ஹி அஸ்வதந்த்ர இவ த்3விஜ|
ஸாது4பி4ர் க்3ரஸ்தஹ்ருத3யோ ப4க்தைர் ப4க்தஜனப்ரிய:|| 63
நாஹமாத்மாநமாஶாஸே மத்3ப4க்தை: ஸாது4பி4ர் விநா|
ஶ்ரியம் ச ஆத்யந்திகீம் ப்3ரஹ்மன் யேஷாம் க3திரஹம் பரா|| 64
யே தா3ராகா3ர புத்ராப்தான் ப்ராணான் வித்தமிமம் பரம்|
ஹித்வா மாம் ஶரணம் யாதா: கத2ம் தான் த்யக்து முத்ஸஹே|| 65
மயி நிர்ப3த்3த4ஹ்ருத3யா: ஸாத4வ: ஸமத3ர்ஶநா:|
வஶீகுர்வந்தி மாம் ப4க்த்யா ஸத்ஸ்த்ரிய: ஸத்பதிம் யதா2|| 66
மத்ஸேவயா ப்ரதீதம் ச ஸாலோக்யாதி3 சதுஷ்டயம்|
நேச்ச2ந்தி ஸேவயா பூர்ணா: குதோऽன்யத் காலவித்3ருதம்|| 67
ஸாத4வோ ஹ்ருத3யம் மஹ்யம் ஸாதூ4நாம் ஹ்ருத3யம் த்வஹம்|
மத3ன்யத் தே ந ஜாநந்தி நாஹம் தேப்4யோ மநாக3பி|| 68
உபாயம் கத2யிஷ்யாமி தவ விப்ர ஶ்ருணுஷ்வ தத்|
அயம் ஹ்யாத்மாபி4சாரஸ்தே யதஸ்தம் யாது வை ப4வான்|
ஸாது4ஷு ப்ரஹிதம் தேஜ: ப்ரஹர்து: குருதேऽஶிவம்|| 69
தபோ வித்3யா ச விப்ராணாம் நி:ஶ்ரேயஸகரே உபே4|
தே ஏவ து3ர்விநீதஸ்ய கல்பேதே கர்துரன்யதா2|| 70
ப்3ரஹ்மம்ஸ்தத்3 க3ச்ச2 ப4த்3ரம் தே நாபா4க3தனயம் ந்ருபம்|
க்ஷமாபய மஹாபா4க3ம் தத: ஶாந்திர் ப4விஷ்யதி|| 71
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் நவமஸ்கந்தே4 அம்ப3ரீஷ சரிதே சதுர்தோ2ऽத்4யாய: || 4 ||
ஒன்பதாம் ஸ்கந்தம் - நான்காம் அத்யாயம் முற்றும்.