ஶ்ரீமத்பாகவதமஹாபுராணம் :: எட்டாம் ஸ்கந்தம் :: அத்யாயம் 24.
பகவானின் மத்ஸ்யாவதாரக் கதை
அத2 சதுர்விம்ஶோऽத்2யாய:
ஶ்ரீராஜோவாச -
ப4க3வன் ஶ்ரோதுமிச்சா2மி ஹரேரத்3பு4த கர்மண:|
அவதார கதா2 மாத்3யாம் மாயாமத்ஸ்ய விட3ம்ப3னம்|| 1
யத3ர்த2 மத3தா4த்3 ரூபம் மாத்ஸ்யம் லோகஜுகு3ப்ஸிதம்|
தம: ப்ரக்ருதி து3ர்மர்ஷம் கர்மக்3ரஸ்த இவேஶ்வர:|| 2
ஏதந்நோ ப4க3வன் ஸர்வம் யதா2வத்3 வக்துமர்ஹஸி|
உத்தம ஶ்லோக சரிதம் ஸர்வலோக ஸுகா2வஹம்|| 3
ஶ்ரீஸூத உவாச -
இத்யுக்தோ விஷ்ணுராதேன ப4க3வான் பா3த3ராயணி:|
உவாச சரிதம் விஷ்ணோர் மத்ஸ்யரூபேண யத் க்ருதம்|| 4
ஶ்ரீஶுக உவாச -
கோ3விப்ர ஸுர ஸாதூ4நாம் ச2ந்த3ஸாமபி சேஶ்வர:|
ரக்ஷாமிச்ச2ம்ஸ்தநுர் த4த்தே த4ர்மஸ்யார்த2ஸ்ய சைவ ஹி|| 5
உச்சாவசேஷு பூ4தேஷு சரன் வாயுரிவேஶ்வர:|
நோச்சாவசத்வம் ப4ஜதே நிர்கு3ணத்வாத்3 தி4யோ கு3ணை:|| 6
ஆஸீத3தீத கல்பாந்தே ப்3ராஹ்மோ நைமித்திகோ லய:|
ஸமுத்3ரோபப்லுதாஸ்தத்ர லோகா பூ4ராத3யோ ந்ருப|| 7
காலேநாக3தநித்3ரஸ்ய தா4து: ஶிஶயிஷோர் ப3லீ|
முக2தோ நி:ஸ்ருதான் வேதா3ன் ஹயக்3ரீவோऽந்திகேऽஹரத்|| 8
ஜ்ஞாத்வா தத்3 தா3னவேந்த்3ரஸ்ய ஹயக்3ரீவஸ்ய சேஷ்டிதம்|
த3தா4ர ஶப2ரீரூபம் ப4க3வான் ஹரிரீஶ்வர:|| 9
தத்ர ராஜருஷி: கஶ்சித் நாம்நா ஸத்யவ்ரதோ மஹான்|
நாராயணபரோऽதப்யத் தப: ஸ ஸலிலாஶன:|| 10
யோऽஸாவஸ்மின் மஹாகல்பே தனய: ஸ விவஸ்வத:|
ஶ்ராத்3த4தே3வ இதி க்2யாதோ மநுத்வே ஹரிணார்பித:|| 11
ஏகதா3 க்ருதமாலாயாம் குர்வதோ ஜலதர்பணம்|
தஸ்யாஞ்ஜல்யுத3கே காசிச்ச2ப2ர்யேகாப்4யபத்3ய த|| 12
ஸத்யவ்ரதோऽஞ்ஜலிக3தாம் ஸஹ தோயேன பா4ரத|
உத்ஸஸர்ஜ நதீ3தோயே ஶப2ரீம் த்3ரவிடே3ஶ்வர:|| 13
தமாஹ ஸாதிகருணம் மஹாகாருணிகம் ந்ருபம்|
யாதோ3ப்4யோ ஜ்ஞாதிகா4திப்4யோ தீ3நாம் மாம் தீ3னவத்ஸல|
கத2ம் விஸ்ருஜஸே ராஜன் பீ4தாமஸ்மின் ஸரிஜ்ஜலே|| 14
தமாத்மநோऽநுக்3ரஹார்த2ம் ப்ரீத்யா மத்ஸ்யவபுர்த4ரம்|
அஜாநன் ரக்ஷணார்தா2ய ஶப2ர்யா: ஸ மநோ த3தே4|| 15
தஸ்யா தீ3னதரம் வாக்யமாஶ்ருத்ய ஸ மஹீபதி:|
கலஶாப்ஸு நிதா4யைநாம் த3யாளுர் நின்ய ஆஶ்ரமம்|| 16
ஸா து தத்ரைகராத்ரேண வர்த4மாநா கமண்ட3லௌ|
அலப்3த்4வா ऽऽத்மாவகாஶம் வா இத3மாஹ மஹீபதிம்|| 17
நாஹம் கமண்ட3லாவஸ்மின் க்ருச்ச்2ரம் வஸ்துமிஹோத்ஸஹே|
கல்பயௌக: ஸுவிபுலம் யத்ராஹம் நிவஸே ஸுக2ம்|| 18
ஸ ஏனாம் தத ஆதா3ய ந்யதா4தௌ3த3ஞ்சநோத3கே|
தத்ர க்ஷிப்தா முஹூர்தேன ஹஸ்தத்ரயம் அவர்த4த|| 19
ந ம ஏதத3லம் ராஜன் ஸுக2ம் வஸ்து முத3ஞ்சனம்|
ப்ருது2 தே3ஹி பத3ம் மஹ்யம் யத் த்வாஹம் ஶரணம் க3தா|| 20
தத ஆதா3ய ஸா ராஜ்ஞா க்ஷிப்தா ராஜன் ஸரோவரே|
ததா3வ்ருத்யாத்மநா ஸோऽயம் மஹாமீநோऽன்வவர்த4த|| 21
நைதன்மே ஸ்வஸ்தயே ராஜந்நுத3கம் ஸலிலௌகஸ:|
நிதே4ஹி ரக்ஷாயோகே3ன ஹ்ரதே3 மாமவிதா3ஸிநி|| 22
இத்யுக்த: ஸோऽநயன் மத்ஸ்யம் தத்ர தத்ராவிதா3ஸிநி|
ஜலாஶயே ஸம்மிதம் தம் ஸமுத்3ரே ப்ராக்ஷிபஜ்ஜ2ஷம்|| 23
க்ஷிப்யமாணஸ் தமாஹேத3 மிஹ மாம் மகராத3ய:|
அத3ந்த்யதிப3லா வீர மாம் நேஹோத்ஸ்ரஷ்டு மர்ஹஸி|| 24
ஏவம் விமோஹிதஸ்தேன வத3தா வல்கு3பா4ரதீம்|
தமாஹ கோ ப4வாநஸ்மான் மத்ஸ்யரூபேண மோஹயன்|| 25
நைவம்வீர்யோ ஜலசரோ த்3ருஷ்டோऽஸ்மாபி4: ஶ்ருதோऽபி வா|
யோ ப4வான் யோஜனஶதமஹ்நாபி4வ்யானஶே ஸர:|| 26
நூநம் த்வம் ப4க3வான் ஸாக்ஷாத்3 ஹரிர் நாராயணோऽவ்யய:|
அநுக்3ரஹாய பூ4தாநாம் த4த்ஸே ரூபம் ஜலௌகஸாம்|| 27
நமஸ்தே புருஷஶ்ரேஷ்ட2 ஸ்தி2த்யுத்பத்யப்யயேஶ்வர|
ப4க்தாநாம் ந: ப்ரபந்நாநாம் முக்2யோ ஹ்யாத்மக3திர் விபோ4|| 28
ஸர்வே லீலாவதாராஸ்தே பூ4தாநாம் பூ4திஹேதவ:|
ஜ்ஞாதுமிச்சா2ம்யதோ3 ரூபம் யத3ர்த2ம் ப4வதா த்4ருதம்|| 29
ந தே ऽரவிந்தா3க்ஷ பதோ3பஸர்பணம்
ம்ருஷா ப4வேத் ஸர்வஸுஹ்ருத் ப்ரியாத்மன:|
யதே2தரேஷாம் ப்ருத2கா3த்மநாம் ஸதாம்
அதீ3த்3ருஶோ யத்3 வபுரத்3பு4தம் ஹி ந:|| 30
ஶ்ரீஶுக உவாச -
இதி ப்3ருவாணம் ந்ருபதிம் ஜக3த்பதி:
ஸத்யவ்ரதம் மத்ஸ்யவபுர் யுக3க்ஷயே|
விஹர்துகாம: ப்ரளயார்ணவேऽப்3ரவீத்
சிகீர்ஷு ரேகாந்த ஜனப்ரிய: ப்ரியம்|| 31
ஶ்ரீப4க3வாநுவாச -
ஸப்தமே ऽத்3யதநாதூ3ர்த்4வம் அஹன்யேத த3ரிந்த3ம|
நிமங்க்ஷ்யத்யப்ய யாம்போ4தௌ4 த்ரைலோக்யம் பூ4ர்பு4வாதி3கம்|| 32
த்ரிலோக்யாம் லீயமாநாயாம் ஸம்வர்தாம்ப4ஸி வை ததா3|
உபஸ்தா2ஸ்யதி நௌ: காசித்3 விஶாலா த்வாம் மயேரிதா|| 33
த்வம் தாவதோ3ஷதீ4: ஸர்வா பீ3ஜான்யுச்சாவசாநி ச|
ஸப்தர்ஷிபி4: பரிவ்ருத: ஸர்வஸத்வோப ப்3ரும்ஹித:|| 34
ஆருஹ்ய ப்3ருஹதீம் நாவம் விசரிஷ்யஸ்யவிக்லவ:|
ஏகார்ணவே நிராலோகே ருஷீணாமேவ வர்சஸா|| 35
தோ3தூ4யமாநாம் தாம் நாவம் ஸமீரேண ப3லீயஸா|
உபஸ்தி2தஸ்ய மே ஶ்ரும்கே3 நிப3த்4நீஹி மஹாஹினா|| 36
அஹம் த்வாம் ருஷிபி4: ஸாகம் ஸஹநாவ முத3ன்வதி|
விகர்ஷன் விசரிஷ்யாமி யாவத்3 ப்3ராஹ்மீ நிஶா ப்ரபோ4|| 37
மதீ3யம் மஹிமானம் ச பரம் ப்3ரஹ்மேதி ஶப்3தி3தம்|
வேத்ஸ்யஸ்யநுக்3ருஹீதம் மே ஸம்ப்ரஶ்னைர் விவ்ருதம் ஹ்ருதி3|| 38
இத்த2மாதி3ஶ்ய ராஜானம் ஹரிரந்தரதீ4யத|
ஸோऽன்வவைக்ஷத தம் காலம் யம் ஹ்ருஷீகேஶ ஆதி3ஶத்|| 39
ஆஸ்தீர்ய த3ர்பா4ன் ப்ராக்கூலான் ராஜர்ஷி: ப்ராகு3த3ங்முக2:|
நிஷஸாத3 ஹரே: பாதௌ3 சிந்தயன் மத்ஸ்யரூபிண:|| 40
தத: ஸமுத்3ர உத்3வேல: ஸர்வத: ப்லாவயன் மஹீம்|
வர்த4மாநோ மஹாமேகை4ர் வர்ஷத்3பி4: ஸமத்3ருஶ்யத|| 41
த்4யாயன் ப4க3வதா3தே3ஶம் த3த்3ருஶே நாவமாக3தாம்|
தாமாருரோஹ விப்ரேந்த்3ரைராதா3யௌஷதி4 வீருத4:|| 42
தமூசுர் முனய: ப்ரீதா ராஜன் த்4யாயஸ்வ கேஶவம்|
ஸ வை ந: ஸம்கடா த3ஸ்மாத3விதா ஶம் விதா4ஸ்யதி|| 43
ஸோऽநுத்4யாதஸ் ததோ ராஜ்ஞா ப்ராது3ராஸீன் மஹார்ணவே|
ஏக ஶ்ரும்க3த4ரோ மத்ஸ்யோ ஹைமோ நியுதயோஜன:|| 44
நிப3த்4ய நாவம் தச்ச்2ருங்கே3 யதோ2க்தோ ஹரிணா புரா|
வரத்ரேணாஹிநா துஷ்டஸ் துஷ்டாவ மது4ஸூத3னம்|| 45
ஶ்ரீராஜோவாச -
அநாத்3யவித்3யோபஹதாத்ம ஸம்வித3:
தன்மூல ஸம்ஸார பரிஶ்ரமாதுரா:|
யத்3ருச்ச2யேஹோபஸ்ருதா யமாப்நுயு:
விமுக்திதோ3 ந: பரமோ கு3ருர் ப4வான்|| 46
ஜநோऽபு3தோ4ऽயம் நிஜகர்மப3ந்த4ன:
ஸுகே2ச்ச2யா கர்ம ஸமீஹதே ऽஸுக2ம்|
யத்ஸேவயா தாம் விது4நோத்யஸன்மதிம்
க்3ரந்தி2ம் ஸ பி4ந்த்3யாத்3 ஹ்ருத3யம் ஸ நோ கு3ரு:|| 47
யத் ஸேவயாக்3நேரிவ ருத்3ரரோத3னம்
புமான் விஜஹ்யான் மலமாத்மனஸ்தம:|
ப4ஜேத வர்ணம் நிஜமேஷ ஸோऽவ்யயோ
பூ4யாத் ஸ ஈஶ: பரமோ கு3ரோர்கு3ரு:|| 48
ந யத்ப்ரஸாதா3யுத பா4க3லேஶ-
மன்யே ச தே3வா கு3ரவோ ஜநா: ஸ்வயம்|
கர்தும் ஸமேதா: ப்ரப4வந்தி பும்ஸ-
ஸ்தமீஶ்வரம் த்வாம் ஶரணம் ப்ரபத்3யே|| 49
அசக்ஷுரந்த4ஸ்ய யதா2க்3ரணீ: க்ருத-
ஸ்ததா2 ஜனஸ்யாவிது3ஷோऽபு3தோ4 கு3ரு:|
த்வமர்கத்3ருக் ஸர்வத்3ருஶாம் ஸமீக்ஷணோ
வ்ருதோ கு3ருர் ந: ஸ்வக3திம் பு3பு4த்ஸதாம்|| 50
ஜநோ ஜனஸ்யாதி3ஶதேऽஸதீம் மதிம்
யயா ப்ரபத்3யேத து3ரத்யயம் தம:|
த்வம் த்வவ்யயம் ஜ்ஞான மமோக4 மஞ்ஜஸா
ப்ரபத்3யதே யேன ஜநோ நிஜம் பத3ம்|| 51
த்வம் ஸர்வலோகஸ்ய ஸுஹ்ருத் ப்ரியேஶ்வரோ
ஹ்யாத்மா கு3ருர் ஜ்ஞான மபீ4ஷ்ட ஸித்3தி4:|
ததா2பி லோகோ ந ப4வந்த மந்த4தீ4ர்
ஜாநாதி ஸந்தம் ஹ்ருதி3 ப3த்3த4காம:|| 52
தம் த்வாமஹம் தே3வ வரம் வரேண்யம்
ப்ரபத்3ய ஈஶம் ப்ரதிபோ3த4நாய|
சி2ந்த்4யர்த2 தீ3பைர் ப4க3வன் வசோபி4:
க்3ரந்தீ2ன் ஹ்ருத3ய்யான் விவ்ருணு ஸ்வமோக:|| 53
ஶ்ரீஶுக உவாச -
இத்யுக்தவந்தம் ந்ருபதிம் ப4க3வாநாதி3பூருஷ:|
மத்ஸ்யரூபீ மஹாம்போ4தௌ4 விஹரம்ஸ்தத்த்வமப்3ரவீத்|| 54
புராண ஸம்ஹிதாம் தி3வ்யாம் ஸாங்க்2யயோக3 க்ரியாவதீம்|
ஸத்யவ்ரதஸ்ய ராஜர்ஷே ராத்ம கு3ஹ்யமஶேஷத:|| 55
அஶ்ரௌஷீத்3ருஷிபி4: ஸாக மாத்மதத்த்வமஸம்ஶயம்|
நாவ்யாஸீநோ ப4க3வதா ப்ரோக்தம் ப்3ரஹ்ம ஸநாதனம்|| 56
அதீத ப்ரலயாபாய உத்தி2தாய ஸ வேத4ஸே|
ஹத்வாஸுரம் ஹயக்3ரீவம் வேதா3ன் ப்ரத்யாஹரத்3 ஹரி:|| 57
ஸ து ஸத்யவ்ரதோ ராஜா ஜ்ஞான விஜ்ஞான ஸம்யுத:|
விஷ்ணோ: ப்ரஸாதா3த் கல்பேऽஸ்மின் ஆஸீத்3 வைவஸ்வதோ மநு:|| 58
ஸத்யவ்ரதஸ்ய ராஜர்ஷேர் மாயாமத்ஸ்யஸ்ய ஶார்ங்கி3ண:|
ஸம்வாத3ம் மஹதா3க்2யானம் ஶ்ருத்வா முச்யேத கில்பி3ஷாத்|| 59
அவதாரோ ஹரேர் யோ ऽயம் கீர்தயேத் அன்வஹம் நர:|
ஸங்கல்பாஸ் தஸ்ய ஸித்4யந்தி ஸ யாதி பரமாம் க3திம்|| 60
ப்ரளயபயஸி தா4து: ஸுப்தஶக்தேர் முகே2ப்4ய:
ஶ்ருதிக3ணமபநீதம் ப்ரத்யுபாத3த்த ஹத்வா|
தி3திஜமகத2யத்3 யோ ப்3ரஹ்ம ஸத்யவ்ரதாநாம்
தமஹமகி2ல ஹேதும் ஜிஹ்மமீனம் நதோऽஸ்மி|| 61
|| இதி ஶ்ரீமத்3பா4க3வதே மஹாபுராணே வையாஸிக்யாமஷ்டாத3ஶஸாஹஸ்ர்யாம் பாரமஹம்ஸ்யாம் ஸம்ஹிதாயாம் அஷ்டமஸ்கந்தே4 மத்யாவதார சரிதாநுவர்ணனம் சதுர்விம்ஶோऽத்4யாய: || 24 ||
எட்டாம் ஸ்கந்தம் - இருபத்தி நான்காம் அத்யாயம் முற்றும்.
எட்டாம் ஸ்கந்தம் முற்றும்.
|| அஷ்டம: ஸ்கந்த4: ஸமாப்த: ||
|| ஹரி: ௐ தத்ஸத் ||