ஶ்ரீமத்பாகவதமஹாபுராணம் :: ஏழாம் ஸ்கந்தம் :: அத்யாயம் 5.
ஹிரண்யகசிபு பிரஹ்லாதரை வதம் செய்ய முயற்சித்தல்
அத2 பஞ்சமோऽத்2யாய:
ஶ்ரீநாரத3 உவாச|
பௌரோஹித்யாய ப4க3வான் வ்ருத: காவ்ய: கிலாஸுரை:|
ஶண்டா3மர்கௌ ஸுதௌ தஸ்ய தை3த்யராஜ க்3ருஹாந்திகே|| 1
தௌ ராஜ்ஞா ப்ராபிதம் பா3லம் ப்ரஹ்லாத3ம் நயகோவித3ம்|
பாட2யாமாஸது: பாட்2யாநந்யாம்ஶ்சாஸுர பா3லகான்|| 2
யத் தத்ர கு3ருணா ப்ரோக்தம் ஶுஶ்ருவேऽநு பபாட2 ச|
ந ஸாது4 மனஸா மேனே ஸ்வபராஸத்3க்3ரஹாஶ்ரயம்|| 3
ஏகதா3ஸுரராட் புத்ரமங்க மாரோப்ய பாண்ட3வ|
பப்ரச்ச2 கத்2யதாம் வத்ஸ மன்யதே ஸாது4 யத்3 ப4வான்|| 4
ஶ்ரீப்ரஹ்லாத3 உவாச|
தத்ஸாது4 மன்யேऽஸுரவர்ய தே3ஹிநாம்
ஸதா3 ஸமுத்3விக்3நதி4யா மஸத்3க்3ரஹாத்|
ஹித்வாऽऽத்மபாதம் க்3ருஹமந்த4 கூபம்
வனம் க3தோ யத்3 ஹரிமாஶ்ரயேத| 5
ஶ்ரீநாரத3 உவாச|
ஶ்ருத்வா புத்ரகி3ரோ தை3த்ய: பரபக்ஷ ஸமாஹிதா:|
ஜஹாஸ பு3த்3தி4ர் பா3லாநாம் பி4த்3யதே பரபு3த்3தி4பி4:|| 6
ஸம்யக்3 விதா4ர்யதாம் பா3லோ கு3ருகே3ஹே த்3விஜாதிபி4:|
விஷ்ணு பக்ஷை: ப்ரதிச்ச2ன்னைர் ந பி4த்3யேதாஸ்ய தீ4ர்யதா2|| 7
க்3ருஹ மாநீத மாஹூய ப்ரஹ்லாத3ம் தை3த்ய யாஜகா:|
ப்ரஶஸ்ய ஶ்லக்ஷ்ணயா வாசா ஸமப்ருச்ச2ந்த ஸாமபி4:|| 8
வத்ஸ ப்ரஹ்லாத3 ப4த்3ரம் தே ஸத்யம் கத2ய மா ம்ருஷா|
பா3லானதி குதஸ்துப்4யம் ஏஷ பு3த்3தி4 விபர்யய:|| 9
பு3த்3தி4 பே4த3: பரக்ருத உதாஹோ தே ஸ்வதோऽப4வத்|
ப4ண்யதாம் ஶ்ரோதுகாமானாம் கு3ரூணாம் குலநந்த3ன|| 10
ஶ்ரீப்ரஹ்லாத3 உவாச|
ஸ்வ: பரஶ்சேத்யஸத்3க்3ராஹ: பும்ஸாம் யன்மாயயா க்ருத:|
விமோஹித தி4யாம் த்3ருஷ்டஸ் தஸ்மை ப4க3வதே நம:|| 11
ஸ யதா3நுவ்ரத: பும்ஸாம் பஶுபு3த்3தி4ர் விபி4த்3யதே|
அன்ய ஏஷ ததா2ன்யோऽஹமிதி பே4த3க3தாஸதீ|| 12
ஸ ஏஷ ஆத்மா ஸ்வபரேத்ய பு3த்3தி4பி4ர்-
து3ரத்யயாநுக்ரமணோ நிரூப்யதே||
முஹ்யந்தி யத்3வர்த்மநி வேத3 வாதி3னோ
ப்3ரஹ்மாத3யோ ஹ்யேஷ பி4னத்தி மே மதிம்|| 13
யதா2 ப்4ராம்யத்யயோ ப்3ரஹ்மன் ஸ்வயமாகர்ஷ ஸந்நிதௌ4|
ததா2 மே பி4த்3யதே சேதஶ் சக்ரபாணேர் யத்3ருச்ச2யா|| 14
ஶ்ரீநாரத3 உவாச|
ஏதாவத்3 ப்3ராஹ்மணாய உக்த்வா விரராம மஹாமதி:|
தம் நிர்ப4ர்த்ஸ்யர்யாத2 குபித: ஸ தீ3நோ ராஜஸேவக:|| 15
ஆநீயதாமரே வேத்ரமஸ்மாகம் அயஶஸ்கர:|
குலாங்கா3ரஸ்ய து3ர்பு3த்3தே4ஶ் சதுர்தோ2ऽஸ்யோதி3தோ த3ம:|| 16
தை3தேய சந்த3னவனே ஜாதோऽயம் கண்டகத்3ரும:|
யன்மூலோன்மூலபரஶோர் விஷ்ணோர் நாளாயிதோऽர்ப4க:|| 17
இதி தம் விவிதோ4பாயைர் பீ4ஷயம்ஸ் தர்ஜநாதி3பி4:|
ப்ரஹ்லாத3ம் க்3ராஹயாமாஸ த்ரிவர்க3ஸ்யோபபாத3னம்|| 18
தத ஏனம் கு3ருர் ஜ்ஞாத்வா ஜ்ஞாத ஜ்ஞேய சதுஷ்டயம்|
தை3த்யேந்த்3ரம் த3ர்ஶயாமாஸ மாத்ரு ம்ருஷ்ட மலங்க்ருதம்|| 19
பாத3யோ: பதிதம் பா3லம் ப்ரதிநந்த்3யாஶிஷாஸுர:|
பரிஷ்வஜ்ய சிரம் தோ3ர்ப்4யாம் பரமாமாப நிர்வ்ருதிம்|| 20
ஆரோப்யாங்கமவக்4ராய மூர்த4ன்யஶ்ருகலாம்பு3பி4:|
ஆஸிஞ்சன் விகஸத்3வக்த்ரம் இத3மாஹ யுதி4ஷ்டி2ர|| 21
ஹிரண்யகஶிபுருவாச|
ப்ரஹ்லாதா3நூச்யதாம் தாத ஸ்வதீ4தம் கிஞ்சிது3த்தமம்|
காலேனைதாவதாऽऽயுஷ்மன் யத3ஶிக்ஷத்3 கு3ரோர் ப4வான்|| 22
ஶ்ரீப்ரஹ்லாத3 உவாச|
ஶ்ரவணம் கீர்தனம் விஷ்ணோ: ஸ்மரணம் பாத3ஸேவனம்|
அர்சனம் வந்த3னம் தா3ஸ்யம் ஸக்2ய மாத்மநிவேத3னம்|| 23
இதி பும்ஸார்பிதா விஷ்ணௌ ப4க்திஶ்சேன் நவ லக்ஷணா|
க்ரியேத ப4க3வத்யத்3தா4 தன்மன்யேऽதீ4தமுத்தமம்|| 24
நிஶம்யைதத் ஸுதவசோ ஹிரண்யகஶிபுஸ்ததா3|
கு3ருபுத்ர முவாசேத3ம் ருஷா ப்ரஸ்பு2ரிதாத4ர:|| 25
ப்3ரஹ்ம ப3ந்தோ4 கிமேதத் தே விபக்ஷம் ஶ்ரயதாஸதா|
அஸாரம் க்3ராஹிதோ பா3லோ மாமநாத்3ருத்ய து3ர்மதே|| 26
ஸந்தி ஹ்யஸாத4வோ லோகே து3ர்மைத்ராஶ் ச2த்3ம வேஷிண:|
தேஷாமுதே3த்யக4ம் காலே ரோக3: பாதகினாமிவ|| 27
ஶ்ரீகு3ருபுத்ர உவாச|
ந மத்ப்ரணீதம் ந பரப்ரணீதம்
ஸுதோ வத3த்யேஷ தவேந்த்3ரஶத்ரோ|
நைஸர்கி3கீயம் மதிரஸ்ய ராஜன்
நியச்ச2 மன்யும் கத3தா3: ஸ்ம மா ந:|| 28
ஶ்ரீநாரத3 உவாச|
கு3ருணைவம் ப்ரதிப்ரோக்தோ பூ4ய ஆஹாஸுர: ஸுதம்|
ந சேத்3 கு3ருமுகீ2யம் தே குதோऽப4த்3ராஸதீ மதி:|| 29
ஶ்ரீப்ரஹ்லாத3 உவாச|
மதிர் ந க்ருஷ்ணே பரத: ஸ்வதோ வா
மிதோ2ऽபி4பத்3யேத க்3ருஹவ்ரதாநாம்|
அதா3ந்த கோ3பி4ர் விஶதாம் தமிஸ்ரம்
புன: புனஶ்சர் வித சர்வணாநாம்|| 30
ந தே விது3: ஸ்வார்த2க3திம் ஹி விஷ்ணும்
து3ராஶயா யே ப3ஹிரர்த2மானின:|
அந்தா4 யதா2ந்தை4ருபநீயமாநா
வாசீஶ தந்த்யா முருதா3ம்நி ப3த்3தா4:|| 31
நைஷாம் மதிஸ்தாவ து3ருக்ரமாங்க்4ரிம்
ஸ்ப்ருஶத்யநர்தா2பக3மோ யத3ர்த2:|
மஹீயஸாம் பாத3ரஜோऽபி4ஷேகம்
நிஷ்கிஞ்சநாநாம் ந வ்ருணீத யாவத்|| 32
இத்யுக்த்வோபரதம் புத்ரம் ஹிரண்யகஶிபூ ருஷா|
அந்தீ4க்ருதாத்மா ஸ்வோத்ஸங்கா3ந்நிரஸ்யத மஹீதலே|| 33
ஆஹாமர்ஷ ருஷாவிஷ்ட: கஷாயீபூ4தலோசன:|
வத்4யதாமாஶ்வயம் வத்4யோ நி:ஸாரயத நைர்ருதா:|| 34
அயம் மே ப்4ராத்ருஹா ஸோऽயம் ஹித்வா ஸ்வான் ஸுஹ்ருதோ3ऽத4ம:|
பித்ருவ்ய ஹந்து: பாதௌ3 யோ விஷ்ணோர் தா3ஸவத3ர்சதி|| 35
விஷ்ணோர் வா ஸாத்4வஸௌ கிம் நு கரிஷ்யத்யஸமஞ்ஜஸ:|
ஸௌஹ்ருத3ம் து3ஸ்த்யஜம் பித்ரோ ரஹாத்3 ய: பஞ்சஹாயன:|| 36
பரோऽப்யபத்யம் ஹிதக்ருத்3 யதௌ2ஷத4ம்
ஸ்வதே3ஹஜோऽப்யாமயவத் ஸுதோऽஹித:|
சி2ந்த்3யாத் தத3ங்க3ம் யது3தாத்மநோऽஹிதம்
ஶேஷம் ஸுக2ம் ஜீவதி யத்3விவர்ஜநாத்|| 37
ஸர்வை ருபாயைர் ஹந்தவ்ய: ஸம்போ4ஜ ஶயநாஸனை:|
ஸுஹ்ருல்லிங்க3த4ர: ஶத்ருர் முனேர் து3ஷ்ட மிவேந்த்3ரியம்|| 38
நைர்ருதாஸ்தே ஸமாதி3ஷ்டா ப4ர்த்ரா வை ஶூலபாணய:|
திக்3ம த3ம்ஷ்ட்ர கராலாஸ்யாஸ் தாம்ரஶ்மஶ்ரு ஶிரோருஹா:|| 39
நத3ந்தோ பை4ரவாந் நாத3ம்ஶ்சி2ந்தி4 பி4ந்தீ4தி வாதி3ன:|
ஆஸீநம் சாஹனன் ஶூலை: ப்ரஹ்லாத3ம் ஸர்வமர்மஸு|| 40
பரே ப்3ரஹ்மண்யநிர்தே3ஶ்யே ப4க3வத்யகி2லாத்மனி|
யுக்தாத்மன்யப2லா ஆஸன் அபுண்யஸ்யேவ ஸத்க்ரியா:|| 41
ப்ரயாஸேऽபஹதே தஸ்மின் தை3த்யேந்த்3ர: பரிஶங்கித:|
சகார தத்3வதோ4பாயான் நிர்ப3ந்தே4ன யுதி4ஷ்டி2ர|| 42
தி3க்3க3ஜைர் த3ந்த3ஶூகேஶ்ச அபி4சாராவபாதனை:|
மாயாபி4: ஸந்நிரோதை4ஶ்ச க3ரதா3னை ரபோ4ஜனை:|| 43
ஹிமவாய்வக்3நி ஸலிலை: பர்வதாக்ரமணைரபி|
ந ஶஶாக யதா3 ஹந்தும் அபாபமஸுர: ஸுதம்|| 44
சிந்தாம் தீ3ர்க4தமாம் ப்ராப்தஸ்தத் கர்தும் நாப்4யபத்3யத|
ஏஷ மே ப3ஹ்வஸாதூ4க்தோ வதோ4பாயாஶ்ச நிர்மிதா:|
தைஸ்தை த்3ரோஹைரஸத்3த4ர்மைர் முக்த: ஸ்வேனைவ தேஜஸா|| 45
வர்தமாநோऽவிதூ3ரே வை பா3லோऽப்யஜட3தீ4ரயம்|
ந விஸ்மரதி மேऽநார்யம் ஶுந: ஶேப இவ ப்ரபு4:|| 46
அப்ரமேயாநுபா4வோऽயம் அகுதஶ்சித்3ப4யோऽமர:|
நூந மேதத்3விரோதே4ந ம்ருத்யுர் மே ப4விதா ந வா|| 47
இதி தம் ச்சிந்தயா கிஞ்சித் ம்லாநஶ்ரிய மதோ4முக2ம்|
ஶண்டா3மர்காவௌஶநஸௌ விவிக்த இதி ஹோசது:|| 48
ஜிதம் த்வயைகேந ஜக3த்த்ரயம் ப்4ருவோர்
விஜ்ரும்ப4ண த்ரஸ்த ஸமஸ்த தி4ஷ்ண்யபம்|
ந தஸ்ய சிந்த்யம் தவ நாத2 சக்ஷ்மஹே
ந வை ஶிஶூநாம் கு3ணதோ3ஷயோ: பத3ம்|| 49
இமம் து பாஶைர் வருணஸ்ய ப3த்3த்4வா
நிதே4ஹி பீ4தோ ந பலாயதே யதா2|
பு3த்3தி4ஶ்ச பும்ஸோ வயஸாऽऽர்ய ஸேவயா
யாவத்3 கு3ருர் பா4ர்க3வ ஆக3மிஷ்யதி|| 50
ததே2தி கு3ரு புத்ரோக்த மநுஜ்ஞாயேத3 மப்3ரவீத்|
த4ர்மோ ஹ்யஸ்யோபதே3ஷ்டவ்யோ ராஜ்ஞாம் யோ க்3ருஹமேதி4நாம்|| 51
த4ர்மமர்த2ம் ச காமம் ச நிதராம் சாநுபூர்வஶ:|
ப்ரஹ்லாதா3யோசதூ ராஜன் ப்ரஶ்ரிதாவனதாய ச|| 52
யதா2 த்ரிவர்க3ம் கு3ருபி4ராத்மனே உபஶிக்ஷிதம்|
ந ஸாது4 மேநே தச்சி2க்ஷாம் த்3வந்த்3வாராமோபவர்ணிதாம்|| 53
யதா3ऽऽசார்ய: பராவ்ருத்தோ க்3ருஹமேதீ4யகர்மஸு|
வயஸ்யைர் பா3லகைஸ் தத்ர ஸோபஹூத: க்ருதக்ஷணை:|| 54
அத2 தான் ஶ்லக்ஷ்ணயா வாசா ப்ரத்யாஹூய மஹாபு3த4:|
உவாச வித்3வாம்ஸ் தந்நிஷ்டா2ம் க்ருபயா ப்ரஹஸந்நிவ|| 55
தே து தத்3கௌ3ரவாத் ஸர்வே த்யக்த க்ரீடா3 பரிச்ச2தா3:|
பா3லா ந தூ3ஷித தி4யோ த்3வந்த்3வாராமேரிதேஹிதை:|| 56
பர்யுபாஸத ராஜேந்த்3ர தன்ன்யஸ்த ஹ்ருத3யேக்ஷணா:|
தாநாஹ கருணோ மைத்ரோ மஹாபா4க3வதோऽஸுர:|| 57
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஸப்தமஸ்கந்தே4 ப்ரஹ்லாதா3நுசரிதே பஞ்சமோऽத்4யாய: || 5 ||
ஏழாம் ஸ்கந்தம் - ஐந்தாம் அத்யாயம் முற்றும்.