ஶ்ரீமத்பாகவதமஹாபுராணம் :: ஏழாம் ஸ்கந்தம் :: அத்யாயம் 1.
யுதிஷ்டிரருக்கும் தேவரிஷி நாரதருக்கும் சம்வாதம்
அத2 ப்ரத2மோऽத்2யாய:
ஶ்ரீராஜோவாச|
ஸம: ப்ரிய: ஸுஹ்ருத்3 ப்3ரஹ்மன் பூ4தானாம் ப4க3வான் ஸ்வயம்|
இந்த்3ரஸ்யார்தே2 கத2ம் தை3த்யாநவதீ4த்3 விஷமோ யதா2|| 1
ந ஹ்யஸ்யார்த2: ஸுரக3ணை: ஸாக்ஷாந்நிஶ்ஶ்ரேயஸாத்மன:|
நைவாஸுரேப்4யோ வித்3வேஷோ நோத்3வேக3ஶ்சாகு3ணஸ்ய ஹி|| 2
இதி ந: ஸுமஹாபா4க3 நாராயண கு3ணான் ப்ரதி|
ஸம்ஶய: ஸுமஹான்ஜாதஸ்தத்3 ப4வாம்ஶ்சே2த்துமர்ஹதி|| 3
ஶ்ரீஶுக உவாச|
ஸாது4 ப்ருஷ்டம் மஹாராஜ ஹரேஶ்சரித மத்3பு4தம்|
யத்3 பா4க3வத மாஹாத்ம்யம் ப4க3வத்3ப4க்தி வர்த4னம்|| 4
கீ3யதே பரமம் புண்யம் ருஷிபி4ர் நாரதா3தி3பி4:|
நத்வா க்ருஷ்ணாய முனயே கத2யிஷ்யே ஹரே: கதா2ம்|| 5
நிர்கு3ணோऽபி ஹ்யஜோऽவ்யக்தோ ப4க3வான் ப்ரக்ருதே: பர:|
ஸ்வமாயா கு3ணமாவிஶ்ய பா3த்4ய பா3த4கதாம் க3த:|| 6
ஸத்வம் ரஜஸ் தம இதி ப்ரக்ருதேர் நாத்மனோ கு3ணா:|
ந தேஷாம் யுக3பத்3 ராஜன் ஹ்ராஸ உல்லாஸ ஏவ வா|| 7
ஜயகாலே து ஸத்வஸ்ய தே3வர்ஷீன் ரஜஸோऽஸுரான்|
தமஸோ யக்ஷரக்ஷாம்ஸி தத்காலாநுகு3ணோऽப4ஜத்|| 8
ஜ்யோதிராதி3ரிவாபா4தி ஸங்கா4தான்ன விவிச்யதே|
வித3ந்த்யாத்மான மாத்மஸ்த2ம் மதி2த்வா கவயோऽந்தத:|| 9
யதா3 ஸிஸ்ருக்ஷு: புர ஆத்மன: பரோ
ரஜ: ஸ்ருஜத்யேஷ ப்ருத2க் ஸ்வமாயயா|
ஸத்த்வம் விசித்ராஸு ரிரம்ஸுரீஶ்வர:
ஶயிஷ்யமாணஸ்தம ஈரயத்யஸௌ|| 10
காலம் சரந்தம் ஸ்ருஜதீஶ ஆஶ்ரயம்
ப்ரதா4ன பும்ப்4யாம் நரதே3வ ஸத்யக்ருத்|
ய ஏஷ ராஜன்னபி கால ஈஶிதா
ஸத்த்வம் ஸுராநீகம் இவைத4யத்யத:|
தத் ப்ரத்யநீகாநஸுரான் ஸுரப்ரியோ
ரஜஸ்தமஸ்கான் ப்ரமிணோத்யுருஶ்ரவா:|| 11
அத்ரைவோதா3ஹ்ருத: பூர்வமிதிஹாஸ: ஸுரர்ஷிணா|
ப்ரீத்யா மஹாக்ரதௌ ராஜன் ப்ருச்ச2தே ऽஜாத ஶத்ரவே|| 12
த்3ருஷ்ட்வா மஹாத்3பு4தம் ராஜா ராஜஸூயே மஹாக்ரதௌ|
வாஸுதே3வே ப4க3வதி ஸாயுஜ்யம் சேதி3பூ4பு4ஜ:|| 13
தத்ராஸீனம் ஸுரருஷிம் ராஜா பாண்டு3ஸுத: க்ரதௌ|
பப்ரச்ச2 விஸ்மிதமனா முனீனாம் ஶ்ருண்வதாமித3ம்|| 14
ஶ்ரீயுதி4ஷ்டி2ர உவாச|
அஹோ அத்யத்3பு4தம் ஹ்யேதத்3 து3ர்லபை4காந்திநாமபி|
வாஸுதே3வே பரே தத்வே ப்ராப்திஶ் சைத்3யஸ்ய வித்3விஷ:|| 15
ஏதத்3 வேதி3துமிச்சா2ம: ஸர்வ ஏவ வயம் முநே|
ப4க3வந்நிந்த3யா வேனோ த்3விஜைஸ்தமஸி பாதித:|| 16
த3மகோ4ஷஸுத: பாப ஆரப்4ய கலபா4ஷணாத்|
ஸம்ப்ரத்யமர்ஷீ கோ3விந்தே3 த3ந்த வக்த்ரஶ்ச து3ர்மதி:|| 17
ஶபதோரஸக்ருத்3 விஷ்ணும் யத்3 ப்3ரஹ்ம பரமவ்யயம்|
ஶ்வித்ரோ ந ஜாதோ ஜிஹ்வாயாம் நாந்த4ம் விவிஶதுஸ்தம:|| 18
கத2ம் தஸ்மின் ப4க3வதி து3ரவக்3ராஹ தா4மனி|
பஶ்யதாம் ஸர்வலோகானாம் லயமீயதுரஞ்ஜஸா|| 19
ஏதத்3 ப்4ராம்யதி மே பு3த்3தி4ர் தீ3பார்சிரிவ வாயுனா|
ப்3ரூஹ்யேதத்3 அத்3பு4ததமம் ப4க3வாம்ஸ்தத்ர காரணம்|| 20
ஶ்ரீஶுக உவாச|
ராஜ்ஞஸ்தத்3வச ஆகர்ண்ய நாரதோ3 ப4க3வான் ருஷி:|
துஷ்ட: ப்ராஹ தமாபா4ஷ்ய ஶ்ருண்வத்யாஸ்தத்ஸத3: கதா2:|| 21
ஶ்ரீநாரத3 உவாச|
நிந்த3னஸ்தவ ஸத்காரந்யக்காரார்த2ம் களேவரம்|
ப்ரதா4னபரயோ ராஜன் அவிவேகேன கல்பிதம்|| 22
ஹிம்ஸா தத3பி4மானேன த3ண்ட3 பாருஷ்யயோர் யதா2|
வைஷம்யமிஹ பூ4தானாம் மமாஹமிதி பார்தி2வ|| 23
யந்நிப3த்3தோ4ऽபி4மாநோऽயம் தத்3வதா4த் ப்ராணினாம் வத4:|
ததா2 ந யஸ்ய கைவல்யாத3பி4மாநோऽகி2லாத்மன:|
பரஸ்ய த3மகர்துர்ஹி ஹிம்ஸா கேநாஸ்ய கல்ப்யதே|| 24
தஸ்மாத்3 வைராநுப3ந்தே4ந நிர்வைரேண ப4யேன வா|
ஸ்நேஹாத் காமேன வா யுஞ்ஜ்யாத் கத2ஞ்சிந்நேக்ஷதே ப்ருத2க்|| 25
யதா2 வைராநுப3ந்தே4ந மர்த்யஸ்தன்மயதாமியாத்|
ந ததா2 ப4க்தியோகே3ன இதி மே நிஶ்சிதா மதி:|| 26
கீட: பேஶஸ்க்ருதா ருத்3த4: குட்3யாயாம் தமநுஸ்மரன்|
ஸம்ரம்ப4 ப4யயோகே3ன விந்த3தே தத்ஸ்வரூபதாம்|| 27
ஏவம் க்ருஷ்ணே ப4க3வதி மாயாமநுஜ ஈஶ்வரே|
வைரேண பூதபாப்மாந: தமாபுரநு சிந்தயா|| 28
காமாத்3 த்3வோஷாத்3 ப4யாத் ஸ்நேஹாத்3 யதா2 ப4க்த்யேஶ்வரே மன:|
ஆவேஶ்ய தத3க4ம் ஹித்வா ப3ஹவஸ்தத்3க3திம் க3தா:|| 29
கோ3ப்ய: காமாத்3 ப4யாத் கம்ஸோ த்3வேஷாச்சைத்3யாத3யோ ந்ருபா:|
ஸம்ப3ந்தா4த்3 வ்ருஷ்ணய: ஸ்நேஹாத்3 யூயம் ப4க்த்யா வயம் விபோ4|| 30
கதமோऽபி ந வேந: ஸ்யாத் பஞ்சாநாம் புருஷம் ப்ரதி|
தஸ்மாத் கேநாப்யுபாயேந மன: க்ருஷ்ணே நிவேஶயேத்|| 31
மாத்ருஷ்வஸேயோ வஶ்சைத்3யோ த3ந்தவக்ரஶ்ச பாண்ட3வ|
பார்ஷத3ப்ரவரௌ விஷ்ணோர் விப்ரஶாபாத் பத3ச்ச்யுதௌ|| 32
ஶ்ரீயுதி4ஷ்டி2ர உவாச|
கீத்3ருஶ: கஸ்ய வா ஶாபோ ஹரிதா3ஸாபி4மர்ஶன:|
அஶ்ரத்3தே4ய இவாபா4தி ஹரேரேகாந்திநாம் ப4வ:|| 33
தே3ஹேந்த்3ரியாஸுஹீநாநாம் வைகுண்ட2புரவாஸிநாம்|
தே3ஹஸம்ப3ந்த4 ஸம்ப3த்3த4 மேததா3க்2யாது மர்ஹஸி|| 34
ஶ்ரீநாரத3 உவாச|
ஏகதா3 ப்3ரஹ்மண: புத்ரா விஷ்ணுர் லோகம் யத்3ருச்ச2யா|
ஸநந்த3நாத3யோ ஜக்3முஶ் சரந்தோ பு4வனத்ரயம்|| 35
பஞ்சஷட் ஹாயநார்பா4பா4: பூர்வேஷாமபி பூர்வஜா:|
தி3க்3வாஸஸ: ஶிஶூன் மத்வா த்3வா:ஸ்தௌ2 தான் ப்ரத்யஷேத4தாம்|| 36
அஶபன் குபிதா ஏவம் யுவாம் வாஸம் ந சார்ஹத2:|
ரஜஸ்தமோப்4யாம் ரஹிதே பாத3மூலே மது4த்3விஷ:|
பாபிஷ்டா2மாஸுரீம் யோநிம் பா3லிஶௌ யாதமாஶ்வத:|| 37
ஏவம் ஶப்தௌ ஸ்வப4வநாத் பதந்தௌ தை: க்ருபாளுபி4:|
ப்ரோக்தௌ புனர் ஜன்மபி4ர் வாம் த்ரிபி4ர் லோகாய கல்பதாம்|| 38
ஜஜ்ஞாதே தௌ தி3தே: புத்ரௌ தை3த்யதா3னவ வந்தி3தௌ|
ஹிரண்யகஶிபுர் ஜ்யேஷ்டோ2 ஹிரண்யாக்ஷோऽநுஜஸ்தத:|| 39
ஹதோ ஹிரண்யகஶிபுர் ஹரிணா ஸிம்ஹரூபிணா|
ஹிரண்யாக்ஷோ த4ரோத்3தா4ரே பி3ப்4ரதா ஶௌகரம் வபு:|| 40
ஹிரண்யகஶிபு: புத்ரம் ப்ரஹ்லாத3ம் கேஶவப்ரியம்|
ஜிகா4ம்ஸுரகரோத் நாநா யாதநா ம்ருத்யுஹேதவே|| 41
ஸர்வபூ4தாத்மபூ4தம் தம் ப்ரஶாந்தம் ஸமத3ர்ஶனம்|
ப4க3வத் தேஜஸா ஸ்ப்ருஷ்டம் நாஶக்நோத்3 ஹந்து முத்3யமை:|| 42
ததஸ்தௌ ராக்ஷஸௌ ஜாதௌ கேஶின்யாம் விஶ்ரவ:ஸுதௌ|
ராவண: கும்ப4கர்ணஶ்ச ஸர்வலோகோபதாபநௌ|| 43
தத்ராபி ராக4வோ பூ4த்வா ந்யஹநச் சா2பமுக்தயே|
ராமவீர்யம் ஶ்ரோஷ்யஸி த்வம் மார்கண்டே3ய முகா2த் ப்ரபோ4|| 44
தாவேவ க்ஷத்ரியௌ ஜாதௌ மாத்ருஷ்வஸ்ராத்மஜௌ தவ|
அது4நா ஶாபநிர்முக்தௌ க்ருஷ்ணசக்ர ஹதாம்ஹஸௌ|| 45
வைராநுப3ந்த4 தீவ்ரேண த்4யாநேநாச்யுத ஸாத்மதாம்|
நீதௌ புனர் ஹரே: பார்ஶ்வம் ஜக்3மதுர் விஷ்ணு பார்ஷதௌ3|| 46
ஶ்ரீயுதி4ஷ்டி2ர உவாச|
வித்3வேஷோ த3யிதே புத்ரே கத2மாஸீன் மஹாத்மநி|
ப்3ரூஹி மே ப4க3வன் யேந ப்ரஹ்லாத3ஸ்யாச்யுதாத்மதா|| 47
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஸப்தமஸ்கந்தே4 ப்ரஹ்லாத3 சரித உபக்ரமே ப்ரத2மோऽத்4யாய: || 1 ||
ஏழாம் ஸ்கந்தம் - முதல் அத்யாயம் முற்றும்.